ئۇيغۇر دوپپا مەدەنىيەت بايرىمى ھەققىدە !

gulum0991

	بۈگۈن 2-قېتىملىق دوپپا بايرىمى.سەھەردىلا يولدۇشۇم دوپپا كىيىپ پەسكە چۈشسە خوشنىلار ھەيران قاپتۇ.نىمە ئۈچۈن دوپپا كىيىۋالدىڭ؟،دەپ سورىشىپ كېتىپتۇ.ئۇ بۈگۈن دوپپا بايرىمى ئىكەنلىگىنى بۇ بايرامنى ئەنگە ئالدۇرۇش ئۈچۈن بىر قىسىم زىيالىلىرىمىزنىڭ كۆپ جاپا چەككەنلىگىنى ،بىراق بۇ بايرامنىڭ باشقا بايراملاردەك تەشۋېق قىلىنمىغاچقا قىسمەن كىشىلەرنىڭ خەۋەرسىز قېلىۋاتقانلىغىنى چۈشەندۈرۈپ قويۇپتۇ..ئەڭ چوڭ ئۇقۇشماسلىق دۇككانغا بارغاندا يۈز بېرىپتۇ.خۇددى ئادىل مىجىتنىڭ دوپپا دىگەن ئىپىزوتىدىكىدەك ئۇقۇشماسلىق بوپتۇ.

izharem

	ناھايىتى ياخشى بوپتۇ.باشقا گەپلەرنى قىلماي بولدى.

hasalharisi

	<<ئۇيغۇر دوپپا مەدەنىيەت بايرىمى>>ىڭ مەركەز تەرپىدىن تېزىراق تەستىقلىنىشىنى ئۈمىد قىلىمەن.

narkos

	بۈگۈن ئالامەت بىر كۈن بولدى، ئۆزۈمچە دوپپامنى كىيىپ مەكتەپكە ماڭدىم، دەرۋازا ئالدىغا كەلگىنىمدە باللار زاڭلىق قىلارمۇ دېگەنچىلاپ مىڭ تەستە كىرگەن ئىدىم، قارىسام نۇرغۇن باللار كىيىۋاپتۇ، شۇنىڭ بىلەن خاتىرجەم كىرىپ كەتتىم، بۈگۈن بىر كۈن دەرسلەرمۇ ئىنتايىن قىزغىن كەيپىيات ئىچىدە ئۆتۈلدى، باللار بىلەن دىيىشىپ قويدۇق، ئاللا خالىسا ئەمدىدىن باشلاپ ھەر كۈنى كىيىمىز.

OZTURK02

	<<ئۇيغۇر دوپپا مەدەنىيەت بايرىمى>>نىڭ ھەممە يەردە تىزدىن ئومۇملىشىغا تىلەكداشمەن .

madatkarim

	ناھايىتىمۇ بىر خوشاللىق ئىچىدە بەكمۇ تەسىرلەندىم  مەدىنىيتىمىزنى يۇكسەلدۇرۇش تەرەققى قىلدۇرۇش  تەشۋىق قىلىش ھەربىر ئۇيغۇرنىڭ مەجبۇرىيتى ،تۇنۇگۇن ئىشخانىدىكى خىزمەتداشلىرىمغا ھەريىلى  5ئاينىڭ 5-كۇنى"ئۇيغۇر دوپپا مەدىنيەت بايرىمى"دەپ تۇنۇشتۇرسام بەزەنلەر بۇ ئىشتىن خەۋەرسىز ئىكەنىلىگىنى ،ھەتتا ئىشەنچە قىلالمىغانلىغىنى بىلگەن ئىدىم ،بۇگۇن مانا تورغا چىقسام بۇئىشتىن تۇلۇق مەلۇمات بېرىلىپتۇ ،شۇنىڭ بىلەن ئەتىراپىمدىكى بارلىق ئۇيغۇر خىزمەتداشلىرىمغا تۇلۇق چۇشەنچە بېرەلىدىم ، تېما ئىگىسىگە كوپتىن -كوپ تەششەكۇر ئېيتىمەن !!!  [s:166]  [s:166]  [s:166]  [s:166]  [s:166]  [s:166]  [s:166]  [s:166]  [s:132]  [s:132]  [s:132]  [s:132]

albax

	بىز ئۆزىمىزگە ئىشىنىشىمىز كىرەك ! بىزنىڭ بۇيەردە توي بۇلۇپ قالسا تۇنجى ئېيتىلىدىغان ناخشا ئۇسسۇللۇق ناخشا بۇلىدۇ ، تۇنجى مەيدان ئۇسسۇلغا چۈشكەنلەرگە ساھىپخان دوپپا سوۋغا قىلىدۇ . مەن تۈنۈگۈن چچ رىمدىكىلەرگە ، تۇققانلىرىمغا ، دوستلۇرۇمغا ................بۇ بايرامنى تەشۋىق قىلدىم . ھەتتا باشقا مىللەتلەرگىمۇ . تىرىشايلى !

QAYDU

	كومپارتىيە ئەزالىرى دوپپا كەيسە بولارمۇ؟ مەنغۇ كىيىۋەردىم.

kokyal

	بۇ تېمىنى يوللاپ دوپپا مەدەنىيىتى ھەققىدە خېلى ياخشى ئۇچۇرلارنى بېرىپسىز ، رەھمەت.

saptilak

	5-ئاينىڭ 5-كۈنى ئۇيغۇر مەدەنىيەت دوپپا بايرىمى ئىكەنلىكىنى بىلسەممۇ ئەمما بۇ ھەقتىكى تەپسىلى ماتىرياللاردىن خەۋىرىم يوق ئىدى. شۇ مۇناسىۋەت بىلەن بىزنى ئۇيغۇر دوپپا مەدەنىيىتى بايرىمى ھەققىدە ئۇچۇر ۋە بىلىمگە ئىگە قىلغان تارىمغا چىن قەلبىمدىن رەھمەت ئىيتىمەن. يېقىنلاردىن مۇنبەرلەردە مۇشۇ ھەقتە يېزىلىۋاتقان يازمىلارنى كۆرۈپ تولۇمۇ خوشال بولدۇم. چۈنكى بىز ئۇيغۇر تۇرۇپمۇ ئۆز مەدەنىيىتىمىزنى ۋە ئەنئەنىمىزنى كۆزگە ئىلمايدىغان، بۇ ھەقتىكى قاراشلىرى تۇغرا بولمىغان كىشىلىرىمىز ئارىمىزدا ھېلىھەم كۆپ سالماقنى ئىگەنلەيدۇ. بۇ ھەقتە كىچىككىنە ئەمەلى مىسال؛ مۇشۇ يېقىندا ئائىلىمىزدىكى بىر مەرىكىدە يېشىمغا خاس ھالدا ئەتلەس كۆينەك تىكتۇرۇپ، بېشىمغا دوپپا كىيمەكچى بولدۇم. بۇنى ئاڭلىغان خىزمەتداشلىرىم (مەكتىۋىمىزدىكى ئوقۇتقۇچىلار) <ۋڭيەي، تۆۋە دەڭ، سەھرالىققا ئوخشاپ، نېمە دېگىنىڭىز ئۇ > دېيىشتى. مانا شۇنىڭدىن كۆرىلىۋىشقا بولىدىكى ئوقۇتقۇچىلىرىمىزنىڭ بىزنىڭ ئەنئەنىۋى كىيىم-كېچەكلىرىمىزگە قارىتا چۈشەنچىسى، كۆز قارىشى شۇنداق تۇرسا، باشقىلارنىڭ قانچىلىك بولار؟ ئەرلىرىمىز كانىۋا كۆينەكلىرى، بادام دوپپىسى، ئاياللىرىمىز ئەتلەس كۆينىكى، چىمەن، گېلەم دوپپىسى بىلەن ۋەتىمىزنىڭ ھەرقانداق جايىدا ئۆزنىڭ كىملىكىنى نامايەن قىلىپ تۇرىدۇ. بۇ كىيىملەرنى كىيگەنلەرنى كۆرگەن باشقا ھەرقانداق مىللەت ئۇلارنى ئۇيغۇرلار دەپ ئاتىشىدۇ. شۇنىڭدىن ھېس قىلىشقا بولىدىكى، دوپپا بىزنىڭ مەدەنىيىزىمىز، تارىخىمىز بولۇپلا قالماي يەنە ئۇ بىزنىڭ خاسلىقىمىز، بەلگىمىز. ئۆز نۆۋىتىدە دوپپىنى يەنە ئۇيغۇر مىللىتىنىڭ كىملىكى دەپ ئاتىسىمۇ ھەرگىز ئارتۇقلۇق قىلمايدۇ، ئەلۋەتتە. شۇڭا بىز ئۆزىمىزنىڭ مەدەنىيىمىز ھەققىدە تېخىمۇ كۆپرەك بىلىمگە ئىگە بولۇپ، بۇ ھەقتىكى  چۈشەنچىمىزنى چۇڭقۇرلاشتۇرۇپلا قالماي يەنە ئۆزىمىزنىڭ مەدەنىيىتىمىزنى قەدىرلەشنى بىلىشىمىز، ئەتىۋارلىشىمىز، ئەۋلاتلىرىمىز ئالدىدا ئۆز مەدەنىيىتىمىزنى كىيىنكىلەرگە تاشابۇس قىلىش، ئۇلارغا بىلدۇرۇش ھەققىدە تىگىشلىك مەسئولىيتىمىزنى ئادا قىلىشىمىز تولۇمۇ زۇرۇر.