كىم ئۈچۈن

پارلاق

	يۈرىكىم،سەندىن سوراي،چىن سۆزۈڭنى ئېيتقىنا،زادى كىم ئۈچۈن مۇڭلىنىسەن؟ زادى كىم ئۈچۈن ئىزتىراپ چېكىسەن؟ قارىغىنا باھار كەپتۇ،چىرايلىقلىقىغا كۆيۈپ قالدىم-مەن! نېمىشقا سۆزلىمەيسەن؟ باھار چىرايلىق ئەمەسمىكەن؟ قارىغىنا ئاۋۇ بىر جۈپ كېپىنەككە ئادەمنىڭ مەستلىكىنى كەلتۈرۈپ بىر-بىرى بىلەن ئوينىشىپ كەتكىنى! قارىغىنا،ئاۋۇ گۈلنىڭ ئۇزلىقىغا، خۇشپۇرىقى دىماقنى ياردىغۇ زادى! قارىغىنا ،ئاۋۇ كۆل سۈيىنىڭ سۈزۈكلىكىگە، پىلتىڭلاپ ئوينىشىۋاتقان بېلىق-بېلىجانلارنىڭ تاتلىق قىلىقلىرىنى قانداق قىلاي تېخى! قارىغىنا،ئاۋۇ تاغنىڭ مەزمۇت،زەبەردەسلىكىگە،بولسا ئادەم شۇ تاغدەك مەغرۇر بولسا-ھە؟! قارىغىنا ،يايلاقتىكى شادىمان قويچىغا،قۇلاق سالغىنچۇ،نەي ئاۋازىنىڭ يېقىملىقىغا .... ھەي،سېنى نوقۇپ قويايمۇ،نېمىشقا مېنىڭ گەپلىرىمگە پەرۋا قىلمايسەن؟ سېنىڭ ھېسلىرىڭ ئۆلگەنمىدى-يا؟! يۈرىكىم،سەندىن ئۆتۈنەي،يوق كىشىلەر ئۈچۈن ئۆرتەنمە،ئۆزۈڭگە قوشۇپ مېنىمۇ قىينىما! يۈرىكىم ،ئۆتۈنەي،كىم ئۈچۈن ئۈنسىز يىغلايدىغانلىقىڭنى ماڭا دېگىن،مەن بىلىشكە ھەقلىققۇ زادى! يۈرىكىم ،بولدى قىل ،ئۆزۈڭنى ئۆزۈڭ كۈل قىلما،ماڭا سەن لازىم... يۈرىكىم،سۆزلىگىن،قۇلاقلىرىم سېنىڭ ئۈنۈڭنى سېغىندى... يۈرىكىم يەنىلا سۈكۈتتە. مەن ئۇھسىندىم. يۈرىكىم ئۆزى بىلەن سىرداشتى: مەن ئۇنى قاچان ئۇچراتتىم،شۇندىن بۇيان گاچا بولدۇم. مەن ئۇنى قاچان يولۇقتۇردۇم،شۇندىن ئېتىبارەن گاس بولدۇم. مەن قاچان ئۇنىڭغا قەلبىم تۆرىدىن ئورۇن بەردىم،شۇندىن بۇيان رېئاللىقتىن يىراقلاپ كەتتىم. مەن قاچان ئۇنىدىن باشقىنى تونۇماس بولدۇم،شۇندىن بۇيان ئۆزلىكىمنى يوقاتتىم. مەن قاچان ئۇنىڭ ئالىمىگە شەيدا بولدۇم،شۇندىن بېرى ئۆز ئالىمىم چۆلدەرەشكە باشلىدى. لېكىن ئۇ كىم؟ ئاھ،يۈرىكىم،مېنى قورقۇتما، كىم ئۈچۈن شۇنداق بولدۇڭ،زادى كىم ئۈچۈن؟! يۈرىكىم يەنىلا سۈكۈتتە.چۈنكى بۇ سوئالغا ئۇمۇ جاۋاب ئىزدىمەكتە... كىم ئۈچۈن؟ م.م پارلاق 2011-5-5

kahrizat

	ياحشى يزىلىپتۇ، رەحمەت سىزگە، قولىڭىزعا دەرت كەلمىسۇن

kanat

	يەنە بىر نادىر ئەسىرىڭىزنى كۆرگىنىمدىن خۇشالمەن،توم-توم ئەسەرلىرىڭىزنى ئوقۇش قاچان نىسىپ بولار؟

gelas

	[s:166] ياخشى يىزىپسىز  ماڭا بەك يارىدى خۇددي كۆڭلۈمدىكىنى بىلىپ قالغاندەك مەن ئۇچۇن يازغاندەك بۇپتۇ

oychan

	ئاپتور جاۋابىنى بويلاپ 1قەۋەت kahrizat كە 2011-05-05 11:32 PMئەۋەتىلدى : ياحشى يزىلىپتۇ، رەحمەت سىزگە، قولىڭىزعا دەرت كەلمىسۇن سىزنىڭ ئىنكاسىڭىز قازاقچە يېزىقتا يېزىلىپتۇغۇ! نىمە ئىشكىن، مەنمۇ ۋورد قا خەت يازغام ياكى، خەت تىپى بار يەردىن ar نى تاللىساملا شۇنداق. غ، خ ھەرىپلىرىنىڭ چىكىتى چىققىلى ئۇنىمايۋاتىدۇ. ئۇ، ئۆ، ئۈ  ساق مۇ چىقمايدۇ. ئې  غۇ زادىلا چىقمايدۇ. ئىشەنمىسىڭىز قاراڭ:   ئاعىينىلەر! ئۅستىدىكى ئەسەر ئىنتايىن ياحشى يزىلىپتۇ. دوستلار: حەتلەرنىڭ مۇشۇنداق بىنورمال چىقىشىنىڭ سەۋەبى نمە؟

OZTURK02

	مەن ئەسلىدە ئۆزەمىنى روھى جەھەتتىن ئىنتايىن قەيسەر ھىساپلايتىم ، لىكىن < ئۇ > قىزنى ئۇچىراتقاندىن كىيىن ........< ئۇ > نىڭ ئۈچۈن قانچىلىغان كىچىلەرنى ئۇيقۇسىز ئۆتكۈزگەنلىكىمىنى بىلمەيمەن ، چۈنكى مەن <ئۇ>نى قانچىلىك دەرىجىدە ياخشى كۆردىغانلىقىمىنى بىر ئاللاھتىن ۋە ئۆزەمدىن باشقا ھچىكىم بىلمىسە كېرەك ! مەن گەرچە شۇنچە خۇشال يۈرسەممۇ ، < ئۇ >نىڭغا پەرۋا قىلمىغاندەك كۆرۈنسەممۇ ،لىكىن بىر خۇدادىن باشقا ھىچكىم مىنىڭ كۈلكەمىنىڭ كەينىگە يەنە قانچىلىغان ئازابلارنىڭ بارلىقىنى بىلمەيدۇ ....... باشقىلار مىنى ( بىغەم ، غەمسىز ) دەيدۇ ، ئەمەلىيەتتە ئۇنداق ئەمەس . مىنىڭمۇ باشقىلارغا بىلدۈرۈشىنى خالىمايدىغان گەپلرىم بار . مەن پەقەت ئالدىمىدىكى قىيىنچىلىقلارنى يىڭىش ئۆچۈن كۈلۈپ ياشايمەن ... مەن بەزىدە ۋاقىتنىڭ ئارقىغا يىنىپ ، مەن < ئۇ >قىزغا كۆڭۈل گەپلىرىمنى ئېيتىۋاتقان شۇ پەيتىنىڭ مەڭگۈ توختاپ قېلىشنى بەكمۇ ئۈمۈد قىلىمەن  لىكىن بۇ شىرىن چۈش ، قاملاشمىغان چۈش ، چۈنكى بۇ دۇنيا ئەزەلدىن تەڭشەلگەن جاھان ئەمەستە ؟!... < ئۇ > قىزنىڭ ئىسمى ، ئىسىمدىكى ھەربىر ھەرىپ يۈرىكىمنىڭ ئەڭ چوڭقۇر يىرىگە مەڭگۈ ئويۇلغان ئوخشايدۇ ، مەن ئۇنى شۇنداق ياخشى كۆرۈپ تۇرۇپ ئۇنىڭ كۆز ئالدىدا ، كۆزىگە كۆز نۇرۇم چۈشكەندە ئۈستۈمگە ئىلشتىن قۇرقىمەن ، مەن بۇ رىئالىقتىن قاچىمەن ، لىكىن بۇ يولىنىڭ ھەربىر دوقمۇشىدا گاڭگىراپ قالىمەن .... بىراق كۆڭلىم يەنىلا <ئۇ>نىڭدىن ۋاز كەچمەسلىككە ئۈندەيدۇ ، ئاۋازىمىنى قۇيۋىتىپ مەن سەندىن ۋاز كەچمەيمەن  دەپ توۋلىغۇم كىلىدۇ ...........................

kokdangz

	[s:166]  [s:166]  [s:166]  [s:166]  [s:166]  [s:166]  [s:166]

نەزەر

	ناھايىتى لىرىك يىزىلىپتۇ ،مۇڭلىنىپ ئولتۇرۇپ ئوقۇپ چىقتىم .

alafasy

	ئاپتور جاۋابىنى بويلاپ 4قەۋەت mutepekkur كە 2011-05-06 12:09 AMئەۋەتىلدى : سىزنىڭ ئىنكاسىڭىز قازاقچە يېزىقتا يېزىلىپتۇغۇ! نىمە ئىشكىن، مەنمۇ ۋورد قا خەت يازغام ياكى، خەت تىپى بار يەردىن ar نى تاللىساملا شۇنداق. غ، خ ھەرىپلىرىنىڭ چىكىتى چىققىلى ئۇنىمايۋاتىدۇ. ئۇ، ئۆ، ئۈ  ساق مۇ چىقمايدۇ. ئې  غۇ زادىلا چىقمايدۇ. ئىشەنمىسىڭىز قاراڭ:   ئاعىينىلەر! ئۅستىدىكى ئەسەر ئىنتايىن ياحشى يزىلىپتۇ. ....... ئاران بىر يەرنى تەڭشەپسىز، يېنىدىكى كۇنۇپكا تاختىسى بار يەرنى چەكسىڭىز ئۇيغۇرچە، قىرغىزچە دىگەن يېرى بار، شۇنى ئۇيغۇرچىگە تەڭشىسىڭىز بولىدۇ.