قـىـمـار نـابـۇت قـىـلـغـان ھـايـات

تارىم

	قىمار نابۇت قىلغان ھايات [align=justify]تۇرمۇشتا ھەرخىل قىزىقىش ۋە قىزىقتۇرۇشلارغا دۇچ كېلىدىغىنىمىز ئېنىق، ئۇلارنىڭ بەزىلىرى قانۇنغا خىلاپ قىلمىشلار، ناۋادا سىز ئەنە شۇ قىزىقتۇرۇشلار ئىچىدىكى قانۇنغا خىلاپ قىلمىشلارنىڭ كەينىگە كىرىپلا قالىدىكەنسىز، ئاقىۋىتىڭىزنىڭ ياخشى بولمايدىغانلىقى ئېنىق، ئىچكىرىدىكى بىر داڭلىق ئالىي مەكتەپنى پۈتتۈرۈپ، كەلگۈسىدىكى ئەۋلادلارنى تەربىيلەشتىن ئىبارەت مۇقەددەس بۇرچنى زىممىسىگە ئالغان بىر ئوقۇتقۇچى ئەنە شۇنداق قىزىقتۇرۇشلارغا بەرداشلىق بېرەلمەي ياشلىق باھارىنى تۈرمىدە ئۆتكۈزۈۋاتىدۇ، ئۇنداقتا بۇ ئوقۇتقۇچى نېمىگە قىزىقىپ قالغاندۇ؟ ھامۇتنىڭ تۈرمىدە جازا ئۆتەۋاتقىنىغا 11يىل بولدى، ئۇ 15 يىللىق مۇددەتلىك قاماق جازاسىغا ھۆكۈم قىلىنغانىدى، ئۇ ئەسلىدە مەملىكەت ئىچىدە خېلى داڭلىق ئالىي مەكتەپنى پۈتتۈرۈپ، ئۆز يۇرتىغا ئوقۇتقۇچىلىققا تەقسىم قىلىنغانىدى، ئەمما بۈگۈنكى كۈندە، ئۇ ئالىي مەكتەپتە ئۆگىنىپ بولالمىغان قانۇن دەرسلىكىنى تۈرمىدە ئاڭلاۋاتىدۇ. ئوقۇتقۇچىلىق كەسپى ھەقىقەتەنمۇ شەرەپلىك ھەم ئۇلۇغ كەسىپ، چۈنكى ئۇ ئادەم تەربىيلەيدىغان كەسىپ، ئۇ ئۆز ۋاقتىدا ئالىي مەكتەپ تەربىيەسى قوبۇل قىلىپ بولغاندىن كېيىن، ھۆكۈمەتنىڭ بىر تۇتاش ئورۇنلاشتۇرۇشى بويىچە، ئوقۇتقۇچىلىق خىزمىتىگە ئورۇنلاشقان، ئۆز ۋاقتىدا ئۇ كەسپىنى ئىنتايىن قىزىقىپ ئىشلىدى، كەسپى ئىقتىدار جەھەتتىمۇ ئۆزىگە قاتتىق تەلەپ قويۇپ، خىزمەت تۈزۈملىرىگە رىئايە قىلغان ئاساستا، ئوقۇغۇچىلارغا كۆيۈنۈپ دەرس بەرگەن. ئۇ شۇ ۋاقىتتىكى ھالىتىنى سۆزلەپ مۇنداق دەيدۇ: -بۈگۈنكى كۈندە مەن شۇ ۋاقىتتىكى روھى ھالىتىمنى ئويلىسام، ئوقۇش پۈتتۈرۈپ يېڭى خىزمەتكە قاتناشقان مەزگىلدە، گەرچە ئۆزۈمنىڭ كەسپىگە نىسبەتەن قىزىقىش بولسىمۇ، روھى ھالەتتە پىسخىكا جەھەتتىكى ساغلاملىققا نىسبەتەن سەل قارايدىغان بولۇپ قالدىم، بۇ جەريانلارنى چۈشەندۈرۈش ئۈچۈن، مېنىڭ ئالىي مەكتەپتە ئوقۇۋاتقان چاغلىرىمدىكى بىر قىسىم ئىش-ھەرىكەتلەرنى سۆزلەشكە توغرا كېلىدۇ، پىسخىك ساغلاملىقى بولمىسا تەن ساغلاملىقىنىڭ زۆرۈرىيىتى چوڭ ئەمەس دەيمىز، مەن ئالىي مەكتەپتە ئوقۇش ھاياتىمدا بىر تەرەپتىن دەرسنى ئۆگىنىشتىن باشقا، دەرستىن سىرتقى ۋاقىتلاردا ئانچە-مۇنچە قارتا ئويناش، ماجاڭ ئويناش قاتارلىقلارغا قىزىقىش شەكىللىنىپ قالغان، چۈنكى مەن شىنجاڭنىڭ جەنۇبىدىن بولۇپ، ئائىلىۋى ئىجتىمائىي ئورنۇم بىر قەدەر تۆۋەن، ماجاڭ ماڭا نىسبەتەن بىر يېڭىلىق، مەن ئۇنىڭغا قىزىقىپ قالدىم، مەكتەپتە ئوقۇۋاتقان مەزگىلدە، ماجاڭ بىر خىل كۆڭۈل ئېچىش خاراكتېرىدىكى پائالىيەت ھېسابلىناتتى، لېكىن بۇ پائالىيەتكە قىزىقىش، كېيىنكى مەزگىلدە بارا-بارا مېنىڭ كەسپىمگە ئايلىنىپ قالدى، نېمە سەۋەبتىن دېگەندە، مېنىڭ شۇ پائالىيەتكە نىسبەتەن چەك قويۇش ئىقتىدارىم يوق، ئادەتتە ئۆيدە بىر قانچە دوست بىر يەرگە كېلىپ قارتا ئوينىسا بولىدۇ، ئۇنى قىمار خاراكتېرىدىكى پائالىيەتكە ئۆزگەرتىۋەتكىلىمۇ بولىدۇ، بۇ يەردىكى گەپ نېمە دېگەندە، شۇ كۆڭۈل ئېچىش خاراكتېرىدىكى پائالىيەت بىلەن شۇغۇللانغۇچىنىڭ ئىچكى روھىيىتىدىكى كىشىلىك ھاياتقا، ئۆزىنىڭ تۇرمۇشىغا تۇتقان پوزىتسىيەسىنىڭ قانداق ئىكەنلىكى شۇ كىشىنىڭ پۈتكۈل ھاياتىغا تەسىر كۆرسىتىدۇ. مېنىڭ ئىلگىرىكىدەك ئوقۇتقۇچىلىق سالاھىيەتتىن، بۈگۈنكىدەك جىنايەتچىگە ئايلىنىپ قېلىشىمدا يۇقىرىقىدەك سەۋەبلەر بار. ماجاڭ ئويناش ئەسلىدە كۆڭۈل ئېچىش خاراكتېرىدىكى پائالىيەت ئىدى، ئەمما ھازىر خېلى بىر قىسىم كىشىلەر بۇنى قىمارنىڭ بىرخىل شەكلى قىلىۋالدى، ھامۇت ماجاڭ ئويناشنى 90-يىللىرىلا باشلىغان بولۇپ، تارىخىي بىر قەدەر ئۇزۇن ئىدى، ئەمدى بىز ئۇنىڭ ئالىي مەكتەپنى پۈتتۈرۈپ كەلگەندىن كېيىنمۇ بۇ ئويۇندىن قول ئۈزەلمىدى. ئۇ بۇ ھەقتە بايان قىلىپ مۇنداق دەيدۇ: -مەن ماجاڭ ئويناش چوڭ ئىش ئەمەسقۇ، مەلۇم نۇقتىدا توختىتىۋالسام بولىدىغۇ دەپ، بىر قىسىم يامان ئىللەتلەرگە نىسبەتەن سەل قاراپتىمەن، ئىككىنچىسى، مەن ئۆزۈمنىڭ كەسپى ئىقتىدارىمغا ئىشىنىپ، ئۆزۈمنىڭ خىزمىتىگە نىسبەتەن مەسئۇلىيەتچانلىق بولسىمۇ، ئۈزلۈكسىزلىك كەمچىل، بەلكىم ھازىر ئالىي مەكتەپ پۈتتۈرگەنلەردىمۇ ماڭا ئوخشاش روھى پىسخىكا بولغان بولىشى مۇمكىن، چۈنكى مەن ئالىي مەكتەپنى پۈتتۈردۈم، ھەممە ئىش تامام بولدى دېيىشى مۇمكىن، بۇ يەردىكى ئالىي مەكتەپنى پۈتتۈرۈش، بىر كىشىنىڭ ئۆمرىدە قىلماقچى بولغان ئىشىنىڭ ئاخىرلىشىشى ئەمەس، ئەلۋەتتە مۇشۇ ئىشلارنى بۇرۇن ئويلىيالىغان بولسام، بەلكىم بۈگۈنكىدەك ھالەتكە چۈشۈپ قالماستىم، ئىچكى روھىيەتتىكى بىر خىل سۇسلۇق بىلەن يامان ئىللەت ئۆزئارا بىرىكىپ، بارا-بارا ئىللەتنىڭ كۈچى مېنى تارتىپ كەتتى، 1999-يىلىغا كەلگەندە قىمار ئويناپ قەرز بولۇپ قالدىم، قانداق قىلىش كېرەك؟ قەرزنى قايتۇرۇش كېرەك، دەل مۇشۇ ۋاقىتتا ئانامنىڭ گېپى ئېسىمگە كەلدى، ساۋاتسىز ئانام ساۋاتى بار بالىغا تەربىيە بەرسە، كۆڭلۈمدە سەن ساۋاتسىز، سەن ھېچنېمە چۈشەنمەيسەن، مەن ئۆزۈمنى كونترول قىلالايمەن، دېگەن روھى-ھالەت مەندە بىر قەدەر ئېغىر، مۇشۇ روھى ھالەتنىڭ تۈرتكىسىدە 1999-يىلىغا كەلگەندە، ئۆزۈم قىلغان ئىشنى ئۆزۈم يىغىشتۇرالمىدىم، ساۋاتسىز ئانىنىڭ دېگىنى توغرا بولدى، ئەمدى قانداق قىلىش كېرەك؟ تىجارەت قىلىش كېرەك. مەن ئوقۇۋاتقان ۋاقتىمدا، شاڭخەيدە ئازدۇر-كۆپتۇر تىجارەت قىلىپ ئۆز خىراجىتىمنىڭ ھۆددىسىدىن چىقىپ كەلگەچكە، ئۇنىڭ ئۈستىگە شاڭخەينىڭ ھەممە يېرى ماڭا تونۇش بولغاچقا، مەن تىجارەت قىلىش نىيىتىدە شاڭخەيگە باردىم، دەسلەپتە باغچىدا يېتىپ ، بىرەر-ئىككى كۈن تاماق يېمەي ، چىملىقلاردا يىتىش ئارقىلىق، قىيىنچىلىق بىلەن ئىككى يېرىم يىل تىرىشتىم، بۇ تىرىشىش جەريانىدا، ئەمەلىيەتتە ئىچكىرىدە نۇرغۇنلىغان پۇلدار تىجارەتچىلەرمۇ بار، مەن يول بىلمىسەم، يول كۆرسەتتى، ئىجارە ئېلىش، رەسمىيەت بېجىرىش ۋە باشقا ئۇششاق ئىشلاردا ئۇلارغا ياردەملىشىپ، بارا-بارا يەل يىمىش سودىسى بىلەن شۇغۇللىنىش ئارقىلىق، ئىككى يېرىم يىل تىرىشتىم. ئۇ شاڭخەيگە بارغاندىن كېيىن، ئىككى يېرىم يىل قىيىنچىلىقلارغا باش ئەگمەي، تىرىشىپ ئىشلەپ پۇل تاپتى، ئۇ ئەينى ۋاقىتتا قەرز بولۇپ قالغان 230 مىڭ يۈەننى قايتۇرۇپ بولۇپمۇ، قۇلىغا يەنە پۇل ئاشتى، بۇ ئاشقان پۇل ئۇنى يەنە قانداق ۋەسۋەسىلەرگە سالا؟ مۇشۇ بويىچە ھالال ئەمگەككە كىرىشىپ كىتەرمۇ ياكى ئۇنىڭ ھېلىقى يامان كېسىلى قايتا قوزغىلارمۇ؟ ئۇنىڭ تاپقان پۇلىنىڭ بەرىكىتى بولمىدى، چۈنكى قىماردىن ئىبارەت بۇ ئىللەت ئۇنىڭ ئىقتىسادىنى پۈتۈنلەي سورۇپ توزىتىۋەتتى، ئويلاپ باقايلى، مانا مۇشۇ ئىشنى قىلىپ كىم ياخشى كۈن كۆرۈپتۇ؟ ئۇنىڭ بۇ ئىشلارنى ھەممىنى بىلىپ تۇرۇپ قىلىۋاتىمەن دېگەن گېپى تېخىمۇ كۈلكىلىك تۇيۇلىدۇ، قېنى بۇ ئويۇن ئۇنى زادى قەيەرگە ئېلىپ بارىدىغاندۇ؟ ئۇ مۇنداق دەيدۇ: -پۇل بولمىسا، ئادەمنىڭ ئۆزىنى بىسىۋالمىقى بەك تەسكەن، ئۆمۈر بويى بىر كۈن ئۆتسە، بىر كۈن ھېساب دەپ، تاپقىنىڭىزغا قاراپ تۇرمۇش كەچۈرىدىكەنسىز، تۇيۇقسىزلا قولىڭىزغا ئازراق پۇل كىرىپ كەينىدىن بىراقلا يوقاپ كەتسە، روھى-ھالەتتىكى تەڭپۇڭلۇقنى ساقلاش تەسكەن، كېيىن ئامالسىزلىقتىن كېتىپ قالغان پۇلۇمنىڭ ئورنىنى تولدۇرۇش ئۈچۈن، خېروئىن ئەتكەسچىلىكى بىلەن شۇغۇللاندىم، بىراق بۇ يولدا ئۇزۇن ماڭا-ماڭمايلا تۇتۇلۇپ قالدىم، گەرچە شۇ ۋاقىتتا خېروئىن ئەتكەسچىلىكىنىڭ قانۇنغا خىلاپ قىلمىش ئىكەنلىكىنى بىلىپ تۇرساممۇ، يەنە مۇشۇ يولغا ماڭدىم... قىلغان قىلمىشنىڭ قانۇنغا خىلاپلىق ئىكەنلىكىنى بىلمەي تۇرۇپ قىلىپ ساپتۇ دېگەننى بىلمەپتۇ دېسەك ، بىلىپ تۇرۇپ قىلغاننى نېمە دېگۈلۈك؟ ھازىر جەمئىيىتىمىزدىكى ياشلار ئارىسىدا ھەتتا دۆلەت خىزمەتچىلىرى ئارىسىدىمۇ تۈرلۈك شەكىللەر ئارقىلىق، قىمار ئويناپ ياشلىق باھارىدىن، خىزمىتىدىن ھەتتا ھاياتىدىن ئايرىلۋاتقانلارنىمۇ كۆردۇق، ئاڭلىدۇق، ئۇندىن باشقا مانا مۇشۇ قىمار سەۋەبلىك ئاجرىشىپ، بىگۇناھ پەرزەنتلەرنى تىرىك يىتىم قىلىۋاتقان ئائىلىلەرنىمۇ ئۇچراتتۇق، مېنىڭچە قىمار سىزنى ھالاكەتكە ئېلىپ بارىدۇكى ھەرگىز ھالاۋەت يەتكۈزەلمەيدۇ. شۇڭا ئۆزىمىز، ئاتا-ئانىمىز، پەرزەنتلىرى ئۈچۈن بولسىمۇ، قىمار سورۇنىدىن دەرھال ئايرىلىشىڭىزنى تەۋسىيە قىلىمىز... مەنبەسى:جۇڭگو ئۇيغۇرچە رادىيو تورى

gulruh

	ھەي قىمار، ھەي قىمار، ھېلىمۇ ئىسمىڭ قىمار(قىل+ما) بوپ قالغىنى، بولمىسا قانچىلىك قىار بولغىيتۇق؟؟؟ [s:131]

پارلاق

	مۇشۇ قېتىملىق ئاۋمېندىكى پىراكتىكىدا شۇنى ھېس قىلدىم، قىمار بۇلار ئۈچۈن پۇل تېپىش مەنبەسىكەن،لېكىن بىر كىملەر ئۈچۈن ئۆزىنى ۋەيران قىلىشتىن باشقا نەرسە ئەمەسكەن، بىزنىڭ سىنىپتىكى بالىلار بەك جىق ئۇتتۇرۇۋەتتى دېسە! مۇئەللىممۇ تاس قالدى قۇرۇقدىلىپ كەتكىلى... بۇلارغا قاراپ دۇنيادىكى ھەممە ئادەم قىمار ئوينامدۇ-نېمە دېگەن خىيالغا كېلىپ قالىدىكەن ئادەم!

gulruh

	ماجاڭمۇ قىمارنىڭ بىر تۈرى ھە؟ لېكىن ماجاڭ ئويناش بەك ئەۋج ئېلىپ كېتىگلىك ھازىر...

شىيامىن

	قىما يەنەشۇ قىما، توۋا قىلدىم مەن بۇ قىمادىن قېچىپ تورغا كىرىۋالسام يەنە شۇ قىما گىپى،ئەمدى قانداق قىلسام بۇلار؟ بولدى ئەمدى ئوينىماڭلار( قىما)بولغاندىكىن بەرىبىر ۋەيران بۇلىسلەر ماڭا ئوخشاش ،مەنمۇ يەتكۇچە..................................................................

yultuz

	ۋاي خۇدايىم قىما دەپ دەپ تۇرسا قىلغاندىكىن شۇندا بولىشى ئېنىققۇ ، چوڭ ئەيسا يامان بەك سۆكىۋەتكەنغۇ بۇ ئىشنى . ھېلىغۇ ماجاڭكەن ، ماۋۇ لاتارىيەخانىدىكى 时时彩票 دېگەنمۇ ئادەمنى قۇرۇقداپ قويىدىكەن ، مېنىڭ ئاكاممۇ دەھشەت ئوينايدۇ مۇشۇ 时时彩票 دېگەننى .مۇنبەردىكىلەر ئارىسىدىمۇ بادۇ لاتارىيەخانىدىن چىقماي كۈن ئۆتكۈزىدىغانلار . [s:131]

sestera

	بەزى ئادەملەرگە ئامال يوق [s:176]  [s:176]  [s:176]

sestera

	ھەي دوسلىرىم مەن بۇ مۇنبەرگە يڭى ئەزا بولغان ئېدىم .مىنىمۇ ئاراڭلارغا قوشىۋىلىڭلار بولامدۇ [s:178]

alafasy

	ئاپتور جاۋابىنى بويلاپ 8قەۋەت  sestera كە 2011-05-15 01:35 AMئەۋەتىلدى  : ھەي دوسلىرىم مەن بۇ مۇنبەرگە يڭى ئەزا بولغان ئېدىم .مىنىمۇ ئاراڭلارغا قوشىۋىلىڭلار بولامدۇ [s:178] خاتىرجەم بۇلۇڭ، يەكلىمەيمىز. ھى ھى ھى... .................................. شۇ بىجىرىم تۇرغان ھالىتىگە، ئاز بولسىمۇ ياخشى ياشاۋاتقان تۇرمۇشىغا قانائەت قىلماي قىمار ئوينىغاننىڭ نېمە پايدىسى باردۇ؟ مۇشۇنداق كىشىلەر راستىنلا ئاقىۋىتىنى بىلەمدىغاندۇ؟