ئوغرى كېلىن

رەگەتكە

	بۇ ھەقىقى بولغان ۋەقە.      بىركۈنى دوستۇم بىلەن پاراڭلىشىپ كېتىۋاتسام ،دوستۇمنىڭ ئاغىنىسى ئۇچراپ قالدى (بىز ئۆز-ئارا تۇنۇشساقمۇ لېكىن قويۇق ئارلاشمايتتۇق). سالاملىشىپ بولغاندىن كېيىن ئۆز يولىمىزغا مېڭىشتۇق. كېتىۋېتىپ دوستۇمدىن:                                     -ئاغىنەڭ تويىنى خېلى داغ-دۇغىلىق ئۆتكۈزگەن ئىدى ،ئەر-خوتۇن ئىككىسى كېلىشىپ قالغاندۇ؟-دەپ سورىدىم.    -ھەي نېمىسىنى دەيسەن ،ئۇلار پەقەت ئالتە ئايلا ئۆي تۇتۇپ ئاجىرشىپ كەتتى-دەپ سوزىنى باشلىدى دوستۇم     -كېلىنچەك ئالى مەكتەپنى پۈتتۈرۈپ كېلىپ مەلۇم ئىدارىدە ۋاقىتلىك ئىشلەپ تۇرغان ئىكەن ،دوستۇم خىزمەت مۇناسىۋىتى بىلەن ئۇ ئىدارىگە بېرىپ-كېلىپ يۈرۈپ تونۇشۇپ قاپتۇ ،بەش-ئالتە ئايلاردىن كىيىن ئىككىسى توي قىلىشماقچى بولۇشۇپ ،ئەلچىلەر قۇيۇلۇپ پۇتۇشۇپ توي بىكىتىلىپتۇ .توي مۇراسىمى ئوتكۇزۇلۇشكە بىر ئايچە ۋاقىت قالغاندا ئوغۇلنىڭ ئاتا-ئانىسى قىز تەرەپكە پايدىسىز بەزى ئۆسەك سوزلەرنى ئاڭلاپ كوڭلى بىرقىسما بولغان بولسىمۇ،<<بوپتۇلا پۈتۈشۈپ بوپتىمىز، ئەمدى يېنىۋالغان بىلەن قىز تەرەپ ئۈچۈن تازا ياخشى بولمايدۇ، توينى قىلىۋېرەيلى ئىككىسى كىلىشىپ قالسا ئەجەپ ئەمەس>>دەپ ئوغلىنىڭ تويىنى قىلىپ ئايرىم چىقىرىپ قويۇپتۇ.    شۇنداق قىلىپ بۇ ئىككى ياش دەسلىۋىدە خېلى ئوبدان ئۆتۈشۇپتۇ،ئەمما ۋاقىت ئۇزارغانچە ئىش ئەپلەشمىگىلى تۇرۇپتۇ .(ئىككىيلەن توي قىلىپ ئاجراشقىچە بولغان ئالتە ئاي ئىچىدە قىز پەقەت ئىككى قېتىم  تاماق ئېتىپتۇ ) قىز ھە دىسىلا ئاجىرىشىش تەلىۋىنى قويۇپ تۇرۋاپتۇ.يىگىت "بوپتۇ تاماق ئەتمىسەڭمۇ مەيلى سىرتتا يەرمىز ئۆيىمىزنى تۇتۇپ قالايلى" دېسىمۇ قىز ھەرخىل بانا سەۋەپلەرنى كۆرسىتىپ ئاخىرىدا ئاجىرىشىش تەلىۋىدە چىڭ تۇرۋاپتۇ . يىگىت ئەمدى بولدى قىلمىسا بولمايدىغىنىغا كۆزى يىتىپ، ئىككىيلەن چىرايلىق رازىلىشىپ قىز ئۆزىگە تەۋە بولغان نەرسىلىرىنى ئېلىپ رازى بۇلۇپ ئاجىرىشىپ كىتىپتۇ.    يىگىت ئاجراشقان بولسىمۇ بىرگە ئوتكۇزگەن كۇنلىرىنى ئسىدىن چىقىرالماي تۇرغان كۇنلەردە (بىر ھەپتىتىدىن كىيىن)ئاجىرشىپ كەتكەن ئايالىدىن <ئاچقۇچنى ئۆيدە قۇيۇپ قويدۇم> دەپ تېلېفون كەپتۇ يىگىت <ھە بۇلاپتۇ>دەپ ئۆز ئىشىنى قىلىۋېرىپتۇ.   يىگىت كەچتە ئىشتىن چۈشۈپ ئۆيگە كىلىپ ئىشىكنى ئېچىپ تۇرۇپلا قاپتۇ.   بۇ نېمەئىش، ئۆي ئچىدىكى بارلىق يۇمشاق نەرسىلەر گىلەم،پەردە،يوتقان-كورپە،ھەتتاكى تازىلىق ئۆيدە ئىشلىتىدىغان لۆڭگىلەرمۇ  يوق تۇرغىدەك.   پاھ قالتىس پاكىز ئادالاپتۇ ھە.    يىگىت دوستۇمغا تېلېفون قىلىپ چاقىرىپ ئەھۋالنى كۆرسىتىپ <بۇ نىمەئىش ئەمدى>دەپ ئولتۇرۇپلا قاپتۇ.   دوستۇم يىگىتكە ساقچىغا مەلۇم قىلىشنى  مەسلىھەت قىپتۇ ،ئەمما يىگىت  بىردەم ئويلانغاندىن كېيىن <بولدى قىلاي،  بۇمۇ بىر ھېساپتا ياخشى بولدى، پۇل دېگەن تېپىلىدۇ، مەن ئاجراشساممۇ كۆڭلۈمدە ئەسلىمىلەر قالار ئىدى ، ئەمدى مەن ئۇنىڭدىن پۈتۈنلەي سەسكەندىم، ئەگەر ئۇ جازالىنىپ قالسا بەلكىم ئىچ ئاغرىتىپ قالار ئىدىم ، ئۇنىڭدىن كۆرە مۇشۇ سەسكەنگەن ھالىتىم سەل ياخشىكەن>دەپتۇ .   بۇ يىگىت ئىشنى شۇنىڭ بىلەن تۈگىتىپتۇ .ئەمما مەن ئويلاپ قالدىم ،ئاشۇ بىچارە قىز ئوغرىلاپ ئەچىقىپ كەتكەن نەرسىلەر بىلەن  قانچىلىك  بايلىققا ئىرىشكەندۇ؟  شۇ نەرسىلەر بىر ئۆمۈر توي قىلماي ئۈتۈشكە يېتەرمۇ؟ ھازىرقى مۇشۇ جەمئىيەتتە ئۆيدىن چىقماي ياشىيالارمۇ؟ مەنبە :ئۆز قەلىمىم.

gulruh

	ھەي...... بەزى ئادەملەرگە گەپ توغرا كەلمەيدۇ جۇمۇ... ئۇ قىزنىڭ ئايال بولۇشقا ۋە ئانا بولۇشقا سالاھىيىتى توشىمايدىكەن، تاماق ئېتەلمىسە، ئۆي ئىشلىرىنى ئالدىرىماي قىلىشنى ئۆگەنسە بولاتتىغۇ، ئەڭ مۇھىمى كۆز ئالدىدىكى بەختنى قەدىرلىسە بوپتىكەن...  [s:151]

Gladio

	ھا ھا ھا ....قوشنىمىزنىڭ مىنكاۋخەن قىزى چاي قايناپ كەتسىمۇ ،گاز ئوچاقنىڭ ئوتىنى ئۆچۈرەلمەي ، ئاپىسىنى چاقىرىدۇ .تۇغۇلۇپ ھازىرغىچە چىنە تۇرۇپ تۇرسۇن ، پىيالىنىمۇ يۇيۇپ باقماپتىكەن ... ھازىرقى ئاتا ئانىلار باللار قانداق تەربىيلەۋاتىدىكىن تاڭ . . . قاخشىساق گەپ تۈگمەيدۇ . [s:159]

alafasy

	ئوغىرى كىلىن دىسە غەلىتە تۇرىدىكەن....

kapTalis

	ئەجەپ پەس خوتۇنكەن. تازىلىق ئۆيدە ئىشلىتىدىغان لۆڭگىلەرنىمۇ ئوغۇرلاپ كەتكىنىنى.

bujahan

	ئۇنداق ئۆيدە تاماق ئەتمەي ئاجرىشىمەنلا دىسە ماقۇل دەپلا يولغا سېلىپ قويماي،تاماقنى باشقا يەردىن يەپ ئۆي تۇتۇپ قالاي دىسە قاملاشماپتۇ.ياكى ئاشۇ يىگىتنىڭ تىل قىسىنچىلىقى بارمۇيە؟

gunqa721

	بۇ تېمىنى خىزمەتداشلىرىمغا ئوقۇپ بەرسەم ھەممەيلەن توۋا دېيىشىپ قالدى. بۇ قىزنىڭ باشقا مەقسىدى بار ئوخشايدۇ. ئۇ يىگىت مەسئۇلىيەتچان يىگىتكەن، يىگىت قىلىشقا تېگىشلىك قىپتۇ، ئەپسۇسلانغۇدەك، تارتىشقۇدەك ھېچ سەۋەب قالماپتۇ. بەلىكم ئۇ قىزنىڭ ئۆيىدىكىلەرمۇ ئانچە دۇرۇرۇس بولمىسا كېرەك، يىگىتنىڭ ئاتا-ئانىسى قىزنىڭ ئائىلىسى توغرىسىدا پايدىسىز سۆزلەرنى ئاڭلىغاندىلا بولدى قىلسا بوپتىكەن، كۆڭۈل ئاياپ ئوغلى بەختسىز بولۇپ قاپتۇ. ئۇنى دەيمىز، بۇنى دەيمىز، ئاخىرقى ھېسابتا بۇلارنىڭ ھەممىىسى ئاللانىڭ ئورۇنلاشتۇرۇشى. ئۇ يىگىت ئىككىنچى نىكاھىدا چوقۇم بەختىنى تاپالايدۇ.  [s:132]  مېنىڭچە بۇ تېمىغا «نائىنساب خوتۇن» دەپ ماۋزۇ قويغان بولسىڭىز باب كېلىغاندەك ھېس قىلدىم.

xiren0997

	توۋا مۇشۇنداق ئاياللار بارمىدۇ،ئەر كىشى ئوغۇرلۇق قىلىپتۇ دېسىغۇ بوپتۇ،ئايال كىشى ئوغۇلۇق قىلىپتۇ دېسە قاملاشمايدىكەن،يەنىلا توۋا دەي

بەرگى

	ئىنسابى بار كىلىنكەن ، ھەر ھالدا ئۆينى بولسىمۇ يۆتكەپ ئەكەتمەپتۇ  [s:141] تاماق ئىتىشنى بىلمەي تۇرۇپ كېلىنلىك بۇرچىنى ياخشى ئادا قىلماي بۇنداق بىشەملىق قىلغىنى پەقەتلا قاملاشماپتۇ .

sanjar

	ئاپتور جاۋابىنى بويلاپ 6قەۋەت  gunqa721 كە 2011-05-13 06:12 PMئەۋەتىلدى  : بۇ تېمىنى خىزمەتداشلىرىمغا ئوقۇپ بەرسەم ھەممەيلەن توۋا دېيىشىپ قالدى. بۇ قىزنىڭ باشقا مەقسىدى بار ئوخشايدۇ. ئۇ يىگىت مەسئۇلىيەتچان يىگىتكەن، يىگىت قىلىشقا تېگىشلىك قىپتۇ، ئەپسۇسلانغۇدەك، تارتىشقۇدەك ھېچ سەۋەب قالماپتۇ. بەلىكم ئۇ قىزنىڭ ئۆيىدىكىلەرمۇ ئانچە دۇرۇرۇس بولمىسا كېرەك، يىگىتنىڭ ئاتا-ئانىسى قىزنىڭ ئائىلىسى توغرىسىدا پايدىسىز سۆزلەرنى ئاڭلىغاندىلا بولدى قىلسا بوپتىكەن، كۆڭۈل ئاياپ ئوغلى بەختسىز بولۇپ قاپتۇ. ئۇنى دەيمىز، بۇنى دەيمىز، ئاخىرقى ھېسابتا بۇلارنىڭ ھەممىىسى ئاللانىڭ ئورۇنلاشتۇرۇشى. ئۇ يىگىت ئىككىنچى نىكاھىدا چوقۇم بەختىنى تاپالايدۇ.  [s:132]  مېنىڭچە بۇ تېمىغا «نائىنساب خوتۇن» دەپ ماۋزۇ قويغان بولسىڭىز باب كېلىغاندەك ھېس قىلدىم. ئاللاھ بەختىنى بەرسۇن  ،   بەلەن سۆزلە  ،  ئاللاھتىن ھەر ۋاق نامىزىمدا دىيانەتلىك  پاك ، بىر  ئايال ئاتا قىلىشىنى  تىلەپتۇرىمەن .