مورفىي قانۇنىيىتى

RainMan

	ئالدى بىلەن "مورفىي  قانۇنىيىتى" نى  بىر ئىزاھلىۋەتسەك :  يۈز بېرىش مۇمكىنچىلىكى بار بولغان ، ئەمما بىز يۈز بېرىشنى خالىمايدىغان ئىش  ئېھتىماللىقىنىڭ   قانچىلىك كىچىك بولىشىدىن قەتئىينەزەر ھامىنى  يۈز بېرىدۇ ئاسانلاشتۇرۇپ ئېيتقاندا خاتالىق كۆرۈلۈش ئېھتىمالى بار بىر ئىش قىلغىنىمىزدا ، خاتالىق چوقۇم كۆرۈلىدۇ .   ئىككى ياكى ئۇنىڭدىن ئارتۇق تاللاش ئىمكانىيىتى باربولۇپ ، ئارىسىدىكى بىر خىل تاللاش بىر مەيدان ئاپەتنى كەلتۈرۈپ چىقىرىدىغان بولسا،  چوقۇم ئۆتە-ساپا  شۇ خىل تاللاشنى تاللايدىغانلار چىقىدۇ ئالدىڭىزدا ئۈچ يول بار ،   بارىدىغان يېرىڭىزگە ئاپىرىدىغان يول ئىككى ، نۇرغۇن كىشىلەر   قاتتىق ئويلىنىش ئارقىلىق  ئۈچىنچى يولدا مېڭىپ سالىدۇ . ئېدۋارد. مورفىي (Edward A. Murphy)  ئىنژىنىر ، ئىلگرى ئامېركا ھاۋا ئارمىيىسىگە كىرگەن ، 1949-يىلى ئېلىپ بېرىلغان MX981 تەجرىبىسىگە قاتناشقان ، بۇتەجرىبىنىڭ مەقسىتى ئىنسانلارنىڭ تېزلىنىش(加速度)قا بولغان بەرداشلىق بېرىش ئىقتىدارىنى سىناش ،  يۇقىرىقى قانۇنىيەت دەل مۇشۇ قېتىملىق تەجرىبە ئارقىلىق ئىسپاتلىنىپ چىققان . يەنە بىر  قېتىم  :   يۈز بېرىش ئېھتىماللىقى قانچە كىچىك بولغان  ھادىسىنىڭ  يۈزبەرگەندە ئېلىپ كىلىدىغان زىيىنى شۇنچە زور بولىدۇ "قورققانغا قوش كۆرۈنەر" دەپتىكەن كونىلار .      ※※※※※※※※※※※※※※※※※※※※※※※※※※※※※※※※※※※※※※※※※※※※※ خوش ، ئاۋالقى گەپكە كېلەيلۇق : "مورفىي قانۇنىيىتى" گە ئاساسلانغاندا : 1. ھەرقانداق ئىش كۆرۈنۈشتىكىدەك ئوڭاي ئەمەس 2. ھەرقانداق ئىشنى قىلىشقا كەتكەن ۋاقىت  ھامان ھېسابىڭىزدىكىدىن  ئۇزۇن بولىدۇ 3. خاتالىشىش مۇمكىنچىلىگى بولغان ئىشتا ، خاتالىق ھامان كۆرۈلىدۇ 4. ئەگەر شۇ ئىشنىڭ يۈز بېرىشىدىن  ئەنسىرسىڭىز ،    بۇ مۇمكىنچىلىك تېخىمۇ چوڭ بولىدۇ       ھاياتلىق پەلسەپىسى : 1.مۈشۈككە ناخشا ئۆگىتىش نىيىتىدە بولماڭ ،  بۇنىڭ نەتىجىسى بولمايلا قالماستىن ، يەنە مۈشۈكنىڭ ئاچچىقىنى كەلتۈرۈپ قويىشىڭىز مۇمكىن؟ 2.كالۋا ئادەم بىلەن تالاشماڭ ، بولمىسا كۆرگۈچىلەر كىمنىڭ كالۋا ئىكەنلىكىنى  پەرق ئېتەلمەي قالىدۇ ؟ 3.ئۆزىڭىزنى بەك مۇھىم چاغلاپ كەتمەڭ ، سىز بولمىغانغا  قۇياش ئوخشاشلا شەرقتىن چىقىۋېرىدۇ ؟ 4.كۈلۈمسىرەپ قويۇڭ ، ئەتىنىڭ بۈگۈندىن ياخشى بوپ كېتىشى ناتايىن. 5.  ياخشى باشلانغان ئىشنىڭ ياخشى ئاخىرلىشىشى ناتايىن ،  باشلىنىشى ياخشى بولمىغان ئىشنىڭ نەتجىسى كۆپ ھاللاردا تېخىمۇ چاتاق . ھەل قىلىش پرىنسىپى 1. پۇلغا جىددى ئېھتىياجلىق بولغان بىر دوستىڭىزغا ياردەم قىلسىڭىز ، ئۇ چوقۇم سىزنى ئەستە تۇىدۇ ---- بولۇپمۇ  كېلەر قېتىم جىددى پۇل لازىم بولغاندا . 2. قىلالىغانغا قىلدۇرۇڭ ، قىلالمىغانغا ئۆگىتىڭ ،   ئۆگىنەلمىگەننى باشقۇرۇڭ . 3. سىز  بەلگىلەنگەن ۋاقىتتىن بۇرۇن باردىڭىز ، لېكىن يىغىن  ئېچىلمايدىغان بولدى ؛ دەل ۋاقتىدا باردىڭىز يۇ ، يەنە ساقلىشىڭىزغا توغرا كەلدى ؛   سىز كېچىكىپ باردىڭىز  ،  كېچىكتىڭىز . 4.  جۈپتىڭىزنى ئېلىپ سەيلىگە چىقتىڭىز ،  تونۇشلار ئۇچراپ قېلىشتىن ئەنسىرگەنسىرى تونۇشلارمۇ   ئۇچراۋەردى . مۇھەببەتنىڭ مەنىسى   1.  سىز ياخشى كۆرۈپ قالغان ئادەم ، ھەمىشە  سىزنىڭ ئۇنى ياخشى كۆرۈپ قېلىشىڭىزنى :  سىزنىڭ   ئۆزىنى بۇرۇنقى سۆيگۈنىڭىزگە  ئوخشاتقانلىڭىزدىن دەپ قالىدۇ . 2. سىز ئاخىرى غەيرەتكە كېلىپ يازغان سۆيگۈ خېتىڭىز ، قارشى تەرەپنىڭ قولىغا تەگكۈچە ئۆتكەن ۋاقىت  ئىچىدە سىز توختىماستىن بۇ خەتنى يازغىنىڭىزغا پۇشايمان قىلىسىز ھەم ئۇنى قايتۇرۋېلىش ئىستىكىدە بولىسىز 3. بىرسىگە ئۆچ بولغانسىرى ئۇ ئادەم كۆز ئالدىڭىزدىن نېرى كەتمەيدۇ ، بىرسىنى سېغىنغىنىڭىزدا بولسا  جاھاننىڭ بۇلۇڭ-پۇچقاقلىرىغىچە ئىزدەپمۇ  ئۇنى تاپالمايسىز . تۇرمۇشقا نەزەر 1. قانچىكى ياخشى نەرسە ،  ئىشلىتىلىشى شۇنچە ئاز بولىدۇ 2.بىر  مەھسۇلاتقا  90 كۈنگىچە مەسىلە كۆرۈلمەسلىك كاپالىتى بېرىلدى دېگەنلىك ،  91-كۈنى ئۇ مەھسۇلاتتىن چوقۇم چاتاق چىقىدۇ دېگەنلىك . 3. خېلى ۋاقىتقىچە لازىم  بولمىغان بۇيۇمنى تاشلىۋېتىشكە توغرا كېلىدۇ  ؛   تاشلىۋەتكەندە بولسا ، شۇ نەرسىگە ئېھتىياجلىق ئىشلار يېغىپ كېتىدۇ 4.  نەرسىڭىزنى يۈتتۈرۈپ قويغىڭىزدا بىرىنچى بولۇپ ئىزدەيدىغىنىڭىز  ئۇنى تېپىش ئېھتىمالى بولغان ئەڭ ئاخىرقى جاي. 5. ئىزدەپ تاپقىنىڭىز ھەمىشە  ئىزدەۋاتقىنىڭىز ئەمەس بولۇپ چىقىدۇ . 6. سىز ئەخلەت يېمەكلىك ئەكىرىشكە تەمشەلگىنىڭىزدە ،  كۆرىۋاتقان كىنو تازا قىزىق يېرىگە كېلىدۇ 7. ئۆچىرەتتە تۇرغىنىڭىزدا ھەمىشە  قېشىڭىزدىكى ئۆچىرەت سىز تۇرغاندىكىدىن تېز ئازلايدۇ ، شۇنىڭ بىلەن غىپپدە ئالمىشسىز ،  ئالماشقىنىڭىزدا بولسا سىز باشتا تۇرغان ئۆچىرەت ئازلاشقا باشلايدۇ ، ئۇزۇن ئۆرە تۇرغانسىرى ئۆچىرەتتە خاتا تۇرغىنىڭىز ھېس قىلىسىز 8. كوچا ئاپتۇبۇسى ساقلاۋاتىسىز ،  سىز ساقلىمىغان ئاپتۇبۇس نەچچە  قېتىم ئۆتۈپ بولغاندىمۇ ،   سىز ساقلىغان ئاپتۇبۇس تېخىچە بىرسىمۇ كەلمىدى . بىر ئىشتىن ئەنسىرگەنسېرى يۈز  بېرىش ئېھتىماللىقىنىڭ يۇقىرى بولۇشىنىڭ سەۋەبى  : ئەنسىرەش ، شۇ ئىش يۈز بەرمەسلىكىنى ئۈمىد قىلىش ، شۇڭا  قەتئىي سەل قارىيالماسلىق . ئەپسۇس ، يۇقىرىدا دەپ ئۆتكەندەك  ئادەم زېھنىنى يىغىشقا تىرىشقانسىرى شۇنچە ئاسان خاتالىشىدۇ نېمىدىن قورقسىڭىز شۇ  كېلىدۇ ،  ئەنسىرگەن ئىش چوقۇم ، ھامان يۈز بېرىدۇ ! "قورققانغا قوش كۆرۈنەر" دەپتىكەن كونىلار . مەنبە :  بەيدۇ بىلەرمەن ۋە  رېن رېن تورىدىكى مۇناسىۋەتلىك تېما ئىنكاسلار تەرجىمە قىلغۇچى ۋە مۇنبەرگە يوللىغۇچى : يامغۇر

siyitnoqi

	بەكلا ئەھمىيەتلىك سۆزلەركەن بىلۇگىمغا يوللىۋالسام بولامۇ مەنبەنى ئەسكەرتكەن ئاساستا ..... [s:148]  [s:148]

RainMan

	ئاپتور جاۋابىنى بويلاپ 1قەۋەت  siyitnoqi كە 2011-05-18 05:29 PMئەۋەتىلدى  : بەكلا ئەھمىيەتلىك سۆزلەركەن بىلۇگىمغا يوللىۋالسام بولامۇ مەنبەنى ئەسكەرتكەن ئاساستا ..... [s:148]  [s:148] ئەلۋەتتە بولىدۇ ،  تېما يوللاشتىكى  مەقسەتمۇ دەل شۇ  ئەھمىيەتلىك نەرسىلەرنى كۆپچىلىك بىلەن ئورتاق بەھرىلىنىش  ئەمەسمۇ

samran

	كونىلارنىڭ قورققان يەردە جىن بار  دىگىنى بىكار ئىيتىلمىغان زادى.

serikbuya

	.بىر  مەھسۇلاتقا  90 كۈنگىچە مەسىلە كۆرۈلمەسلىك كاپالىتى بېرىلدى دېگەنلىك ،  91-كۇنى چۇقۇم مەسىلە چىقىدۇ ،   بۇ منىڭ تىجارىتم بىلەن مۇناسىۋەتلىك ئىكەن ،مەن بىر تېلفۇن ساتسام 3كۇنلۇك سۇپەت كاپالىتى بىلەن  بىرىمەن ،ئەمما خېرىدارلار 4كۇنى سەھەردە بېشمنى ئاغىرىتىپ ئەكىلىدۇ ،مەسلە چىقسىمۇ ئەكلىدۇ  چىقمسىمۇ ئەكلىدۇ

serikbuya

	تۇرمۇشا كۆپ ئۇچىرايدىغان قانۇنيەتلەر ئىكەن ،تىما ئىگىسىگە كۆپ رەخمەت ئەھميەتلىك تىما يوللاپسىز

zapar

	راسىتلا ئەمەلىي گەپلەركەن ھەممسى. [s:166]

nur-luk

	غەرىپچە پەلسەپى مۇبۇ؟

bagmurat

	بۇ  گەپلەر  ھەققىەتەن بولىدىكەن ئەمما بەزى جايلار سەل ئاشۇرۇۋىتىلىپتۇ  .  ھەقىقەتەن بولىدىغان پەلساپە  ئىكەن .

yasenm

	ساقلىۋالدىم بەك ياخشى تىمىكەن .