مۇھەببەتنىڭ قۇلى بولماڭ !!!

cayyara

	مۇھەببەتنىڭ قۇلى بولماڭ !!! << مۇھەببەت >> دىگەن بۇ بىر ئېغىز گەپنى ئوقۇغىنىڭىزدا قوشۇمىڭىز تۈرۈلدىمۇ ؟ياكى گۈزەل چېھرىڭىزگە سۈيۈنۈش تەبەسسۇمى يۈگۈردىمۇ ؟ قېنى ئوقۇپ قويمامسىزئاخىرى قانداق بۇلىدۇ ......... مۇھەببەت __ ياراتقۇچىمىز تەرپىدىن ئىنسانغا بەخىش ئېتىلگەن ،ۋۇجۇدىغا راھەت بېغىشلايدىغان بىر خىل بۈيۈك تۇيغۇدۇر . ئىسان ئەنە شۇنداق بۈيۈك تۇيغۇ __ مۇھەببەت بىلەن ئۆرە تۇرىدۇ ، ئەنە شۇ مۇھەببەت بىلەن بىر-بىرىگە كۆڭۈل بېرىدۇ ، بىر-بىرىنى يۆلەيدۇ ، مۇھەببەتلا بولغاچقا بۇ دۇنيادا يىتىم _ يىتىملىكنى ھېس قىلمايدۇمۇساپىرنىڭ قورسىقى ئاچ قالمايدۇ ، يىقىلغانلارنى يۆلەيدىغانلار ، مۇھتاجلارنى ئويلايدىغانلار چىقىدۇ ...ئەگەر بىراۋنىڭ قەلبىدە مۇھەببەت بولمايدىكەن ، ئۇ ھەرگىزمۇ نورمال ئادەم ئەمەس . پەرزەنتىدىن ئايرىلغان ئانىنىڭ بوتىدەك يىغلىشى  ، ھەتتا ئەقلى ھوشىدىن ئايرىلىشى ، ئاتىسىدىن ياكى ئانىسىدىن ئايرىلغان پەرزەنتنىڭ يەر-زىمىننى ئېرىتكۈدەك نالىسى ، بىر-بىرىگە مىھرى چۈشكەن قىز- يىگىتلەرنىڭ ھەرقانچە ئېغىر جاپالاردىمۇ مەنسىتمەسلىكى ھەتتا بۇ يولدا تەڭ ئۆلۈشكىمۇ رازى بۇلۇش ، بىراۋنىڭ ئەل-يۇرىت ئۈچۈن يامغۇردەك يېغىۋاتقان ئوقلار ئالدىغىمۇ دادىل بارالىشى .... ئەنە شۇ مۇھەببەتنىڭ كۈچىدىندۇر . شۇنداق ، مۇھەببەت ئەنە شۇنداق ئۇلۇغلىقى بۈيۈكلىكى بىلەن تارىختىن بېرى بارلىق شائىر -يازغۇچىلار ، ئالىم -ئۆلىمالارنىڭ دېققەت نەزىرىدە بۇلۇپ كەلدى ، ئەمما مۇھەببەت شېكىسپىر ئېيىتقاندەك << مۇھەببەت__ شېرىن ئازاپ >> مۇ ؟ جىبران بىلەن تاگور ئېيىتقاندەك << مۇھەببەت __ چۈشىنىش دىگەن سۆزنىڭ يەنە بىر خىل ئاتىلىشى >> مۇ ؟ ياكى مەشھۇر يازغۇچىمىز ئەخەت تۇردى ئېيىتقاندەك << مۇھەببەت __ بەخىش ئېتىش .>> دىگەنلىكمۇ ۋە ياكى فىرىدرىخ نېچىش دىگەندەك << مۇھەببەت __ بىر خىل دەلتىلىك .>> مۇ ؟ ئىشقىلىپ ھەركىم ھەرنىمە دەپ باقتى ،ئۇلارنىڭكىنى ھېچكىم چەتكە قاقمىدىيۇ ، قۇبۇلمۇ قىلمىدى . ئەمما مۇھەببەتنى تەرىپلىگەن يۈكسەكلىكتە تۇرۇپ تەھلىل قىلمىغان ئادەم ، بۇ ھەقتە مەيدانغا چىقمىغان تەدبىر ئاز قالدى . بەلكىم قالمىغان بۇلىشىمۇ مومكىن . مۇھەببەت __ ئىنسانلار قەلبىدىكى سەمىمىيلىك ،ئاق كۆڭۈللۈك ، مىھرىبانلىق ، كۈيۈمچانلىق ، ساپ ئەقىدە ئارقىلىق ئىپادىلىنىدىغان ئەڭ نازۇك تۇيغۇ ، بۇ نازۇك تۇيغۇ ئادەملەر بىلەن ئادەملەرنى ،تەبىئەت دۇنياسى بىلەن ھاياتلىقنى بىر-بىرىگە باغلاپ ، كىشلەرگە ياشاشنىڭ چىن مەنىسىنى ھېس قىلدۇرغان مۇشۇ كۈنلەردە ، ئاتا-ئانىلار : << ھازىرقى بالىلاردا ۋاپا يوق ، ئاتا-بالا ئوتتۇرسىدىكى مىھرى-مۇھەببەت كۆتۈرلۈپ كەتتى ، پۇللا بولسا ھەرقانداق ئادەمنىڭ مۇھەببىتىنى قولغا كەلتۈرگىلى بۇلىدۇ . ھازىر پاك مۇھەببەت مەۋجۈت ئەمەس >> دەپ قاراۋاتىدۇ . يەنە بەزى قىزلار :<< ھازىرقى ئوغۇللادا ۋاپا يوق ، ئۇلار سۆيۈشكە ، ياىشى كۆرۈشكە ئەرزىمەيدۇ >> دەپ قارىسا ، ئوغۇللار : << ھازىرقى قىزلار ئەخلاق جەھەتتىن بۇزۇلدى ، ئۇلارغا پۇل بولسىلا بولدى ، شۇڭا كۈيۈنۈشنىڭ ، ئەقىدە قىلىشنىڭ ھەممىسى ئارتۇقچە >> دەپ قاراۋاتىدۇ . بۇلارنىڭمۇ ئۆز يولىدا سەۋەبى بارلىقى ھەممىمىزگە ئەينەكتەك ئايان . سەۋەپ بارلىقى بار ، باشقىلارنى دىمەي تۇرايلى گۈزەل قىزلار ئۈچۈن تىللاردا داستان قىلىۋاتقان ئوت يۈرەك مۇھەببەت پۇچۇلنى، ئەتىۋارىنى يوقىتىۋاتىدىغۇ ؟ مۇنداقچىلا ئېيىتقاندا ، قىز-يىگىتلەر ئارىسىدىكى مۇھەببەتكە توختالساق ، سېۋەتكە سۇ قۇيغاندەك مەلۇم بىر نەرسىنى مەخسەت- مۇددا قىلىپ ئارلىشىۋاتقانلارمۇ ئاز ئەمەس . بىراق بەزىبىر ساددا ، ئاقكۆڭۈل ، ئىش ئۇقمايدىغان قىزلار ، ئالاقاناتلارنىڭ ئۇچۇرمىسى بۇلۇپ قېلىۋاتىدۇ . ئالا قاناتلارمۇ بوش ئەمەس ، ئاھ دىسە ،پاھ دەپ خۇددى ھازىرلا يۈرىكىنى سۇغۇرۇپ بېرىدىغاندەك يالغان-ياۋداق ،شېرىن -شېكەر گەپلەرنى تولا قىلىپ ، ئېغىزىدا شەھەر ئېلىپ ، ئاق شاھزادىگە ئايلىنىۋالسا ، نادان ، ساددا قىزلار ئالدانماي قالامتى ؟ كىيىن بىلگىنىدە ئاق تۇلپارلىق شاھزادە ئەمەس ، چار پاقا بۇلۇپ چىققاندا شاپاققا پوق ئۇسسۇپ ، ئورنىغا كەلتۈرگىسىز خاتالىقلارنى ئۆتكۈزۈپ ئولتۇرغىنى ئولتۇرغان . نىمە ئۈچۈن دەپ سورىسا ئاۋۇ چىدىماس چارپاقا << خاپا بولما مانا مەن ،  مەن بار . >> دىيىش تۈگۈل سېسىق كۆلگىە سەكرەپ چۈشىۋالغان ، بىچارە قىز ئاخىرىدا پوققا چالما ئاتسا ئۆزىگە چاچرايدىغانلىقىنى كېچىكىپ بولسىمۇ ھېس قىلىپ كەينىگە قايىتسىغۇ قايىتتى ، يەنە ئۆزىنىمۇ بىلمىگەن ، ئاق-قارىنى پەرىق ئېتەلمەي سېسىق كۆلگە چىدىماسنىڭ كەينىدىن سەكرەپ چۈشۈپ چىقالمايۋاتقان . ئۆتۈنۈپ قالاي گۈزەل قىز ، سىزپەقەت ئۆزىڭىزنى كېچىكىپ بولسىمۇ تونۇسىڭىز ، ئىشنى قايتىدىن باشلاڭ ،ھېچكىم سىزگە بىر نەرسە دىيەلمەيدۇ ، سېسىق كۆلدە نىلوپەر گۈلىنىڭ قايتا ئېچىلىدىغىنىغا ئىشىنىڭ . چوقۇم سۇ يۈزىگە لەيلەپ چىقىۋېلىڭ ، بولمىسا لاي-لاتقىلار سىزنى ئەبەدىيلىككە تۇنجۇقتۇرۇپ قويىشى مومكىن . گېپىم ئېغىر كەتمىسۇن ، ئەھۋالىڭىز نىلوپەر گۈلىدەك بولماسلىقىمۇ مومكىن ، نۇرغۇنلىغان يەسمەن گۈللىرى بىر كۆرۈپ ئاشىق بۇلۇش كېسىلىگە گىرىپتار بولغان بۇلىشىمۇ مومكىن بىر كۆرۈپ ئاشىق بۇلۇشقان مۇھەببەت خوشاللىق بىلەن قايغۇ تەڭ مەۋجۇت بۇلۇپ تۇرىدۇ ، بىر كۆرۈپ ئاشىق بۇلۇش مۇھەببەتتىكى بىر خىل مۆجىزە ، تونۇشۇش ، تاللاش ۋە تەلەپ قويۇشنىڭ بېرىكمىسى ، شۇنداقلا << مۇھەببەت ئېلھامى >> نىڭ تۇيۇقسىز پارتىلىشى،بىراق ،مۇھەببەتنىڭ پىسخىك تەڭپۇڭلۇقىنى ئۆز ئىچىگە ئالىدۇ،ئۇ ھەر ئىككى تەرەپنىڭ پىسخىكىسى ۋە ئىدىيەسىدىكى بىر ئىشنى ئىپادىلەيدۇ .لىكىن ئاشىق بولغۇچى بەلكىم ھېچقانداق ئىدىيەۋى تاييارلىققا بولمىغان بولۇشى مۇمكىن .كۆپ قېتىم تەسەۋۇر قىلغان ھەمدە بىر كۆرۈپ ئاشىق بۇلۇشقا تەييارلىق كۆرگەن ئادەم ھەرگىز مۇرادىغا يېتەلمەيدۇ ، كىشىنى ھەرگىز بىر كۆرۈپ ئاشىق بولمايدۇ ، بۇلۇپمۇ قىزبالىغا نىسپەتەن ئاكتىپلىق بىلەن قارشى تەرەپنى ياخشى كۆرۈپ قېلىش ئۆزىنى پاسسىپ ھالەتكە چۈشۈرۈپ قويىدۇ ، ئاقىۋىتى ياخشى بولمايدۇ .    مەنبە __ << قىزلار ئەخلاقى >> دىگەن كىتابتىن ئېلىندى

akqeqak

	ناھايتى تۇغرا دەيسڭز بەزىبىر قىزلا ھازىر ئويغانسىمۇ كىچىكمەيدۇ.تىمىڭىزغا رەھمەت.

hanim

	مۇھەببەتسىز ياشاش ئىنتايىن مەنىسىز، لىكىن بۇ مۇھەببەت قىز- يىگىتلەر ئوتتۇرىسىدىكى مۇھەببەتنىلا كۆرسەتمەيدۇ. تىما بىلەن مەزمۇن تازا ماس كەلمىدىمۇ نىمە؟ لىكىن مىنىڭ قارىشىمچە ھەرقانداق ئادەم مۇھەببەتكە قۇل ئەمەس خوجا بولۇشى كىرەك، ئەلۋەتتە بۇنى قىلماق بەك تەس، لىكىن تىرىشىپ باقساق بولىدۇ، بولۇپمۇ قىزلار!

dilsiri

	ئەگەر ئاشۇ قىز -يىگىتلەر بىر-بىرىگە بىغىشلىغان مۇھەببىتىنى ئاللاغا ۋەدىنىغا بىغىشلىغان بولسا   !  ھاي ھاي    ئۇنۇڭدىن بەخىتلىك ئېنسان يوق

halleck

	مىنڭچە مۇھەببەت چۈشەندۈرۈشكە مۇختاج ئەمەس،ئۇ بىر چۈشىنىش.شۇڭا ئۇ ھىچقاچان بىرلىككە كەلگەن ئىزاھات ئەمەس،ئەمدىلا 12ياشقا كىرگەن ئوغول بالىنىڭ ئۇنىڭغا بولغان قارىشى 30ياشلىق ياكى 70ياشلىق كىشىنىڭكىگە ئوخشاشلا ناھايتى مۇكەممەل.

natifa

	دىلسىرى ياخشى دىدىڭىز،بىراق ھازىر بۇنداق ئويلايدىغان قىزلار بەك ئاز قالدىغۇ دەپ ئويلايمەن.

altur

	مەنغۇ مۇھەببەت توغۇرلۇق بىر نەرسىلەرنى خېلى كۆردۈم،لېكىن ئۇنىڭ نېمىلىكىنى تېخىچە ئاڭقىرالمىدىم. بۇرۇن بىرسىنى قاتتىق ياخشى كۆرۈپ قالغان ئىدىم، ئاشۇ مۇھەببەت شۇمىكىن ـ يە. [s:180]

pari119

	ھەي مۇھابەت بۇلمىغان تۇرمۇشنى  تۇرمۇش دىگىلى بولمايدۇ-دە!

cayyara

	ئاپتور جاۋابىنى بويلاپ 5قەۋەت  dilsiri كە 2011-05-20 03:43 PMئەۋەتىلدى  : ئەگەر ئاشۇ قىز -يىگىتلەر بىر-بىرىگە بىغىشلىغان مۇھەببىتىنى ئاللاغا ۋەدىنىغا بىغىشلىغان بولسا   !  ھاي ھاي    ئۇنۇڭدىن بەخىتلىك ئېنسان يوق ھە ئە ، ھەقىقەتەن توغرا گەپ قىلدىڭىز ، مۇشۇ كۈنلەردە مۇھەببەتنىڭ ھەقىقى ماھىيتىنى بىلمەي تۇرۇپ ھەتتا دۇنيالىق بايلىقنى دەپ ئۆزىنى مۇھەببەتكە قۇل قىلىدىغان ياشلىرىمىز شۇ مۇھەببەتنىڭ يېرىمىنى بولسىمۇ ئاللاھقا ۋە ئېتقادىغا ئاتىغان بولسا نىمىدىگەن ياخشى ھە !!! مۇھەببەت ئەمەستۇر سېنىڭ ئۈلپىتىڭ ، سەن سۆيگەن مۇھەببەت ئەمەس بىر پۈتۈن . مۇھەببەتنىڭ ماھىيتىنى بىلگەن بولساڭ ساپ ، سۆيەتتىڭ ئاللاھنى چىن دىلىڭدىن ساپ .