ئابابەكرى مۇختەر مــىسرانىم <مېيىپ ئەم

chewendaz

	مىسرانىم تورىنى مانا مۇشۇنداق ئۇيغۇر تورچىلىقىدىكى سەركە توربىكەت قىلىپ قۇرۇپ چىقىش ھەرگىزمۇ ئاسان ئەمەس. ئەسلىدە بۇ تورنىڭ چىننۇرى نامىدىكى ئەينى ۋاقىتتىكى ئەڭ قولايلىق ناخشىلار توربىتى ئىكەنلىكى ئېسىمدە. نىمە ۋەجىدىندۇر ئەينى ۋاقىتتا ئىسىم ھەققىنى زىيادە ئۆستۈرىۋەتكەنلىكتىن (ئەينى ۋاقىتتا نەچچە مىڭ يۈەن دىگەندەك قىلغانغۇ دەيمەن، ئەمەلىيەتتە يىللىق ئۇزارتىش ھەققىي 100يۈەنگە بارمايدۇ) ئەسلىدىكى توربەتتىن ۋاز كېچىپ مىسرانىم نامىدا ئۆزىنىڭ تور ھاياتىنى قايتا باشلىغان. ئەنە شۇ ۋاقىتتىلا مىسرانىم ئەپەندىنىڭ قىيىنچىلىق ئالدىدا باش ئەگمەيدىغان، چىداملىق، غەيرەتلىك بىر كىشى ئىكەنلىكىنى ھېس قىلغان ئىدىم. بەلكىم كۆپۈنچى كىشىلەر توربەتتتىن ۋازكىچىشى مۇمكىن ئىدى، لىكىن مىسرانىم ئەپەندى يەنە قايتىدىن قۇرۇپ بۈگۈنكى ھالەتكە ئېلىپ كېلەلىدى. مىسرانىم ئەپەندىنىڭ مېيىپ ئىكەنلىكىنى ئاڭلاپ تېخىمۇ قايىل بولدۇم. سىزنىڭ شىجائىتىڭىزگە بارىكاللا! بۇنىڭدىن كېيىنكى شىركىتىڭىزنىڭ تەرەققىياتىغا زور غەلبىلەرنى تىلەيمەن!

kahrizat

	ھەي توۋا... بەش ئەزاسى ساق بولغان بىزلەرمۇ شۇنداق ئىشلارنىڭ بىرسىنىمۇ قىلالمايۋاتىمىز ئاللا ئۇلارنىڭ يۈزىنى يۇرۇق قىلسۇن ئاقسۇ شەھىرىدىكى ئەلنەپ كومپۇيۇتۇر مۇلازىمەت شىركىتىمۇ بىر مېيىپ ياشنىڭ ئەجرىدىن بارلىققا كەلگەن ئاللا ئۇلارغا تېخىمۇ كۆپ ئۇتۇقلارنى ئاتا قىلغاي

Eltekin

	ئەسسالامۇئەلەيكۇم ھۆرمەتلىك مۇنبەرداشلار، ئەسسالامۇئەلەيكۇم جاپاكەش مىسرانىم قېرىندىشىم:    بۇ ئەھۋالدىن مېنىڭ قىلچە خەۋىرىم يوق ئىكەن. بۇ تېمىنى كۆرۈپ ئەھۋالنى بىلگەندىن كېيىن، ئېسىمگە مۇنبەردىكى مېيىپ مۇنبەرداشلار توغرىسىكى مىسرانىمغا قىلغان سۆزلىرىم ھەم مۇنبەرگە مېيىپلارغا مۇناسىۋەتلىك يوللىغان تېمىلىرىم كەلدى. بۇلارنى كۆرگەندە نېمىلەرنى ئويلىغىنىنى بىلمەيمەن. لېكىن، "مېيىپلىق" دېگەن بۇ ئاتالغۇ، مېيىپلىقنىڭ دەردى ماڭا نەچچە يىللاردىن ناھايىتى يېقىن، شۇڭا بۇ توغرىدا مىسرانىمنىڭ ھىسىياتىنى چۈشىنەلەيمەن دەپ قارايمەن. مەن باشتىن ئاياغ، مېيىپلارغا ئىچ ئاغرىتىش نەزىرىدە قاراپ باقمىدىم، بەلكى ئۇلارنىڭ ئۆزلىرىنى ساق ئادەم دەپ قارىمىسىمۇ جەمئىيەتتىكى جىسمى ساق روھى چىرىغان كىشلەرگە سېلىشتۇرغاندا قانچىلىك بىجىرىم ئىكەنلىكىنى، ئۆزى، ئائىلىسى ۋە جەمئىيەتكە نىسبەتەن قوشىۋاتقان مەنىۋى ۋە ماددى تۆھپىسىنى تونۇپ يېتىشىنى ئارزۇ قىلىپ كېتەتتىم.     ھۆرمەت قىلىپ كېلىۋاتقان مىسرانىم ئەپەندىگە نىسبەتەن ھۆرمىتىم تېخىمۇ ئاشتى، ئۇنىڭ مېيىپ بولغانلىقى ئۈچۈنلا ئەمەس شۇنداق تۇرۇپ قىلغان ئىشلىرىغا تېخىمۇ قايىل بولۇپ شۇنداق بولدى. مىسرانىمنىڭ بۇ جەھەتتە ئىدىيە تەييارلىقى ۋە پىسخىك تەڭپۇڭلىقى كۈچلۈك دەپ قارايمەن. ھەم داۋاملىق ئالغا مېڭىشىنى تىلەيمەن!

kokyal

	مەنمۇ ئەمدى بىلىشىم، بۇرۇنلاردىن مىسرانىم ئەپەندىگە تولا ئېغىر گەپلەرنى قىلغىنىمدىن ئۆكۈندۈم. ئەمما ئېغىر ئالماس دەپ ئويلايمەن. ئەمدى مۇنبەردىكى تېمىلارنىڭ سۈپىتى ھەققىدە ئارتۇق قاقشىمايمەن.

kokyal

	ما قىزغىننىڭ ئىنكاسى ئەجەپ سۆيۈندۈردى مېنى. دۇرۇست گەپ. ئەينى ۋاقىتتىكى تۆت چوڭ مۇنازىرە مۇنبىرىنىڭ بىرىنىڭ قۇرغۇچىسى بولغان ئاغىنەممۇ بىر قارىغان كىشىگە ھېچ بىر مۇنبەر قۇرغانلارغا ئوخشىمايتتى، ئۆزى ئاۋاق، كىچىكلا بالىدەك كۆرۈنەتتى. ناھايىتى كەمتەر، خۇش پېئىل، ئاددا -ساددا يۈرەتتى. قەلبى يۈكسەك ئارمانلار، پىلانلار بىلەن توشقان ئىدى.

شەربەتى

	فىلىمنى كورەلمىدىمغۇ ، بەكلا كورگۇم كەلگەنتى بولمىسا مۇمكىن بولسا تەھرىرلەپ قويۇڭلا

XERHAN

	ھىچ چىقمايدىغۇ؟ كۆرۈپ بېقىپ ئاندىن تەسىراتىمنى قالدۇراي دىسەم.....

Qindost

	ئەسسالامۇ ئەلەيكۇم!      مىسرانىمنىڭ قۇرغۇچىسىنىڭ پەقەت مۇنبەردىكى ئىسمى  "مىسرانىم"   ئىكەنلىكىنى،   تاسادىپى "ئابابەكرى مۇختەر" دىگەندەك گەپلەرنى ئاڭلىساممۇ لىكىن ئۇنىڭغا ئانچە بەك ئىتىبار بىلەن قاراپ كەتمەپتىكەنمەن، چۈنكى بىز(شەخسەن مەن) كۆپىنچە ھاللاردا سۈيىنى ئىچىپ قۇدۇق قازغۇچىلارنى ئۇنتۇپ قالىمىز ئەمەسمۇ ، مانا ئەمدى بۇ تىما ئارقىلىق قەيسەر بىر ياشنىڭ ئىش-ئىزلىرىنى كۆرۈپ ئولتۇرۇپتىمەن. دەسلەپ كۆڭلۈم بىرقىسما بوپقالدى، لىكىن باشتىن ئاخىرى ئوقۇپ بولۇپ ئويلىنىپ قالدىم: بۇنىڭدا كۆڭۈلنى يىرىم قىلغۇدەك نىمە بار؟ بىز ئۇنىڭغا ئىچ ئاغرىتىپ كۆڭلىمىزنى يىرىم قىلىمىزمۇ ياكى ئۆزىمىز بىر بىجىرىم ئادەم تۇرۇپ ئۇ قىلالىغاننى قىلالمىغىنىمىز ئۈچۈن كۆڭلىمىزنى يىرىم قىلامدۇق؟ بىز ئەكسىچە پەخرلىنىشىمىز، بىزنى مۇشۇنداق ئۇنۋېرساللىققا ئىگە بولغان كەڭ دائىرىلىك بىر بىلىم سەھنىسى بىلەن تەمىنلىگەن كىشىگە تەشەككۈر بىلدۈرىشىمىز، ئەمەلىي ھەرىكىتىمىز ئارقىلىق قوللىشىمىز كىرەك. لىكىن، ھەممە ئادەم تۇغما قابىلىيەتلىك بولمايدىكەن، تالانت تېرىشچانلىقتىن كىلىدىكەن، لىكىن شۇنداقتىمۇ بەزىلەر شىئىر يازسا بەزىلەر  ھىكايە... بەزىلىرىمىز بۇ ئەدەبىيات ساھەسىدە "قولى گال"لاردىن ئىكەنمىز، ھىچنىمە قىلالمىساق ئىنكاسقۇ يازالايمىز، مۇشۇ ئارقىلىق بولسىمۇ يازغانلارنىڭكىنى بولسىمۇ قوللاپ ، ئۇلارغا مەدەت بېرەيلى.     مىسرانىم ئەپەندى، ئوقۇش پۈتتۈرۈش ئالدىدىكى بىر ئوقۇغۇچى بولۇش سۈپىتىم بىلەن سىزگە چۇڭقۇر تەشەككۈرۈمنى بىلدۈرىمەن: سىز ماڭا بىر ھەقىقەتنى--"تىرىشقان تاغ ئاشار" دىگەن ھەقىقەتنى يەنە بىر قىتىم ئەمەلىي مىسال ئارقىلىق تونۇتۇپ قويدىڭىز، مەن ھەرگىزمۇ سىزنى مىيىپ تۇرۇپ شۇنچە ئىشنى قانداق قىلالىغاندۇ دەپ ئويلىمىدىم، پەقەت تىرىشقان ئادەم كۈتكەن مەقسىتىگە يىتەلەيدىكەن ، دىگەننى ئويلىدىم، ئەگەر مەن بۇنى بۇندىن 6يىل ئىلگىرى چۈشىنىپ يەتكەن بولسام ئىدى ھازىرغىچە بۇنچە پۇشايمان قىلماس ئىدىم.     تىرىشچانلىقىڭىزغا ئاپىرىن، يەنىمۇ تىرىشىڭ، بوشاشماڭ، ياراتقان ئىگەم بارلىق ئىشلىرىڭىزنى ئۇتۇقلۇق قىلغاي!

moghal

	بۇ تىمىنى ئەتىگەن ئىشقا كىلىپ كۆردۇم. ئەركزاتنىڭ بۇ يازمىسىنى ئوقۇۋېتىپ قەلبىم دولقۇنلاندى، مىسرانىمگە بولغان قايىللىقىم ھەسسىلەپ ئاشتى.     مەن مۇشۇ مۇنبەرگە ئەزا بولۇپ كىرىپ ئۇزۇنغا قالماي مىسرانىم بىلەن چچ دا پاراڭلاشقان ئىدىم، شۇ چاغدىلا مەن ئۇنىڭغا  < مەن سىزگە قايىل،  ئالى مەكتەپتە ئوقۇش پۇرسىـىگە ئىرىشەلمىگەن بىر ياشنىڭ مۇشۇنچىلىك نەتىجىگە ئىرىشكىنىنىڭ ئۆزى بىر مۇۋاپىقىيەت، گەرچە مەن سىزدىن چوڭ بولساممۇ، ئالى مەكتەپنىڭ ئوقۇتقۇچىسى بولساممۇ ، ھاياتلىقتا ،مۇۋاپىقيەت قازىنىش جەھەتتە سىز مېنىڭ ئۇستازىم بولىسىز > دىگەن ئىدىم.      ھەر يىلى پۇتۇن مەملىكەتنىڭ ھەر  قايسى جايلىرىدىن نەچچە مىڭلاپ ئوقۇغۇچى مەكتىپىمىزگە كىلىدۇ، بۇلار ئىچىدىكى  بەزى مىللى ئوقۇغۇچىلارغا ھە دىسە تىرىكىمەن، ئۇلارغا قارىسىڭىز كۆپلىرى كىييىم مودېللىرىدەك كىلىشكەن، كىينىشلىرى بىر بىرىدىن ئېسىل، ئۆزۇم ئوقۇغۇچىلار يىتەكچىسى بولغاچقا ھەر كۇنى دىگۈدەك بىر قىسىم ئوقۇغۇچىلار بىلەن سۆھبەتلىشىمەن، ئاشۇ تاماكىنى قىڭغىر چىشلەپ يۈرۈيدىغان بەزى ئوغۇللار، زىبۇ زىننەتلەرنى بولىشىغا ئېسىۋالغان بەزى قىزلارنى  ئىشخانامغا ئەكىرىپ سۆھبەتلەشكىنىمدە شۇنى بايقايمەنكى تولىسى خىزمەتچىلەرنىڭ ياكى تۇرمۇشى ھاللىقراق دىھقانلارنىڭ بالىلىرى، ئىقتىسادى ئۇنچە باياشاتمۇ ئەمەس، لېكىن ئۇلارنىڭ مەكتەپتىكى تۇرمۇشى شۇنچە باياشات.      سىنپىمدا ئىچكىردىن كەلگەن بىر  قىز ئوقۇغۇچى بار، ئالدىنقى يىلى  دادىسى قىزىنى  مەكتەپكە ئەكىلىپ ، ئوقۇش پۇلىنى تۆلىۋەتكەندىن كېيىن مېنىڭ ئالدىمدا قىزىغا ئارانلا 100 سوم پۇلنى بەردى ۋە ؛   ___ بۇ سېنىڭ بىر مەۋسۇملۇك تۇرمۇش راسخودىڭ، مەكتەپنىڭ ئاشخانىسىغا كىرىپ قارىسام بىر دانە ھور نان بەش موچەنكەن، كۇنىگە 3 دانە ھور نان يىسەڭ، ئايدا 45 كوي كىتىدىكەن، شەنبە - يەكشەنبە كۇنلىرى سىرىتقا چىقىپ ئىشلىسەڭ كۇنىگە ئەڭ ئاز بولسىمۇ 30 كوي تاپالايسەن، يىللىق ئوقۇش پۇلىڭنى تۆلەپ قويدۇم، ئەمدى مەن ساڭا بۇنىڭدىن ئوشۇق ياردەم قىلالمايمەن __ دىدى.     بۇ قىز شۇ يىلى تىرىشىپ ئوقىدى ھەم مەكتەپ ئوقۇش مۇكاپاتىغا ، دۆلەت ئوقۇش مۇكاپاتىغا ( 8000 يۇەن ) ئىرىشتى. شۇ سىنىپتا ئائىلىسىدە قىيىنچىلىقى بار بىر مىللى ئوقۇغۇچى بار، سىنىپتا ھە دىسە ياردەم قىلىپ كەلدۇق،  ئوقۇش پۇلىنى شۇ يىلى يىل توشقىچە ئاران تۆلىيەلىگەن ئىدى، بىراق بۇ يىلنىڭ ئوقۇش پۇلىنى كەينىگە سۈرۈپ تۆلىيەلمىدى،  يېقىندا يۇرتىدىكىلەر بىلەن ئالاقىلاشسام ، ، ئوقۇش پۇلىنى بۇلتۇر 10- ئايدا كەنت كومتىتى ۋە مەسچىت جامائىتى يىغىش قىلىپ ئېۋەرتىپ بەرگەن ئىكەن لېكىن ئۇ < پۇل يوق > دەپ يۈرۈپ ، ئۇ پۇلنى مەكتەپكە تۆلىمەي تامامەن خەجلىۋېتىپتۇ، ئەمدى بۇنىڭغا  نىمە دەيمەن ؟ ئۇنىڭ بىلەن سۆزلىشىش ئارقىلىق شۇنى ھىس قىلدىمكى  بىزنىڭ مىللى بالىلارنىڭ بىر قىسىملىرىدا پۇل خەجلەش ئەڭ چوڭ دەرىجىدە ئۆزىنى كۆز- كۆز قىلىدىغان ئادەتكە ئايلىنىپ قاپتۇ.     شۇڭا بەزىدە ئۆزەمنى تۇتالماستىن بالىلارنى قاتتىق تەنقىتلەپ كىتىمەن، نۇرغۇن مىساللارنى سۆزلەپ ئۇلارنىڭ ئۈگۈنىش قىزغىنلىقىنى يۇقۇرى كۆتەرمەكچى بولىمەن.    دىمەك < كېسەل >  دەپ مانا مۇشۇنداق روھى ساغلام ئەمەس  كىشىلەرنى دىسەك بولىدۇ، جىسمانى كېسەللىككە قارىغاندا روھى كېسەللىك بەكمۇ خەتەرلىك.     يۇقارقى يوللانمىنى كۆرۇپ بەكمۇ ھاياجانلاندىم، مىسرانىمغا  بولغان قايىللىقىم شۇنچە ئاشتى، دۇنيادا نۇقسانسىز ئادەم مەۋجۇت ئەمەس، روھى  جەھەتتىكى نۇقسان ئەڭ ئېغىر نۇقساندۇر، بارىكاللا مىسرانىم، بارىكاللا ئابابەكرى ئۇكام، مىسرانىم تېخىمۇ گۈللەيدۇ، مىسرانىمنىڭ شۆھرىتى ئۈچۈن بىر كىشىلىك ھەسسە قوشۇشقا تەييارمىز.   ئەركزات ئەپەندىنىڭ قەلەم قۇۋىتىگە قايىلمەن، ئوخشاش ماتىريالدا تېتىشلىق تاماق قىلالمايدىغان < ئاشپەزلىرىمىز > خېلىلا بار.

Misranim

	ئەسسالامۇ ئەلەيكۇم ئەركزات ئەپەندىم ،ئەجرىڭىزگە رەھمەت. يۇقىردىكى تورداشلارغىمۇ كۆپتىن كۆپ رەھمەت. زىيارەت خاتىرىڭىز ئەتتىگەن سەھەردە ئاپامنىڭ دېققىتىنى تارتىپ ، ئۆزىچە مېنى توۋلاپ كۆرسىتىپ ،يىغلاپ تۇرۇپ ئوقۇپ كەتكەنلىرىنى كۆرۈپ ،مەنمۇ ئۇلارغا سەل جۆرە بولۇپ قاپتىمەن... ئاتا  - ئانام بولسا ھازىرغىچە .سېنى مىيىپ قىلغان مەن،،دوختۇرغا ئاپارمىغان بولسام بۇنداق بولمايتى دەپ ئۆز ئۆزىنى ئەيىپلەپ ئۆتەتتى. بۈگۈن بۇلارنى ئوقۇپ ،ئاتا - ئانامنىڭ ئىچىدىكى ئاچچىق ھاردۇقلىرى چىقىپ قالغاندەك بولدى.' بۇرۇندىن گەپ بولىدىغان (ئوغۇل بالىدىن قان چىقسا چىقىدۇكى ، ياش چىقمايدۇ دەيدىغان)   ،، نەچچە قېتىملاپ يىقىلغانلىرىمدا ئەتراپىمدا ھېچكىم يوق، دەس تۇرۇپ كېتىش مېنىڭ پىشانەمگە پۈتۈلگەن،،، شۇنداق يەكۈنگە كەلدىمكى ئادەم كۆپ قېتىم يىقىلغاندا قانداق تۇرۇشنى ھەقىقىي چۈشىنىپ يېتىدىكەن... سىلەردەك مۇنبەرداشلىرىم بولغاچقىلا مېنىڭ خىزمەت ھاياتىم تورچىلىققا بېغىشلانغان ... كۆپ رەھمەت... ئاللا خالىسا ۋاقىت چىقىرىپ ،يەنە باشقا تېمىلار ئارقىلىق تورداشلار بىلەن يەنە بىر قېتىم ئەسرالىشارمەن.... رەھمەت سىلەرگە!!!