پۇلدارغا ياتلىق بولۇش ئويىدىكى چىرايلىق ق

RainMan

	بىر ئامېرىكىلىق چىرايلىق ياش قىز  ئامېرىكىدىكى بىر چوڭ  تور مۇنبىرىنىڭ پۇل-مۇئامىلە سەھىپىسىدە مۇنداق بىر يازمىنى ئېلان قىلغان :   پۇلدار بايلارغا تېگىش ئۈچۈن قانداق قىلسام بولار؟   ئۇ قىز ئەستايىدىل ھالدا مۇنۇلارنى يېزىپتۇ : " تۆۋەندە دېمەكچى بولغانلىرىم مېنىڭ كۆڭلۈمدىكى سۆزلەر : مەن بۇيىل 25 كە كىردىم ، دەششەت چىرايلىق ،  كىشىلەرنى ھاڭ-تاڭ قالدۇرغىدەك دەرىجىدە دېمەكچى، ئەدەپلىك ھەم يېقىملىق ،  ئاڭ-سەۋىيەم ئادەتتىكى قىزلاردىن ئۈستۈن ؛   تۆۋەن بولغاندىمۇ 500 مىڭ دوللارلىق (يىللىق كىرىم) بىرسىگە ياتلىق  بولغۇم بار  .  مېنى بەلكىم  پۇلغا دۈم چۈشكەن دەپ قېلىشىڭىز مۇمكىن ،  نيۇ-يوركتا يىلدا بىر مىليون كىرىم قىلىدىغانلار   ساماندەك ،  بىر مىليون ئارانلا  نيۇ-يوركنىڭ  ئوتتۇرھال سەۋىيىسىگە تەڭ  .  قاراڭ ، مېنىڭ تەلەپلىرىم ئەمەلىيەتتە ئۇنداق يۇقىرى ئەمەس .     بۇ كۆزنەكتە يىللىق كىرىمى 500مىڭدىن ئاشىدىغانلار بارمۇ ؟  ھەممىڭلار توي قىلغانمۇ؟   سىلەردىن شۇنى سورىغۇم كەلدى  ——  قانداق قىلغاندا سىلەردەك بايلارغا تېگەلەيمەن؟   مەن ئارلىشىپباققانلارنىڭ ئىچىدىكى ئەڭ پۇلى جىقلىرىمۇ يىلىغا  ئاران 250،000 دوللار كىرىم قىلىدۇ  ،  ھىم . نيۇ-يورك مەركىزى باغچە غەربىگە جايلاشقان ئالى داچا رايونىدىن ئۆي ئالماقچى بولسىڭىز 250 مىڭ دوللارلىق يىللىق كىرىم  ھېچنىمىگە يەتمەيدۇ  . بۇلار ھەممىسى سەمىمىيەتچىل سورالغان سوئاللار .  نۇقتىقلىق قىلىپ سورايدىغىنىم  :   بىرىنچى،  پۇلدار بويتاقلار ئادەتتە ۋاقتىنى قانداق سورۇنلاردا ئۆتكۈزىدۇ ؟ ( قاۋاقخانا ، مېھمانخانا ، چېنىقىشسارايلىرىنىڭ  ئىسىملىرى ۋە تەپسىلىي ئادرىسى ) ئىككىنچى ،  قايسى ياش باسقۇچىدىكىلەرنى نىشان قىلسام بولىدۇ ؟   ئۈچىنچى ،  نېمە ئۈچۈن بەزى چوڭ بايلارنىڭ ئاياللىرى ئادەتتىكىچىلا ؟  مەن بەزى قىزلارنى  كۆرگەن ، يە تۈزۈك چىرايى يە ئادەمنى جەلپ قىلالىغۇدەك ئىسكەتى يوق ،  شۇنداق تۇرۇقلۇق يەنە كاتتا بايلارغا تېگەلىدى ،   ئەكسىچە ، بويتاقلار قاۋاقخانىسىدىكى ئاشۇ كىشىنى مەستخۇش  قىلىدىغان  ساھىپجاماللارنىڭ   ھېچقايسىنىڭ تەلىيى ئوڭدىن كەلمىدى . تۆتىنچى ، سىلەر  كىمنى خوتۇن ، كىمنى قىز دوست قىلىشنى قانداق بېكىتىسىلەر ؟   ( مېنىڭ ھازىرقى نىشانىم توي قىلىش) -------- ------ پېرس خانىم تۆۋەندىكىسى ۋول كوچىسىدىكى(wall street)  بىر ئىقتىسادشۇناسنىڭ تېما ئىگىسىگە قايتۇرغان يازمىسى: " سۆيۈملۈك پېرس :  مەن زور قىزىقىش ئىچىدە مەزكۇر تېمىنى كۆرۈپ چىقتىم ،  ئىشىنىمەنكى ئاز بولمىغان ساندىكى خانىم-قىزلارنىڭ كاللىسىدىمۇ سىزنىڭكىدەك سوئاللار بار .  بىر مەبلەغ سېلىش مۇتەخەسسىسى بولۇش سالاھىيىتىم بىلەن ھازىرقى ئەھۋالىڭىز توغرىسىدا تەھلىل يۈرگۈزەي . مېنىڭ يىللىق كىرىمىم 500مىڭ دوللاردىن ئاشىدۇ ، سىزنىڭ جۈپ تاللاش شەرتىڭىزگە چۈشكۈدەكمەن ، شۇڭا ئىشىنىڭكى مەن بۇ يەردە كۆپچىلىكنىڭ ۋاقتىنى ئىسراپ قىلۋاتقىنىم يوق . سودا قىلغۇچىلارنىڭ نۇقتىسىدىن قارىغاندا ، سىز بىلەن توي قىلىش  بىر زىيىنىغىلا ماڭىدىغان سودا توختامىغا قول قويغانغا باراۋەر  ،  سەۋەبى ناھايتى ئېنىق  ، چۈشەندۈرۈشۈمگە قۇلاق سالغايسىز . بەك زىغىرلاپمۇ كەتمەي، سىزنىڭ  دېگەنلىرىڭىز  ئەمىليەتتە  "پۇل" ۋە "چىراي" نىڭ ئاددىيلا  ئالماشتۇرۇلىشىدىن ئىبارەت : ئا تەرەپ جەلپ قىلارلىق ھۆسىن-جامالىنى دەسمايە قىلىدۇ ،  ب تەرەپ پۇل تاراقشىتىدۇ ، سودا ئادىل ، كاۋاپمۇ ، زىخمۇ كۆيمەيدۇ  . بىراق ،  بۇ يەردە بىر ئەجەللىك مەسىلە مەۋجۇت،  ئۇ بولسىمۇ سىزنىڭ گۈزەل چىرايىڭىز ، ئۇ بارا- بارا   يوقايدۇ ،  ئەمما مېنىڭ پۇلۇم سەۋەپسىزلا ئازىيىپ كەتمەيدۇ .   مۇنداقچە ئېيتساق ، مېنىڭ  كىرىمىم يىلدىن يىلغا ئېشىشى مۇمكىن ، لېكىن  سىز يىلدىن يىلغا چىرايلىق بوپكېتەلمەيسىز . شۇڭلاشقا  ،  ئىقتىسادشۇناسلىق نۇقتىسىدىن ئېيتقاندا ،  مەن ئاشقۇچى مۈلۈك ، سىز كېمەيگۈچى مۈلۈك . كېمىيىپلا قالماستىن ،  ھەتتا بۇ كېمىيىش تېزلىشىدۇ!   سىز ھازىر 25 ياش ، كەلگۈسى بەش يىل ئىچىدە  ھازىرقى زىلۋىڭىزنى ساقلاپ تۇرالايسىز ، گەرچە يىلدىن-يىلغا چكېنىش بولسىمۇ  .  بىراق ۋاقىتنىڭ  ئۆتىشىگە ئەگىشىپ بۇ تېزلىك بارغانسرى چوڭىيىدۇ ،   قېرىشڭىز تېزلىشىدۇ ،  سىزنىڭ بۇ بىردىن-بىر دەسمايىڭىز  10يىلدىن كېيىن ھازىرقىدەك بازىرى بولماي قالىدۇ ... ۋوللۇقلارنىڭ سۆزى بويىچە ئېيتقاندا ، ھەر  بىر سودىدا پايچەك نىسبىتى دەيدىغان ئۇقۇم بولىدۇ ، سىز بىلەن بىللە ئۆتۈش " پايچېكى ئالماشتۇرۇش" دەپ ئاتىلىدۇ ،  قىممىتى تۆۋەنلىگەن ھامان ئۇنىڭدىن دەرھال ۋاز كېچىشكە توغرا كېلىدۇ ،  ئۇزۇن ۋاقىت  تۇتۇپ تۇرۇشقا تېخى بولمايدۇ------ مانا بۇ سىز ئېرىشىشنى ئارزۇ قىلغان نىكاھ ، ئاڭلىماققا ناھايتى رەھىمسىز تۇيۇلىدۇ . بىراق، بىر توختىماي ئەرزانلايدىغان مالنى بىر تەرەپ قىلىشنىڭ  ياخشى چارىسى ئۇنى سېتىۋىلىش ئەمەس بەلكى ، ئۇنى "ئىجارىگە ئېلىش" . يىلدا 500 مىڭدىن جىىق كىرىم قىلىدىغان ئادەم ئەلۋەتتە ھاماقەت ئەمەستە ،  سىز بىلەن بىز پەقەتلا ئارىلىشىمىز  شۇ ،  بىراق سىز بىلەن توي قىلمايمىز . سىزگە نەسھەت : بايلارغا تېگىشنىڭ رىسالىسىنى ئىزلەپ  پىغان چېكىپ يۈرمەڭ .  يەنە بىر گەپ قىلاي، سىز  يىلدا 500مىڭ دوللار كىرىم قىلالايدىغان بولۇش ئۈچۈن ئامال ئىزدىسىڭىز بولىدۇ ، بىر پۇلدار ئەخمەقنىڭ ئۇچراپ قېلىشىنى چۈشەپ يۈرگەنگە سېلىشتۇرغاندا بۇنىڭ  ئىمكانىيىتى چوڭراق . قايتۇرغان يازمامنىڭ سىزگە ياردىمى تەگسىكەن دېگەن ئۈمىدتىمەن .  ئەگەر "ئارىيەتكە ئېلىنىش" قا قىزىقسىڭىز ، مەن بىلەن ئالاقىلىشىڭ "     ------  روب . كامبېل (  J·P مورگان بانكىسى كۆپ خىل ئىشلەپچىقىرىشقا مەبلەغ سېلىش مەسلىھەتچىسى)                             تەرجىمىدە : يامغۇر               مەنبە : 163بلوگ تورى                                                                        مەزكۇر ئەسەر مىسرانىمغا تەۋە!!!!!!!!!!!!!!!!!!!!!!!!!!!

natonux

	مۇنبەردىكى قىزلار قارشى چىقمىسۇن`~!  گەپ قىلمىغان بولاي`~!   ئاۋۇ كىشىنىڭ جاۋابى ناھايتى ياخشى بوپتۇ~~

taxkin

	نىمە دىگەن ئىسىل جاۋاپ ھە!!! توغرا ئۇنى ئىجارىگە ئېلىش كىرەك . دىمىسىمۇ جەمىيتىمىزدە <<ئىجارە>> گە ئېلىنىۋاتقانلار ئاز ئەمەس. بېشىمدىن ئۆتكەن بىر ئىشنى سۆزلەپ ئۆتەي: مەن بىر قىز بىلەن تۇنۇشۇپ قالدىم ئۇنى بەكمۇ سەۋىيىلىك دەپ كەتكىلى بولمايدۇ لىكىن مىڭكوخەن تۇلۇق ئوتتۇرا مەدەنىيەت سەۋىيىسىگە ئىگە، ھازىر تىجارەت بىلەن شۇغۇللىنىۋاتىدۇ، مەنمۇ ھەم شۇنداق (مەدەنىيەت سەۋىيەم مەخسۇس كۇرۇس) تىجارەت قىلىۋاتىمەن. (خىزمەتتىن يېنىپ چىققان) يېشىممۇ توي قىلىش يېشىغا بېرىپ بولدى . بىر كۈنى ئۇنىڭغا توي قىلايلى دىدىم . ئۇ نمە دىدى دىمەمسىز: << شەھەردە ئۆيىڭىز بارمۇ؟ ماشىنىڭىزچۇ ؟ ئۇنىڭدىن سىرىت 100،000 يۇەن پۇلىڭىز بارمۇ؟ >> مەن يوق دىدىم . لىكىن ئۇمۇ مىنى ، مەنمۇ ئۇنى ياخشى كۆرىشىمىز. مەن دىدىم : مىنىڭ ئۇ شەرىتلىرىڭىزنى ھازىرلىشىمغا ھازىرقى شارائىتىمدا بىر قانچە يىل كەتكۈدەك لىكىن ئۇنىڭغىچە سىزمۇ مەنمۇ خېلى ياشقا بېرىپ قالىمىز قانداق قىلىش كىرەك دىدىم. ئۇ <<ئەگەر سىز مىنى ھەقىقى ياخشى كۆرسىڭىز چۇقۇم پات ئارىدا شۇ شارائىتقا يىتىشىڭىز كىرەك مانا بۇ مۇھاببەت>> .........

DELZAT

	مىنىڭچە مۇنداق تۇرمۇش تۇزسىز تاماقدەكلا! يا تەمىنى تىتىيالمىغان، يا قورساق تويغىنىنى ئۇقمىنغان مەززىسىز؟!؟!؟!

sir11

	جەمىيەتتە ئىسىل پەزىلەتلىك قىزلارمۇ ئاز ئەمەس.

ubul0998

	بۇ تىمنى 3يىل بۇرۇن  كۈرۈپتىم ، قايتا بىر قىتىم كۈرۈپتىمەن. ئەينى چاغدا خىلى ئاۋات بولغان تىما ئىدى.

bakri1114

	((ئايال كىشىگە سېلىنغان دەسمايە ئىنىقلا زىياندۇر))  بىر يەردە ئوقۇدۇممۇ ياكى ئاڭلىدىممۇ ئىنىق بىلمەيمەن لىكىن كاللامدا قېپ قالغىنى مۇشۇكەن

چېچەك

	ۋول كوچىسى نىيويورىكنىڭ پۇل -مۇئامىلە مەركىزى رايۇنى دېيىشكە بولىدۇ.ۋول كوچىسىكى كىشلەرنىڭ ھەممىسى دېگۈدەك ئىقىتسادشۇناس ياكى پۇل-مۇئامىلە بىلەن شۇغۇللىندىغانلار....يۇقىرىقى جاۋاپ دەل مۇشۇ نۇقىتىنى چىقىش قىلىپ بېرىلگەنكەن.... [s:130]

alzaman

	ئايال كىشىگە سىلىنغان مەبلەغ دېگىنى ئايالىغا ،خوتۇنىغا دېگەن گەپ بولماسلىقى كېرەك .ئايالىغا سالغان مەبلەغ زىيان قىلىدۇ . مەسىلەن بىر قىز بىلەن 30مىڭ يۇئەنگە توي قىلدىڭىز دەيلى . بۇ ئايال بىلەن 30يىل ئۆي تۇتالىسىڭىز كەم دېگەندە بۇ پۇلىڭىز 20ھەسسە كۆپىيىدۇ . بۇ تەرەپتىن ئىيتقاندا ئايال كىشىگە سىلىنغان دەسمايە ئىنىقلا زىيان ئەمەس .

QIQAK0903

	بىزنىڭ شىنجاڭلىق قىزلار ئىچىدە ، ئۇنداق قىزلار يوق دىيەرلىك ،  ئىقتىساسشۇناسنىڭ بەرگەن جاۋابى ئىنتايىن ئورۇنلۇق بۇپتۇ ، بىز ئەرلەرنىڭ ھەممىدىن بەك ئىمانلىق بۇلىشىنى تاللىشىمىز كىرەك . ئىمانلىق ئەر ھەر تەرەپلەردە ياخشى ئەر بۇلالايدۇ .