ئۆمۈر دوقمۇشلىرىدا(نەسىر)

vincent

	ئانام ئاكامنى تۇغقاندا باشقىلار:<<بالىنىڭ تۇنجىسى قىز بولسا ياخشى>>دېگەنىكەن.كېيىن مېنى تۇغقاندا<<يا ئىككىلىسى قىز،يا ئىككىلىسى ئوغۇل بولغان بولسا ياخشى بولاتتى ،ئۇنىڭ ئۈستىگە قىز بالا دېگەن ئاجىز>>دېيىشىپتۇ.       باشقىلار :<<ئالىي مەكتەپكە ئۆتەلمىسەڭ تۈگەشكىنىڭ شۇ>>دېيىشتى.مەن قاتتىق كۈچەپ ئۆگەندىم.ئۆتۈپ بولغىنىمدا:<<ھازىر پۇللا بولسا ساۋاتسىز ئادەممۇ چەت ئەلگە چىقىپ ئوقۇيدۇ،ئۆزىڭىزنى بەك ئۇپرىتىۋەتتىڭىز>>دېيىشتى.دېمىسىمۇ مەن بەش يىل جاپالىق ئوقۇپ كېلىپ شىتاتسىز ئوقۇپ كېلىپ شىتاتقا كىرگەن ساۋاقدىشىمنىڭ <<شاگىرتى>>بولدۇم.        خىزمەتكە بۆلۈش ئالدىدا:<<يېزىغا بارساڭ تاپقان پۇلۇڭ يولدا قالىدۇ،ئۇنىڭدىن باشقا تىجارەت قىلغىنىڭىز ياخشى>>دېيىشتى.شۇنىڭ بىلەن ھۆسىن تۈزەش دۇكىنى ئاچتىم.<<نىمىلا دىگەن بىلەن ھۆسىن تۈزەش ئۇستىسى دېگەنلىك بىر ساتىراشتىن پەرقى يوق،جەمئىيەتتىكى ئورنى بەك تۆۋەن>>دېيىشتى.        جەمئىيەتتە كىمنىڭ ئورنى ئەڭ يۇقىرى ئىكەنلىكىنى سۈرۈشتە قىلدىم.بەزىلەر:<<ئالىملارنىڭ يۇقىرى>>دېدى.بەزىلەر:<<يازغۇچىلارنىڭ يۇقىرى>>دېيىشتى.كۆپ ساندىكىلەر:<<ئەمەل تۇتقانلارنىڭ يۇقىرى>>دېيىشتى.ئەمەلدار بولالمايمەن،ئالىم بولۇشقا تېخى قۇربىم يەتمىدى،ئاخىرى كىتابنى باشتىن قۇلۇمغا ئېلىپ ئاخبارات كەسپىدە ئۇقۇدۇم.ئانچە-مۇنچە يېزىقچىلىق قىلىپ باشقىلارنىڭ پىكرىنى ئېلىپ بېقىش مەقسىتىدە كۆرسەتتىم.تىرگېدىيە يازسام باشقىلار  ئۇيۇمنى <<دىۋانەخانا>>غا ئايلاندۇرۇپ،ماڭا كۆڭۈل سەدىقىلىرىنى ئېيتىپ مېنى<<بىچارە پېرسوناژ>>قىلىپ قويدى.ئۇسلۇبىمنى ئۆزگەرتىپ كومىدىيە يازسام<<ۋاي ۋۇي جاھاندىكى تېتىقسىز پاراڭلارنىڭ ھەممىنى يىغىپ توپلىغاندەك بەكلا چاكىنا بىر نەرسە بوپتۇ>>دېيىشتى.غەزەپتىن ھۆركىرەپ توۋلىۋەتتىم.ئۇلار<<راست ئوخشىمامدۇ؟ يازغۇچى دېگەن ساراڭكەنغۇ؟ >>دېيىشتى.مەن يېزىقچىلىقتىن قىلغان قولۇمنى بىلىكىمگىچە يۇيۇۋەتتىم.         ھىيلىگەرلىك بىلەن جان باقماقچى بولغىنىمدا بىرسى:<<سەمىمىي بول>>دەپ نەسىھەت قىلدى.مەن قىلغان ئەتكەنلىرىمگە پۇشايمان قىلىپ كۆپچىلىكتىن ئەپۇ سورىدىم.ئۇلار:<<دېگەنلىرىڭ راستمۇ؟>>دېدى.مەن ياۋاشلىق بىلەن باش لىڭىشتتىم،ئويلىمىغان يەردىن ئۇلار بۇرۇنقى ھۆرمىتىمنىمۇ ئۇنتۇپ ئالقىش ئورنىغا لەنەت ھەم مەسخىرە بىلەن جاۋاب قايتۇردى.         سودا قىلىشنى ئويلاپ مەسلىھەت ئالسام:<<ھىندىستانغا قارىمۇچ ئاپىرىدىغان ئىشنى قىلماڭ>>دېگەنلەرمۇ،<<مال تاغدا قىممەت،ئۈزۈم باغدا>>دېگەنلەرمۇ چىقتى.كاللام ئېلىشىپ بۇنىڭدىنمۇ ۋاز كەچتىىم.         ئۇنىمۇ قىلىپ كۆردۇم،بۇنىمۇ قىلىپ كۆردۇم،ئىشىم ھە دىسىلا تەتۈرگە ماڭدى.ئويلاپ باقسام ھاياتىم خۇددى سەددىچىن سېپىلىنىڭ خەرىتىدىكى بەلگىسىگە ئوخشاش سان-ساناقسىز دوقمۇشلارغا قايرىلىپ ئاخىرقى ھىسابتا لېۋىمدىكى چىش ئىزلىرى قاپتۇ!         ئاخىرى شۇنداق بىر خۇلاسىگە كەلدىمكى،<<قەتئىيلىك>>بىلەن<<جاھىللىق>>نىڭ ئارىلىشىپ كېتىشى،<<جاھىللىق>>دىن قېچىپ<<قەتئىيلىك>>نىمۇ  قۇشۇپ تاشلاپ<<بوشاڭلىق>>چېگرىسىدىن ئۆتۈپ كەتكىنىمنى ھىس قىلدىم.<<مۇستەقىللىق>>نىڭ مەندە مەۋجۇت بولمىغانلىقى سەۋەبىدىن كالىدەك نەگە شۇ يەرگە ماڭغىنىمغا ئۆكۈندۇم.          مەن ئاخىرقى بۇرۇلۇشۇمدا ئۆز-ئۆزۇمگە تايىنىش ئۈچۈن ماڭغانىدىم.ئەمدىلا <<ئاقىللىق>>قا يېتىشەي دېگىنىمدە كۆزلىرىمنى ئاپئاق بىر نەرسە توسۇۋالدى.قارىسام ئاقارغان ماڭلاي چاچلىرىم،قاش-كىرپىكلىرىم ئىكەن.قايرىۋېتىش ئۈچۈن قولۇمنى كۆتۈرگىنىمدە قولۇمنى بىرسى تارتتى،قارىسام ئۇ ئەزرائىل ئىكەن.                                                                                                                                    ئاپتور:ھەبىبە مەمەت ئەيسا                                  1998 -يىلى6-ئاي                               مەنبە:يېڭى قاشتېشى (مەن بۇ ئەسەرنىڭ قانچىنچى ساندىن ئېلىنغىنىنى ئنىقلىيالمىدىم،ئەمما ئاپتورى بىلەن يېزىلغان ۋاقتىنى بىلەلىدىم ،تورداشلارنىڭ ئوقۇپ بېقىشىنى سورايمەن!)

marguba

	ئاقىۋەتنى ئويلىغان قەھرىمەن بۇلالمايدۇ . بىز ھايات سەپىرىمىزدە ھەر خىل ئۇڭۇشسىزلىق ۋە قىيىنچىلىقلارغا مۇقەررەر ئۇچراپ تۇرىمىز .ۋاقىتتا ، يۈرۈكىمىزدە مۇستەھكەم ئىتقات بۇلۇپ ، توختىماي تىرىشچالىق كۆرسەتسەكلا . قىيىن ئۆتكەلدىن چۇقۇم ئۈتۈپ كىتەلەيمىز . ئەگەر قىيىنچىلقققا يۇلۇققاندا ئۈزۈڭنى تۈگەشتىم دەپ قارىسڭ ،، چۆشكۈنلىك ئىچىدە تۈگۈشىسەن . ئەگەر ئۆزۈڭگە "چۇقۇم بەرداشلىق بىرىشىم كىرەك " دەپ مەدەت بەرسەڭ ، قىيىنچىلقىلارنى يېڭىپ  ، غەلبىگە ئېرىشەلەيسەن . ئەنگلىيىلىك تارىخشۇناس كارلىل نۇرغۇن يىل جاپالىق ئەجىر سىڭدۈرۈپ ،<فىرانسىيە زور ئىنقىلابى تارىخى > ناملىق يىرىك ئەسىرىنى ئاخىرى تاماملاپتۇ . ئۇ ئەسەرنىڭ بارلىق ئورگىنالىنى ئۆزى ئەڭ ئىشىنىدىغان ئاغىنىسى مىلغا بىرىپ ، ئۇنىڭدىن كۈرۈپ چىقىپ پىكىر بىرىشىنى ئۈتۈنۈپتۇ ، شۇ ئارقىلىق ئەسىرىنى تەخىمۇ مۇكەممەللەشتۈرمەكچى بوپتۇ . ئولىمىغان يەردىن مىلنىڭ ئائىلە خىزمەتچىسى ئۇ ئارگىنالنى كىرەكسىز قەغەزمىكىن دەپ ئويلاپ كۆيدۈرۋىتىپتۇ . كارلىل بۇ تۇيۇقسىز زەربىدىن قاتتىق ئازاپلىنىپتۇ ... لىكىن ، كارلىل ئۈزىنى  يەنىلا ئۆزىنى بېسىۋېلىپ ، قايتىدىن غەيرەتكە كەپتۇ ۋە يېڭىدىن قەغەز سېتىۋېلىپ ، جاپالىق يېزىقچىلىقنى قايتىدىن باشلىغان . بىز ھازىر كۆرۋاتقان <فىرانسىيە زور ئىنقىلابى تارىخى > كارلىلنىڭ قايتىدىن يېزىپ چىققان ئەسىرى . شۇنداق ، بىزنىڭ ھەممە ئىشلىرىمىز ئۇڭۇشلۇق بۇلۋاتقاندا ، يۈز بىرىش ئىھتىماللىقى بولغان ئۇڭۇشسىزلىقلاردىن ساقىلىنىشىمىز كىرەك ؛ ئۇڭۇشسىزلىققا ئۇچرىغاندا بولسا ، سۈكۈتكە پاتقان كائىناتتەك سالماق بۇلىشىمىز كېرەك . چۈنكى ئۈزۈن ھايات سەپىرىدە ئۇشسىزلىق ، ئىگىز - پەسلىكلەردىن پۈتۈنلەي ساقلىنىش ھەقىقەتەن تەس . ھەرقانداق ئىشتىن بىر نەتىجە چىقسۇن ، مەيلى بۇ نەـىقە ياخشى ياكى يامان بولسۇن ، غەلبە ياكى مەغلۇبىيەت بولسۇن ، ئامەت ئېلىپ كەلسۇن ياكى كەلمىسۇن ، ئۇبۇكتىپ جەھەتتىن ئېيتقاندا ، ئۇ يەنىلا بىر باشلىنىش بۇلۇپ قالىدۇ . تەتۈر پەلەك ئىتقادنى غولتىۋىتەلمىسىلا ، ئۈمۈد نۇرى ئۈمۈدسىزلىك بۇلۇتلىرىنى چۇقۇم تارقىتىۋىتەلەيدۇ .

jasur2012

	بۇ تىما نىمە دىگەن پاساھەتلىك ھە!!! [s:166]  [s:166]  [s:166]

ziba1

	تەپەككۇر قىلىپ بېقىشقا ئەرزىگۈدەك تىما يوللاپسىز ، رەھمەت قېرىندىشىم ........

QIQAK0903

	ھەركىم ھەر نىمە دەيدۇ ، سېغىزخانمۇ بىلگىنىنى سايرايدۇ  دىگەندەك ، قوشنىمىزغا مەسلىھەت سېلىپ ، ئۆزىمىزنىڭ بىلگىنىنى  قىلىشمۇ  ئاقىلانىلىق .