قانداق بالىلار بالدۇر مۇھەببەتلىشىش قاينى

nadira

	قانداق بالىلار بالدۇر مۇھەببەتلىشىش قاينىمىغا كىرىپ قالىدۇ؟ بالىلارنىڭ بالدۇر مۇھەببەتلىشش ھادىسىى نۆۋەتتە ئاتا-ئانىلارنى شۇنداقلا بىز ئوقۇتقۇچىلارنى ئەنسىرىتىۋاتقان ، گاڭگىرىتىپ قويىۋاتقان نازۇك ھەم تەخىرسىز مەسىلىلەرنىڭ بىرى بولۇپ قالدى . نەچچە يىللار ئىلگىرى تولۇقسىز يىللىق ئوقۇغۇچىلىرىدا شۇخىلدىكى مەسىلىلەر بايقالسا بۇنى بالدۇر مۇھەببەتلىشش دەپ قارايتۇق، لېكىن يېقىنقى يىللاردىن بۇيان بۇ تەرەققىي قىلىپ ھەتتا باشلانغۇچ مەكتەپلەرنىڭ تۆۋەن يىللىقلىرىدىمۇ كۆرۈلۈشكە باشلىدى. مەسىلە بولغان ئىكەن، ئۇنى ھەل قىلىشقا ئۇرۇنىشىمىز، ھەل قىلىش ئۈچۈن ئالدى بىلەن ئۇنى چۈشىنىشىمىز كېرەك . مەنمۇ سەككىز يىللىق ئوقۇتقۇچىلىق ھاياتىمدا كۆپ مەزگىل سىنىپ مەسئۇلىلىق خىزمىتىنى ئىشلەپ كەلگەن بولغاچقا بۇ ھەقتىكى كۆپ مەسىلىلەرنى بىۋاستە كۈزىتىش ۋە ھەل قىلىش جەريانلىرىنى باشتىن ئۆتكۈزدۇم . بالىلاردىكى بالدۇر مۇھەببەتلىشش ھادىسىسى زادى ئەخلاق مەسىلىسمۇ ئەمەسمۇ دېگەن سۇئالغا نۆۋەتتە بىر قىسىم تەتقىقاتچىلار : بالدۇر مۇھەببەتلىشش ئەخلاق مەسىلىسى ئەمەس، بەلكى پىسخىك مەسىلە دەپ ھۆكۈم چىقارماقتا، ئەلۋەتتە مەنمۇ شۇ خىل قاراشنى قۇۋەتلەيمەن، چۈنكى يات جىنىسقا ئىنتىلىش -بۇ ئەزەلدىنلائادەمنىڭ تەبىئىي ئالاھىدىلىكى. ھازىرقى مەسىلە شۇكى ، بىر قىسىم ئوقۇتقۇچىلار بالدۇر مۇھەببەتلىشش مەسىلىلىرىنى بايقىغاندا ، نۇقۇللا ئەخلاق مەسىلىسى دەپ قاراپ ،قوپال ئۇسۇللار بىلەن ھەل قىلشىقا ئۇرۇنماقتا، بۇ تونۇش ۋە ھەل قىلىش چارىسى تەرەپلەردىن قارىغاندا قوش خاتالىق ھېسابلىنىدۇ. ئۇنداقتا قانداق قىلىش كېرەك؟ گەپنى ئالدى بىلەن قانداق بالىلار بالدۇر مۇھەببەتلىشش قاينىمىغا كېرىپ قالىدۇ دېگەن تېمىدىن باشلايلى . كۈزىتىش ھەم مۇلاھىزە نەتىجىلىرىدىن قارىغاندا تۆۋەندىكى بىرقانچە خىل بالىلاردا ئاسانلا بالدۇر مۇھەببەتلىشش ئېستىكى پەيدا بولىدۇ: 1.خاراكتېرى روشەن ھالدا ئوچۇق-يورۇق، تەققى-تۇرقى ئالاھىدە قاملاشقان بالىلار بۇخىلدىكى بالىلارنىڭ بالدۇر مۇھەببەتلىشش نىسبىتى ، ئىچ مىجەز، تاشقى قىياپىتى ئادەتتىكىچە بالىلارغا قارىغاندا يۇقىرى بولىدۇ. ئوچۇق-يورۇق خاراكتېرلىك بالىلار جۈرئەتچان كېلىدۇ.ئۆزى ياقتۇرۇپ قالغان ھەرقانداق نەرسىنى قولغا كەلتۈرۈشكە تىرىشىدۇ.تەشەببۇسكارلىق ئۇلارنىڭ چوڭ كوزىرى ھېسابلىنىدۇ. يەنە بىرى تاشقى قىياپىتى قاملاشقان بالىلار ،ئاسانلا ئەتىراپىدىكىلەرنىڭ ئامراقلىقىغا ئىرىشىدۇ، بولۇپمۇ قىزلار ھەم ئوچۇق خاراكتېرلىك ھەم چىرايلىق بولسا ئاسانلا ئوغۇللارنىڭ قوغلىشش نىشانىغا ئايلىنىپ، كۆپىنچە ھاللاردا باشقا جىنىسداش دوستلىرىغا قارىغانداتېخىمۇكۆپ ياخشى مۇئامىلە،شىرىن-سۆزلەرگەئېرىشىدۇ. 2.ئەدەبىيات -سەنئەتنى ياخشى كۆرىدىغان ۋە بۇ جەھەتتە تالانتى باربالىلار بۇخىل بالىلارنىڭ ھېسسياتى مول ، تەبىئىتى نازۇك بولىدۇ. كىتابلاردىكى ،ناخشىلاردىكى ، فىلىملەردىكى رومانتىك كەچمىشلەرنى رېئال دۇنياغا ئېلىپ كېلىدۇ،ھەم شۇلاردىن يۇغۇرۇلغان ،غايىۋى مۇھەببىتىنى مەلۇم بىر ئوبىكتىقا باغلىۋالىدۇ.ئەلۋەتتە ئۇلاردىكى باشقىلاردا ئاز كۆرۈلىدىغان ئارتۇقچىلىقلار قارشى تەرەپنىمۇ ئاسانلا بۇ قاينامغا ئېلىپ كىرەلەيدۇ. 3.خاراكتېرى ئاجىز ، ماختىنىش تۇيغۇسى كۈچلۈك بالىلار بۇ خىلدىكىلەر قىز بالىلاردا كۆپ كۆرۈلىدۇ، بۇنداق قىزبالىلارنىڭ مۇتلەق كۆپىنچىسى ئائىلىدە ئەركە ئۆسۈپ يېتىلگەن بولۇپ،ئۇلارنىڭ نەزىرىدە بىر ئوغۇل دوست تۇتۇش بىر يۆلەنچۈك تاپقانلىق. ئۇلار ئۆزىنى ئوغۇل دوستىنىڭ بىر قىسمى دەپ قارايدۇ،شۇڭا ئاسانلا ئوغۇللارنىڭ مۇھەببەت ئەسىرى بولۇپ قالىدۇ. بۇخىل بالىلاردا يەنە بىرخىل خاھش شۇكى ئۆزى بىلەن تەڭتۇشلىرىنىڭ بىرەرى ئوغۇل دوست تۇتۇۋالغان بولسا، ئۇنىڭ بىلەن بەسلىشش ئۈچۈنمۇ بالدۇر مۇھەببەتلىشش يولىغا قەدەم قويىدۇ. 4.ئۆگىنىش جەھەتتە ئارقىدا قالغان بالىلار بۇخىل بالىلار ئائىلىدە ئاتا-ئانىسىنىڭ، مەكتەپتە بولسا ئوقۇتقۇچىلىرىنىڭ ئالقىشىغا، رىغبىتىگە ئاسانلىقچە ئېرىىشەلمەيدۇ، بەزەن ئالاھىدە غەمخۇرلۇقلارغا نائىل بولۇشتىن سۆزئاچقىلىمۇ بولمايدۇ.ئۇلارنىڭ مېھىرگە ئىچىرقىشى تەبىئىي ھالدائۇلارنى ئۆزى بىلەن تەڭتۇش بولغان يات جىنىسلاردىن ئالاھىدە دوست تۇتۇشقا يىتەكلەيدۇ. بۇ يەردە مەن ئۆزۇم يولۇققان بىر ئىشنى مىسال ئالسام، بالدۇر مۇھەببەتلىشش قاينىمىغا كېرىپ قالغان بىر نەپەر 7-يىللىق ئوغۇل ئوقۇغۇچىسى بىلەن سۆھبەتلەشكىنىمدە ، ئۇنىڭدىن نېمىشقا ئوغۇللاردىن يىقىن دوست تۇتمايسەن دەپ سورىسام ،ئۇ ئوغۇللار قىزلاردەك سىر ساقلىمايدىكەن دېگەن ئىدى. بۇخىل بالىلارنىڭ بىر خەۋپلىك يۈزلىنشى شۇكى ، ئەگەر ئۆزى بىلەن تەڭتۇشلاردىنمۇ سىرداش تاپالمىسا، جەمئىيەتتىكى بالىلاربىلەن، ھەتتا يېشى چوڭلار بىلەن مۇھەببەت قاينىمغا كىرىپ كېتىشى مۇمكىن. 5.ئائىلىسىدە كۆڭۈلسىزلىكلەر كۆپ يۈز بېرىدىغان بالىلار ئاتا-ئانىسى ئاجىرىشىپ كەتكەن بالىلار، ئاتا-ئانىسىنىڭ ئۇرۇش-جىدىلى بېسىقمايدىغان بالىلار، ئۆگەي ئاتا-ئانىلارنىڭ قولىدىكى بالىلارنىڭ تۇرمۇشى بىرخىل سوغۇق كەيپىياتتا ئۆتىدۇ.شۇڭا بۇخىلدىكى بالىلارمۇ ئالدىنقى تۈردىكى بالىلارغا ئوخشاش ئېرىشمەكچى بولغان ئىللىق تۇيغۇلارنى باشقا جايدىن ئىزدەيدۇ. 6. مۇھىت جەھەتتىن تەلىيى ئوڭ كەلمىگەن بالىلار كونىلاردا «دوستۇڭ قارغا بولسا،يېيىشىڭ پوق» دېگەن ھېكمەت بار، بىز بۇ يەردىكى «دوست» نى بىز تىلغا ئېلىۋاتقان بۇ مەسىلىدە بالىلارنىڭ ئېرىشكەن مۇھىتىغا تەدبىقلىساقمۇ بولىدۇ مېنىڭچە. مەسىلەن بىر بالىنىڭ يېقىن ئۆتىدىغان بىرقانچە دوستلىرى بالدۇر مۇھەببەتلىشش قاينىمىغا شۇڭغىغان بولسا، ئۇنىڭمۇ شۇ يولغا مېڭىپ كېتىش ئىھتماللىقى بەك يۇقۇرى بولىدۇ. ئۇندىن باشقا بىرقىسىم ئائىلىلەردىكى ناچار مۇھىتمۇ ئۇلارنىڭ يات جىنىسقا بولغان ئاڭسىز رەۋشتىكى ئىنتىلىشىنى كۈچەيتىۋىتىدۇ. مەنبە:ۋەتەن تور خاتىرسى

Azizan

	ئائىلىسىنىڭ مۇھەببىتى سۇس ، ئەتراپىدىكى يات جىنسلارنىڭ مۇھەببىتى كۈچلۈك بولغان ئەھۋالدا ، ھەرقانداق ئادەم تالادىكى مۇھەببەتنىڭ قوينىغا كىرىپ كېتىدۇ ، توي قىلغانلارمۇ شۇنداق ...

mosajan0997

	بەك ياخشى كۈزۈتۈلۈپتۇ...قايىلا قىلارلىق...ئوۇلىنىشقا تىگىشلىك تىمىكەن...تىمىڭىزغا رەھمەت...

argintina

	كۆپىنچىسى تاشقى قىياپىتى كېلىشكەن،چىرايلىق بالىلار بالدۇرلا مۇھابەتلىشىپ قالىدۇ

sanjar

	بىلىۋالدىم ،  بۇنىڭ  چارىسىنىمۇ  بىللە  يوللاپ  قۇيماي  [s:141]

karam0998

	ھەي ران قالار لىق ئىش ئەمەس ھازىر ،ھەممىنى كىچىك باللا كور يەنىڭ مۇھەببەت كىنۇ لىردىن دوراۋاتسا [s:132]

xiren0997

	بەك ياخشى كۆزۈتۈپ يېزىلغان ئىكەن،تېمىڭىزغا كۆپ رەھمەت.

WaPaDaR0994

	پاھ ... پاھ ... پاھ ...  جەمئىيەتنى ھەجەپ ئەتراپلىق كۈزۈتۈپ ، ياش ئوغۇل -قىزلارنىڭ پىسخىيكىسىنى ئەينەكتەك يورۇتۇپ بېرىپتا !!!  [s:151]

ظاەذ

	رەەمەت تىمىڭىزغا راس دەيسىز بذ مەسىلە ظويلىنىشقا تىگىشلىك، ەەم ظالدىنى ظىلىشقا ظالىدىراشقا تىگىشلىك تەخىرسىز مەسلە. كأپ رەەمەت سزگە.

man.1

	مەن     بۇ  تېمېنې  وقۇپ  ،وزەمنېڭ  وغلېدېن  ەنسېرەپ  قالدېم. مېنېڭ وغلۇممۇ  بەك  كېلېشكەن. قانداق  قېلارمەن؟   ماڭا  مەسلەھەت   بېرېڭلا   .جاۋابېنې كۇتېمەن.