ئالتۇن قىممەتمۇ، ئىنساپمۇ؟

hasalharisi

	__ سىزدەكمۇ ئەخمەق ئادەم بارمۇ؟ ھازىر دېگەن ئالتۇننىڭ باھاسى قىممەت تۇرسا، مەن بولغان بولسام.......      __ ئەگەر ئۇ ئالتۇننى ساتقان بولسىڭىز بۇ كىچىككىنە دۇكىنىڭزنى ئۆتكۈزىۋېتىپ، چوڭ ساماۋەر شورپىخانىسىدىن بىرنى ئاچمامتىڭىز؟        __ بىر چاغدا سىزنىڭ نەرسىڭىزنىمۇ ئوغرى ئېلىپ كېتىپ چىقمىدىغۇ؟ ھەي ئەخمەق. جىمىلەمنى  بىر قىسىم خولۇم-قوشنىللىرى ،دوستلىرى يۇقارقىدەك ئەيىپلىگىلى تۇردى.جىمىلەم بولسا خۇددىي بىر گۇناھكار كىشىدەك ئۇلارنىڭ گېپىنى ئاڭلىماسقا سېلىپ ئىشىنى قىلىۋەردى.ئەمەلىيەتتە جىمىلەم ئىنتايىن خاتىرجەم بولۇپ قالغانىدى. جىمىلەم دوستلىرى ئەيىپلىگىدەك نىمە گۇناھ قىلىپ قويغاندۇ؟       يېقىندا جىمىلەم ناھىيە بازىرىدىكى بىر كېيىم-كېچەك دۇكىنىدىن 600يۈانلىك كېيىم-كېچەك سېتىۋالدى.دۇكانچى ئايال ئۇ سېتىۋالغان كېيىملەرنى قاتلاپ بىر قەغەز سومكىغا  قاچىلاپ بەردى. جىمىلەم ئۆيىگە قايتىپ كېلىپ سومكىدىكى كېيىمنى تۆككەندە ،كېيىم بىلەن بىللە بىر دانە چوڭ ئالتۇن بىلەيزۈك چۈشتى. جىمىلەم چۆچۈپ كېتىپ ،بىلەيزۈكنى سىڭلىسىغا كۆرسۈتۈپ تەكشۈرىۋىدى ،ھەقىقەتەن ساپلىق دەرىجىسى يۇقۇرى ئالتۇن بىلەيزۈك ئىدى. شۇنىڭ بىلەن ئاچا-سىڭىل ئىككىسى بۇ بىلەيزۈكنىڭ چوقۇم كېيىم ساتقۇچى ئايالنىڭ ئىكەنلىكىنى جەزىم قىلىپ ،بىلەيزۈكنى ئېلىپ دەرھال شۇ دۇكانغا باردى.دۇكانچى ئايال <<يەنە كەپسىلەرغۇ>>دېگەن نەزەردە ھەيران بولۇپ <<بىر نەرسىنى ئۇنتۇپ قاپسىلەرمۇ ياكى يەنە كېيىم لازىممۇ ؟>>دېدى. جىمىلەمنىڭ سىڭلىسى دۇكانچى ئايالدىن <<بىر نەرسىللىرى چۈشۈپ قالمىغاندۇ؟>> دەپ سورىۋىدى ئۇ ئايال ئۈستى-بېشىنى سىلاپ بېقىپ؛ <<ياق،بىر نەرسەم چۈشۈپ قالمىدى>>دەپ جاۋاپ بەردى.جىمىلەم؛<< قول،بارماقلىرىدىچۇ؟>> دېۋىدى ،دۇكاندار ئايال قولىغا قاراپ؛<<ئۈزۈكۈممۇ بار ئىكەن مانا>>دەپ بولۇپ<<ۋاي،بىلىكىمدىكى بىلەيزۈك يوق تۇرىدۇ>> دەپ ئالاقزادە بولۇپ كەتتى. جىمىلەم بىلەيزۈكنى چىقىرىپ،<<مۇشۇ شۇمۇ؟>> دېۋىدى ،دۇكاندار<<دەل شۇ ئىكەن، سىلىدە نىمىشقىلىدۇ بۇ بىلەيزۈك؟>>.      جىمىلەم بولغان ئەھۋالنى سۆزلەپ بەردى.دۇكانچى ئايال ئىنتايىن خۇش بولۇپ،كۆزلىرىدىن تەسىرلىك ياشلىرى تامچىدى ۋە رەھمەت ئېيتىش يۈزىسىدىن جىمىلەمگە پۇل،كېيىم-كېچەك تەڭلىۋىدى ،قەتئىي رەت قىلىپ،چىرايلىق خوشلۇشۇپ قايتىپ كەتتى.      ئەسلىدە25گىراملىق بۇ  بىلەيزۈك،دۇكانچى ئايال  سومكىغا كېيىم-كېچەكنى قاچىلاش جەريانىدا بىلىكىدىن سېرىلىپ سومكىغا چۈشۈپ قالغان ئىدى. بۇ ئىش قۇلاتىن قۇلاققا ئاڭلىنىپ،جەمئىيەتكە تارالغاندىن كېيىن ھەر خىل ئېنكاس پەيدا قىلدى. ئومۇمەن جىمىلەمنى ئەيىپلەيدىغان ئېنكاسلار ئاز، جىمىلەمنىڭ ئاق كۆڭۈل،ئىنساپلىق ئېسىل پەزىلىتىگە ئاپىرىن ئوقۇغان ئېنكاسلار كۆپ بولدى. مانا بۇ ،ئالتۇننىڭ باھاسى ھەر قانچە ئۆسسىمۇ بىراق، قىممىتى ئىنساپ-ئىمان،ئاق كۆڭۈللۈككە ھەرگىزمۇ تەڭ كېلىپ بولالمايدىغانلىقىنى ئىسپاتلاپ بەردى. مەنبە؛ئۆزۈم.

zapar

	ئىنساپ ئەلۋەتتە قىممەتلىك. ئىنساپ دىيانەتسىز كىشى پەس كىشلەردۇر.

nazuk214

	مەنچىمۇ ئىنساپ ئەڭ قىمەتلىك ،ئاشۇ بايلىق تۈگەيدۇ ئەمما...........

rumaisa

	ئىنساپ قىممەت   [s:152]  [s:152]  [s:152]

uqkur

	ئىككىسىنى سېلىشتۇرۇش بىمەنىلىك ، ئالتۇننى كۆز بىلەن كۆرگىلى ،قول بىلەن تۇتقىلى بۇلىدۇ ، ئىنساپنى بولسا ئۇنداق قىلغىلى بولمايدۇ ،بۇ خۇددى كىلومېتىر بىلەن توننىدىن قايسىسى چوڭ دېگەندەك سۇئال بوپتۇ

nafisa1025

	ئىنساپ ئەڭ قىمەتلىك .ئنساپسز كىشلەردىن ھەربالا كىلدۇ.

yeganayaprak

	ئەلۋەتتە ئىنساپ قىممەتلىك . ئىنساپسىز ، تويمىغۇر . كىشىلەرنىڭ قولىدىن ھەر بالالار كىلىدۇ . تىما ئىگىسىگە كۆپ رەھمەت .

kokyal

	uqkurنىڭ پىكرىنى قوللايمەن.

kapsizdos

	ئالتۇن تېپىۋالسىمۇ كۆز قىرنى سالمايدىغان ، پاك دىيەنەتلىك بولۇش ھەممىدىن ئەلا !!!   ئىنساپ _ ئادەم  ئۈچۇن ئەڭ قىممەتلىك ، بۇ كەم بولۇپ قالسا  [s:172]  [s:172]  [s:172]

sofiya412

	ياخشى چىقىپتۇ ،،،،،ئىنساپلىق كىشىلىرىمىز بولغاچقىلا ھايات ----شۇنچىلىك گۇزەل! شۇنداق ئىخچام ياخشى چىقىپتۇ ،،تىما يوللىغۇچىغا رەھمەت !!