چېچەك ئالۋىڭى

ئارقۇ

	مەكتىۋىمىزگە ھەرخىل ئالۋاڭلار چۈشۈپ تۇراتتى.بەزىلىرى يېزىدىن چۈشسە بەزىلى كەنتتىن،بەزىلىرى  ناھىيىدىن چۈشەتتى.بۇ قېتىم چۈشكەن ئالۋاڭ ئالاھىدە بولۇپ ئادەمنىڭ كۈلگىسىنى كەلتۈرسە بىر تۇرۇپ ئوغىسىنى قاينىتاتتى.چېچەك ئالۋىڭى دەپ ئاڭلىمغان ئىكەنمىز،بۇ قېتىم راستىنلا چېچەك ئالۋىڭى چۈشتى.بۇنى بىر شەخسىي چۈشۈرگەن ئالۋاڭكەن.دىيىشتە ناھايىتى چىرايلىق سۆز-ئىبارە بىلەن ئۇقتۇرۇلغان بولسىمۇ بۇ ماھىيەتتە بىر ئالۋاڭ ئىدى.ئالدىنقى كۈنى ئىككى سىنىپ بالىلىرىنى چۈشكىچە دەرس توختۇتۇپ چېچەك يىغىشقا ئېلىپ چىقتۇق.لېكىن بىز يىغىدىغان چېچەك جىگدە چېچىكى بولۇپ ھازىر جىگدىلەر ئازلاپ كەتكەن بولغاچقا شۇنچە كۈچەپمۇ ئىككى سىنىپ بالىسى بىلەن ئىككى كىلو كەلگىدەكمۇ يىغالمىدۇق.ئۇنىڭ ئۈستىگە جىگدە چېچىكى ناھايىتى كىچىك بولۇپ ئۇنى يوپۇرمىقى ئارىسىدىن ئايرىپ ئالماق بىر گەپ ئىدى.شۇنچە كۈچىگەنگە لايىق ئاۋۇمايدىغان ئىشكەن.ھازىر ئوقۇغۇچى بالىلار ناھايىتى ئەتىۋالىق ئۇلارغا ئالىيىشمۇ گۇناھ بولۇۋاتقان بۇ كۈنلەردە ئۇلارغا قاتتىقراقمۇ گەپ قىلغىلى بولمايتى. شۇڭا ئۆزىمىز جىگدە شاخلىرىغا چىقىپ جىگدىنىڭ شاخلىرىنى ئاسماقلاپ تاشلاپ بىرىپ ئوقۇغۇچىلارغا ئۇنى پەستە تۇرۇپ ئايرىتقۇزدۇق. جىگدىلەرمۇ بۇرۇنقىدەك كۆپ ئەمەس ئىدى.بۇرۇن قارايدىغان بولساق ھەممە يەردە،ئېتىز قىزلىرىدا،ھويلا ئارقىلىرىدا ھەر ئېسىل نان جىگدىلىرى بار ئىدى.بەشىنچى ئاي كىرمەي تۇرۇپلا جىگدە پۇراق بولغان چاغلاردا  يۇرت ئىچى جىگدىنىڭ خۇش ھېدى  بىلەن تولاتتى.ئادەم پۇرىسا-پۇرىسا قانمايدىغان جەننەتنىڭ ھېدلىرى سەھرانى تېخىمۇ خۇشپۇراققا تولدۇراتتى.بىر باشلىق كىلىپ ماشىنىدىن چۈشمەي تۇرۇپ سىرىم-سىرىم يەرنىڭ ئاخىرىنى كۆرەلمەيدىكەنمەن،ئېتىز قىرلىرىغا قويۇلغان جىگدىلەرنى كېسىۋېتىش كىرەك دەپ كەستۈرسە،يەنە بىر باشلىق كىلىپ يەرنى سالالاشتۇرۇش باھانىسىدە جەنۇپتىن شىمالغا سوزۇلغان يەرلەرنى شەرقتى غەرپكە سوزۇپ، سالاشتۇرۇپ، ئېرىق قىرلارنى،زەي ئاقىدىغان زەيكەشلەرنى تۇندۇرۇپ ئارلىقتىن بىرنەچچە يۈز مو يەرنى ئارتۇق چىقىرىپ ئۇ يەرنى يا بىرنەچچە يىللىق سېتىپ ياكى بولمىسا ئىجارە بىرىپ يانچۇقىغا سالاتتى.مانا مۇشۇنداق قايتا قۇرلۇش سەۋەبى بىلەن قاياققا قارىسا ياپيېشىل كۆرىنىدىغان يۇرتىمىز تازنىڭ بېشىدەك ئۇ يەردە –بۇ يەردە بىر نەچچە تۈپ دەرەخنى كۆرىدىغان ھالەتكە كىلىپ قالغان بولغاچقا جىگدە تاپماقمۇ تەسكە چۈشەتتى.كىچىكىمىزدىن شامال.بورانلا چىقسىمۇ  چوڭ-چوڭ دەرەخلەرنىڭ يىلتىزىدىنلا قومۇرلۇپ كەتكىنىنى كۆرمەيتۇق ياكى ئاڭلىمايتۇق.ئەمدى شۇنداقلا شامال چىقىدىغان بولسا بەزى دەرەخلەر يىلتىزى بىلەنلا قومۇرلۇپ يىقىلاتتى.بەزى شېخى چوڭ دەرەخلەرنىڭ شاخلىرى سۇنۇپ يەرگە چۈشەتتى،بۇ دەرەخلەرنى كىسىۋەرگەننىڭ ئاقىۋىتى ئىدى،يېقىندىلا بىر دىھقاننىڭ بىر تۈپ سۇۋادان تېرىكى بوران چىقىپ يىلتىزى بىلەنللا قومۇرلۇپ ئېلىكتېر سىمىىغا چۈشۈپ ستولبىنى سۇندۇرۇپ قويدى .توك نەچە كۈن توختىدى.مەھەللىدىكىلەر توك پونكىتىغا چىقىپ ئەھۋال مەلۇم قىلسىمۇ زىياننى تۆلەيدىغان ئادەم بولمىغاچ رىمىنۇت قىلىدىغان ئادەم كەلمىدى.كىشىلەر ئاخىرى ھېلىقى تېرىكى ئۆرىلگەن ئادەمنى تىللاشقا باشلىدى ،كىمدۇ بىرى ئىگىسى بۇ تېرەكنى كەسمەكچى بولۇپ تۈۋىنى كولاپ قويۇپتىكەن دېگەن گەپنى تاپتى.بۇنىڭ بىلەن تۇتىدىغان ساپاق نەقلا چىقتى.توك پونكىتى بۇ ئادەمنى پۇلنى تۆلەيسەن دەپ بوش قويمىدى.ئۇ تەرەپتە قاراڭغۇدا قالغان كىشىلەر بۇ ئادەمنى تىللاپ ئارام بەرمىدى.كۈنىنى ئاران ئېلىۋاقان بۇ كەمبىغەل دىھقان بارى- يوقى بىر كالسىنى سېتىپ ئالتە مىڭكوينى تۆلەپ ئاران قۇتۇلدى.باشلىق بولغان ئادەمنىڭ دەرەخلەرنى كەتۈرۋەتكەن بىلەن بۇنداق ئىشلار بىلەن كارى يوق ئىدى.تەبىئەتنىڭ قانۇنىيىتىگە خىلاپ ئىشنى قىلسا ھامىنى تەبىئەت كىشىلەرنى جازالىماي قويمايتى.لېكىن بۇ قېتىم باشقا بىر گۇناھسىز ئادەمنىڭ جازالانغىنى ئادەمنىڭ ئوغىسىنى قاينىتاتتى.    ئىككى سىنىپنىڭ سەككىز سائەت دەرسى قالدى. بۇنىڭ بىلەن ھېچكىمنىڭ كارى يوق،بىر سائەت دەرسكە كىرمىسەڭ بىر كۈنلۈك ئىش ھەققىڭ يوق دېگەن سىياسەتلەر بۇ يەرگە كەلگەندە كۈچىدىن قالدى.شۇنداق كۈچەپمۇ ئىككى كىلو جىگدە چېچىكى يىغالمىغىنىمىز مەكتىپىمىزدە ئاشۇ باشلىقلار بىلەن مۇناسىۋىتى قويۇق بىرسىنىڭ ئوغىسىنى قاينىتىپ قويدى.بىزمۇ ئاچچىقىمىزدا خېلى گەپلەرنى دەۋالدۇق،ئارىدا ئىشخانىدا جىگدە چېچىكىنى نىمە ئۈچۈن ئالۋاڭ قىلىدۇ دېگەن مەزمۇندا مۇنازىرە بولدى.بىرسى جىگدە چېچىكى ئون بىرخىل كېسەلگە داۋاكەن دىدى،ئۇيغۇر تىبابەت كىتاپلىرىدا جىگدە چېچىكى ئاساسلىقى تەننى قۇۋەتلەپ باھنى قوزغايدىكەن دېگەن مەزمۇنلار بار دېگەن مەزمۇنلارنى كۆرگەن بىرى بۇ گەپنى دەۋەتتى.بۇ گەپ چىقىشى بىلەن ھەممىمىز غودۇڭشىپ كەتتۇق.بىزگە سالغان ئالۋاڭلىرى ئاز كەلگەندەك شۇ باشلىقلارنىڭ شۇ نېمىسىمۇ بىزگە ئالۋاڭ ساپتۇ،دەپ ئاچچىقلىنىشتۇق.بەشىنچى ئايدىكى ياشلار بايرىمىدا قايسى بىر باشلىق ئۆزىنىڭ تۇتقانى نوقتىسىدا ئۆزىنى كۆرسەتمەكچى بولۇپ ئوقۇتقۇچىلارنىڭ بايرىمىنىى بىكار قىلىپ قويغان چىلاللىرىنى باققىلى سالسا،ئالتىجى ئايدا تېخى پىشمىغان بۇغدايلارنى ئۇرۇسەن دەپ دىھقانلارنى ھەيدەپ يۈرۈپ بۇغدايلارنى ئورغۇزالماي شەنبە ،يەكلشەنبىلەردە ئوقۇتقۇچىلارنى ئېتىزلىققا ئەپ چىقىپ بۇغداي ئورغۇزاتتى،تېخى پىشمىغان بۇغدايلارنى ئورغاننى دىھقانلار ئوقۇتقۇچىدىن كۆرۈپ ئوقۇتقۇچىلارنى ئۆچ كۆرۈپ يەۋەتكىدەك بولاتتى.ئوقۇتقۇچى بىلەن دىھقاننىڭ مۇناسىۋىتى بۇزۇلاتتى.ئائىلە سۆھبىتىگە بارساق چىراي ئېچىشقا تۈگۈل ئىشىكىنى ئاچمايتى.ئونىنچى ئايدىكى بىر ھەپتىلىك بايرامدا يەنە سەيسىگە ئىشلەيتۇق.ياكى يىزا شۈجىسى تۇتۇقان نوقتىدا بولمىسا مۇئاۋىن شۇجى تۇتقا نوقتىدا دىھقانلار تېخى پىشمىدى،پىشقاندا سەن دېمىسەڭمۇ بىز قانداق قىلىشنى بىلىمىز دەپ قوناقلىرىنى ئورغىلى ئۇنىمايتى.چاقىرغىلى ئۆيىگە بارسا ئىشىكلىرى ئىتىلگەن بولۇپ ئۇلارنى ھېچ يەردىن تاپقىلى بولمايتى.بۇنىڭ بىلەن بىچچارە ئوقۇتقۇچىغا مولاپ-مولاپ يەردىكى قوناقلارنى ئورۇش ۋەزىپىسى قويۇلاتتى، قىلماي نېمە ئامال.بىزگە بىرىدىغان شۇ مۇئاش بار ئەمەسمۇ،مۇئاش بولمىسا قانداق ياشىغۇلۇق.يا خىزمەتنى تاشلاپ كەتكىلى بولمايتى،ئالتۇندەك ياشلىق پەيتلىرىمىز مائارىپ سېپىدە جان كۆيدۈرۈش بىلەن تۈگۈگەن،ئەمدى خىزمەنى تاشلىسا نېمە ئىش قىلىپ ئۆيدىكى نەچچە جاننى بېقىپ بالىلارنى ئوقۇتۇدۇ.ئەلەمنى يۇتۇشقا توغرا كىلەتتى.شەنبە، يەكشەنبە كۈنلىرىمىز مانا مۇشۇنداق سەۋەبسىزلا باشقىلار تەرىپىدىن ئىگىلىنىۋالاتتى،بۇ يەردىكى باشلىقلار قانۇندىنمۇ چوڭ ئىدى.قانۇن بەرگەن ھوقۇقىمىزنى ئۇلار خالىغانچە تارتىۋالاتتى.ئەمگەك قانۇنىدا مۇنداقكلەن دېسە، ئەمسە سەن شۇ يەرگە بېرىپ ئىشلە دەۋاتقان،يا بۇ ئەمگەك قانۇنىنىڭ كۈچى بولمىغان.قانۇن ئورنىدىكىلەرمۇ بىلىپ تۇرۇپ قانۇننىڭ ئىززىتىنى قوغدىمىغان،ئۇلارغا بۇ ھەقتە گەپ قىلسا ئالدى بىلەن ئەرز قىل ئاندىن سورايمىز دېگەن.ياكى بۇنداق ساپاسىز ،ئۆزىنىلا ئويلايدىغان باشلىقلار بىزگە ئىچى ئاغرىمىغان. ئەرز قىلسا ئۇنداق ئادەمنى تولۇق بىر تەرەپ قىلماي يەنە ئۆز ئورنىدا قويۇپ قويغان،ئاندىن ئەرز قىغان ئادەمدىن ئۆچ ئېلىپ تېخىمۇ ئاشۇرۋەتكەن.يۈرەكنى زىدە قىلىدىغان ئىشلارنىڭ كۆپلىكىدە لەۋنى چىڭ چىشلىمەي ئامال يوق.بالامنى ئوقۇتسام ھەرگىزمۇ ئوقۇتقۇچى بولىدىغان مەكتەپتە ئوقۇتمايمەن،ئۇنىڭدىن كۆرە ئىشچى بولسىمۇ مەيلى.مانا مۇشۇنداق گەپلەر ئوقۇتقۇچىنىڭ ئاغزىدىن چىققىنى نەچچە قېتىم ئاڭلىدىم.ئەسلىدە ئوقۇتقۇچى ئۆزىنىڭ خىزمىتىدىن پەخىرلىنىپ پەرزەنتىمنى ئوقۇتقۇچى بولسۇن دەپ تەربىيلەيمەن دېگەن گەپنى ئاڭلىساق بەك ياخشى بولاتتى.بىراق يۇقۇرقىدەك ئىشلار ئادەمنى ھاردۇرۇپ ماجالىنى قويمىغان.    قۇرت ئالۋىڭى تۈگۈگەنگە خېلى يىللار بولغان ئىدى ئەمدى جىگدە چېچىكى ئالۋىڭى چۈشۈپتۈ،ئاڭلىساق مائارىپ ئىدارىسىدىكى ئادەتتىكى بىر باشلىقنىڭ ئىشىكەن.ئۇنىڭ ئاغزىدىن جىگدە چېچىكىنىڭ گېپى چىقىپ بولغىچە بىزنىڭ باش مۇدىرىمىز ھەم ئۇنىڭ يېقىنى بىزدە بۇنداق نېمە بەك كۆپ تېپىپ بىرىمىز دەپ مەيدىسىگە ئۇرۇپتۇ.شۇڭا بۇ ئالۋاڭ بىزگە چۈشۈپتۇ،يەنە بىر نەچچە مەكتەپكىمۇ بۇنداق ئالۋاڭ چۈشۈپتۇ.ئۇلار جىگدە تاپالماي بىر دىھقاننىڭ جىگدىسىنى بىر نەچچە يۈز كويغا ئېلىپ شېخىنى كىسىپ چېچەك يىغىپتۇ.چېچەك ئالغان پۇلنى ئوقۇتقۇچىلارغا چاچقانكەن ئارىدا سەت تىللار بىلەن تىللاشقان ئىشلار كۆرۈلۈپتۇ ،ھېچكىم پۇل بەرمەپتۇ.بىچارە مۇدىر چېچەك ئالۋىڭىدا نەچچە يۈز كوي زىيان تارتىپتۇ.بىزنىڭ مۇدىرنىڭ بىر رەت جىگدىسى باركەن  ئۇنى كىسىپ نەچچە بالا ئەپچىقىپ غازاڭلىرى بىلەن سىيرىپ قاپلارغا قاچىلاپ ئەكىردۇق، مەكتەپ بويىچە ھەممە ئوقۇغۇچىغا چېچەكنى يوپۇرماقتىن ئايرىتىپ نەچچە كىلو چېچەكنى تەييار قىلدۇق،ئاندى ھېلىقى باشلىقنىڭ يېقىنى چېچەكنى ئېلىپ چىقىپ كەتتى. ئەڭ يامان بولغىنى نەچچە سىنىپنىڭ ئون نەچچە سائەتتىن دەرسى ئۆتۈلمەي بالىلار ئالۋاڭ ئۈچۈن ئىشلىدى.بۇ مائارىپ قائىدىسىگە ئېغىر دەرجىدە خىلاپ.بۇنىڭغا ھېچكىم بىر نېمە دېيەلمىدى،باشقۇرۇش ئاپاراتلىرىدىكى بەزى ئادەملەر ئۆز مەنپەتى ئۈچۈن باشقىلارنىڭ مەنپەتىنى قۇربان قىلالايدۇ،بىراق تۆۋەندىكى بىزدەك ئاددىي ئادەملەر قانۇنلۇق ھوقۇقىمىزنى قوغدىيالمايمىز. بۇنىدا سەۋەبلەر نۇرغۇن. چىشىڭنى چىشلە مائارىپىڭ ئۈچۈن يەنىلا جان كۆيدۈر.بۇ كۈنلەرگىمۇ ئاز قالدى ئون قەدەم نېرىدىن سالام بىرىشكە تېگىشلىك كىشىلەر! مەنبە:ئۆزۈم

tohtamux

	بۇ تىخى كىچىك ئالۋاڭكەن،نىمىنىڭ چىچىكىكىن يادىمدا قالماپتۇ،بىلىشىمچە مارالبىشى ناھىيسىدە ھەريىلى بىرقىسىم باشلىقلار مەكتەپ مۇدىرلىرىغا بىسىم ئىشلىتىپ چىگە چىچىكىغۇ دەيمەن،شۇنىڭدىن ھەربىر مەكتەپ 20كىلودىن يۇقىرى تاپشۇرۇشنى ۋەزىپە قىلىدۇ،بىر ۋاقىتتا تىخى دوستۇمدىن باشلىقنىڭ قوغۇنزارلىقىغا بىر نارسىنىڭ چىچىكىدىن 2تەرەكتۇر ئاپىرىپ بەرگەنلىكىنى ئاڭلىغان،مائارىپتىكى پارازىتلارغا ئامال يوق.

as2082008

	ئاپتۇنۇم رايۇنلۇق مائارىپ نازارىتىنىڭ پاش قىلىش،ئەرزا قىلىش تىلفۇن نۇمۇرى . 0991-7606039 0991-7606158 0991-7606199

سەخرا

	ئاپتور جاۋابىنى بويلاپ 2قەۋەت as2082008 كە 2011-05-22 03:49 AMئەۋەتىلدى : ئاپتۇنۇم رايۇنلۇق مائارىپ نازارىتىنىڭ پاش قىلىش،ئەرزا قىلىش تىلفۇن نۇمۇرى . 0991-7606039 0991-7606158 0991-7606199   قالتىس پايدىلىنىش قىممىتى بار ئىنكاس بوپتۇ . دەردىڭىزنى ئىچىڭلىگە يۈتمەي ئاۋۇ نۇمۇرلارغا تېلفۇن قىلمامىسىلەر ؟  چوڭىغا كۈچى يەتمىسىمۇ خوشامەتچى كىچىك پارازىتلارنى جايلىيالايدۇ . كىچىكلىرى ئازلىسا تەبئىيلا چوڭلىرىمۇ ئازلايدۇ .

izchilar

	ھە نېمە بولسا ئالىي مەكتەپلەرگە مۇشۇنداق ئالۋاڭ چۈشۈرەلمەيدۇ ئۇ ئىشەكلەر...

wolf007

	ھى ھى ، ھىلىقى باشلىق خوتونىنى رازى قىلالمايدىغان بولۇپ قاپتىكەندە، ئوقۇتقۇچىلار قاقشاپ كەتمەڭلار ، ھىلىقى باشلىق سىلەر يىغىپ بەرگەن چىچەكتە دورا ياسىتىپ ، ئوزىنى كۈچلەندۇرۇپ خوتۇنىنىڭ دۇئاسىنى ئالسا سىلەرگىمۇ ئازراقتىن تىگە بۇ دۇئا...

yalpuz0997

	تىمىڭىزنى ئۇقۇپ قايسى بىر ماتىريالدا ئۇقىغان<< قانۇننىڭ نۇپۇزى ۋە سىياسەتنىڭ ھەيۋىسى>> دىگەن ماقالە ئىسىمگە كېلىپ قالدى.ھەقىقەتەنمۇ دۆلىتىمىز قانۇن ئارقىلىق ئىدارە قىلىندىغان دۆلەت،بىراق بەزىدە يەرلىك سىياسەتنىڭ ھەيۋىسى قانۇندىن ئۈستىن كەلمەكتە. ئىككى يىلنىڭ ئالدىدا مەكتىپىمىزگە ئۈرۈك ئۇرۇقچىسى يىغىش ئالۋىڭى چۈشتى،بىچارە ئۇقۇغۇچلار مىڭ جاپادا ۋەزىپىلىرنى ئۇرۇنلىدى،بىراق شۇلارنىڭ ئىچىدىكى قانچىلىغان ئۇقۇغۇچلارنىڭ ئۈرۈكلۈك بېغى بولمىغاچقا بازاردىن مەجبۇرى ئۈرۈك سېتىۋېلىپ ئۇرۇقچىسنى مەكتەپكە تاپشۇرۇشقا مەجبۇر بۇپتۇ،شۇنىڭ بىلەن ئاتا ئانىلارنىڭ نارازىلىقى قوزغۇلۇپ  يۇقىرى دەرجىلىك ئۇرۇنلارغا ئەرز قىلىپ بېرىپتۇ.ئاتا ئانىلارنىڭ ئەرزى بىلەن باشقا ۋەزىپە تاپشۇرالمىغان ئۇقۇغۇچلارمۇ قۇتلۇپ قالدى،شۇنىڭدىن كېيىن بۇنداق ئالۋاڭلار چۈشمەيدىغان بولدى.ھازىر مەكتىپىمىزنىڭ ئۇقۇتۇش تەرتىپى خېلى نۇرمال.

missran

	ئاپتور جاۋابىنى بويلاپ 5قەۋەت wolf007 كە 2011-05-22 11:55 AMئەۋەتىلدى : ھى ھى ، ھىلىقى باشلىق خوتونىنى رازى قىلالمايدىغان بولۇپ قاپتىكەندە، ئوقۇتقۇچىلار قاقشاپ كەتمەڭلار ، ھىلىقى باشلىق سىلەر يىغىپ بەرگەن چىچەكتە دورا ياسىتىپ ، ئوزىنى كۈچلەندۇرۇپ خوتۇنىنىڭ دۇئاسىنى ئالسا سىلەرگىمۇ ئازراقتىن تىگە بۇ دۇئا... خوتۇنىنى رازى قىلالمىغان دەڭ!بىۋاستە جىگدە غولى ئالۋىڭى قويسا بولمامدۇ!ھەي!!!!!!!

xiren0997

	توۋا نىمانداق ئىش بۇ،مەن مەكتەپتە ئوقۇغان ۋاقىتتا كېۋەز تەرگىلىمۇ ئاچچىقمىغان بىزنى. بالدۇرراق دىگەن بولسىڭىز،ھاممامنىڭ ئۆيىدە 10نەچچە تۈپ جىگدە دەرىخى بارتى بەكلا يوغان،مەنمۇ ياردەم قىلارمەكەنتۇق.(ئېغىر ئالماڭ چاقچاق)

emarat

	ۋۇ لەنىتى باشلىق ئاشۇ چىچەكتە ياسىغان دورىنى يەپ تىخىمۇ ئاجىز بولۇپ قالاسە !!