دوستۇمنىڭ كەچۈرمىشى

nazuk731

	كۈز كۈنلىرىنىڭ مەلۇم بىر كۈنى. مەن ئوماق قىزىم دىلرابانى ئەگەشتۈرۈپ،دوستۇم ئامىنەنىڭ ئۆيىگە قاراپ يول ئالدىم،يول بويىدىكى دەرەخلەرنىڭ يۇپۇرماقلىرى ئالتۇندەك سارغىيپ،بىر-بىرى بىلەن بەسلىشىپ،يەرگە تۆكىلىۋاتاتتى.قۇشلارنىڭ يېقىملىق ۋىچىرلاشلىرى ئادەمنى ئۆزىگە مەھلىيا قىلاتتى. دوستۇم بىلەن كۆرۈشمىگىلى خېلى ئۇزاق بولغان بولسىمۇ،لېكىن دائىم تېلفۇندائەھۋاللىشىپ تۇرۋاتاتتۇق.  ئۇنىڭ بۇيىل 25ياشلارنىڭ قارىسىنى ئالغان چىرايىدا ئىلگىركى شوخلۇقتىن ئەسەرمۇ قالمىغان ئىدى. ئۇ نىمە دەرت-ھەسرەتلىرى بولساماڭا تۆكەتتى، بىز بىر-بىرىمىزدىن گەپ يوشۇرمايتتۇق. تۇلۇقسىزدا ئوقۇيدىغان چاغدا،ئۇ بىز بىلەن پاراللىل ئوقۇيدىغان ئېلى ئىسىملىك بىر بالا بىلەن يۈرگەن ئىدى. ئېلىنىڭ بوي-تۇرقى ناھاييتى كېلىشكەن،چاقچاقچى بالا بولغاچقا نۇرغۇن قىزلار ئۇنىڭ ئەتراپىدا پەرۋانە بولاتتى.بىزتۇلۇقسىز ئوقۇش ھاياتىنى تاماملىدۇق.ھەر-ئىككىمىزنىڭ ئائىلە شارائىتى ياخشى بولمىغاچقا ،ئوقۇشنى داۋاملاشتۇرالماي قالدۇق. ئوقۇش پۈتتۈرۈپ ئۇزاق ئۆتمەي، ئۇ ئېلى بىلەن توي قىلدى،ئۇ توي قىلىپ خېلى ئۇزۇندىن كېيىن مەنمۇ ئۆز بەختىمنى تاپتىم. مەن ئۆزۈمنى خېلى بەختىلىك ھېساپلايتتىم،ئەلۋەتتە دوستۇمنىڭ بەختلىك بولىشىنى تېخىمۇ ئارزۇ قىلاتتىم،لېكىن ئۇنىڭ ئاقكۆڭۈللىكى بىر قىمارۋازغا ئالدانغان ئىدى. ئۇلار توي قىلىپ ئۇزاق ئۆتمەي،ئېلى نەشىگە ئۆگىنىۋالغان ئىكەن. دوستۇم بۇنىڭدىن خەۋەرسىز بولۇپ،ھىچنىمىنى بىلمەيدىكەن. بىر كۈنى دوستۇم تاماق ئېتىۋاتسا،ئېلى مەست ھالدا قايتىپ كەپتۇ،نىمىشقا تامىقىڭ پىشمايدۇ دەپ،سەي قورىۋاتقان قازانغا بىرچىنە سوغاق سۇ قۇيىۋېتىپتۇ. كېيىن تۇتامغا چىقمايدىغان ئىشلار ئۈچۈن دوستۇمنى ئۇرىدىغان،قىمار ئوينايدىغان بولىۋاپتۇ. تاياققا چىدىمىغان دوستۇم قېيىن ئانىسىغا :- ئانا،ئاللاھ يولىدا ئۇنىڭغا نەسىھەت قىلىپ قويسىلا، ئۇ يامان يولغا كىرىپ قىلمىسۇن!-،دەپ يالۋۇرسىمۇ،قېيىن ئانىسى:- بىزنىڭ ئېلىجان ياخشى بالا،خەقنىڭ گېپىگە ئىشىنىپ،ئېرىڭىزگە تۆھمەت قىلماڭ!-،دەپتۇ. دوستۇممۇ ئامالسىز قاپتۇ. ئۆيگە يامانلاپ كېتەي دېسە،ئاتا-ئانىسىنىڭ سالامەتلىكىنىڭ تېخىمۇناچارلىشىپ كېتىشىدىن ئەنسىرەپتۇ.ئۇنىڭ ئۈستىگە قورساقتىكى بالىسى كۈندىن-كۈنگە يوغىناپتۇ."ئۇ كىيىن ئوڭشىلىپ كېتەر"دەپ،ئۇنىڭغا ئىنساپ تىلەپتۇ.كۈنلەرنىڭ بىرىدە ئۇنىڭ قورسىقىدىكى بالا دۇنياغا كۆز ئېچىپتۇ.لىكىن ھەممىسى كېچىكىپتۇ،چۈنكى بالا مېڭىش يېشىغا يېتىپمۇ ماڭالماپتۇ.بۇ نىمە سەۋەپتىن؟ سىلەر ئېيتىپ بېقىڭلارچۇ؟بۇ زادى نىمە سەۋەپتىن؟ چۈنكى ئېلىنىڭ نەشە چېكىشى بۇ بالىنىڭ سۆڭەكلىرىنىڭ قېتىشماسلىقىنى كەلتۈرۈپ چىقىرىپتۇ.بىراق بۇنى دوستۇم بەكلا كېچىكىپ ھېس قىپتۇ.زار-زار يىغلاپتۇ .دوختۇرلار ئابدۇللانى (دوستۇمنىڭ بالىسىنىڭ ئىسمى) باسقۇشلۇق داۋالاشقا كىرىشىپتۇ.لېكىن ئۈنۈمى تازا ياخشى بولماپتۇ.ئېلى توۋا قىلىشتا يوق،يەنە ئۆزىنىڭ سەنىمىگە دەسسەپ ئويناپ يۈرۈپتۇ،بالىنىڭ داۋالىتىش ئىشلىرىغا ئازراقمۇ كۆڭۈل بۆلمەپتۇ.دوستۇمنىڭ ئۆيدىكىلىرى قىزىنىڭ يەنە ئۇنىڭ تاياق يېيىشىگە چىدىماي،ئۇنى ئاجراشتۇرۋاپتۇ.بالىنى دوستۇم ئاپتۇ. دوستۇمنىڭ ئانىسىنىڭ سالامەتلىكى ياخشى بولمىغاچ،دائىم دوختۇرخانىدا يېتىپ داۋالىنىدىكەن.ئۇنىڭغا بالىنى داۋالىتىش تەس كەپتۇ. ئۇ بالىنىڭ ئوماقلىقىنى دېمەيسىلەر،بەك ئەقىللىق،قىزىممۇ ئۇ بالىنى چۈچۈك تىللىرى بىلەن"ئاپپاق ئۇكام"دىسە،ئابدۇللامۇ"ئاچاش،ئاچاش"دەپ،ئادەمنى بەكلا خوشال قىلاتتى. بىر كۈنى ئۆيدە ئولتۇرسام دوستۇمدىن تېلفۇن كەلدى. -ئاداش،قانداق،ياخشى تۇردۇڭمۇ؟ -ھە،ياخشى،ئۆزۈڭچۈ؟ئابدۇللاچۇ؟ -ياخشى،ساڭا بىر مەسلىھەتىم بار ئىدى. -قېنى،دېگىنە؟ ئېلى مىنى ئىزدەپ مەھەللىگە كەپتىكەن،يالۋۇرۇپ تۇرۋالدى،ئەمدى توۋا قىلىمەن،قايتىدىن ئادەم بولىمەن دەپ،كەتكىلى پەقەتلا ئۇنىمىدى،قانداق قىلسام بولار؟ -نىمە؟ئۇ راستلا شۇنداق دېدىما؟ -ئۇ يېنىشىپ قالساق،بالىمىزنى تەڭ باقايلى دەيدۇ،سەن بىر مەسلىھەت كۆرسىتە،ئاداش! -مەنمۇ قانداق دېيىشنى بىلمەيۋاتىمەن،ئاداش!سىنىڭ يېنىشقىڭ بارمۇ؟يۈرۈكىڭنى تۇتۇپ ياخشى ئويلان!ئۇ راسلا ئۆزگەرگەن بولسا..............ئۆزۈڭ قاراپ بىر ئىش قىلارسەن... ئۇ ئۈندىمىدى،بەلكىم يېنىشقىسى باردۇ؟ نىمىلا دىگەنبىلەن ئۇ ئېلىنى بەكلا ياخشى كۆرىدۇ ئەمەسمۇ،خۇدايىم ئېلىنىڭ دىلىغا ئىنساپ ئاتا قىلغايسەن! بىر-نەچچە ھەپتىدىن كېيىن ئۇلار  توينى ئاددىي-ساددا قىلىپ يېنىشتى.لېكىن ياخشى كۈنلەر ئۇزۇنغا بارمىدى. دوستۇم يەنە تاياق يېدى،ئالتۇن زىبۇ-زىننەتلىرى تارتىۋېلىنىپ قىمارغا تىكىلدى.دوستۇمنىڭ ھەممىلا يېرى تاياق دەستىدىن كۆپكۆك كۆكىرىپ كەتكەن ئىدى... بىر نەچچە ئايدىن كېيىن ئېلى ئوغرىلىق جىنايىتى بىلەن قولغا ئېلىندى،ئۇلار يەنە ئاجراشتى. دوستۇمنىڭ پۈتۈن خىيالى بالىنى داۋالاپ ساقايتىش ئىدى.ئەلۋەتتە بۇنىڭغا ئەشۇ قىپقىزىل پۇللار بولمىسا بولمىدى.ئۇ بالىسىنى ئاچىسىغا ھاۋالە قىلىپ قويۇپ،ئۆزى ماي قاچىلاش پونكىتىدا ئىشلىدى،بىر-نەچچە ئۇغۇل بالا ئۇنىڭغا قالايمىقان چاقچاقلارنى قىپتۇ.دوستۇم بۇ جايدا داۋاملىق ئىشلەشنى خالىماي چىقىپ كېتىپتۇ.مەن ئۇنىڭغا ئازراق بولسىمۇ ياردىمى بولاردەپ بېرىپ تۇرغان پۇللىرىم ئۇنى رەت قىلىشقا ئامالسىز قالدۇردى.يىغىپ قويغان ۋە قەرز ئالغان پۇللىرىغا بالىسىنى داۋالىتىش ئۈچۈن دوختۇرخانىغا باردى.دەسلەپكى باسقۇشتا بالا ئولتۇرالايدىغان بولدى.دوختۇرلار بالاسەككىز ياشقا كىرگەندە ئاندىن يەنە بىر قېتىم ئوپراتسىيە قىلدىغانلىقىنى دەپتۇ. بالا ھازىرئالتە ياشتا ،تولىمۇ ئەقىللىق چوڭ بولدى.ئاپىسىنى پەقەتلا جاپا سالمايدۇ...لېكىن بەزى كىچىك بالىلارنىزە...دېمەيلا قويايلى!   بىر كۈنى دوستۇم بىلەن يولدا پاراڭلىشىپ ماڭدۇق.ئۇ ئېغىر ئۇھسىنغان ھالدا:-ئايگۈل،قېنى دېگىنە تەڭرى نىمىشقا مىنى شۇنداق بىتەلەي يارىتىپ قويغاندۇ؟ مىنىڭ پېشانەم شۇنداق تەتۈرمۇ؟-،دەپ سورىۋېدى،مەن نىمە دېيىشىمنى بىلەلمەي،بىر ئاز ئويلىۋالغاندىن كېيىن:-بولدى كۆڭلۈڭنى يېرىم قىلما،ئۆزۈڭنى ئازادە تۇت ،ھېلىمۇ قەيسەر ياشاپ كەلدىڭ،سىنىڭ مەڭگۈ مۇشۇنداق قەيسەر بولىشىڭنى ئۈمۈت قىلىمەن! بىز چوقۇم بەخىتلىك ياشىيالايمىز،دوستۇم!-،دەپ ئۇنىڭ قوللىرىنى مەھكەم سىقتىم.تۇيۇقسىزئۇنىڭ تېلفۇنى جىرىڭلاپ كەتتى. بىراق ئۇ نۇمۇرنى كۆرۈپلا ئەرۋايى ئۇچتى بولغاي،تېلفۇننى بېسىۋەتتى.مەن نىمە ئىشلىقىنى سورىسام،ئۇ ماي قاچىلاش پونكىتىدا ئىشلەۋاتقاندا بىر توي قىلمىغان ئۇغۇل بالىنىڭ ئۇنىڭغا تەكلىپ قويغانلىقىنى،دوستۇمنىڭ بىر قېتىم توي قىلغانلىقىنى ئېيتقانلىقىنى ،يەنە بالىسى بارلىقىنى ئېيتسىمۇ،ئۇ"سىزنى ئالىمەن"دەپ چىڭ تۇرۋالغانلىقىنى ئېيتىپ بەردى. لېكىن باشقىلار دوستۇمغا ماز چاقچاقلارنى قىلغاندا،ئۇ بىچارە بايقۇش مەيدانغا چىقىپ،بىرەر ئېغىزمۇ "بۇنداق دېمەڭلار"دېيەلمەپتۇ.تېلفۇن يەنە جىرىڭلىدى.ئۇ تېلفۇننى ئالدى،ئاۋازى يۇقىرى بولغاچقا قارشى تەرەپنىڭ گېپى ئېنىق ئاڭلىنىپ تۇراتتى. -ۋەي!ياخشىمۇسىز؟ئامىنە ئاچا... -ھە،مەن ياخشى،،ئەمدى ماڭا تېلفۇن قىلما! يەنە تېلفۇن قىلىدىغان بولساڭ تىللاپ يۈز-كۆزۈڭنى يارا قىلىۋېتىمەن! -بۇنداق قىلىشىپ كەتمەيلىچۇ؟ -مەن توي قلىپ بولدۇم،ئۈچىنچى بالامغا قورساق كۆتۈردۈم!     ئۇ زەردە بىلەن شۇنداق دېدى،-دە،تېلفۇننى قويۋېتىپ ماڭا قاراپ كۈلۈمسىردى.مەن دوستۇمنىڭ نىمە ئۈچۈن بۇنداق دېگەنلىكىنىڭ سەۋەبىنى چۈشەندىم..... (ئىزاھات:ئېلى دېگەن بۇ ئىسىم ئېھتىياج ئۈچۈن ئېلىندى،توغرا كەپ قالغانلارنىڭ خاتا چۈشەنچىدە بولماسلىقىنى سورايمەن)    مەنبەسى:ئۆزۈمنىڭ 2011-يىلى5-ئاينىڭ 19-كۈنى (چوڭچىڭ)

zumrettash

	مۇشۇنداق ئاتىلارنى قانداق قىلغۇلۇق،ئۇماق بالىسىنى بىللە بېقىشنى ئاللا نىسىپ قىلسۇن،ناچار ئىللەتلىرىدىن يانسۇن ئاللايىم.

begana

	زامانىمىزدا كۆڭۈلنىڭ كەينىگە كىرىپ بەخىتسىز بولىۋاتقان قىزلار .شۇ بەخىتسىزلەرگە بالا بولۇپ تۇغۇلۇۋاتقان نارسىدىلەر نۇرغۇن.شۇنى بىلىش كىرەككى مۇھەببەت باشقا نىكا ،باشقا ....

albax

	تۇقۇلمىمۇ ھاۋالە بىلەن يېزىلغانمۇ ؟ ئۇلار تۇلۇقسىزدىلا يۈرۈپ كەتكەن دەڭ ؟

SUKUT520

	ئاپتور جاۋابىنى بويلاپ 2قەۋەت  begana كە 2011-05-19 12:03 PMئەۋەتىلدى  : زامانىمىزدا كۆڭۈلنىڭ كەينىگە كىرىپ بەخىتسىز بولىۋاتقان قىزلار .شۇ بەخىتسىزلەرگە بالا بولۇپ تۇغۇلۇۋاتقان نارسىدىلەر نۇرغۇن.شۇنى بىلىش كىرەككى مۇھەببەت باشقا نىكا ،باشقا .... ئىنتيىن توغرا دەيسىز  مۇھەببەت باشقا نىكاھ باشقا.

ijatqan

	مۇشۇنداك  ئەرلەرگە  لەنەت  بولسۇن!ئازىر  ۋئىزدانسىز ئەرلەر جىك ....ئەمما مەسۇلىيەتچان ئەرلەرمۇ ئاز ئەمەس ! بىز ئاياللار چۇقۇم غەيرەتلىك بوللايلى!!!

SUKUT520

	ئاپتور جاۋابىنى بويلاپ 5قەۋەت  ijatqan كە 2011-05-19 12:18 PMئەۋەتىلدى  : مۇشۇنداك  ئەرلەرگە  لەنەت  بولسۇن!ئازىر  ۋئىزدانسىز ئەرلەر جىك ....ئەمما مەسۇلىيەتچان ئەرلەرمۇ ئاز ئەمەس ! بىز ئاياللار چۇقۇم غەيرەتلىك بوللايلى!!! ئېملاغا دىققەت قىلىڭ.

ijatqan

	كەچۇرۇڭ  مەن  بۇگۇن  تۇنجى قىتىم ئانا تىلدا  خەت  يىزشىم.....بۇندىن كىيىن    دئققەت قىلمەن...

Zero-L

	بۈگۈن كەيپىياتىم ئەسلىدىمۇ ياخشى ئەمەس ئىدى، بۇ ھىكايىنى ئوقۇپ تېخىمۇ بەك چىىچىلىپ قالدىم~ ئەمما بۇ تىما ئىگىسىگە رەھمەت . ھازىر بۇنداق ئىشلار دىمىسىمۇ بەكلا  كۆپ . ھەممىمىزگە ئىنساب بەرسۇن ئۇلۇغ رەببىم~!<ئامىن>~!

YIXIM

	ناھايتى ياخشى يېزپىسز دوستۇم . ..............................................................................................

Tabarak

	ئاللاھ ...بىزگە ئاسايىشىلىق بەرسۇن ................ئىنساپ بەرسۇن

شىرىن

	ئاخىرى يۇقلا تۇگەپ كەتتىغۇ [s:151]

sawutjan

	بالنى تىپىپ قويۇپ ئىگە بولمايدىغان ئۆز پۇشتىغا كۆڭۈل بولمەيدىغان ھارامتاماقلار كوپىيىپ كىتۋاتىدۇ، ھەي كەيىپ بىزنى ئاخىرى نەگە ئىلىپ بارار، خۇدايىم ھەركىمگە ئۆز بالىسىنى ئۆزى بىقىشقا نىسىپ قىلسۇن،

OMAK~JENIM

	ئاللاھ ...بىزگە ئاسايىشىلىق بەرسۇن ................ئىنساپ بەرسۇن!پات-پات  ئەۋەتىپ تۇرۇڭ!

nazuk731

	ئاپتور جاۋابىنى بويلاپ 3قەۋەت  albax كە 2011-05-19 12:12 PMئەۋەتىلدى  :    تۇقۇلمىمۇ ھاۋالە بىلەن يېزىلغانمۇ ؟ ئۇلار تۇلۇقسىزدىلا يۈرۈپ كەتكەن دەڭ ؟ مەيلى توقۇلما بولامدۇ ياكى "ھاۋالە"بىلەن يېزىلغان بولامدۇ،جەمىيىتىمىزدىكى بولىۋاتقان ئەينەن ئەھۋاللار! تۇقۇلغان جايلىرىمۇ بار،راست بولغان يەرلىرىمۇ بار،لىكىن ھاۋالە بىلەن يېزىلغان ئەمەس! سىز بۇنىڭغا باش قاتۇرماي،باش قاتۇرۇشقا تېگىشلىك بولغان جايلارغا باش قاتۇرۇڭ!