جەمئىيەتكە مەسئۇل بولۇش روھى ھەممىمىزدە ب

OZTURK02

	(ناھايتتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن ) ئىنسانلار جەمئىيتىنىڭ ئىپتىدائىي جەمئىيەتتىن تەرەققىي قىلىپ بۈگۈنكى جەمئىيەتكە قەدەم قويغىنىغا قەدەر ئىنسانلار نەچچە باسقۇچلۇق جەمىئىيەت تەرەققىياتىنى بىسىپ ئۆتتى ، بۇ جەريانىدىكى جەمئىيەت تەرەققىياتى ئوخشىمغان دۆلەت ۋە رايۇنلاردىكى ئوخشىمىغان ئىرق-مىللەت كىشلىرىنىڭ بىر - بىرىگە سىياسىي ، ئىقتسادىي ۋە مەدەنىيەت قاتارلىق تۈرلۈك جەھەتلەردىن تەسىر كۆرسىتىشى نەتىجىسىدە بارلىققا كەلگىنى ھەممەيلەنگە ئايان ، ئىنسانلار ئوتتۇرسىدىكى ئۆز-ئارا ئىجابىي تەسىر كۆرسىتىش داۋام ئېتىپ ، بۈگۈنكى كۈندە ئىنسانىيەتنى ئىناق جەمىئىيەتكە باشلاپ كىرمەكتە . بۈگۈنكىدەك تنىچلىق ۋە تەرەققىيات ئىنسانىيەتنىڭ ئورتاق ئارزۇسى بولغان ، جەمىئىيەت تەرەققى قىلغان ، خەلىق خاتىرجەم ياشاۋاتقان مۇشۇ جەمىئىيەتتە بارلىقىنى ئىنسانىيەت تەرەققىياتى ئۈچۈن ئاتىغان ئېتىقادلىق ، غۇرۇرلۇق ، ئەخلاق-پەزىلەتلىك ، ئالىيجاناپ ، ۋىجدانلىق كىشىلىرىمىزگە ھۆرمەت -ئېھتىرام بىلدۈرسەك، يەنە مۇشۇ جەمىئىيەتتىكى بىر قىسىم ئېتىقادسىز ،غۇرۇرسىز ، ئىپپەت -ھاياسىز ، ئىنساپ -دىيانەتسىزلەرنىڭ پارازىتلارچە ياشاپ ، ئۆمىرىنى كەيىپ -ساپا ، ئەيش -ئىشرەت بىلەن ئۆتكۈزۋاتقانلىقىغا ئېچىنماي ، نەپرەتلەنمەي تۇرالمايمىز ، جەمىئىيەتتە ئىلغار پىكىرلىك ، ساپالىق كىشلەرنىڭ بولۇشى ئىنسانلارنىڭ جەمىئىيتنىڭ ئامىتى بولسا ، ساپاسىز << داشقال >> لارنىڭ كۆپىيىشى ئاپەتتۇر . بىز جەمىئىيەتكە مەسئۇل بولۇش روھىمىز بىلەن قارايدىغان بولساق ، بۇ خىل ساپاسىز كىشىلەر بىلەن كارىمىز بولماي ، ئۇلارغا پەقەت نەپرەت ، ئېچىنىش بىلەن قاراپ قويۇشىنىڭ تولىمۇ گۆدەكلەرچە قاراش ئىكەنلىكىنى چوڭقۇر تۇنۇپ يېتەلەيمىز ، چۈنكى قۇرئان كەرىمىدە ؛ << ھەر قانداق بىر قەۋىم ئۆزىنىڭ ئەھۋالىنى ئۆزگەرتمىگۈچە ئاللاھ ئۇلارنىڭ ئەھۋالىنى ئۆزگەرتمەيدۇ >> ( سۈرە رەئىد 13-سۈرە 11-ئايەت ) دەپ قەيت قىلىنغىنىدەك ، بىز ياشاۋاتقان جەمىئىيەت ئىناق -ئاسايىشلىقى ، جەمىئىيەتتىكى مەسئۇلىيەتچان ، ئاقىل - دانا كىشىلىرىمىزنىڭ باشچىلىقىدا ئازغۇنلارنى ھېدايەتكە ، نادانلارنى ئىلىم -مەرىپەتكە باشلاپ ، جىنايەتنىڭ ئالدىنى ئىلىپ << ئىللەت تۈزەلمەي مىللەت تۈزەلمەس >> دېگەن ئەقلىيە سۆزىنىڭ روھى ماھىيىتىنى چوڭقۇر چۈشىنىپ ، روھىمىزنى چىرماپ ، ئەقىلىمىزنى كېسىپ ، مىللەتنى تۇيۇق يولغا باشلاۋاتقان زەھەر سودىسى ، ئوغرىلىق ،زىناخۇرلۇق ، ھاراقكەشلىك قاتارلىق قەبىھ قىلمىشلارنى چەكلەپ ، ھەممىمىزنىڭ بىر نىيەت ، بىر مەقسەتتە ئورتاق كۈچ چىقىرىشى نەتىجىسىدە روياپقا چىقىدۇ . بىر دۆلەت ۋە بىر مىللەتنىڭ تەرەققى قىلغان ياكى قىلمىغانلىقى ، ئىلغار ياكى ئىلغار ئەمەسلىكىگە باھا بېرىشتە ئاۋال شۇ دۆلەت شۇ مىللەت كىشلىرىدىن چىققان ئالىملارنىڭ ئاز-كۆپلۈكى ، ئادەملىرىنىڭ ئومۇمىي ( ئۇنىۋىرسال ) ساپاسى نەزەرگە ئېلىنىدۇ . جەمىئىيەتنىڭ ئىناق- ئەمىنلىكىمۇ شۇ جەمىئىيەتنى تەشكىل قىلغۇچى كىشىلەرنىڭ ساپاسى تەرىپىدىن بەلگىلىنىدۇ ، شۇنداق بولغان ئىكەن جەمىئىيەت ئەزالىرىنىڭ ئۆز ساپاسىنى ئۆستۈرۈشى تولىمۇ زۆرۈر ، ئەلۋەتتە . لېكىن ئۆزىمىزنىلا تەربىيلەشكە ئەھمىيەت بىرىپ ، جەمىئىيەتتە ناچار خاھىش ، قىلمىشلارنى پەيدا قىلغانلار بىلەن << تۆگە كۆردۇڭمۇ ، ياق >> دېگەندەك كارىمىز بولماي جىنايەتكە يول قويۇپ ، جىنايەتنى سادىر قىلغۇچىلارنىڭ خورىكىنى ئۆستۈرۈپ ، يۈرىكىنى يوغىنتىپ يۈرۈۋەرسەك ، ئۇ ھالدا ئۆگەنگەن بىلىمىمىز ، ھازىرلىغان ساپايىمىز ، ئەقەللىسى بىزدىكى ئىنسانى غۇرۇر ۋە ۋىجىداننىڭ نە كېرىكى بولسۇن ؟ بۇ قىلغىنىمىز جەمىئىيەتكە ھەم ئۆزىمىزگە قىلغان ئەڭ چوڭ مەسئۇلىيەتسىزلىك ۋە ئېغىر گۇناھ . بۇ مىسالەن بىر كىشى ۋابا بىلەن يۇقۇملانسا بۇ كېسەلىنىڭ تېزلا يامراش خەۋپىنىڭ ئالدىنى ئېلىش ئۆچۈن يۇقۇملانغۇچىنى تېزدىن داۋالاپ ، ۋابانىڭ تارقىلىشىنى توسۇش كېرەك . ئەگەر توسمىغاندا پۈتكۈل ئاۋامنىڭ ھاياتى ، بىخەتەرلىكىگە خەۋپ يېتىدۇ . يامان ئىش، يامان ھەرىكەتلەرنى توسمىغاندا ، ئۇنى كۆرۈپ تۇرۇپ كارىمىز بولمىغاندا بىر كۈنلەردە ئاشۇ زىيانكەشلىككە ئۇچىرىغۇچى ئۆزىمىز بولۇپ قېلىشمىز مۇمكىن ، شۇڭا ئىنسانلارنىڭ بىر - بىرىنى يامانلىقتىن توسۇپ ، ياخشلىققا بويرۇشى ئىنساننىڭ بىر-بىرىدىكى  ھەققى ئىكەنلىكى دەر ھەقىقەتتۇر ، پەيغەمبەر ئەلەيھسسالام ؛ << بىراۋ بىر يامان ئىشنى كۆرسە ئۇنى ھەرىكىتى بىلەن توسسۇن ، ئەگەر ئۇنىڭغا قادىر بولالمىسا سۆزى ئارقىلىق توسسۇن ، ئەگەر ئۇنىڭغىمۇ قادىر بولالمىسا دىلىدا نارازى بولسۇن ، بۇ ئىماننىڭ ئەڭ تۆۋەن دەرىجىسىدۇر>> ( بۇخارى رىۋايىتى ) دېيىش ئارقىلىق بىز ئىنسانلارنى بىر-بىرىمىزنى يامان ئىش ، يامان ھەرىكەتلەردىن توسۇشقا ، ياخشى ، ئەھمىيەتلىك ئىشلارنىڭ قىلشقا بۇيرۇپ ، شۇ ئارقىلىق جەمىئىيەتنىڭ تنىچ ئەمىنلىكى كىشلەرنىڭ خاتىرجەم تىرىكچىلىكى ئۈچۈن ھەممەيلەننى ئورتاق كۈچ چىقىرشقا چاقىرىدۇ . دېمەك ، بىز جەمىئىيتىمىزنى تىخىمۇ كۆپ بەخىت - ئاسايىشلىققا تولدۇرۇش تېخمۇ ئىناق -ئەمىنلىككە چۆمدۈرۈش ئۈچۈن ئىشنى ئۆزىمىزدىن ۋە كىچىك ئىشلاردىن باشلاپ ، ئۆزىمىزگە ، جەمىئىيەتكە ، شۇنداقلا ۋەتەن ، مىللەتكە مەسئۇل بولۇش روھى بىلەن يامان ئىش ، يامان قىلمىشلارنى توسۇپ چەكلەپ ، تۈرلۈك قىلمىش -ئەتمىشلەرنىڭ بىخلىنشىغا پۇرسەت شارائىت يارىتىپ بەرمىسەك ، جەمىئىيەت ئىناقلىقىدىن ئىبارەت ئورتاق رىزقىمىز تېخىمۇ موللىشىپ ، مەسئۇلىيەت مىۋىسىنىڭ تەمىنى تېىتىپ ، ئۇنىڭ لەززىتىدىن ھۇزۇرلىنالايمىز . ئاپتۇرى:مۇھەممەدئەلى مۇھەممەدئىمىن مەنبە:«جۇڭگۇ مۇسۇلمانلىرى »ژۇرنىلى 2011-يىللىق1-سانى

alzaman

	ھازىرقى دەۋىردە جەمىيەتكە ئەمەس ئۆزىنىڭ بالىسىغىمۇ ئاران مەسئۇل بولاۋاتىمىز ،چۈنكى ھازىر ئاتالمىش ئەركىنلىك بىزنى نۇرغۇن مەسئۇل بولۇشتىن قالدۇرۇپ قويىۋاتىدۇ ،چوڭلارنىڭ مەسئۇل بولۇش روھى ياشلىرىمىزنىڭ ،قارشىلىقىغا ئۇچرىغانلىقتىن ئۇلارمۇ كەلگۈسىگە مەسئۇل بولۇشتىن باش تارتىشماقتا.

zumrettash

	مەن تېخى سىزنى يازغان چېغى دەپتىمەن،بەك ياخشى ماقالىكەن بۇ،مۇشۇنداق ماقالىلەرنى دائىم يوللاپ تۇرۇشمۇ بىر يامان ئىللەتلەرگە زەربە بېرىشنىڭ ياخشى ھەرىكىتى،ياكى سۆزى ھېسابلىنىدۇ،ياخشى ئىش قىلىپسىز،ھەممەيلەن يامان ئىش،يامان سۆزلەرگە يۇلۇققاندا چوقۇم قارشى تۇرىشىمىز،"تۆگە كۆردۈڭمۇ ،ياق" دىگەندەك ئىشلارنى قىلمىساق............... [s:173]

OZTURK02

	يازغۇدەك سەۋىيە يوق ، كۆچۈرۈپ يوللىغىدەك سەۋىيە بار  [s:179]  [s:137]  [s:137] خۇدايىم بۇيرۇسا بىر ئەسەر پۈتكۈزەي دەۋاتىمەن .

dilyara1125

	بەك  ياخشى  تىمىكەن پەيغەمبەر ئەلەيھسسالام ؛ << بىراۋ بىر يامان ئىشنى كۆرسە ئۇنى ھەرىكىتى بىلەن توسسۇن ، ئەگەر ئۇنىڭغا قادىر بولالمىسا سۆزى ئارقىلىق توسسۇن ، ئەگەر ئۇنىڭغىمۇ قادىر بولالمىسا دىلىدا نارازى بولسۇن ، بۇ ئىماننىڭ ئەڭ تۆۋەن دەرىجىسىدۇر>> ( بۇخارى رىۋايىتى )   بۇ   گەپنى  بەك  ياقتۇردۇم...ھارمىغايسىز... [s:166]

zumrettash

	مەنمۇ ئاشۇ بىر جۈملە ھېكىمەتنى بەكلا ياقتۇرۇپ قالدىم ..... [s:166]

alkizi

	جەمىئيەتكە مەسئول بۇلۇشنى  ھەممە كىشى ئالدى بىلەن ئۆز ھەركىتىمىزگە ئاندىن ئەتراپىمىزدىكى يىقىن كىشلىرمىزگە يەنى ئاتا-ئانا ،قىرىنداشلىرمىز،بالا-چاقىلىرمىزغا مەسئول بولۇشتىن باشلىساق ،ئەمەلىي ھەركىتىمىز ئارقىلىق بىر ئادەمگە بولسىمۇ تەسىر كۆرسىتىش ئۈچۈن تىرىشساق.................................... بەك  ياخشى  تىمىكەن................بارىكاللا،،،،،ساۋاقداش،،،

dilyara1125

	[s:174] ................................................................