قازاننىڭ قۇلىقى تۆت( چۆچەك)

kixlak

	قازاننىڭ قۇلىقى تۆت [align=justify]يىراق تاغنىڭ بىرسىدا، يېقىن تاغنىڭ نېرسىدا، تۇخۇ جىرىم غاجاپ، پاقا تېرەككە تەتۈر چىققان، ئۆچكە تاغ قايغۇسىدا، قاسساپ جان قايغۇسىدا يۈرگەن زامانلاردا، بەگ- خوجاملارئەيشى- ئىشرەت، كەيپى ساپاغا يىتىشەلمەي، چاپارمەنلىرى يىغىپ ئەكەلگەن، پۇقرالاردىن تۈرلۈك باھانە- سەۋەبلەر بىلەن يىغۋالغان ئاقچىلارنى بۇزۇپ – چېچىپ، پۇقرالارغا سالغان زۇلىمنىڭ قاتىقلىقىدىن، خەلق ئۆزىنىڭ ھالال ئەمگىكى بىلەن ياشاپ كىلۋاتقان بولسىمۇ ناھايتى نامىراتچىلىق ئىچىدە كۈن كەچۈردىكەن. شۇنچە ئىشلىسىمۇ، كىرىمى چىقىمىنى قامدىيالماي، تاپقان – تەرگىنى قوساقتىن ئاشماي، يىگەنلىرى چىرايغا چىقماي، قورسىقىغا تاپسا، ئۇچىسىغا يوق، ئۇچىسىغا تاپسا قورسىقىغا يوق ھالەتتە، كۈنلىرىنى تولىمۇ بىچارىچىلىك ۋە غېرىپلىق ئىچىدە ئۆتكۈزۈدىغان پۇقرالار يۇرتنى تاشلاپ، باشقا يۇرتلارغا باش ئېلىپ چىقىپ كىتىشپتۇ. بۇنداق تۇرمۇشتىن زارلىنىپ كەتكەن قادىر توشقانمۇ، باشقا يۇرتقا بېرىپ تىركچىلىك قىلىشنى ئويلاپتۇ. تەييارلىقىنى پۇختا قىلغان قادىر توشقان يۇرتىنى تاشلاپ، ئۆزگە يۇرتلارنى مەنزىل ئەيلەپ سەپەرگە ئاتلىنىپتۇ.يۈرۈپتۇ، يۈرگەندىمۇ مول يۈرۈپتۇ. قورسىقى ئاچقاندا، تاپالىسا ياۋا مىۋىلەرنى تىرىپ يەپ، ئۇساپ كەتسە بۇلاق سۈيلىرىنى ئىچىپ تاپالمىسا دەرەخ قۇۋزاقلىرىنى يەپ، ئوت- چۆپلەرنى سىقىپ سۈيىنى ئىچىپ، زىمىننى سېلنچا، ئاسماننى يېپىنچا قىلىپ سەپىرىنى شۇنداق داۋاملاشتۇرۇپتۇ. سەپەر جەريانىدا، نۇرغۇن جايلاردىن ئۆتكەن بولسىمۇ، بىراق ھىچقايسى بىر جاي، ئۇنىڭ مەيلىنى تارتالماپتۇ. يۈرە -  يۈرە ئاخىر بىر شەھەرگە چۈشۈپتۇ، لىكىن پاناھلانغىدەك بىرەر جاي تاپالماپتۇ. قەيەرگىلا بارمىسۇن، قادىر توشقاننىڭ قەلەندەرچە سىياقىنى كۆرگەن ساراي خوجايىنلىرى ئۇنى بىر ئېغىز گەپمۇ قىلدۇرماي، ئىشىك ئالدىدىن قوغلاپتۇ.ھارغىنلىق ۋە ئاچلىق دەستىدىن ماڭغۇدەك ھەم تۇرغىدەك ھالى قالمىغان قادىر توشقان بىر قېرى دەرەخنىڭ بۆرتۈپ چىققان يىلتىزىغا باش قۇيۇپ ئۇيقۇغا غەرق بوپتۇ. قاتتىق ئۇخلاپ كەتكەن قادىر توشقان، قىيا- چىيا ۋە شاۋقۇن- سۆرەنلەرنىڭ ئاۋازىدىن چۈچۈپ ئويغۇنۇپ كىتىپتۇ. قارىغىدەك بولسا، شەھەر پۇقرالىرى قاچە- قاچ بولۇپ كىتىپتۇ. نىمە ئىش بولغانلىقىنى بىلپ بولغۇچە، گەدىنىنى يوغان بىر قول قاتتىق قامالاپتۇ. سەن، بىز چىقارغان پەرمانغا بويسۇنماي، بۇ يەردە نىمە ئىش قىلىپ يۈرۈيسەن- دەپتۇ، ھىڭگڭ چىش، دورداي كالپۇك، پاناق بۇرۇن، تەتۈر ئۇستىخان ئۇچىسىغا قار كىيم، بېشىغا چىغ قالپاق كىيۋالغان بىرسى. قادىر توشقان ئوڭىمۇ ياكى چۈشۈم دەپ، ئەتراپقا ئەنسىزلىك ۋە قورقۇش بىلەن قاراپتۇ. قاتتىق قورقانلىقتىن ئېغىزى گەپكە كەلمەي مەن، مەن... دەپ دۇدىقلىغىنىچە بىر نەرسە دېمەكچى بولۇپتۇ، بىراق ئويلىمىغان يەردىن تەككەن قاتتىق مۇشتنىڭ زەربىسىدىن دىمى ئىچىگە چۈشۈپلا كىتىپتۇ. سەن، ھارامزەدە تېخى بىزلەرگە گەپ ياندۇرماقچىمۇ، دەپ يەنە ئۇرۇپ، قوللىرىنى باغلاپ ئالدىغا سېلىپ ئېپ مېڭىىپ، قارڭغۇ زىندانغا تاشلاپتۇ. ئەسلى بۇ يۇرتىىكى بەگ- خوجاملارمۇ خەلىقنىڭ يىلىكىنى شوراش ئارقىلىق جان باقىدىكەن. ياتە- يات زىنداندا ئۇزۇن يېتىپتۇ. كۈنلەرنىڭ بىرىدە، بىر چىرىك ئۇنى يالاپ، پۇت- قوللىرىن كىشەنلەپ، ئەمگەك مەيدانىغا ھازىر قىلىپتۇ. كىيملىرى جۇل- جۇل، پۇت- قوللىرى قىيا تاشلاردىن، دۈمبىسى قامچا دەستىدىن تىتىلغانلارنى كۈرۈپ، بىر تەرەپتىن ئۇلارغا ئىچ ئاغىرتىپتۇ، يەنە بىر تەرەپتىن چىرىكلەرگە غەزەپلىنۋاتاتتى. قاتمۇ- قات مۇھاسىرگە قاراپ، بۇ يەردىن قېچىشنىڭ مۇمكىنچىلىكى يوقلىنى بىلگەن قادىر توشقان، ئۆزىگە ئوخشاش بىگۇناھ تۇتۇلغان كىشلەر بىلەن ئاستىرىتتىن تىل بىرىكتۈرۈپ، پۇرسەتتىن پايدىلىنىپ، توپىلاڭ كۆتىرىپ ئەمگەك مەيدانىدىن بىر قانچە بۇرادىرلىرىنىڭ ھەمراھلىقىدا قېچىپتۇ. قېچىپتۇ، قېچىپتۇ قاچقاندىمۇ بەك تىز قېچىپتۇ. يۈگىرەپتۇ، يۈگىرەپتۇ نەپسى سىقىلىپ، ئۆپكىسى ئېغىزىغا تىقىىلىپ، تىلى ساڭگىلاپ قالغاندىلا توختاپتۇ. بىر دەملىك دېمىنى ئېلىش جەريانىدا، كىيىنكى پىلانلىرى ئۈستىدە باش قاتۇرۇپتۇ. ئۇنى دىيىشىپتۇ، بۇنى دىيىشىپتۇ يەنىلا ئوي – خىياللىرى بىر يەردىن چىقماپتۇ. ھەر كىم ھەر تەرەپكە تارقاپ كىتىپتۇ. قادىر توشقانمۇ پۇتى تايغان، بېشى قايغان تەرەپكە يول ئاپتۇ. قەيەرگىلا بارمىسىۇن ئوخشاش قىسمەت ئۇنى كۈتىۋاپتۇ. ۋاپاسىز دۇنيا ۋە چىرىك ئەمەلدارلارنىڭ تارتقۇلىقىدىن قاتتىق ۋايىم يىگەن قادىر توشقان دۇئاغا قول كۆتىرىپ: خۇداغا نالە قىپتۇ. ھەي، ھەممىنى ياراتقان، ھەممىگە قادىر خۇدا زىمىندا يۈز بىرىۋاتقان ئىشلارنى كۈرمەيۋاتقانسەنمۇ؟ بەندىلىرىڭنىڭ تارتىۋاتقان ئازابلىرىنى بىلمەيۋاتقانسەنمۇ؟ يارتىش مەندىن، يارىلىش ئۆزەڭدىن دېمىگەنمىدىڭ. مەن، شۇ بۇيىچە ئىش كۆرسەممۇ، ئىرادەڭگە خىلاپ ئىش قىلمىغان بولساممۇ، يەنە نىمە سەۋەبلىك بۇ كۈنگە قالىمەن؟ ئېيتقىنا، قەيەرگىلا بارسام قازاننىڭ قۇلىقى تۆت ئىكەن. نىمە ئۈچۈن شۇنداق بولىدۇ- دەپ، قۇدىرتىڭ بىلەن مۇشۇ كۈنگىچە ياشاپ كەلدىم . ئەمدى، مىنىڭ روھىمنى ئۇ دۇنياغا ئەپكەتكىن- دەپ، ئۇزاقتىن- ئۇزاق خۇداغا نالە قىلىپتۇ. بەندىسىنىڭ نالىسىگە چىداپ تۇرالمىغان خۇدا ئەزائىلغا، ئۇنىڭ روھىنى قايتۇرۇپ ئەكىلىشكە بۇيرۇپتۇ. شۇنىڭ بىلەن قادىر توشقان بۇ دۇنيانىڭ ئازابىدىن، چىرىك بەگ – خوجاملارنىڭ زۇلىمىدن قۇتۇلۇپتۇ. زىمىن ۋە ئاسمان بارچە كائىنات، خۇدانىڭ قۇدىرىتى بىلەن قايتا يارتىلىشىنى كۈتۈپ تۇرۇپتۇ.      مەنبە: ئۆزەم

xiren0997

	خېلە ئۇستاتلىق بىلەن يېزىپسىز جۇمۇ،ياخشى چىقىپتۇ. بىر يەرلىرىدىن ھېلىقى 40يالغانغا ئوخشاپ قالاي دەپتۇ. [s:139]

YIGANAATIRGUL

	راستىنلا  ياخشى يېزىپسىز ، داۋاملىق يېزىپ بىرىڭ ،بىزنىڭ چۆچەك دۇنياسىمىز تېخىمۇ كىڭەيسۇن !!

umaksan

	ھەقىقەتەن ياخشى يېزىپسىز ، قولىڭەزغا دەت كەلمىسۇن .

Nimroh

	چۆچەكنىڭ تىلى ئوبدان چىقىپتۇ، باللارغا سۆزلەپ بەرگۈدەك چۆچەك بوپتۇ ... داۋاملىق يوللاپ تۇرۇڭ!!!

jasur2012

	چۆچەك ئوقۇپ ئولتۇرۇپ چۆچەك دەرياسى ئەمەس بەلكى قۇچقامدىكى ئۇكامنىڭ سۈدۈك دەرياسىغا غەرىق بولغىلى تاس قالدىم دىسە [s:179]  [s:179]  [s:179]

nurfina

	ياخشى يىزىپسىز رەخمەت سىزگە كۆپلەپ يوللاپ تۇرغايسىز

nurfina

	مەن چۆچەك ئاڭلاشنى بەك ياخشى كۈرىمەن رەخمەت [s:166]  [s:166]  [s:166]

ruhcar

	بۇرۇن بەك ئوقۇيتۇم بۇنداق چۆچەكنى لىكىن ھازىر خىزمەتنىڭ ئالدىراشچىلقىدا ۋاقىت يوق ھەم بۇ چۆچەكلىرمىزمۇ يوقاپ كېتۋاتىدۇ.

Ahsayigit

	بىزنىڭ ئۆيدە قازاننىڭ قۇلىقى بىر ...  [s:159]  [s:159]  [s:159]  [s:159]  [s:159]

pahtikar

	رەھمەت ! ئىنتايىن ياخشى يېزىلىپتۇ . كۆڭلۈمنى خېلى كۆتۈرۈپ قويدىڭىز !  [s:166]

QAYDU

	تىلى ياخشى بولغان بىلەن مەزمۇنى پۇچەككەن.

ziba1

	چۆچەك ئۇستىسى بۇ يەردىكەنغۇ ، داۋاملىق ئالغا ........  [s:166]  [s:166]

gvlsiman

	5-قەۋەتتىكى مۇنبەرداشقا: پەخەس بۇلۇڭ ،سۈيدۈك دەرياسىدا ئىقىپ كىتىپ قايناملارغا چۈكۈپ كەتمەڭ. [s:159]  [s:159]  [s:159]