مىسرانىم مۇنبىرى

كۆرۈش: 3381|ئىنكاس: 50

ئۆزى گۈلدەك قىزلارنىڭ سۆزى... [ئۇلانما كۆچۈرۈش]

ئۆتكەن ھەر بىردە

مەستانە ئـــەزا

ئاخبارات ئەلچىسى ماھىر قەلەمكەش ئالاھىدە تۆھپە

ئەزا ئۇچۇرى
تىزىم نۇمۇرى: No. 154
يازما سانى: 1972
نادىر تېمىسى: 1
مۇنبەر پۇلى : 320
تۆھپە نۇمۇرى: 2846
توردا: 10194 سائەت
تىزىم: 2010-5-20
ئاخىرقى: 2012-3-23
يوللىغان ۋاقتى 2011-5-12 02:58:34 PM |ھەممە قەۋەتنى كۆرۈش |

ئۆزى گۈلدەك قىزلارنىڭ سۆزى...

 

 

ئاشۇ كۈنى قىزىمنى ئەگەشتۈرۈپ كۇچىغا چىققانىدىم.غۇبارسىز كۆك ئاسمان،ئالتۇن تاۋاقتەك نۇرانە قۇياش،رەسىمدەك گۈزەل شەھەر......

ئۇزۇن قىش ،تۇتۇق ھاۋادىن زىرىككەن كۆزلىرىم بۈگۈنكى بۇ ئۇچۇق ھاۋادىن قامىشىپ ،گۈزەل تۇيغۇغا چۆمۈلگەن ھالدا رۇھىم تولىمۇ كۆترەڭگۈ ئىدى.

قىزىمغا بىر نەرسە ئېلىش ئۈچۈن تاللا بازىرىنى ئارىلاۋېتىپ،ماگىزىنغا كىرۋاتقان ئىككى قىزغا ئىختىيارسىز نەزىم چۈشۈپ قالدى.

پاھ!نېمانچە گۈزەل قىزلار بۇ!ئۇن بەش،ئون ئالتە ياشلاردىكى تازا تولىۋاتقان بۇ قىزلارغا قاراپ تەبىئەتنىڭ بۇ بىر جۈپ<<نادىرئەسرى>>گەھەيران قالدىم.

-ئاداش قېرىلارغا لايىقراق بىر نەرسە بارمىدۇ؟-دېدى.ھېلىقى قىزلارنىڭ بىرى.

-ئاپاڭغا بىر نەرسە ئالامتىڭ؟

-ياق ،ئئۇنىڭ ئېرى بولغاندىكىن ئېرى ئېلىپ بەرسۇن!

-ئەمىسە كىمگە....

-ۋاي -ۋۇي ئاپام دېگەن خۇتۇننىڭ ئانىسى،شۇ چوڭ ئانام دېگەن قېرىغا ياغلىق ،پايپاق دېگەندەك بىرەر تال نەرسە ئالاي دېگەنىدىم.

-بىرەر ئىش بولغانمىدى؟

-چوڭ ئاپام قېرىنىڭ ئاتمىش ياشقا كىرگەن تۇغۇلغان كۈنى ئىكەن.شۇ باش قېتىمچىلىقى بولمامدۇ؟

-بۇ تازا ياخشى ئىشكەنغۇ؟بۇلتۇر ،مەنمۇ چوڭ ئاپامنىڭ تۇغۇلغان كۈنىگە بىر دەستە راسىت ئەتىرگۈل ئېلىپ بارغانىدىم دېگىنە،قەۋەتلا خوش بۇلۇپ كەتتى.كېيىن راسىت گۈللىكىنى بىلىپ :<<نېمىشقا گۈللەرنىڭ شېخىدىن ئۈزدىڭىز >>دەپ رەنجىدى. ئاپام چوڭ ئاپامغا بۇ گۈللەرنى مۇشۇنداق ئۈزۈپ ساتىدېغانلىقىنى دېگەندىن كېيىن ئاندىن خاتىرجەم بولدى.

-سېنىڭ چوڭ ئاپاڭمۇ تازا ئالىجاناپ قېرىكەنغۇ؟

-تۈزۈك گەپ قىلە ،نىمانچە سەت گەپ قىلىسەن؟

چوڭ ئاپاڭ قېرى بولماي ،ياشمىدى؟

-شۇنداقتىمۇ چىرايلىق سۆز بىلەن ئىپادىلىمەمسەن؟

-ۋاي بىزنىڭ ئۆيدە ئۇنداق ياسالما گەپ قىلىپ كۆنمىگەن...

-بىز خەق مەدىنىيەتنى بەك چۈشەنمەيمىز جۇمۇ،كىنولاردا كۆرمەيۋاتامسەن،چەت ئەللىكلەر بوۋىسى،مومىلىرىنىڭمۇ ئىسمىنى ئاتايدىكەنغۇ؟

-ئۇيغۇر دېگەن ئەجەپ مەتۇ...

ئكزۈمنى قاتتىق تۇتۇۋېلىپ ماگىزىندىن چىقىۋالمىسام ،ئۇ قىزلارنىڭ سۆھبىتىگە ئارلىشىپ ،<<ئۆزىچېچەكتەك،قىلىقى ئېشەكتەك >>قىز بىلەن بىر نەرسە دېيىشىپ قېلىپ ،خۇشال كەيپىمنى ئۇچۇرۋېتىدېغاندەك قىلاتتىم.

مەن شۇنداق كۆڭۈلسىز خىياللار بىلەن كېتىۋېتىپ ،بىر تۇنۇشۇمغا ئۇچراپ قالدىم.ئۇ تۆت ياشلىق قىزىنى بازارغا ئېلىپ چىققان بۇلۇپ،قىزى قىممەت باھالىق بىر كىيىمنى ئېلىپ بېرىسەن،دەپ تۇرۋاپتۇ.تۇنۇشۇم مال ساتقۇچى بىلەن باھادا كېلىشەلمەي ئۇ كىيىمنى ئالماپتۇ.شۇنىڭ بىلەن قىزى ماگىزىندىن چىقىپلا ،خۇيلىنىپ ئولتۇرۋاپتۇ.

-ئاپپاق قىزىم،يۈرەڭ،مەن باشقا دۇكاندىن ئۇنىڭدىنمۇ چىرايلىق كۆڭلەك ئېلىپ بېرىمەن.

-ياق،ساراڭ خۇتۇن ،ئۆزىگىلا كىيىم ئېلىپ،ماڭا ئېلىپ بەرمەيدۇ،دادامغا دەپ سېنى ئۇرغۇزىمەن.

-ھەي قىزىم،قۇپۇڭ!

ھېلىقى تۆت ياشلىق قىز ئاپىسىنىڭ پۇتلىرغا تېپىپ،تىللاپ يىغلايىتتى.مەن قىزچاقنىڭ ئانىسىغا قارىدىم،ئانا قىزىنىڭ بۇ قىلىقىدىن غەزەپلەنمەستىن  يەنە قىزىنىڭ تەرىپىنى قىلىپ:-بۇ قىز شۇنداق جاھىلكى ،قىلىمەن دېگىنىنى قىلماي قويمايدۇ.دېگىنىچە قىزىنى كۆتۈرۈپ بايا يېنىپ چىققان دۇكانغا قايتا كىرىپ كەتتى.

-مۇشتۇمدەك قىزىغا گىپىنى ئۆتكۈزەلمىسە،تۆت كۈندىن كىيىن بۇ قىز ئانىسىنىڭ بوينىغا مىنمەمدۇ؟توۋا بۇ كۈننىڭ باللىرى نېمە بۇلۇۋاتىدۇ...

تۇنۇشۇمنىڭ قىلىقلىرىنى كۆرۈپ تۇرغان ياشتا چوڭراق ئايال شۇنداق غۇدۇرىغاچ كېتىپ قالدى...

-ئاپا ،ئاۋۇ قىز بەك قىلىقسىزكەن،ماۋۇ چوڭ ئاپاشمۇ شۇ قىزدىن خاپا بۇلۇۋاتىدۇ،ئاپا،چوڭ ئاپام ماڭا كىچىك بالا چوڭلارنى تىللىسا <<تىلى كېسىلىپ كېتىدۇ>>دېگەنىدى.

ئەمىلىيەتتە ئۇنداق ئەمەسكەنغۇ؟

-قاراڭ قىزىم،بۇ دېگىنى <<چوڭلارنى ھۆرمەتلەش كېرەك،چوڭلارغا ھۆرمەتسىزلىك قىلىش چوڭ گۇناھ>>دېگەن مەنىدىكى گەپ.سىز كىچىك بولغاندىكى<<گۇناھ>>دېگەن سۆزلەرنى چۈشەنمەيسىز-دە،شۇڭا چوڭ ئانىڭىز قۇرقىتىدىغان شۇنداق سۆزلەر بىلەن سىزگە چوڭلارنى ھۆرمەت قىلىشنى ئۆگەتكەن.مانا ئەمدى مەكتەپنىڭ ئۈچۈنچى يىللىقىغا چىقتىڭىز،ئۇ گەپلەرنى چۈشىنەلەيسىز؟

-چۈشىنەلەيمەن.

-چوڭلارنى ھۆرمەتلىمىسە قانداق بۇلىدۇ؟

-ئەخلاقسىزلىق بۇلىدۇ.

مەن قىزىم بىلەن پاراڭلىشىپ ئۆيگە كېلىپ قالغانلىقىمنىمۇ بىلمەي قاپتىمەن.

شۇ كۈنى كەچتە بىر دوستۇمنىڭ ئۆيگە ئۆز خىياللىرىم بىلەن كېتۋاتاتتىم.

-ھەي پاسكىنا،ياتىقىڭدا ئولتۇرماي نەگە باردىڭ؟

مەن بۇ قۇپال ئاۋازدىن چۆچۈپ ئارقامغا قادىرىم،قىرىق نەچچە ياشلاردىكى بىر ئايال يانفۇنىنى ئېلىپ ئۆيىدە سۆزلەشكەندەك بەخرامان سۆزلىشىۋاتاتتى.

-ھە،تىل ئۆگۈنۈش كۇرسىغا باردىڭمۇ ياكى باشقا كۇرىسقىمۇ،خۇدا ئۆزى بىلىدۇ،ھەر ھالدا غىت قىسىپ ئۇقۇ،بولمىسا چېچىڭنى يۇلۇپ تۇغۇلغىنىڭغا تويغۇزۇۋېتىمەن،قانجۇق!ھە،چىرايلىق گەپ قىلىشنى بىلمەيمەن.مەنچۇ سېنى مەندەك بۇلۇپ قالمىسۇن،دەپ مۇشۇنداق ۋاتىلداۋاتىمەن...قىزى تېلفۇننى قۇيۇۋەتتى بولغاي،غۇدۇرىغىنىچە ئىتتىك مېڭىپ ئالدىمدىن ئۆتۈپ كەتتى.

-شۇ مىنۇتتا جاپا چېكىپ بالا ئۇقۇتۇۋاتقان مۇنۇ ئانىغا ئەمەس،ئاغزى يامان قۇپال ئانىنىڭ قىزى بۇلۇپ قالغان،ئاشۇ نامەلۇم قىزغا ھىسداشلىقىم كەلدى.بىچارە قىز بەلكىم،راستىنلا تىل ئۆگىنىش كۇرىسىغا قاتناشقان بولغىيدى.ياقا يۇرىتتا ئۇقۇپ ،كەچلىكىمۇ يەنە ئۆگىنىشتىن چارچاپ كىرگەندە،ئانىسىنىڭ مېھىر-مۇھەببەتكە تولغان چىرايلىق سۆزلىرنى ،نەسھەتلىرىنى ئاڭلىغان بولسا،قانداق خۇشال بۇلار ئىدى-ھە!بەلكىم بىر كۈنلۈك ھاردۇقى چىقىپ ،ئۆزىنى كارىۋاتقا ئوڭدىسىغا تاشلاپ،راھەتلىنىپ ئۇخلىماسمىدى؟ئانىسىنىڭ ئۈمىدىنى ئاقلاش ئۈچۈن يەنە نۇرغۇن نەرسىلەرنى ئۆگىنىشنى كۆڭلىگە پۈكمەسمىدى؟!...

بۈگۈن بىر كۈندە ئۇچراتقان ئانىلار بىلەن قىزلار ئۇتتۇرسىدىكى ئىشلار مېنى خېلىدىن بۇيان ئويلاپ يۈرگەن قىزلىرمىزنى تىربىيلەشكە پەقەت ئەھمىيەت بەرمەيۋاتامدۇق قانداق؟دېگەن خىياللىرىمنى يەنە ئېسىمگە سېلىپ قويدى.

ئۆتكەندە بىر يىغىندا ئولتۇراتتىم.ئارقامدىلا ئولتۇرۇپ پاراڭلىشىۋاتقان بىر ياش چوكاننىڭ ئەنسىز ئاۋازىدا بۇشقىنا <<ۋىييەي قۇرسىقىم>>دېگىنىنى ئاڭلىدىم.

-قۇرسىقىمدىكى بالام مىدىرلاۋاتىدۇ،قارىڭە قۇرسىقىمغا.ئەر كىشى گەپ قىلمىدى.ئەتراپتىكىلەرنىڭ پىخىلداپ كۈلۈۋۈتقانلىقىنى سەزدىم.

مەن شۇ دىئالۇگلارنى ئاڭلاپ ئولتۇرۇپمۇ ناھايىتى ئەپسىزلىك ھېس قىلدىم.يىغىندىن قايتىپ چىقىۋېتىپ،ھېلىقى ئەرنىڭ يېنىدىكى چاخچاق قىلغۇچىغا رەنجىگەن ھالدا:

-نىمانداق قىلىقى سەت قىز بالا ئۇ ،چوڭ ئاكىسىدەك ئادەمگىمۇ قۇرسۇقىدىكى بالىسىنىڭ مىدىرلىشىنى دەپ بېرىدېغان،قۇرسىقىڭىزنى بېرىپ ئېرىڭغا بېرىپ ئىرىڭىزغا كۆرسىتىڭ دەۋېتەي دەپ...مۇشۇ كۈننىڭ قىزلىرىدا ھايامۇ قالمىدىكى،يوغان ئىش بولغاندەك بالىسى تۆت ئايلىق بۇلا-بولماي كېرىلىپ مېڭىپ....

-ۋاي،<<قوشناڭ قارىغۇ بولسا،بىر كۆزۈڭنى قىس>>دەپ،بۇلارمۇ شۇ باشقىلاردىن ئۆگىنىۋاتقان گەپ...

-ھازىرقى قىزلار ئادەم بىرىنى دېگۈچە ئوننى دەپ،كۆزۈڭگە مۇلۇندەك قاراپ تۇرۇشقان...

-ئادەم گەپ قىلىپ بولغۇچە ،بۇيۇنلىرىغىچە قىزىرىدېغان بۇرۇنقى ھايالىق قىزلىرمىز قالماپتۇ-دە.

-شۇنداق ،قىزلارنى تەربىيلەيدىغان ئېسىل ئانىلىزمىز تۈگەپ كېتىۋاتىدۇ.<<ئانا كۆرۈپ قىز ئال،ئارقاق كۆرۈپ بۆز >>دەپ ئاڭلىغانمۇ...

ئەرلەرنىڭ شۇ سۆزلىرىنى ئاڭلاپ كېتىۋېتىپ،كىچىك ۋاقتىمدىكى بىر ئىش ئېسىمگە كېلىپ قالدى.بىز كىچىك چاغلاردا ئاممىۋى مۇنچىلارغا بېرىپ يۇيۇنۇپ كېلەتتۇق.يەتتە-سەككىز ياش چاغلىرىم بولسا كېرەك ،مەھەللىدىكى چوڭ قىزلار بىلەن مۇنچىغا چۈشۈپ ئۆيگە كىرسەم قارىمايدىن تاغام كەپتۇ.مەن يۈگۈرۈپ بېرىپ تاغامغا ئېسىلىپ كۆرۈشىۋاتسام تاغام مەندىن :-نەگە بېرىپ كەلدىڭ،قىزىم؟-دەپ سورىدى.مەن تەمتىرمەستىنلا:

-مەھەللىدىكى قىزلار بىلەن مۈنچىغا بېرىپ ،يۇيۇنۇپ كەلدىم،-دەپ جاۋاپ بەردىم.

-ھە،چوڭ ئىش قىپسىز،مېڭىڭ ئاۋۇ ئۆيگە كىرىپ كېتىڭ.ئاپام قۇلۇمدىن تارتىپلا مېنى يەنە بىر ئۆيگە كىرگۈزۈۋەتتى.ئاپامغا نېمە بولغاندۇ؟چۈنكى ئاپامنىڭ ئاچچىقى كەلەەندە<<سىزلەپ>>قويىدىغان ئادىتى بار ئىدى.مەن گاڭگىراپ تۇرغىنىمدا ئاپام يېنىمغا كىرىپ:-ھەي ھايا دېگەننى ساڭا ئۆگتىپ بۇلالماپتىمەن-دە،قىز بالا دېگەن يۇيۇنغاننى ئەر كىشىلەر بار يەردە دېسە،بولمايدېغانلىقىنى مەن دېمىگەنمۇ؟-دېدى.

-ياق،سەن دېمىگەن،بۇ سەت گەپ ئەمەسقۇ؟-دېمىگەن بولسام ،بۈگۈندىن باشلاپ بىلىپ قال،قىز بالا دېگەن دادىسى ،ئاكىلىرى بار يەردە يۇيۇنغاننى دېمەيدۇ ھەم چاچلىرىدىكى ھۆللىرنىمۇ كۆرسەتمەيدۇ،-دېدى.

ئاپامنىڭ شۇ سۆزلىرىنىڭ تېگىگە چوڭ بولغاندىن كېيىن يەتتىم.

ئۆز كەچۈرنىشلىرىمدىن ئېلىپ ئېيتساممۇ ئانامنىڭ مىڭ قۇياشنىڭ تەپتىدەك ئىللىق مېھىرلىك قوينىدا چوڭ بولدۇم،تا ھازىرغىچە ئانا بۇلۇپ تۇرۇقلۇق ،ئانامنىڭ ئېتىكىگە بېشىمنى قويغان چاغدىكى،بەخىتنى ھېچقانداق بەخىتكە تەڭ .قىلالمايمەن.ئانام ماڭا شەپقەتنىلا ئەمەس ھەم تۇنجى تەلەپچان ئۇستازىم،ئانام ماڭا مېھرىبانلىقنى ،چوڭلارنى ھۆرمەت قىلىشنى،كىچىكلەرنى ئىززەت قىلىشنى،ئەدەمگەرچىلىكنى،مەردلىكنى،يەنە چىرايلىق سۆزلەشنى ،كۆڭۈل ئاياشنى قىزلارغا خاس ئەدەپ-ئەخلاقنى...نۇرغۇن نەرسىلەرنى ئۆگەتكەن،ئۆگەتكەنلا ئەمەس ئۆز ئەمەلىيتى بىلەن ماڭا ياخشى ئۆلگە بۇلالىغان.ئانام بىزنى ھەرگىز سەت گەپ بىلەن تىللىمايىتتى.بەك ئاچچىقى كەلگەندە:<<يائاللا،ئامرىكا جاھانگىرلىكىدەك يامان بالا بۇپسەن>>دەيدېغان،ئېسىمدىن زادى چىقمايدۇ،بىرقېتىم ئانام چېچىمنى تاراۋېتىپ ،تالاغا چىققاندا بالىلار بىلەن سەت گەپ بىلەن تىللاشماسلىق توغرىسىدا تەربىيە قىلىۋاتقاندا،مەن ئانامدىن <<ئانا،باشقىلار مېنى تىللىسا،جىم تۇرامدىم>>دەپ سورىسام،<<ئاقچى-كۆكچى،ئىشكى يوق دۇمباقچى>>دە!دەپ ئۆزى كۈلۈپ كەتكەنىدى.

بىزنىڭ ئۆيدە ئانامنى پات-پات خاپا قىلىدىغان ئەڭ سەت گەپ<<ساراڭ>>دېگەن سۆز ئىدى.ئانام مەكتەپ يۈزى كۆرمىگەن بولسىمۇ ،ئەمما دىندا ئازراق ئۇقۇغان بولغاچقا،بىزنى نۇرغۇن ئەقىلغا مۇۋاپىق <<يامان بۇلىدۇ>>لار ئارقىلىق ،ئەخلاقىي جەھەتتىن تەربىيلىگەن.

بەزى قىزلىرمىزدىكى قاشاڭلىق،سۇقۇشقاقلىق ،ھەسەتخورلۇق،ئەخلاقسىزلىقلارنى كۆرگىنىمدە،كىشىلەرنىڭ ئاۋۋال قىزنى ئەمەس ئانىسىنى ئەيىپلەيدېغانلىقىنى بىلىمىز.قىز بالا ئاساسەن ئانىسىنى تارتىدۇ.چوڭلارنىڭ بەزىدە ھايالىق قىزلارنى ئۇچراتقاندا<<سىز كىمنىڭ قىزى؟ھە،شۇ ئانىڭىز رەھمەتللىك بەك ئىسىل ئايال ئىدى،ئانىڭىزنى دوراپسىز>>دېسە،يەنە <<ھەي مۇنۇ ۋىتىلداق كىمنىڭ قىزى ؟ۋاي ھېلىقى پالاننىڭ،ۋاييەي،ئالا ئىنەكنىڭ بالىسى چالا قۇيرۇق دەپ،بۇ ئانىسىنى بېسىپ چۈشىدېغان ئۇرۇشقاق بۇتۇمۇ ،نېمە؟>>دېەەن سۆزلىرنى دائىم ئاڭلاپ تۇرىمىز.

كۇچا-كويلاردا،توي تۆكۈنلەردە شۇنداق چىرايلىق ياسىنىۋالغان خانىم-قىزلارنىڭ ئىچىدە <<ھەي ساراڭ،سەن بارمۇ ؟ھەي ماڭا پاسكىنا،سەن رەسمىي رەسۋاكەنسەنغۇ؟مېنى شۇنداقمۇ ئالدامسەن؟ۋىيەي ماۋۇ قانجۇقنى...سەن بارمۇ؟>>دېگەندەك سۆزلەر بىلەن كۆرشىۋاتقانلىقىنى ئۇچراتقىنىمدا،شۇلار تۇغقان ،چوڭ قىلغان ،تەربىيلىگەن بالىلار ھېلىقىدەك چىرايلىق سۆزنى ياسالما سۆز دەيدېغان،كىچىك تۇرۇپ ئانىسى بىلەن كىيىمدە بەسلىشىدېغان ئەخلاقسىز بالىلاردىن بولماي،نېمە بولماقچى؟دەپ ئويلايمەن.

بىز ئاياللار ھاياتلىقتا ئائىلىنى قۇرۇپ،پەرزەنتلرىنى تەربىيلەپ،جەمىيەتنى شەكىللەندۈردىغان ۋە ئۇنىڭغا ھۇزۇر-ھالاۋەت،بەرىكەت ئاتا قىلىدىغان ھەمدە ئائىلىنى مېھىر-مۇھەببەت نۇرى بىلەن نۇرلاندۇردىغان مۇقەددەس پىدائىيلىقنىڭ سىموۋولى ،پاك قەلب ،لاتاپەت ۋە گۈزەللىك پەرىشتىسى.

بىزنىڭ نۇرغۇن ئانىلىرمىز زىممىسسىدىكى مۇقەددەس بۇرچىنى ھەسسىلەپ ئادا قىلىۋاتىدۇ.قىسمەن ئاياللىرمىز بولسا،خۇددى يۇقۇملۇق باكتېريىلەردەك،بالا تەربىيلەش ئەمەس،ھەتتا ئۆزىدىكى يامان كىسەللىكلەرنى ئەۋلاتلىرغا يۇقتۇرۋاتىدۇ.

قېنى كۆجۈم مەھەللىلەردە ئولتۇرۇپ ،ھال-مۇڭ قىلشىدىغان قۇلۇم-قوشنىلار؟قېنى بويىغا يەتكەن قىزلارغا كېلىن بۇلۇشنىڭ،ئايال بۇلۇشنىڭ ،ئانا بۇلۇشنىڭ يوللىرنى ئۆگىتىدىغان پەرىشتە سۈپەت ئانىلار؟قېنى ھايات گۈزەللىكىنى تۇنۇتىدىغان يۇلتۇزلۇق كېچىلەردىكى ئاپئاق چاچ مومىلىرىمىزنىڭ نەسىھەت مەنىسىنى ئالغان چۆچەك -داستانلىرى،ئۈگۈت-نەسىھەتلىرى...

زامانىۋى ئاڭ بىلەن ئەنئەنە،يىڭىلىق بىلەن ۋارىسلىقنىڭ مۇناسىۋىتىنى توغرا بىر تەرەپ قىلالماي،تۈتەك ئىچىدە قېلىۋاتقان قىزلىرمىز،كىيىم-كېچەك ،يۈرۈش -تۈرۈش ۋەپ گەپ-سۆزلەردىكى ئەخلاق مىزانلىرىمىزنى تەلۋىلەرچە بۇزۇپ تاشلىغانلىقلىرىنى ئۆزلىرىچە قانداقتۇ يېڭىلىق ،مەدىنىيەت ۋە ئاياللار ئەركىنلىكى ھېسابلاۋاتىدۇ،ئۇنىڭ ئۈستىگە تۈگمەس قاتار چايلار،توي-تۆكۈن ھەشەمەتچىلىكى ،كېچە-كېچىلەپ قانال يۆتكەپ كۆرىدېغان تېلېزور مەستانلىكى ،ئىككى مېتىر ئارىقتىكى قوشنىلارنىڭ ھال-ئەھۋاللىدىن ئايلاپ،يىللاپ خەۋەرسىز قۇيۇۋاتقان قەۋەتلىك بىنالار غېرىبچىلىقى ،قۇلۇم-قوشنا ۋە ئائىلە مۇھەببىتىنى يىمىرىپ تاشلاۋاتقان بۈگۈنكى كۈندە بىز ئايال ئۇقۇتقۇچىلار قىز ئۇقۇغۇچىلىرمىز بىلەن،ئانىلار قىزلىرمىز بىلەن ھال-مۇڭ بۇلىشىمىز ،بۇرۇن يۇلتۇزلۇق ئاسمانلارغا قاراپ ،ئاڭلىغان ھېكايە-چۆچەكلىرمىزنى قىزلىرمىزغا سۆزلەپ بېرىشىمىز،ئۇلارنى ۋاپادار،ھايالىق ،مەرد بۇلۇشقا يېتەكلىشىمىز،گۈزەل تىلىمىز،توغرا ئەخلاق-مىزانلىرمىز بىلەن ئۇلارغا ئىگە بۇلۇشىمىز كېرەك.شۇندىلا باللىرمىز ۋە بىز ئىنتىلىۋاتقان،تەلپۈنىۋاتقان مەدەنىيەت چۇقۇم ئۆز خاسلىقىغا ئىگە بۇلىدۇ،شۇنىڭدىلا ياشلىرىمىز ھەر بىر مەدەنىيەتنىڭ ئۆز زېمىنىدا يىلتىز تارتىپ ،ئۆز زېمىنىدا ۋايىغا يەتكەندىلا،ئاندىن ئۇ بىزگە ھەقىقى مەنسۇپ مەدىنىيەت بۇلالايدىغانلىقىنى چۈشىنىۋالالايمىز.

 

مەنبە : زامانە ئاخىرنىڭ ئاياللىرى دېگەن كىتاپتىن ئېلىندى.

ئاپتورى:گۈلباھار سىدىق ئابباس 


ھاياتتىكى ئەگرى تۇقايلىقلاردىن قورقۇپ قالماي قەيسەرلىك بىلەن ياشايمەن

زۇۋانىڭنى يېغ!شا

ئادەتتىكى ئەزا

ئەزا ئۇچۇرى
تىزىم نۇمۇرى: No. 40258
يازما سانى: 129
نادىر تېمىسى: 0
مۇنبەر پۇلى : 1032
تۆھپە نۇمۇرى: 100
توردا: 77 سائەت
تىزىم: 2011-5-10
ئاخىرقى: 2012-2-26
يوللىغان ۋاقتى 2011-5-12 03:19:57 PM |ھەممە قەۋەتنى كۆرۈش |
مۇشۇ تىمىنى قايسى كۈنى كۈرۈپ ئىنكاس يارزغاندەك ئېسىمدە.......
تەھرىرلىنىۋاتىدۇ...................................................................................................................

مىللەتنىڭ ئۇغۇللىرى ۋىجدانسىز،غۇرۇرسىز،ئېتقادسىز بولسا ، قىزلارنىڭ قولى ئىشتان بېغىغا چۈشۈپ قالىدۇ.....

ئىمىنجان ھىدايە

تىرىشچان ئەزا

مىسرانىم مەستانىسى

ئەزا ئۇچۇرى
تىزىم نۇمۇرى: No. 15099
يازما سانى: 396
نادىر تېمىسى: 0
مۇنبەر پۇلى : 10514
تۆھپە نۇمۇرى: 1944
توردا: 1581 سائەت
تىزىم: 2010-10-24
ئاخىرقى: 2012-3-16
يوللىغان ۋاقتى 2011-5-12 03:21:47 PM |ھەممە قەۋەتنى كۆرۈش |
ئەسسىلامۇ ئەلەيكۇم ! ئەھمىيەتلىك بىر  تىما يوللاپسىز  سىز مۇ بەك  يوقاپ  كەتتىڭىز
بۇ تىمىدا ئىيتىلغاندەك ھازىر جەمئىيەتتىكى قىزلىرىمىز چوڭ بولغانسىرى چىرايلىق بولۇپ كەتتى  يەنى مەدەنىيەت ئومۇملىشىپ يۈرۈش تۇرۇشى رىملىشىپ كەتتى ..... بىراق مانا  مۇشۇ قىزلارنى تەربىيلىگەن ئاتا - ئانىلار ئەلۋەتتە مەدەنىيەتلىك مەدەنىيەت سەۋىيسى يۇقىرى ئاتا - ئانىلاردۇر  بىراق بۇ ئاتا - ئانىلار يىراق يىزىلاردىكى باشلانغۇچ مەكتەپنىمۇ ئوقۇمىغان ئاتا - ئانىلارنىڭ تەربىيلىگەن باللىرىنى سەھرالىق  ۋە ياكى يىزىلىق دەيدۇ  ئەمما  مانا  بۇ تىمىدا ئوتتۇرغا قويۇلغاندەك  ئىنتايىن ئەخلاقسىز   ناچار  گەپلەرنى قىلىدىغان ، كىيىم كىيىشتە  ئىسلام دىنىغا ھاقارەت قىلىدىغان كىيىملەرنى كىيىپ كوچىلاردا بەئەينى ئانىسىدىن يىڭى تۇغۇلغان ئەرۋاھتەك  ئەركىن يۇرىيدۇ    بۇلارنى  مۇشۇ  ئاتا  ئانىللىرى ھەم ئاكا  ھەدىللىرى تونۇيدۇ  !  بىراق  بۇلار  بىز نىڭ قىزىمىز دىگەن گۈل ! بىزنىڭ سىڭلىمىز دىگەن مودىل يەنى ھەممە ئەركەكلەر كۆزلىرىنى ئۈزەلمەيدىغان  قونچاق دەپ ماختىنىپ يۇرىيدۇ
لەنەت بولسۇن ! مۇشۇنداق يالتىراق مايمۇنلارگە !  [s:128]  [s:128]  [s:128]

ئىمىنجان ھىدايەت

ئاخبارات ئەلچىسى ماھىر قەلەمكەش ئالاھىدە تۆھپە

ئەزا ئۇچۇرى
تىزىم نۇمۇرى: No. 7254
يازما سانى: 5536
نادىر تېمىسى: 0
مۇنبەر پۇلى : 115977
تۆھپە نۇمۇرى: 2593
توردا: 6788 سائەت
تىزىم: 2010-8-22
ئاخىرقى: 2012-3-23
يوللىغان ۋاقتى 2011-5-12 03:25:41 PM |ھەممە قەۋەتنى كۆرۈش |
گۈلباھارنىڭ ئېسىل كىتابىدىن ئارىيەنى بۇ يەردە كۆرگۈنۈمدىن تولىمۇ خۇرسەنمەن . فاتىمە ، ھەقىقەتەن ھازىرنىڭ ئىھتىياجى بولۇۋاتقان بۇ قىسمىنى بىزگە يەتكۈزگىنىڭىزدىن، مەن يەنە نۇرغۇن بۇرچنىڭ بىزنى تەخىرسىز ساقلاۋاتقانلىقىنى ھىس قىلدىم . سىزگە چەكسىز خۇشاللىق تىلمەن .

يۈرۈگۈم نىمىنى تەلەپ قىلىسەن؟  ماڭا ئۇختۇرغىن ، اللە نىڭ نامى بىلەن ئۇقتۇرغىن!
گۈلىستا بۇ ئەزا ئۆچۈرۈلگەن
يوللىغان ۋاقتى 2011-5-12 03:31:51 PM |ھەممە قەۋەتنى كۆرۈش |
ئەسكەرتىش : يوللىغۇچى چەكلەنگەن . مەزمۇننى كۆرەلمەيسىز .

پائالىيەتچان

ئەزا ئۇچۇرى
تىزىم نۇمۇرى: No. 36104
يازما سانى: 1467
نادىر تېمىسى: 0
مۇنبەر پۇلى : 8893
تۆھپە نۇمۇرى: 164
توردا: 3359 سائەت
تىزىم: 2011-4-2
ئاخىرقى: 2011-12-15
يوللىغان ۋاقتى 2011-5-12 03:32:36 PM |ھەممە قەۋەتنى كۆرۈش |
بۇ كىتاپنى مەن بەكلا ياقتۇرۇپ ئۇقۇيمەن.

、ئۆزۈمگە غەيرەت

ئادەتتىكى ئەزا

ئەزا ئۇچۇرى
تىزىم نۇمۇرى: No. 38463
يازما سانى: 86
نادىر تېمىسى: 0
مۇنبەر پۇلى : 948
تۆھپە نۇمۇرى: 9
توردا: 159 سائەت
تىزىم: 2011-4-23
ئاخىرقى: 2011-7-12
يوللىغان ۋاقتى 2011-5-12 03:35:43 PM |ھەممە قەۋەتنى كۆرۈش |
ياخشص كصتاپتصن ظارصية يوللاپسصز.تصمصنص ظوقؤإصتصپ ،مةزمؤن تونؤش بصلصنگةن.ظةسلصدة مةن بؤ كصتاپنص بؤرؤن ظوقؤپ بولغان،هةقصقةتةن ياخشص يصزصلغان كصتاپ.

ھەممە ئىشلار كۆڭ

ئالىي ئەزا

ئاخبارات ئەلچىسى ماھىر قەلەمكەش ئالاھىدە تۆھپە

ئەزا ئۇچۇرى
تىزىم نۇمۇرى: No. 90
يازما سانى: 1878
نادىر تېمىسى: 2
مۇنبەر پۇلى : 19612
تۆھپە نۇمۇرى: 763
توردا: 7375 سائەت
تىزىم: 2010-5-20
ئاخىرقى: 2012-3-22
يوللىغان ۋاقتى 2011-5-12 03:38:31 PM |ھەممە قەۋەتنى كۆرۈش |
زامانە ئاخىرنىڭ ئاياللىرى دىگەن كىتابنى نەچچە يىللار بۇرۇنلا ئوقۇغان ئىكەنمەن. لىكىن بۈگۈنكىدەك ئەستايىدىللىق بىلەن ئوقۇماپتىكەنمەن.

دىمىسىمۇ شۇ ئەمەسمۇ؟ يائاللا...ئامىمىۋى سورۇن، كوچا ئابتۇبۇسلىرىدا،يىغىلىش بولۇپ قالغان  يەرلەردە بەزىبىر ھىچ ئىش بولمىغاندەك ئادەتتىكى پاراڭلارنىڭ ئارىسىغىمۇ ناھايتتى سەت گەپلەرنى قىستۇرۇپ تۇرۇپ ئەھۋاللىشىدىغان قىز-ئوغۇللارنىڭ يىنىدىن ئۆتۈپ قالساممۇ بىئارام بولۇپ كىتىمەن. يۇلدۇشۇم بىلەن بىللە مىڭىپ كوچىلاردا شۇنداق گەپلەرنى ئاڭلاپ قالساممۇ يۇلدۇشۇمنىڭ ئالدىدا ئوڭايسىزلىنىپ كىتىمەن. مەدىنىيەت دىگەن يەنىلا باشقىچىدە...ھەي... [s:130]

ئاللا ھەممىمىزگە ئىنساپ بەرسۇن!

ئاتا-ئانىنى غەنى

يېتىلىۋاتقان ئەزا

ئەزا ئۇچۇرى
تىزىم نۇمۇرى: No. 241
يازما سانى: 288
نادىر تېمىسى: 0
مۇنبەر پۇلى : 5542
تۆھپە نۇمۇرى: 270
توردا: 2266 سائەت
تىزىم: 2010-5-21
ئاخىرقى: 2011-12-10
يوللىغان ۋاقتى 2011-5-12 03:39:17 PM |ھەممە قەۋەتنى كۆرۈش |
كونىلار  ............ بۇغداي نىنىڭ بولمىسا بۇغداي سۆزۈڭ يوقمىدۇ ؟؟؟؟؟؟؟؟  دەپ بىكار ئىيىتمىغان -دە. گىرىمنى ياراشتۇرۇپ قىلىپ، رەتلىك كىينىپ يۈرۈشنىڭ ئۆزىلا مەدەنىيەتلىك بولغانغا كىرمەيدۇ. ئەڭ مۇھىمى شۇ ئادەمنىڭ  مەدەنىيەت ساپاسىنىڭ ،قانچىلىك ئىكەنلىكىدە.

ئادەم بولماق ئاسان ئەمەس، نامەرىد كىشىلەر ئادەم ئەمەس.

ئەزا ئۇچۇرى
تىزىم نۇمۇرى: No. 36261
يازما سانى: 241
نادىر تېمىسى: 0
مۇنبەر پۇلى : 1090
تۆھپە نۇمۇرى: 2
توردا: 960 سائەت
تىزىم: 2011-4-3
ئاخىرقى: 2012-1-17
يوللىغان ۋاقتى 2011-5-12 03:52:35 PM |ھەممە قەۋەتنى كۆرۈش |
ئۆتكەن بىر چاغلاردا ئابتۇبۇسقا چىقسام ئارقا رەتتىكى بىر قىز بالا تېلفۇن بىلەن تىللاشقىلى تۇرۇپتىكەن ، شۇنداق بىر قارىۋەتسەم تاسلا قالغان تىلفۇننى كاللامغا ئاتقىلى ، قىزلار بەك شاشلىشىپ كىتىپتۇ جۇمۇ ھازىر .

سەن ئولتـۇرارسەن خۇش كەيىپ ئول رەسىـتىدە ، دۈشمىنىڭ ئۇ جان__پېنىڭنىڭ قەسـىتىدە. سىنىڭ قۇلۇڭ ھاراق__شاراپ رومكىدا، دۇشمەن قولى زۇلپىقارنىڭ دەستىدە.

ساغلام ھايات سىز

تىرىشچان ئەزا

مىسرانىم مەستانىسى

ئەزا ئۇچۇرى
تىزىم نۇمۇرى: No. 33426
يازما سانى: 585
نادىر تېمىسى: 0
مۇنبەر پۇلى : 7076
تۆھپە نۇمۇرى: 468
توردا: 1601 سائەت
تىزىم: 2011-3-11
ئاخىرقى: 2012-3-17
يوللىغان ۋاقتى 2011-5-12 03:58:46 PM |ھەممە قەۋەتنى كۆرۈش |
ئاپتور جاۋابىنى بويلاپ 2قەۋەت  kilyang كە 2011-05-12 03:21 PMئەۋەتىلدى  :
ئەسسىلامۇ ئەلەيكۇم ! ئەھمىيەتلىك بىر  تىما يوللاپسىز  سىز مۇ بەك  يوقاپ  كەتتىڭىز
بۇ تىمىدا ئىيتىلغاندەك ھازىر جەمئىيەتتىكى قىزلىرىمىز چوڭ بولغانسىرى چىرايلىق بولۇپ كەتتى  يەنى مەدەنىيەت ئومۇملىشىپ يۈرۈش تۇرۇشى رىملىشىپ كەتتى ..... بىراق مانا  مۇشۇ قىزلارنى تەربىيلىگەن ئاتا - ئانىلار ئەلۋەتتە مەدەنىيەتلىك مەدەنىيەت سەۋىيسى يۇقىرى ئاتا - ئانىلاردۇر  بىراق بۇ ئاتا - ئانىلار يىراق يىزىلاردىكى باشلانغۇچ مەكتەپنىمۇ ئوقۇمىغان ئاتا - ئانىلارنىڭ تەربىيلىگەن باللىرىنى سەھرالىق  ۋە ياكى يىزىلىق دەيدۇ  ئەمما  مانا  بۇ تىمىدا ئوتتۇرغا قويۇلغاندەك  ئىنتايىن ئەخلاقسىز   ناچار  گەپلەرنى قىلىدىغان ، كىيىم كىيىشتە  ئىسلام دىنىغا ھاقارەت قىلىدىغان كىيىملەرنى كىيىپ كوچىلاردا بەئەينى ئانىسىدىن يىڭى تۇغۇلغان ئەرۋاھتەك  ئەركىن يۇرىيدۇ    بۇلارنى  مۇشۇ  ئاتا  ئانىللىرى ھەم ئاكا  ھەدىللىرى تونۇيدۇ  !  بىراق  بۇلار  بىز نىڭ قىزىمىز دىگەن گۈل ! بىزنىڭ سىڭلىمىز دىگەن مودىل يەنى ھەممە ئەركەكلەر كۆزلىرىنى ئۈزەلمەيدىغان  قونچاق دەپ ماختىنىپ يۇرىيدۇ
لەنەت بولسۇن ! مۇشۇنداق يالتىراق مايمۇنلارگە !  [s:128]  [s:128]  [s:128]

ئىنتايىن ياخشى تەھلىل قىلىپسىز ، ئاللاھ بىزلەرنى سىزگە ئوخشاش قەلبىي ئويغاق قېرىنداشلاردىن ئايرىمىغاي .....

ساغلام  ھايات  سىزگە يار بولسۇن

دۇنيا رەزىلمۇ ،

يىـڭى ئــەزا

ئەزا ئۇچۇرى
تىزىم نۇمۇرى: No. 40383
يازما سانى: 4
نادىر تېمىسى: 0
مۇنبەر پۇلى : 7
تۆھپە نۇمۇرى: 0
توردا: 6 سائەت
تىزىم: 2011-5-11
ئاخىرقى: 2011-6-3
يوللىغان ۋاقتى 2011-5-12 04:09:34 PM |ھەممە قەۋەتنى كۆرۈش |
ئەسسىلامۇ ئەلەيكۇم ! ئەھمىيەتلىك بىر  تىما يوللاپسىز

ئەزا ئۇچۇرى
تىزىم نۇمۇرى: No. 36650
يازما سانى: 209
نادىر تېمىسى: 0
مۇنبەر پۇلى : 569
تۆھپە نۇمۇرى: 1
توردا: 53 سائەت
تىزىم: 2011-4-6
ئاخىرقى: 2012-3-22
يوللىغان ۋاقتى 2011-5-12 04:24:33 PM |ھەممە قەۋەتنى كۆرۈش |
ئادەمنىڭ تىشىغا ئەمەس بەلكى قەلبىگە قاراش كىرەك     تىما ئىگىسىگە رەخمەت

ئوۋچىنىڭ ئوقياسى بولسا، كىيىكنىڭ خۇداسى يوقمىكەن

كارىزلارنى قوغد

يىـڭى ئــەزا

ئەزا ئۇچۇرى
تىزىم نۇمۇرى: No. 38209
يازما سانى: 55
نادىر تېمىسى: 0
مۇنبەر پۇلى : 1414
تۆھپە نۇمۇرى: 51
توردا: 3906 سائەت
تىزىم: 2011-4-20
ئاخىرقى: 2012-2-28
يوللىغان ۋاقتى 2011-5-12 04:40:31 PM |ھەممە قەۋەتنى كۆرۈش |
ئەسلىنى ئۇنتىغان شەيتاندۇر،شەيتان.
بەئەينى ئۇلارغا ئەرۋاھ يولۇققان.
مىسقالچە غۇرۇرنى ساتسىدى مەيلى،
ۋە بىراق ئۆزىنى ساتتى بىر تۇغقان.

كىملەر ئۇ ئەزەلدىن قىزىمىز ئىدى،
نىچۈنكى ئۇلاردىن ھايالار قاچقان.
ئاق چاچلىق ئانىلار ئېيتمىغاچ ئۈگۈت
زامانغا مىللەتنىڭ ئەسلىنى ساتقان.

ئاجايىپ ئىدىغۇ ئەجداتلىرىمىز،
سەركىسى ئىدىغۇ ئەدەپ-ئەخلاقنىڭ ،
قەيەردىن ئۈندى بۇ ئاجايىپ تىكەن،
دېپىغا ساما سەپ« شەيتان »ئاخماقنىڭ.

قىزلاردا ھايانى تاپالماي يۈرسەك.
يىگىتلەر مەستلىكتە بىغەم ياتىدۇ.
شۇنداقمۇ بولامدۇ تەغدىرىم «ئۇيغۇر »
«كارىزچى» شۇ تاپتا غەمدە ياتىدۇ.

دۇنيانىڭ قىسمىتى پۈتكەندەك ساڭا .
قېرىماي بىر ئۆمۈر ياش ئۆتەلەمسەن،
شۇ ئەسلى پەرىشتە ئۇلۇغ ئاناڭغا .
پاك-ھۆرمەت ئىلكىدە چاي تۇتالامسەن.

سەن بىر قىز ئاخىرى- سەن بىر ئانىغۇ،
نەلەرگە كەتكەندۇ سەندىكى ۋاپا،
تېرىساڭ ئالماقلىق بەرھەق ھەقىقەت.
توغما بوپ قالىدۇ قىزىڭغا بۇ  ساپا.

ئەجداتنى ئۇنتىغان بەدنىيەت بولار،
ئۇنىڭكى قەلبىدە بار زەھەر چايان.
تەغدىردىن ئاغرىنىپ ئۆتتۇق ئاخىرى ،
خەيرىيەت بۇ تەغدىر ئۆزىڭگە  ئايان.

ۋەتەن  دىگەن  س

ئاكتىپ ئەزا

مىسرانىم مەستانىسى

ئەزا ئۇچۇرى
تىزىم نۇمۇرى: No. 36742
يازما سانى: 670
نادىر تېمىسى: 0
مۇنبەر پۇلى : 3577
تۆھپە نۇمۇرى: 215
توردا: 1192 سائەت
تىزىم: 2011-4-7
ئاخىرقى: 2012-3-21
يوللىغان ۋاقتى 2011-5-12 04:47:49 PM |ھەممە قەۋەتنى كۆرۈش |
ئەھمىيەتلىك تىما يوللاپسىز،مۇشۇنداق ياخشى تىمىلار بولسا كۆپرەك يوللاپ تۇرۇڭ.

ئىشككە ئوڭلاپ مىنەلمەي تۇرۇپ، دۇلدۇلغا ئىسىلما ئۆزۈڭنى ئۇرۇپ. ھەر ئىشنىڭ يولى بار ئۆگىنش ئاتلىق، بۇيولسىز زورۇقساڭ تۈگەيسەن قۇرۇپ.
كىرگەندىن كىيىن ئىنكاس يازالايسىز كىرىش | تىزىملىتىش

مۇنبەر باش بېتىگە قايتىش|رەسىمسىز نۇسخا|يانفۇن|مىسرانىم مۇنبىرى
Powered by Discuz! X2(NurQut Team)© 2001-2011 Comsenz Inc. For misranim.com ( 苏ICP备:11007730号 )
چوققىغا قايتىش