بالىلىقتىكى تاتلىق ئەسلىمىلەر

cayyara

	[align=justify]                                               بالىلىقتىكى تاتلىق ئەسلىمىلەر بالىلىق چاغلار كىشى ھاياتىدىكى ئەڭ بىغۇبار ، غەمسىز ، ۋە خوشاللىق ئىچىدە ئۆتكەن كۈنلەر بۇلىشى مومكىن ، ھەر قېتىم بالىلىق چاغلىرىمدىكى ئاشۇ قىلىقلىرىمنى ئويلىسام ئۆزۈممۇ سەزمىگەن ھالدا تاتلىق كۈلۈمسىرەپ قالىمەن ، ھەقىقەتەن دۇنيادىكى ئۇ-بۇ  كۆڭۈلسىزلىكلەردىن بىخەۋەر شۇ غەمسىز ئۆتكەن چاغلىرىمىز ھەر-بىرىمىزنى شېرىن ھېسلارغا باشلايدۇ ، نىمىشقىدۇر مۇشۇ كۈنلەردە ئاشۇ بىغۇبار غەمسىز كۈنلىرىمنى كۆپ ئەسلەيدىغان بۇلۇپ قالدىم .......ئاشۇ ئۇماق قىلىقلىرىم ھەم يۇمۇرلۇق ئىشلىرىمنى ئەسلىسەم شۇ ۋاقىتلىرىمغا قايىتقۇم كېلىدۇ ،بالىلىقنىڭ پەيزىنى يەنە بىرپەس سۈرگۈم كېلىدۇ ، بىراق ۋاقىتنىڭ كەينىگە قايتىشى مومكىنمۇ ؟ ئاشۇ كەپسىزلىكلىرىمنى ھەم يۇمۇرلۇق ئىشلىرىمنى مۇنبەردىكى دوستلىرىمغا سۆزلەپ بەرگۈم كېلىۋاتىدۇ ھەم دوستلىرىمنڭمۇ بالىلىقتىكى گۈزەل ئەسلىمىلىرىنى بىرلىكتە ئاڭلاپ، بىردەم بولسىمۇ بالىلىقىمىزغا قايتىۋالايلى ، تاتلىق كۈلىۋالايلى دىگەن مەخسەتتە بۇ تېمىنى يوللىدىم . مېنىڭ بەش ياش ۋاقىتلىرىم ئىدى ، بەكمۇ شوخ ،تەنتەك ،كەپسىز ، ئىچى تار قىز ئىدىم . دائىم ئىش تېرىپلا يۈرەتتىم ،دوستلىرىم بىلەن شۇنداق قىزىقارلىق ئويۇنلارنى ئوينايتۇق .ئوقۇتقۇچى بۇلۇپ، سەنئەتچى بۇلۇپ دىگەندەك..... دائىم مەن ئوقۇتقۇچى بۇلىۋالاتتىم ، ئاپام ماڭا بىرنەچچە ھەرىپنى ۋە سانلارنى ئۈگۈتۈپ قويغان ئىدى دوستلىرىمنى ۋە نەۋرە ئاكا-ئاچىلىرىمنى ئولتۇرغۇزۇپ قويۇپ ئۇلارغا دەرىس ئۆتەتتىم  . مەن __ < ئا > دەڭلار   !!! ئوقۇغۇچىلىرىم __ < ئا > دەڭلار  . مەن__ < دەڭلار > دىگەننى دىمەي دەڭلار !!! ئوقۇغۇچىلىرىم__< دەڭلار > دىگەننى دىمەي دەڭلار !!! مەن تېرىكىپ يىغلاپ كېتەتتىم ، بىردەم دومسىيىپ ئولتۇرۇپ يەنە سەۋىرچانلىق بىلەن<< دەرىسىم>>نى باشلايتىم . ئەنە شۇ چاغلاردا مېنىڭ قولۇمدا ئوقىغان نەۋرە ئاكا-ئاچىلىرىم ھازىر ئوقۇتقۇچى بولدى . بىز يەنە سەنئەتچى بۇلۇپ ئوينايتۇق ،تېلىۋىزوردا دىلنار ئابدۇللانىڭ ناخشا ئۇسۇللىرىنى كۆپ بېرەتتى ، مەن دىلنار ئابدۇللانى دوراشنى ياخشى كۆرەتتىم ، دىلنار ئابدۇللا ئوينىغان ئۇسۇللىرىدا دائىم ئىگىز پاشىنلىق ئاياق كىيىۋېلىپمۇ بەك چىرايلىق چۆگىلەيتى ،ھەركەتلىرىمۇ شۇنداق نەپىس چىقاتتى ، بىر كۈنى دوستلىرىم بىلەن ئويناۋاتاتتىم ،ئاپام چوڭ ئانامنىڭ ئۈيىگە چىقىپ كەتتى ، بۇ پۇرسەتنى غەنىمەت بىلدىم دە ، ئاپامنىڭ يېڭى سېتىۋالغان ئىگىز پاشىنلىق ئايىغىنى كۆتۈرۈپ چىقتىم . ئۇنى كىيپ ئۇسۇل ئويناپ دوستلىرىمنى تاڭ قالدۇرماقچى بولدۇم . ئاياقنى كىيدىم ، __ ھوۋۋۋ.....بەكلا چوڭ كېلىپ قالدىغۇ ؟..... ئاياقنىڭ تاسمىسىنى تازا چىڭ تارتىپ چىڭىتتىم . __  ھىم ،،،ھېچ بولمىسا ئەمدى پۇتۇمدىن چۈشۈپ قالمايدۇ .   ئوتتۇرغا چۈشۈپ قولۇمنى كۆتۈرۈپ ، بىرنى چۆگىلە- چۆگلىمەستىن پۈتۈن كۈچۈم بىلەن يەرنى قاماللاپ دۈم چۈشتۈم  ، پۇتۇمنىڭ قاتتىق ئاغرىۋاتقانلىقىنى ھېس قىلدىم ، يىغلاشقىمۇ ئۈلگۈرمەي پۇتۇمدىكى ئاياغقا قارىدىم . __ ھوۋۋۋ....پاشنىسى ئاجراپ ،تاسمىسىى ئۈزۈلۈپ كېتىپتىغۇ ....ئەمدى ئاپامغا نىمە دەرمەن ،،،ھى...ھى....پۇتۇم ئاغرىپ كەتتى ،،،،،قانداق قىلىمەن ....ئاپوي .....!!! بەك ئاغرىپ كەتكەنلىكتىن خېلى يىغلىغان ئىدىم ، پۇتۇمنىڭ ئاغرىقىنى ئاز دەپ ئاپامدىنمۇ بۇلىشىغا تىل ئىششىتكەن . يەنە ئىچى ئاغرىپ دورىلاپ تېڭىپ قويغان ئىدى . شۇنىڭدىن كىيىن ئۇسۇل ئوينىساممۇ ئوينايتىم ئاپامنىڭ ئايىغىنى قەتئى كەيمەس بولدۇم . ئۆي ياساپ ئويناشلىرىمىزنى دىمەيسىز تېخى ، ئۆزۈم بىلەن تەڭ يوغان قونچىقىم بار ئىدى ، ئۇنى بالام دەيتىم ، قوشنىمىزنىڭ قىزلىرىنىڭمۇ مېنىڭكىدەك قونچىقى بار ئىدى ، بىز بىر-بىرىمىزنىڭ ئۈيىگە مىھماندارچىلىققا بېرىپ ، << بازار >>غا بېرىپ << بالىمىز >> غا نەرسە ئېلىپ بېرىپ ئوينايتۇق ، << بازار >> غا بېرىش ئۈچۈن پۇل بۇلىشى كېرەك .بىر كۈنى  مەن ئاكامنىڭ دەرىسلىك كىتابىنىڭ ۋاراقلىرىنى پۇلنىڭ چوڭلىقىدا يىرتىپ پۇل ياسىدىم ، ئاندىن ئاپامنىڭ ئىشلەتمەيدىغان سومكىسىغا <<پۇلنى >>سېلىپ چىقتىم . دوستلىرىممۇ شۇنداق قىلاتتى .ئاكام مەندىن ئۈچ ياش چوڭ ئىدى ، شۇ كۈنى ئاكام كىتابىنىڭ مەن تەرەپتىن <<پۇل >> غا ئايلانغانلىقىنى كۆرۈپ قاتتىق يىغلاپ كەتكەن ،بىراق مېنى كىچىك ، گەپ كۆتۈرەلمەيدۇ دەپ  بەك گەپ قىلىپ كەتمىگەن ،ئاكامنىڭ شۇنچىلىك ئېزىلىپ يىغلاپ كەتكىنىگە قاراپ شۇندىن كىين ئۇنىڭ كىتاپلىرىدىن <<پۇل>>ياسىمىغان ئىدىم . ئاپامنىڭ ياكى ئاكامنىڭ بىرەر يېڭى ئالغان كىيىملىرى كۆزۈمدىن قېچىپ قۇتۇلالمايتى ، شۇنداق يېڭى كىيىم كەيگىنىنى كۆرسەملا مەنمۇ كىيىمەن دەپ يىغلايتىم ، ئوخشىمايدىغان بۇلۇپ قالسا ئەسلا ئۇنمايتىم ، چوقۇم ماڭىمۇ شۇنىڭغا ئوخشاشنى قىلىپ بېرىشى كېرەك ئىدى ، ھەتتا ئاكامنىڭ يېڭىدىن پايپاق كەيگىنىنى كۆرۈپ قېلىپ ئالدىراپ مەكتەپكە ماڭغىنىنى كۆرۈپ تۇرۇپمۇ پۇتىدىن سالدۇرۋالغان ئىدىم ، شۇ كۈنى ئاكام پايپىقىنى ماڭا سېلىپ بېرىپ باشقىنى كىيىشكىمۇ ئۈلگۈرمەي كېتىپ قالغان ئىدى . ئاپامنىڭمۇ يېڭىدىن كۆڭلەك كەيگىنىنى كۆرۈپ مەنمۇ مۇشۇنىڭغا ئوخشاشنى كىيىمەن دەپ تۇرىۋلغان ئىدىم ، ئاپامنىڭ تىللىغانلىرىغا، يالۋۇرغانلىرىغا قارىماي ئاخىرى قونچىقىمغا بىرنى  ، ماڭىمۇ  بىرنى تىكتۈرتۈپ بەرگەندىن كىيىن ئاندىن ئۆزى كىيەلىگەن ئىدى . توۋا،،،،ھەجەپ بىر ئەسكىكەنمەنتۇق . تېلىۋىزوردا توي قىزلىرىنىڭ توي كۆينىكى كىيىپ چىرايلىق بېزەلگەن ماشىنلارغا ئولتۇرغىنىنى كۆرگىنىمدە __  ئاپوي ، دادامغا دەڭە بىزنىڭ ماشىننىمۇ ئاۋۇنىڭدەك ياساپ ،مەنمۇ ئاشۇنداق كۆينەك كىيىپ باقاي .   دەپتىكەنمەن . ئاپام كۈلۈپ كېتىپ ، __  ئۇ دىگەن توي قىزلىرى ،خۇدايىم بۇيرىسا چوڭ بولغاندا ئاشۇنداق كۆينەك كىيىپ ،شۇنداق ماشىندا ئولتۇرىسىز قىزىم ، خۇدايىم بەختىڭىزنى بەرسۇن .... __ قاچانمۇ چوڭ بۇلارمەن ھە،،،،توي قىزى بولسام بوپتىكەن ، ھەجەپ چىرايلىق كۆينەك كىيىدىكەن .... بۇ گەپلىرىمنى ئاڭلاپ ئۆيدىكىلەر بىر ھازا كۈلگەن ئىدى ، مەن ئۇلارنىڭ نىمىشقا كۈلگىنىنى بىلمەي ھاڭۋېقىپ قاراپ قالغان ئىدىم ، مانا ئەمدى چۈشەندىم ، بىرەدە شۇنداق دىگەنتىڭىز دەپ يۈزۈمگە سېلىپ قويىدۇ ، خىجىل بۇلۇپ يەرگە كىرىپ كېتەي دەپ قالىمەن ، ئۇچاغدا نىمە بىلەي ، بىلگەن بولسام شۇنداق دەرمىدىم .   ھەي توۋا.....مۇشۇ ئىشلارغىمۇ ھەپ-پەش دىگۈچە 15 يىل بۇلۇپتۇ .....كىچىك چېغىمدا شۇنداق ئىچى تار ، كەپسىزلىكىم .........ھازىرغۇ ئۇنداق ئەمەس شۇنداق كەڭ قورساق ، مۇلايىم قىز بۇلۇپ كەتتىم ، چوڭ بولدۇق ئەمەسمۇ ، ھې،،،ھې،،ھې،،، ھازىرقى كىچىك بالىلار بىزدەك قىزىقارلىق ئويۇنلارنى ئوينىماس بۇلۇپ كېتىپتۇ ، قارىساق كۆتۈرۋالغان سومكىسى ئۆزىدىن چوڭ ، سۇمكىنىڭ ئېغىرلىقىدىن كۆتۈرۈپ ماڭماقمۇ بىر گەپ . مانا تاتلىق خىياللارغا چۆكۈپ ،شېرىن خىياللارغا غەرىق بۇلۇپ ، خۇددى شۇ ئىشلار يۈز بېرىۋاتقاندەك ، بىردەم بولسىمۇ بالىلىقنىڭ پەيزىنى سۈرگەندەك بولدۇم ...............                             مەنبە __ ئۆزۈم

UYGHURAAA

	مەن ھازىرقى يەتتە ياشلىق قىزىمنىڭ بەزى قىلمىشلىرىنى كۆرۈپ ئۆزۈمنىڭ ئاشۇ ۋاقىتلىرىمدىكى قىلغان ئىشلىرىمنى ئەسلەپ قالىمەن.

al.ansar

	ھەي بالىلىق ئەسلىمىسىنىڭ گىپى چىقسىلا ئادەم چەكسىز خىيال قوينىغا غەرق بولىدۇ. بالا ۋاقىتلىرىمدا مەنمۇ خىلى ئىشلارنى تېرىغان. ھەركىتىم تىز ئەمەس ئىدى، ئەمما چوڭلارنىڭ كۆزىدىن ئاسانلا چەتنەپ كېتەتتى. بالا ۋاقىتلىرىمدا قوغلاشماق ئويناش بىلەن خۇشۇم يوق ئىدى، ئاسان تۇتۇلۇپ قالاتتىم، ئەمما مۈكۈشمەك دېسە ھەممىنى بېسىپ چۈشەتتىم. بىر قىتىم بالىلار بىلەن مۈكۈشمەك ئويناۋىتىپ، كالا ئوقۇرىغا چۈشۈپ، ئۈستۈمگە پاخالنى يېپىنىپلا ئۇخلاپ كېتىپتىمەن، تاپىدىغانلار مېنى تاپالماي باشتا "تىز چىق، بولمىسا ئوينىمايمىز!" دەپ ۋارقىراپ بېقىپتۇ، مەن چىقمىغاندىن كېيىن چوڭلارنى چاقىرىپتۇ، ئۇلار مېنى يوقاپ كەتتى، چوقۇم بىرەر يەرگە قىسىلىپ قالدى دەپ ئويلاپتۇ، ئاشۇ چاغدا كالا پاخال يەيمەن دەپ ئوقۇرغا بىشىنى تىقمىغان بولسا قانچىلىك ياتاتتىمكىن تاڭ. بىر قىتىم تاغامنىڭ ئۆيىدە ئۈجمە يەيمەن دەپ ئىنچىكە شاخنىڭ ئۈستىدە ماھارەت كۆرسىتىمىز، كىم ئەڭ ئىنچىكە يەرگە دەسسىيەلەيدۇ دەپ مەن يېڭىۋالغان، ئەمما يەڭگەننىڭ بەدىلىگە قوشنىمىزنىڭ بىغىغا خۇددى كارتوندىكى پىرىخون سۈپۈرگىگە مېنىپ ئۇچقاندەك ئۈجمە شىخىغا مېنىپ چۈشۈپ كەتكەنتى. بالىلار چوڭ بولۇشنى ئويلايدۇ، چوڭلار بالىلىقىنى ئويلايدۇ................

تۆرەم

	شۇنىڭدىن كىيىن ئۇسۇل ئوينىساممۇ ئوينايتىم ئاپامنىڭ ئايىغىنى قەتئى كەيمەس بولدۇم . ،ئاكامنىڭ شۇنچىلىك ئېزىلىپ يىغلاپ كەتكىنىگە قاراپ شۇندىن كىين ئۇنىڭ كىتاپلىرىدىن <<پۇل>>ياسىمىغان ئىدىم . __ قاچانمۇ چوڭ بۇلارمەن ھە،،،،توي قىزى بولسام بوپتىكەن ، ھەجەپ چىرايلىق كۆينەك كىيىدىكەن ....

gulbar5

	مەنمۇ كىچىك  چاغىلرىمدا شۇنداق ئوينايتىم. مانا  ئەمدى. بۇ بىر  ئوتىمۇشكە ئايلاندى.

arxang

mugsirdax

	بۇرۇنقى چاغلار  غەم ئەندىشىش .. بەك كۇڭۇللۇك   [s:9]  [s:9]

alafasy

	بەزىدە تۇيۇقسىزلا بالىلىق ۋاقتىمدىكى ئىشلارنى ئويلاپ قالىمەن، سۇيۇيئاشقا تاۋۇز سېلىپ يىگىنىمچۇ تېخى، ھى ھى ھى.

cayyara

	ئاپتور جاۋابىنى بويلاپ 2قەۋەت  al.ansar كە 2011-05-18 05:33 PMئەۋەتىلدى  : ھەي بالىلىق ئەسلىمىسىنىڭ گىپى چىقسىلا ئادەم چەكسىز خىيال قوينىغا غەرق بولىدۇ. بالا ۋاقىتلىرىمدا مەنمۇ خىلى ئىشلارنى تېرىغان. ھەركىتىم تىز ئەمەس ئىدى، ئەمما چوڭلارنىڭ كۆزىدىن ئاسانلا چەتنەپ كېتەتتى. بالا ۋاقىتلىرىمدا قوغلاشماق ئويناش بىلەن خۇشۇم يوق ئىدى، ئاسان تۇتۇلۇپ قالاتتىم، ئەمما مۈكۈشمەك دېسە ھەممىنى بېسىپ چۈشەتتىم. بىر قىتىم بالىلار بىلەن مۈكۈشمەك ئويناۋىتىپ، كالا ئوقۇرىغا چۈشۈپ، ئۈستۈمگە پاخالنى يېپىنىپلا ئۇخلاپ كېتىپتىمەن، تاپىدىغانلار مېنى تاپالماي باشتا "تىز چىق، بولمىسا ئوينىمايمىز!" دەپ ۋارقىراپ بېقىپتۇ، مەن چىقمىغاندىن كېيىن چوڭلارنى چاقىرىپتۇ، ئۇلار مېنى يوقاپ كەتتى، چوقۇم بىرەر يەرگە قىسىلىپ قالدى دەپ ئويلاپتۇ، ئاشۇ چاغدا كالا پاخال يەيمەن دەپ ئوقۇرغا بىشىنى تىقمىغان بولسا قانچىلىك ياتاتتىمكىن تاڭ. بىر قىتىم تاغامنىڭ ئۆيىدە ئۈجمە يەيمەن دەپ ئىنچىكە شاخنىڭ ئۈستىدە ماھارەت كۆرسىتىمىز، كىم ئەڭ ئىنچىكە يەرگە دەسسىيەلەيدۇ دەپ مەن يېڭىۋالغان، ئەمما يەڭگەننىڭ بەدىلىگە قوشنىمىزنىڭ بىغىغا خۇددى كارتوندىكى پىرىخون سۈپۈرگىگە مېنىپ ئۇچقاندەك ئۈجمە شىخىغا مېنىپ چۈشۈپ كەتكەنتى. ....... ۋاي خۇدايىم ......مەندىنمۇ بەكرەك كەپسىز كەنسىزتۇقمۇ نىمە سىز ............كالا ئوقۇرىدا يېتىپ بۆشۈكتە ياتقاندەك ئۇخلاپسىز ھە .....

bih0999

	تىخىچىلا كىچىك بالىكەنسىزغو ، توي كۆينىگى كىيمەپسىز.