ئۆگەي دادا بولۇپ قالسىڭىز

alipbay

	قايتا نىكاھتا ئەرلەرنىڭ تاللاش ئىمكانىيىتى ئاياللارنىڭكىدىن كۆپ ۋە كەڭ دىگەندىمۇ، ھامان يىگىتلىكتىكى تاللاشقا يەتمەيدۇ.بۇ ھال ئىنىق ھالدا تۇرمۇشقا بىر ئايالدىن بۆلەك يەنە بەزىبىر قوشۇمچە ئامىللارنى باشلاپ كىلىشى مۈمكىن.قايتا نىكاھتا كۆپ كۆرۈلىدىغان ۋە نۇرغۇن ئائىلىلەردە يەنە يىڭى باش ئاغرىقى پەيدا قىلىپ قويىدىغان مەسىلىنىڭ بىرى –ئۆگەي بالا مەسىلىسىدۇر.تۇرمۇشتا بۇ مەسىلىدىن تولا ھاللاردا قاچىمەن دەپمۇ قىچىش مۈمكىن بولماي قالىدۇ. بۇرادەر ئەگەردە قايتا ئالغان ئايالىڭىزنىڭ بالىسى بولسا بۇنىڭغا ئەستايىدىل مۇئامىلە قىلىڭ. 1.    ئايالىڭىزغا بىر خىل بالىغا يەنە بىر خىل مۇئامىلە قىلماڭ.گەرچە ئۇ ئۆزىڭىزنىڭ پۇشتىدىن تامغان بالا بولمىسىمۇ لىكىن ئۇ سىز خوتۇن قىلىپ ئولتۇرىۋاتقان ئايالنىڭ باغرىنى يىرىپ چۈشكەن ئەزىز جان،يەنە كىلىپ بالا سىز ۋە ئايالىڭىزنىڭ قايتا نىكاھ مۇناسىۋىتى بىلەن ئالاقىسىز ھالدا تۇغۇلغان.بەلكىم ئۇ سىزنى سىزمۇ ئۇنى دەماللىققا قوبۇل قىلىپ كىتەلمەسلىكىڭلار مۈمكىن.ئەمما ئەڭ زور دەرىجىدە تىرىشچانلىق كۆرسىتىپ ئۇنىڭغا ئۆز دادىسىدىن كەلمىگەن ئىللىقلىقنى يەتكۈزۈڭ.ئاللاتالا ئېيىتتى:‹‹يىتىمنى خارلىما››.يىتىمغا قىلىنغان مىھرىبانلىق ئىككى ئالەملىك رەھمەتكە ئىلىپ بارىدۇ.پەيغەمبەر ئەلەيھىسالام :‹‹يىتىملارغا ھامىي بولغۇچىلار مەن بىلەن جەننەتتە مانا مۇشۇنداق بىللە بولىدۇ››دەپ كۆرسەتكۈچ بارمىقى بىلەن ئوتتۇرا بارمىقىنى ئىچىپ تۇرپ كۆرسەتكەن.يىتىم،ئۆگەي قالغان بالىغا مىھرىبانلىق قىلىش تۈپەيلى ئايالىڭىزنىڭ ھەسسىلەپ مىھرىبانلىقى ۋە سۆيگۈسىگە ئىرىشىشىڭىزدە گەپ يوق.بالىسىنى چەتكە قاقسىڭىز يەنە بىر قىتىم يالغۇز قىلىشىڭىز مۈمكىن.چۈنكى مىھرىبان ئاياللار ئەر بىلەن بالىدىن بىرنى تاللاشقا توغرا كەلگەندە ئارتۇق ئىككىلەنمەستىن بالىسى تەرەپكە ئۆتىدۇ. 2.    بالىنىڭ ئالدىدا  ئۇنىڭ ئۆز دادىسىنىڭ يامان گىپىنى قىلماڭ.مەيلى ياخشى ياكى يامان بولسۇن ئۆز دادىسىنىڭ يامان تەرىپىنى ئاڭلاش ھەرقانداق تىرىك جاننى بىئارام قىلىدۇ.بەلكىم ئۇنىڭ دادىسىنىڭ يامان گىپىنى قىلىش ئارقىلىق ئۇنىڭ قەلبىدە دادىسىغا،ئۆزىڭىزگە،ئانىسىغا،جەمىيەتكە قارىتا ئۆچمەنلىك تۇيغۇسى ئويغۇتۇپ قويۇشىڭىز مۈمكىن.زىمىنغا ياخشىلىق  ئۇرۇقلىرىنى چاچقۇچى سالىھ بەندە بولۇڭكى،كىشىلەر ئارا نىزا تىرىغۇچى زەخەرخەندە مەلئۇنغا ئايلىنىپ قالماڭ. 3.    ئۇنى باققىنىڭىزغا ھەرگىز مىننەت قىلماڭ.مىننەت مىھنەتنىمۇ يوق قىلىدۇ.ياخشىلىق قىلغانكەنسىز خوشاللىق بىلەن قىلىڭ.مىننەت قىلىش قارشى تەرەپنە ئوڭايسىزلىق ئۈمىدسىزلىك ۋە يىراقلىشىشقا ئىلىپ بارىدۇ.ئىسىل پەزىلىتىڭىز ۋە سەمىمى مىھرىبانلىقىڭىز بىلەن ئاتا-دادا مىھرىگە قانالمىغان ئاشۇ سەبىينىڭ بىشىنى مىھىر ئالقانلىرىڭىز بىلەن سىيلىسڭىز،سىزنىڭ ئىشىڭىزمۇ ئەجىر-مۇكاپات بىزەكلىرى بىلەن بىزەلگەي ۋە بەلكىم ئاشۇ پەرزەنىتنىڭ،ئايالىڭىزنىڭ جەمىيەتنىڭ ھەسسىلەپ ھۆرمەت ئىززىتىگە ئىرىشكەيسىز.ياخشىلىق يىنىپ كىلىپ ياخشىلىق قىلغۇچىنىڭ ئۆزىنى يۆلەيدۇ.   مەنبە:نۇرمۇھەممەت ئۆمەر ئۇچقۇننىڭ ئەرلەرگە 101تەكلىپ دىگەن كىتاۋى.

مەلىكە

	راسلا توغرا تەكلىپلەر ئىكەن. خۇدايىم يىتىم-يىسىرلارغا ياخشى ھامىي ئاتا قىلغاي. نىمىلا دەيمىز، يەنىلا بالىنى ئۆز-ئاتا-ئانىسىنىڭ باققىنىغا يەتمەيدۇ. مىڭ ياخشى ئۆگەي ئاتا ياكى ئۆگەي ئانا بولسۇن، يەنىلا يامان بولسىمۇ ئۆز ئاتا-ئانىسىغا ئوخشىمايدۇ. شۇڭا بالىلىق بۇلۇشتىن بۇرۇن ئاتا-ئانا بولۇش مەسئۇلىيىتىنى ئۈستىگە ئالالايدىغان ئالالمايدىغانلىقىنى تازا ئوبدان ئويلىشى كىرەك. توي قىلىپ بولۇپ مىجەزى بۇنىڭدىن كىيىنكى تۇرمۇشتا چىقىشىپ ئۆتەلمەيدىغانلىقىغا كۆزى يەتسە ياپسام پىشارمۇ، كۆمسەم پىشارمۇ،دەپ ئولتۇرماستىن بالا يوق ۋاقىتتىلا ئاجرىشىپ كىتىشى كىرەك. بالىلىق بولۇپ بولغاندىن كىيىن ئەر-ئايال قايسى تەرەپ يامان بولسۇن،ياخشى بولسۇن بالىنى ئويلاپ بولسىمۇ ئىمكان بار نىكاھىنى قوغداپ قىلىش كىرەك. ئۇنى دەيمىز-بۇنى دەيمىز، بالىنى يەنىلا ئۆز ئاتا-ئانىسى باقسۇن.

miskin kiz

	بۇ جەميەتتە  ئۆگەي ئانىغۇ  كۆپ ساندا  ئەمما  ئۆگەي دادىنى ئاڭلىمىغىلى ئۇزۇن بوپتىكەن .   ئەرلەر  ھەرقانچە ،10بالىسى بولسىمۇ   ئاجراشسا   15 -16ياشلىق قىزلارنىمۇ ئالالايدىغان بولغاچقا ، .ئۇلار تولىسى   چىرايلىق  ،كىچىك  قىزلارنى ئېلىشنى ئىستەيدىكەن ، ئۆگەي دادا بولۇشنى كىممۇ خالايدۇ دەيسىز ؟؟؟مەن  30-40ياشلىق ئەرلەرنىڭ 15-16ياشلىق  كىچىك قىزلارنى ئالغىنىنى كۆپ ئاڭلىدىم ئەمما ،30-40ياشلىق خوتۇنلارنىڭ20-25ياشلىق ئەرگە تەككىنىنى ئاڭلىمىدىم .بۇ نىمە ئۈچۈن ؟؟؟؟؟؟؟؟؟؟؟؟  بۇ  ھەقىقەتەنمۇ بىر ئويلىنىشقا تىگىشلىك ئىش . [s:164]

nalan@

	بۇنداق ئىشتا دادا- بالا ئوتتۇرىسىدىكى بەزىبىر مۇناسىۋەتنى تەڭشىمەك تەس، ئۆز بالىسى بولسا بىرەر ئىشنى خاتا قىلسا، گىپىگە كىرمىسە توۋلاپ تىللاپ قويسىمۇ ياكى بىرەر شاپىلاق سېپ قويسىمۇ ئانچە ئېغىر كەپ كەپ كەتمەيدۇ، لىكىن بۇنداق مۇناسىۋەتتە ....

nur_abida

	ئاجراشمايلى ئاتا ئانىلار ،يېتىم بولمىسۇن سەبىي بالىلار........

miskin kiz

	ھېچنىمە يوققۇ  [s:156]  [s:152]

مەلىكە

	سىھىرگەر توردىشىمىز يۇللىغان فىلىمنى كۆرۈپ كۆزلىرىمگە ئىختىيارسىز ياش كەلدى، باشقۇرغۇچىلار بەلكىم فىلىمنى كۆرمەيلا ناخشا بولسا كىرەك، دەپ ئۆچۈرۋەتكەن ئوخشايدۇ، كۆرگەن ھەر بىر ئادەمنى چوڭقۇر ئويغا سالىدىكەن، ھەم كىشىنى سەگىتىدىكەن. تىما قىلىپ قايتا يۇللىڭە، باشقۇرغۇچىلار چۇقۇم تەستىقلەيدۇ. تەربىيىۋى قىممىتى زور تىما دىسە مانا مۇشۇ فىلىمنى دىسە بولىدۇ. بۇ فىلىمنى ئىشلىگۈچىگە ئاپىرىن.

nur-luk

	پەيغەمبەر سەللەللاھۇ ئەلەيھى ۋەسەللەم يىتىمنى باققۇچ بىلەن مۇشۇنداق تۇرىمەن دەپ ئىككى بارمىقىنى جۈپلەپ كۆرسەتكەن.

yeganayaprak

	نىمە ئۈچۈن ئۆچۈرۋىتىدۇ شۇنداق ياخشى تىمىنى ، زادى نىمە سەۋەپتىن ؟ بۇ  بىر ھەقىقەت تۇرسا .  بىزدەك ياشلارنىڭ ھەم ئالىي مەكتەپ ئوقوغۇچىلىرىنىڭ كۆرۈپ بىقىپ ئۆزىنى بىر تەكشۈرۈپ ئىبرەت ئالىدىغان ياخشى تىمىنى نىمە ئۈچۈن ئۆچۈرۋىتىدۇ . باشقۇرغۇچىلار خاتا ئۆچۈرۈپ قالدىمۇ نىمە ؟

gulbaxikar

	خۇدا تىرىك يىتىم بولۇشتىن ئۆز پاناھىدا ساقلىسۇن! بىشىغا كەلمىگەنلەر بىلمەيدۇ، ئاتا ئانا ئاجرىشىپ كەتكەندە، تىرىك يىتىم بولۇپ قالغان بالىلار ، گەرچە ھەممە نىمىسى تەل بولسىمۇ ، قەلبىڭىزنى مىسكىنلىك قاپلايدۇ،دائىم بىر نەرسىڭىز كەمدەك تۇيغۇدا يۈرىسىز، كەيپىياتىڭىز تۆۋەن، خۇشچاقچاقلىقتىن ئەسەر يوق، جىمغۇر، كۆپرەك يالغۇزلۇقنى خالايدىغان، بىر ئىشلارغا ئاسانلا ئۆچمەنلىك نەزىرىدە قارايدىغان، تۇرمۇشتىن بىزار بولىدىغان، باشقىچە خاراكتىردىكى بالىغا ئايلىنىپ قالىدۇ، ئۆگەي ئاتىڭىز گەرچە مىھرىبانلىق كۆرسىتىپ بالام دەپ تۇرسىمۇ ، ئۇنىڭ ياخشىلىقىنى بىلىپ تۇرۇپ بىر قىتىم بولسىمۇ ئاتا دەپ چاقىرىشنى ئارزو قىلسىڭىزمۇ ، بۇ گەپنى دىمەك شۇنچىلىك تەس كىلىپ سىزنى قىينايدۇ، ئۆز ئاتىڭىزنىڭ سىزنى تاشلاپ كەتكىنىنى، بىرەر قىتىم بولسىمۇ سىزنى يۇقلاپ كەلمىگىنىنى بىلىپ تۇرۇپمۇ يەنىلا ئۇنى ئاتام ئەمەس دىيىشكە تىلىڭىز بارمايدۇ، سىزگە ياخشىلىق قىلىۋاتقان ئۆگەي ئاتىڭىزنى ئۆز ئاتىڭىزنىڭ ئورنىغا دەسسىتىپ تۇرۇپ ئاتىلىق مىھرىدىن بەھرىمەن بولغىڭىز بولسىمۇ ، بۇنداق قىلىشقا كۈڭلىڭىز قەتئى - قەتئى ئۇنىمايدۇ. شۇڭا دىمەكچى بالىلارنى چۈشۈنەيلى، ئۇلارنىڭ كۈڭلى توق، خاتىرجەم تۇرمۇشقا ئىگە قىلىش، ئاتا - ئانا مىھرىدىن تۇلۇق بەھرىمەن قىلىش ھەر بىر ئاتا ئانا ئۆتەشكە تىگىشلىك مەجبورىيەت! بالىنى تاپقان ئىكەنسىز، كىيىنكى ئۆز خۇشاللىقىڭىزنى دەپ ئۇلارنى تىرىك يىتىم قىلماڭ! مەسئولىيەتچان ئاتا، مەسئولىيەتچان ئانا بولۇشقا قەتئى بەل باغلاڭ! ئامالنىڭ يۇقىدا ئۆگەي دادا بولۇپ قالغانلارغا تەكلىۋىم، سىز ئۆز بالىڭىزنىڭمۇ شۇ ۋاقىتتا ئۆگەي ئانىلىق بولۇپ قالغىنىنى ئىسىڭىزدىن چىقارماڭ، ئۆگەي بالىڭىزغا قانداق مۇئامىلە قىلسىڭىز، بالىڭىزمۇ شۇ خىل مۇئامىلىدىن بەھرىمەن بولىدۇ!

نەزەر

	بىر دوستۇمنىڭ 6ياشقا كىرگەن قىزى بولۇپ ،قايتا نىكاھلانماقچى بولۇپ تۇرغاندا توي قىلماقچى بولغان يىگىت بىلەن ئارازىلىشىپ قاپتۇ ،قارىسا بىر چاغدا يىگىت قىزىنىڭ ئاغزىغا پۇتىدىكى پايپىقىنى سىلىپ تىقىۋىتىپتۇ ،شۇنىڭ بىلەن ئۇ دوستۇم توي قىلىش نىيىتىدىن ۋاز كەچتى .

xiren0997

	بەزى ئانىلارنىڭ ئۆگەيلىكى يامان ئىكەن يەنە بەزى دادىلارنىڭ ئۆگەيلىكى يامان شۇنداق بولسىمۇ ھەممىسىنىڭ باللىرى بار تۇرسا،يىتىمنىڭ بېشىنى سىلىسا ساۋاب بولىدۇ ئەمەسمۇ.

QIQAK0903

	ئۆگەي دادىلارنىڭ ھەممىسى ئەسكى ئەمەس . لىكىن ئاز ساندىكى ھايۋان ، مۇناپىك ئۈگەي دادىلارمۇ مەۋجۇت . بالىسى بار ئاياللار توي قىلغاندا ، قارشى تەرەپنىڭ ھەقىقى مۇسۇلمان ياكى ئەمەسلىكىنى مۇھىم ئۇرۇندا قۇيۇش لازىم .

alei

	قىرىنداشلاردىن تۆۋەندىكى تىمىنى .تىمىغا چۈشكەن ئىنكاسلارنى تەپسىلى ئوقۇپ ھىكايىدىكى< مۇرات >قا مەسلىھەت  بىرىشىنى ئۈمۇت قىلىمەن. چۈنكى بۇتىمىمۇ شۇ ئەر-ئايال.بالا. كىيىنكى ئۈگەي بالا توغۇرلۇق. بولغاچقا سىللەرنىڭ مەسلىھەتىڭلارغا مۇھتاج بولدۇق. تىما ئادىرسى: /read.php?tid-47848.shtml