ئۇيغۇر قىزلىرى سىلەر گۈزەل، ئەمما...

nadira

	ئۇيغۇر قىزلىرى سىلەر گۈزەل، ئەمما... مەن بۇ ماقالىدە قىزلىرىمىزنى رەنجىتىپ قويۇشۇم مۇمكىن ،بولۇپمۇ چىرايلىق قىزلارنى. بىر يىگىتنىڭ ئۆزى بىلەن ھېچقانداق زىددىيتتى يوق ھەتتا تونۇشمايدىغان قىزلارنى رەنجىتىپ قويۇشنىڭ ئۆزى ئەخمەقلىق بولۇشى مۇمكىن .ئەمەلىيەتتە ھەددىدىن ئاشقان مۇھەببەت بەزىدە ئەخمەقلىقىنى كەلتۈرۈپ چىقىرىدۇ ئەمەسمۇ؟ئۇيغۇر قىزلىرى، سىلەر راستىنلا چىرايلىق ، بۇ ماختاش ئەمەس بەلكى ھەقىقەت.سىلەرنىڭ زىلۋا قامىتىڭلار،ئايدەك يۈزۈڭلار،بولاقتەك كۆزۈڭلار، قىزلارغا خاس لاتاپىتىڭلار ، پاكىزلىقڭلارنىڭ ھەممىسى ئادەمنىڭ ئەقلىنى لال قىلىدۇ.سىلەرنىڭ قولۇڭلار گۈل ،ئۆزۈڭلار گۈل،سىلەر بولغاچقىلار ئۇيغۇر يىگىتلىرىنىڭ يۈرىكى پۈتۈن،قولى ئۇزۇن. ھېلىمۇ تەلىيىم باركەن مەنمۇ ئۇيغۇر يىگىتى بولۇش سۈپىتىم بىلەن سىلەرنىڭ ئايدەك يۈزۈڭلار ،بولاقتەك كۆزۈڭلار ھەم زىلۋا قامىتىڭلاردىن ھەر زامان ياتسىرىماي،ھوقۇقلۇق ھالدا بەھىر ئېلىشقا مۇيەسسەر بولدۇم.مېنىڭچە ئازراق ئەقلى بارلىكى ئۇيغۇر يىگىتلىرىنىڭ ھەممىسى مۇشۇنداق تۇيغۇدا بولۇشى مۇمكىن.ئەمما مەندە سىلەرنى خوش قىلالمايدىغان باشقا بىر خىل تۇيغۇمۇ مەۋجۇت.ئۇنىڭ ئۈستىگە بۇ خىل تۇيغۇ بارغانسىرى كۈچىيىۋاتىدۇ.بۇ بىر خىل ساپ تۇيغۇ ئەمما مۇرەككەپ تۇيغۇ...ئۇنىڭدا ئەنسىرەش ، ئازاپ، ۋە ئازراق نومۇسمۇ بار. شۇنداق، مەن دائىم سىلەرگە نەزەر سالىمەن،سىلەرنى باشقا مىللەت قىز، ئاياللىرى بىلەن سېلىشتۇرىمەن.خوش بولۇشقا تېگىشلىكى شۇكى،كۆپىنچىڭلار ئەقىللىق، نومۇسچان،چىرايلىق ،خۇش پىچىم،پاكىز ھەم مېھرىبان.بۇ ماڭا بىر خىل ئىپتىخارلىق تۇيغۇسى بەخىش ئېتىدۇ.بەزىلىرىڭلارغا قارسام بۇ خىل تۇيغۇ ئاجىزلاشقا باشلاپ ئۇنىڭ ئورنىنى ئەپسۇس ۋە ئازاپ ئالىدۇ.چۈنكى مېنىڭ كۆرگىنىم ئاشۇ گۈزەل تەنلەرنىڭ ئىچىدىكى ئىنتايىن ئاجىز بىر روھنىڭ سايىسى بولىدۇ.شۇ چاغدا مەن ئاشۇ قىزلارنىڭ قەلبىنىڭ قۇپقۇرۇق ئىكەنلىكىنى سىزىپ قېلىپ بىئارام بولىمەن.مېنى ھەيران قالدۇرىدىغىنى شۇكى،ئۇلاردا نىشان، غايە يوق.خۇددى بۇ دۇنيادا ياشىمايۋاتقاندەك پىكىرسىز، روھسىز.ئۆي خىيالى قانداق قىلىپ چىرايلىق بولۇشتا.ئۇلار ھە دەپ تېشىنى بېزەيدۇ،ئەمما ئىچى بېزەكسىز قالغان،قەلبى بېزەكسىز قالغان .شۇڭا ئۇلاردىن باشقىلار ئاسانلا پايدىلىنىپ كېتىدۇ.ئۇلاردا ئېتىقاد يوق،كىشىلىك ھايات قارشى ئىنتايىن سۇس،شۇڭا ئىتتىكلا ئېغىپ كېتىدۇ.جەمئىيەتكە پەرۋاسىز ۋە ئىنكاسىز مۇئامىلە قىلىدۇ.بەزىدە ھەتتا ئۇلارنىڭ گۈزەل تېنىدىن باشقاھېچنىمىسى قالمىغاندەك ھېس قىلىپ قالىمىز.ئەلۋەتتە تاشقى گۈزەللىك بىر تەبىئىي ئارتۇقچىلىق بولسىمۇ ئەمما ئۇ پەقەت باشقىلارنى ھۇزۇرلاندۇرۇش ۋە جەلىپ قىلىش رولىنىلا ئۆتىيەلەيدۇ،ئۇ ھەرگىزمۇ قەدىر - قىممەتكە تەڭ ئەمەس. بىر گۈلنىڭ قەدىر- قىممىتى گۈزەللىكتە بولۇشى مۇمكىن،ئەمما ئادەمنىڭ قەدىر- قىممىتى ھەرگىز تاشقى گۈزەللىكتە ئەمەس،بەلكى قانچىلىك ياشاش ئىقتىدارىنى يېتىلدۈرەلىگەنلىكىدە. بۇ يەردىكى ياشاش ئىقىتىدارى باشقىلارغا تايىنىپ ياكى ماسلىشىپ ياشاش ئەمەس بەلكى ئۆزلىككە ئىگە بولغان ياشاش ئىقتىدارىدۇر.تارىختىن بۇيان قەدىر -قىممەت بىلەن ياشاش ئاجىزلارغا يەنى مەنىۋى جەھەتتىكى ئاجىزلارغا مەنسۈپ بولغان ئەمەس.بۈگۈنكىدەك ئىنتايىن رېئالنى ۋە كەسكىن رىقابەت دەۋرىدە بۇ تېخىمۇ شۇنداق. ئۇيغۇر جەمئىيىتى ئۇيغۇر قىز - ئايالىرىسىز ھەرگىزمۇ تەرەققى قىلغان جەمئىيەت بولۇپ شەكىللەنمەيدۇ .بۇ جەمئىيەتكە ئەمدى ئۇيغۇر قىزلىرى گۈزەل ھۆسنى، ناخشا ئۇسۇلغا ھېرىسمەنلىكى، مۇھەببەت خىياللىرىغا تولغان كاللىسى بىلەن ئەمەس ئەڭ رېئالنى، ئەقلى تەپەككۇرى بىلەن قاتنىشىشى كېرەك. 2005-يىللىق 1- سان شىنجاڭ ئاياللىرى

adil2052103

	ناھايىتى ياخشى چىققان يازمىكەن مەن بەكسۇيۇندۇم  مۇشۇ ئائىلە تەربىيىسى سۇسلىشىۋاتقان مۇشۇ جەمىيەتتە  بۇنداق ئىشلا بىردەم دە بىر  ئۇچىرايدۇ    [s:173]

otkunchi-nur

	بىر خىل ساپ تۇيغۇ ئەمما مۇرەككەپ تۇيغۇ...ئۇنىڭدا ئەنسىرەش ، ئازاپ، ۋە ئازراق نومۇسمۇ بار.

zapar

	تۈگەللمىسى بەكمۇ ياخشى چىقىپتۇ.

XERHAN

	تەبىيۋى ئەھمىيتى باركەن ، رەھمەت قىزچاق سىزگە ! [s:166]

marguba

	كۆپ قېتىم ئاڭلىغانسىز.....        ئانىلار ئوتتۇرىسىدا قىزلار تەربىيىسىگە ئائىت گەپ بولسا، كۆپىنچە ئانىلار «ئاق قەنتتەك ئاۋايلاپ، چاڭ قوندۇرماي ئۆستۈردۈم» دېيىشىدۇ. ئاق قەنت..... دەرھەقىقەت، تولىمۇ نازۇك ئوخشىتىش، نازۇكلۇقى شۇنىڭدىكى، ئاق قەنتكە بىرەر نەرسە يۇقسا ئۇنى تازىلاش قىيىن. يۇققان جاينى كېسىپ ياكى قىرىپ ئېلىپ تاشلاش كېرەك. چاڭ تەگكەن قەنت كۆپىنچە تاشلىۋېتىلىدۇ.      قىز بالىنىڭ نامىغا يۇققان داغنىڭ كېتىشىمۇ شۇنچە قىيىن. بەزىدە كۆرمەيلا بېسىلغان تىكەن جەبرىنى بىر ئۆمۈر تارتىپ يۈرۈشكە توغرا كېلىدۇ. بەزىدە بۇ ئىش كىشىنىڭ كۆڭلىنى بىر ئۆمۈر ئازابلايدۇ. كىشىنى ئۆمۈر بويى گۇمان، شۈبھە، بەختى كەمتۈكلۈك قاينىمىغا سېلىپ قويىدۇ. ھەممىسىگە كۆپىنچە ئويلىماي ئىش قىلىش، ئىرادە تىزگىنىنى بىر–ئىككى دەقىقە بوش قويۇۋېتىش سەۋەب بولىدۇ.      ئىنسانىي پەزىلەتلەر، مەنىۋى قەدىر–قىممەتلەر ھەققىدە سۆز بولسا، ئۇلارنىڭ قىزلاردا ئەڭ ئالىي دەرىجىدە بولۇشى تەلەپ قىلىنىدۇ. ئاخىر ئۇ قىز بالىدە! مىللەتنىڭ كۆركى، مىللەتنىڭ كېلەچىكى.      قىز بالا پەقەت ئۆزىگىلا تەۋە بولمايدۇ. شۇنىڭ ئۈچۈن ئۇلار ناھايىتى نازاكەتلىك، ئىپپەتلىك، ھايالىق، سەۋر–تاقەتلىك، ئاقىل، مېھرىبان....بولۇشى كېرەك.      ئەيىب يا گۇناھ ئىش قىلىپ قويغان باشقا ھەممە كىشى كەچۈرۈلۈشى مۇمكىن، پەقەت قىز بالا كەچۈرۈلمەيدۇ. قىز بالىغا كەلگەندە ھۆكۈممۇ غايەت قاتتىق بولىدۇ: «ئوغۇل بالا شۇ ئىشنى قىلغاندا باشقا گەپ ئىدى، ئەمما ئۇ قىز بالىدە!» تامام ۋەسسالام!      قىز بالىنىڭ ئىسمى، جىسمى، مەنىۋىيىتى، ئىش–ھەرىكىتىگە ھەمىشە ئۆلچەم باشقىچە بولۇپ كەلگەن.      سوراپتۇكى:     —دۇنيادا ئۆلۈمدىن يامىنى نېمە؟     —قىزىڭنىڭ ناقابىل بولۇشى!     بۇ دەھشەتنى بېشىدىن كەچۈرگەنلەرنىڭ دىلىدىنمۇ، تىلىدىنمۇ بۇنىڭدىن دەھشەتلىكراق نىدا چىقىدۇ:     —قىز ئاسرىغاندىن كۆرە، تۇز ئاسرىسام بولماسمىدى؟     ئېگىلگەن قامەتلەر، ئېگىلگەن باشلارغا كېلىدىغان خۇلاسە ئۇنىڭدىنمۇ دەھشەتلىك:     —قىز كەلتۈرگەن نومۇس—ئۆلۈمدىن ئارتۇق!     ئەسىرلەر، زامانلار بۇ ئەزەلىي قاراشلارنىڭ مەنىسىنى ئۆچۈرەلمىگەندەك قىلىدۇ.     قىز ئۆستۈرگەن ئائىلىدە ئائىلە ئىگىلىرىنىڭ كۆڭلىدە غۇرۇر، ئىپتىخار، سۆيۈنۈش ۋە قىز شەنى بىلەن باغلىق ئار–نومۇسمۇ يۇقىرى بولىدۇ. شۇنىڭ ئۈچۈن خەلقىمىز قىز بالىنىڭ مەنىۋى جەھەتتىن يېتۈك، كامىل ئىنسان بولۇپ ئۆسۈشى ئۈچۈن ئالاھىدە ئەھمىيەت بېرىدۇ. ئۇنى «ئاق قەنتتەك ئوراپ، ئاۋايلاپ، چاڭ قوندۇرماسلىققا» ھەرىكەت قىلىدۇ.

313yultuz

	رەخمەت بەك ياخشى تىما ئىكەن

qakmat

	ئەستا ...ما تېمىنى كۆرۈپ يەنە ھىلىقى مېكىجىن ئېسىمگە كىلىۋالدىيا ؟ نىمە نومۇسچىلىق -ھە ، پۈتۈن تورغا تاقىلىپ بولسىمۇ ئۆزى بىلمەي يۈرىۋاتامدىغاندۇ ، ھەي ....

kamiranqq

	رەھمەت سىزگە ياخشى يېزپسىز [s:166]

ziba1

	رەنجىپ قالماستىن تەپەككۈر قىلىدىغان تىما ئىكەن ، رەھمەت سىزگە ...........

qux...

	سىزدىن نىمىشقا ئاغرىنغىدەكمىز؟! ھەقىقەتنى سۆزلەش گۇنا ئەمەس... شۇنچىلىك تەربىيىۋى ئەھمىيىتى چوڭقۇر تېما ئىكەن بۇ.

doppiqe

	بەكمۇ ياخشى چىققان تىماكەن...........يەنە بوللاسا يوللاپ تۇرۇڭ

alafasy

	ئاپتور جاۋابىنى بويلاپ 11قەۋەت  doppiqe كە 2011-05-04 07:16 PMئەۋەتىلدى  : بەكمۇ ياخشى چىققان تىماكەن...........يەنە بوللاسا يوللاپ تۇرۇڭ سىز بەك قىزىق ئىنكاس يازىدىكەنسىز.

ABEHAN

	ئانىلارنىڭ  قىزلارغا بىرىدىغا ئائىلە تەربىيىسى ياخشى بولسىلا . بەك ياخشى  بولاتتى .

bora009

	راستىنلا ياخشى تېما ئىكەن ،