ئۇيغۇرچە خەتلىك ناخشا فىلىم تەرجىمە قىلغۇ

borayar

	ئەسسالامۇئەلەيكۇم تورداشلار،يېقىندىن بېرى ئۇيغۇرچە خەتلىك فىلىم ئىشلەش قىزغىنلىقنىڭ يۇقىرى كۆتۈرۈلىشىگە ئەگىشىپ،نۇرغۇنلىغان فىلىملەر تەرجىمە قىلىنىپ مەيدانغا كەلدى.جۈملىدىن مەنمۇ بىكار قالغان ۋاقىتلىرىمدا ئانچە-مۇنچە قىسقا تەرجىمىلەرنى قىلىپ يوللاپ تۇرىمەن. بۇ يەردە سىز نىمە دىمەكچى دېسىڭىز ،  گەرچە قىزغىنلىق بولغان بىلەن بەزىبىر تەكرار تەرجىمىلەر ۋە سۈپەتسىز تەرجىمىلەرمۇ پەيدا بولۇشقا باشلىدى،مۇشۇ ھەققىدە ئىككى ئېغىز سۆز قىلىپ شۇ ئالدىنقى سەپتىكىلەرگە  رەھمەت ئېيىتماقچى ۋە تەكلىپ بەرمەكچى. ئالدى بىلەن ئىنتىل-بىلىك تەرجىمە گۇرۇپپىسىدىن باشلانغان بۇ قوشۇن ھازىر بارغانسىرى كېڭىيىپ بىرقانچە گۇرۇپپىلارغا چوڭايدى.قۇتلۇق تەرجىمە فىلىم گۇرۇپپىسى،شاھ ئۇيغۇر تەرجىمە گۇرۇپپىسى،نۇر ئىسلام گۇرۇپپىسى ئاق كەپتەر گۇرۇپپىسى ۋە يېرىم يولدا يىراققا ئۇچۇپ كەتكەن ئاق بۈركۈت گۇرۇپپىسى قاتارلىق مەخسۇس شۇغۇللىنىۋاتقانلار ۋە باشقا ئۇيغۇربەگ ،تۈمەنى  قاتارلىق شەخىسلەر ۋەكىللىرى شۇلارنىڭ جۈملىسىدىندۇر.  ئەلۋەتتە بۇ يەردە ئىسمى ئاتالمىغانلارمۇ بار . ئۇيغۇرچە خەتلىك فىلىملەرنىڭ ئالقىشقا ئېرىشىشىدىكى ئاساسلىق سەۋەپ ئۇنىڭدا ئاۋاز ئۈنۈمىگە تەسىر يەتمەسلىكى ۋە چىقىمنىڭ ئاز سۈپىتىنىڭ يۇقىرى بولىشىدۇر...ھازىر شۇغىللىنىۋاتقانلارنىڭ ھەممىسى ھەقسىز تەرجىمە ئېلىپ بېرىۋاتقانلار ،ئانا تىلنىڭ ھوزۇرى ئۈچۈن ئىنتىلىۋاتقانلار....گەرچە بۇ تېخى دىيارىمىزدا قوشۇمچە ئورۇندا تۇرسىمۇ كىيىنچە ئاۋازلىق تەرجىمىنىڭ ئورنىنى ئېلىشى ۋە شۇ يۆنىلىشتە تەرەققىي قىلىشى تامامەن مۇمكىن،بولۇپمۇ ئۇنىڭ يېزىقىمىزنى قوغداش ۋە تىل ئۆگىنىش جەھەتتىكى ئۈنۈمى ئالاھىدە زور.شۇڭا سىلەرنىڭ ھەرقېتىم ئۇيغۇرچە تەرجىمە فىلىملەرنى كۆرگىنىڭلەردە كۆڭلۈڭلىدە بولسىمۇ شۇ تەرجىمە قىلغۇچىلارغا رەھمىتىڭلارنى بىلدۈرۈپ قويىشىڭلارنى سەمىمىي سورايمەن،ئاللاھ ئىشلىرىمىزنى تېخىمۇ ئاسان قىلسۇن. گەپنىڭ پوسكاللىسىغا كەلسەم،خەتلىك تەرجىمە قىلغۇچىلارغا بولغان تەكلىۋىم تۆۋەندىكىدەك: 1. سىز ئۇيغۇرچە خەتلىك فىلىم-ناخشا ئىشلىمەكچى بولۇڭ،چوقۇم ئەستايىدىل بولۇڭ،چوڭ تىپتىكى كىنولارنى تەرجىمە قىلغاندا چوقۇم يەنەبىر قېتىم باشقىلار تەرىپىدىن تەكشۈرۈلگەن بولسۇن.بولمىسا ئاتايىن چەككەن جاپايىڭىز نۆل بولمىسمۇ ئىشقىلىپ بىر يەرگە بېرىپ قالىدۇ... 2.تەرجىمە قىلماقچى بولغان ناخشا كىنولارنى تەپسىلىي كۆرۈپ چىقىڭ،قاملاشمايدىغان يەرلىرى كۆپمۇ، بارمۇ-يوق.مەدەنىيەت نۇقتىسىدىن ئويلىنىڭ ،تەرجىمە قىلىشىڭىزغا ئەرزىمدۇ-يوق.بىزنىڭ مەدەنىيەت قارىشىمىزغا مۇناسىپ ئەمەس مەزمۇن-ۋە سۈرەتلەر بولسا ئاستە چېكىنىڭ 3.ئاساسلىق تەرجىمە گۇرۇپپىسىغا ۋە سىن بەتلىرىگە بېرىپ تەكشۈرۈپ بېقىڭ، سىزنىڭ تەرجىمە قىلماقچى بولغان نەرسىڭىز باشقىلار تەرىپىدىن تەرجىمە قىلىنىپ بولغان بولۇشى مۇمكىن. 4.تىل سەۋىيىڭىز ئادەتتىكىچە بولسا ئالدىراپ ناخشا ۋېدىئولىرىنى تەرجىمە قىلىشقا ئېسىلىۋالماڭ.گەرچە كۆپ بولسىمۇ كىنو تەرجىمىسىنى قىلىڭ.چۈنكى،كىنودىكى سۆز-جۈملىلەر تۇرمۇشتا دائىم ئىشىلتىلدىغان سۆزلۈكلەردىن تەشكىل تاپىدۇ،ھەم سىزنىڭ ئەستايىدىل تەرجىمە قىلغاندىن كىيىنكى تىل سەۋىيىڭىزنىڭ ئېشىشىغا تۈرتكە بولىدۇ،ناخشا تېكىستلىرى شېئىر دىمەكتۇر بۇنداقچە بولغاندا سەل قىيىن توختاپ قالىدۇ. 5.تەرجىمە قىلغاندا گىرامماتىكا قىسمىغا دىققەت قىلىڭ، بولۇپمۇ ئېنگىلىز تىلىدا 16خىل زامان شەكلى بار،گەرچە سۆزلۈك ئوخشاش بولغان بىلەن ھەرخىل مەنالارنى بىلدۈرگىلى بولىدۇ. 6.ئىملا،بۇنى ئارتۇقچە دېمەي،سەۋىرچان بولۇڭ،ئىككىلىنىپ قالغاندا تور لۇغەتلىرىگە مۇراجىئەت قىلىڭ ،ئۇنىڭدىكى ئىملا بىرقەدەر توغرا بولغان بولىدۇ. بۇ توغۇرلۇق مۇشۇنچىلىك توختىلىپ تۇراي،ئەسلى، تېخى يېزىشنى باشلىمىغان بىلوگىمدا يازماقچى بولغان يازمىلارنىڭ بىرى ئېدى،بىراق بۈگۈن قېرىندىشىمىز تۈمەنى يوللىغان بىر خەتلىك تەرجىمە مېنى يېزىشقا مەجبۇر قىلدى،قالدىسىنى بىلوگىم ئىشقا كىرىشكەندە شۇنىڭداتەپسىلىي توختىلاي.  ئەمدى بۇ يازمىنىڭ ئىسپاتى بۇلمىش تۆۋەندىكى ئىككى سىننى ھوزۇرىڭلارغا سۇناي.1-سى مېنىڭ تەرجىمەم، مۇنداقچە ئېيىتقاندا نىسبەتەن توغرىسى ،سىن تورلىرىغا يوللىنىپ بولغان بولسىمۇ ئېلان قىلىنمىغان كىيىن بىلوگدا ئېلان قىلىنماقچى بولغان ئىدىم،2-سى بۈگۈن بايىلا يوللانغان كىيىنكى ئارتۇقچە ئەمگەك،بەزىبىر زامان شەكىللىرىدە دىققەت قىلىنمىغان،سەل ئالدىراپ ئىتتىكلا تەرجىمە قىلىپ ساپتۇ.قېنى مەرھەمەت:

تارىم

	[align=justify]ۋەئەلەيكۇم ئەسسالام... [s:173] بۇ ھەقتە تولىمۇ ياخشى پىكىرنى ئوتتۇرىغا قۇيۇپسىز [s:166]

SORINTO

	بۇ ئۇيغۇرچە خەتلىك قىلىپ تەرجىمە قىلغان ناخشىڭىزنى تۇنجى بولۇپ كۆرگىنىمدىن بەكمۇ خۇشالمەن .  گەرچە مەن ئىنگىلىزچىنى بىلمىسەممۇ تەرجىمىسى ياخشى چىقىپتۇ دەپ قارايمەن .   جاپا چىكىپسىز كۆپ رەخمەت .  يەنىمۇ ئالغا !!!!!!!!!    [s:166]  [s:166]  [s:166]  [s:166]

gunes

	ئەمدى بۇ يازمىنىڭ ئىسپاتى بۇلمىش تۆۋەندىكى ئىككى سىننى ھوزۇرىڭلارغا سۇناي.1-سى مېنىڭ تەرجىمەم، مۇنداقچە ئېيىتقاندا نىسبەتەن توغرىسى ،سىن تورلىرىغا يوللىنىپ بولغان بولسىمۇ ئېلان قىلىنمىغان كىيىن بىلوگدا ئېلان قىلىنماقچى بولغان ئىدىم،2-سى بۈگۈن بايىلا يوللانغان كىيىنكى ئارتۇقچە ئەمگەك، ___________- ئارتۇقچە ئەمگەك دىگىنىڭىز بولماپتۇ ،تەرجىمە قىلغۇچى سىزدىن ھەر ۋاقىت سوراپ يۈرمەيدۇ ،ھەممە يەرگە ئىلان چىقىرىپ يۈرمەيدۇ ماۋۇ نەرسىنى تەرجىمە قىلماقچى ئىدىم ،كىم تەرجىمە قىلىپ بولغان دەپ ،سىزئىلان قىلماپسىز دە ئۇنى .ئىلان قىلىپ بولغان بولسىڭىز تەرجىمە قىلماس بولغىيتى؟ باشقىلارنىڭ ئۈن-تنسىز ئەمگىكىگە ئۇنداق سۇغۇق سۇ سەپمەيلى .

ALDIYAR

	ئىككىلا ناخشىدىكى تەرجىمە خەتلەر بىر-بىرسىگە ئوخشىمايدىكەن،لېكىن ئاساسلىق مەزمۇننى ئوخشاش دىگىدەك ئىپادىلەپتۇ.پەرىق چوڭ ئەمەس ئىكەن!!! مىنىكى تىلىكىم بولسا مۇشۇنداق تەرجىمانلىرمىز كۆپلەپ چىقىپ ئەڭ يىڭى پايدىلنىش قېممىتى بار،كىنو،خەۋەر،ناخشا دىگەنلەرنى تەرجىمە قىلىپ كەڭ تورداشلىرمىز يۈز كۆرۈشتۈرۈپ تۇرسا دەپ ئويلايمەن.

Zulpikar

	كونا نەرسىلەرنى تەرجىمە قىلماڭلار باللا ! مەن بىر بىلوگ ئاچماقچى، مەخسۇس ئىنگىلىسچە ناخشىلار يوللىنىپ، بىر تەرەپتىن ئۆگىنىپ، يەنە بىر تەرەپتىن ئاڭلاپ ھوزۇرلىنىدىغان. مۇشۇ ھەقتە ماڭا ياردەم بېرىدىغان باللار بولسا مەن بىلەن ئالاقىلاشسا..

gunes

	مەنمۇ دىمەكچى بۇ يەردە ئىسمىنى ئاتاپ گەپ قىلسىڭىز بەلكىم دوست بۇرادەر دۈشمەنلىرى باردۇ ؟  ئۇلارنىڭ ئالدىدا بىرخىل بولۇپ قالىدۇ ،مېىڭچە ئۆزىمۇ قەستەن سادىر قىلىمىغان بولىشى ئېھتىمال .نۇقسانسىزلىق دىگەن ئىنسانغا خاس ئەمەس .شۇڭا ئۆزىگە ئايرىم دىگەن بولغان بولسىڭىز تېخىمۇ ياخشى بولامدىكىن ؟ ھازىىرقى ئۇسۇلىڭىز مېنىڭچە تۈمەنى گۇرۇپىسىغا ئەكىس تەرىسر بېرىشى مومكىن .قالغىنىنى ئۆزىڭىز ئويلاپ باقارسىز .ئارتۇقچە گەپ قىلىپ قويغان بولسام كەچۈرۈڭ .(تۈزۈك چىراي ئىپادىسى يوقكەن ،ئاخىردا كۈلۈمسىرەپ تۇرغان چىراي ئىپادىسى)

borayar

	مەن بۇ نۇقتىلارنى ئويلىماپتىمەن،ئۇ قېرىندىشىمىز بىلەن ئوخشاش پىكىردا ئىكەنلىگىمدىن سۆيۈنىمەن، ئەگەر راسىت شۇنداق تەسىر بەرگەن بولسا باشقۇرغۇچىلارنىڭ بۇ تېمىنى يۇيىۋېتىشىنى ئۆتىنىمەن، ئۇ دوستىمىزنىڭ خاتا چۈشىنىپ قېلىشىنى خالىمايمەن.رەھمەت.

kakkuk

	باشقا تىلدىكى ناخشىلارنى تەرجىمە قىلىدىغانلار مىنىڭچە ناخشىنىڭ سۆز جۈملىسىنى ئەمەس مەزمۇنىنى تەرجىمە قىلساڭلا ... يازمىدا ئېيتىلغاندەك . ئىنگىلىز تىلىنىڭ گىرامماتىكىسى ئادەتتىكى جۈملىلەردە ئۆز ئىپادىسىنى تاپسىمۇ ئەمما ناخشا تىكىستىدە كۆپىنچە گىرامماتىكا سۈرۈشتۈرۈپ يۈرمەستىن ھىسىيات ئىپادىلەشنى ئاساس قىلىدۇ . بەزىدە سۆزلەر كۆچمە مەنىدە ئىشلىتىلىدۇ . يۇقارقى سۈئەتلىك فىلىمنى ئىلىپ ئېيتسام . گەرچە تولۇق ئاڭلىمىغان بولساممۇ ، ( تايلېر سىۋىفت نىڭ ناخشىلىرىنى تازا ياقتۇرۇپ كەتمەيمەن . ) مۇھاببەت ناخشىسىكەن . تىكىستىدە رومىئو بىلەن جۇلىتانىڭ ئىسمىنى كۆچمە مەنىدە ئىشلىتىپتۇ . بىلىشىڭلار مومكىن ، رومىئو بىلەن جۇلىتا ياۋرۇپا تىياتىرچىلىقىدىكى تەسىرلىك مۇھاببەت ھىكايىسى ، ئەمما ئۇنى بىلىدىغانلار قانچىلىك ؟ ناخشىنى تەرجىمە قىلىپ ئۇنىڭدىكى مەزمۇننى تولۇق چۈشىنىدىغان كىشىلەرگە سۇنمايمىز ھەقچان . تىكىستىدە دىيىلگەن بويىچە رومىئو ، جۇلىتا دەپتۇ دەپ شۇ بويىچە تەرجىمە قىلساق ئۇنىڭدىن خەۋەرسىز كىشىلەردە يىڭى بىر ئۇيغۇرچە سۆز يارىتىلغاندەك تەسىر بىرىپ قويساق توغرا بولماس . مىنىڭچە بىزدىمۇ رومىئو ، جۇلىتادىن قىلىشمىغۇدەك مۇھاببەت ھىكايىلىرى ۋە قەھرىمانلىرى بار .  غىرىپ سەنەم ، لەيلى مەجنۇنلارنىڭ ھەرقانداق بىرى بىلەن ئالماشتۇرساق ئەسلى ئاپتۇر ناخشىدا ئىپادىلىمەكچى بولغان مەزمۇننى ئەسلىدىكىدىن ئاشۇرۇپ ئىپادىلىسە ئىپادىلەيدۇكى ھەرگىزمۇ كەم قالمايدۇ . ئەلۋەتتە ئەڭ مۇھىمى رومىئو ، جۇلىتادىن خەۋەرسىز تىڭشارمەنلەرمۇ ناخشىنى ئاڭلىغان ۋاقتىدا رومىئو جۇلىتاغا قاراپ گاڭگىراپ قالمايدۇ . ئەلۋەتتە بۇ پەقەتلا مىسال ئۈچۈن . چوقۇم شۇنداق بولۇشى كىرەك دىگىنىم يوق . پەقەت ناخشىنى مەزمۇنىنى تەرجىمە قىلساق . قايسى بىر كىشىنىڭ قىلغان بىر ئىغىز سۆزى ئىسىمگە يەتتى . تەرجىمانلىق ھەرگىزمۇ نوقۇل ھالدىكى تەرجىمە قىلىش ئەمەس . ئۇ ئەسلى ئاپتۇرنىڭ ئىددىيىسىگە سادىق ھالدا يىڭىدىن يارىتىش .       زۇلپىقار ئەپەندىم تەرجىمە قىلالايدىغانلار بولسا ياردەم قىلساڭلا ، بلوگ قۇراتتىم دەپسىز . سىزگە قانداق ياردەم لازىم بىلمەي قالدىم . تەرجىمە دىسىڭىز مەن قىلالايمەن . تەرجىمە قىلىنغان تىكىستنى سۈرئەت بىلەن بىرىكتۈرۈپ تەھرىرلەش دىسىڭىزمۇ قولۇمدىن كىلىدىغانلىقىغا ئىشىنىمەن . ئەگەر ماڭا ياردەم قىلساڭلا بۇ ئىشنى قىلىش خىيالىم بار ئىدى دىسىڭىز مىنىڭچە ۋاز كەچكىنىڭىز تۈزۈك . چۈنكى مىنىڭ تەجىربەمگە ئاساسلانغاندا بۇ ۋاقىتقا بولغان تەلىپى ناھايتى چوڭ ئىش . ئۆزىڭىز سىناپ ، ئەمىلى تەجىربىگە ئىگە بولمىسىڭىز باشقىلارنىڭ ياردىمىمۇ ۋاقتى كەلگەندە چەكلىك بولۇپ قىلىشى مومكىن . ئۇنىڭ ئۈستىگە ياردەم قىلالايدىغانلارنى سىزنى ئىزدەشنى بۇيرۇپسىز . قائىدە بويىچە ياردەم سورايدىغان ئادەم ياردەم قىلالايدىغانلارنى ئىزدىسىڭىز توغرا بولاتتى . ياردەم سورايدىغانلارنى قەيەردىن ئىزدەيمەن دىسىڭىز ئەلۋەتتە مىنىڭ جاۋابىم ئىزدىمەيلا قويۇڭ . ئەگەر مەخسىدىڭىز ھەمكارلىشىپ شۇ ئىشنى قىلىدىغانلارنى ئىزدەش بولسا ، شۇنداقلار بىلەن مىنىڭمۇ تونۇشقۇم ، ھەمكارلاشقۇم بار . QQ : 475086719 گىپىم ئىغىر كەتكەن بولسا رەنجىشمىگەيسىزلەر .

kokyal

	بۇ تەرجىمە  ھەققىدە http://xjzjxh.com/bbs/Topic.aspx?BoardID=41&TopicID=2725  بۇ تېمىغا چۈشكەن ئىنكاسلارنى كۆرۈپ قويۇش ئارتۇقچە بولمىسا كېرەك.

adil2052103

	بولسا  باللا مۇشۇنداق تەرجىمى كىنو   ناخشا  دىگەندەكلەنى تەرجىمە قىلغاندا  چوقۇم  خەتنىڭ چوڭكىچىكلىگەىگە  دې قەتقىلسا  بەك كىچىك بولسا  ئۇقۇپ بولالمايدىكەن   [s:141]  [s:141]

dilgir

	مەنمۇ بىلمەيمەن قانداق  ئۇ   [s:152]

ABEHAN

	مىنىڭ  بۇنداق  .  ھىسياتلىق تەرجىمە  قىلىنغان .  ناخشىنى ئاڭلىغىنىمدىن  بەك خۇشال  بولدۇم .  مىنىڭ  تۇنجى قىتىم ئاڭلىشىم .  بولسا  كوپلەپ  تەرجىمە  قىلىپ يوللاپ  تۇرسىڭىز  .  ئاڭلاپ  تۇرساق

elijan

	ئازغۇن دىگەن كىنونىڭ 72 - قىسمىنىڭ ئاخىرىنى تەرجىمە قىلىپ بەرسەڭلەر بۇلاتتى ...  [s:154]  [s:154]