مەن ئۆزۈمنى بەخىتلىك دەيتىم (كەترەن)
يوللىرىڭدىن تاپسام ئىزىمنى،
كۆزلىرىڭدىن كۆرسەم ئۆزۈمنى.
ھېسلىرىڭدىن سەزسەم شىرىننى،
مەن ئۆزۈمنى بەخىتلىك دەيتتىم.
ماڭالىسام ياندىشىپ بىرگە،
باغچىلاردا قىلسام ھەم سەيلە.
قويالىسام بېشىمنى مۈرەڭگە،
مەن ئۆزۈمنى بەخىتلىك دەيتتىم.
چۈشلىرىڭگە كىرەلىسەم گەر،
ئارامىڭنى بۇزسام ھەم تۈندە.
خىيالىڭدىن ئۇچۇپ ئۆتكەندە،
مەن ئۆزۈمنى بەخىتلىك دەيتتىم.
نىگاھ سېنى سېغىنغىنىمدا،
سۆيگۈڭگە ھەم تەشنا بولغاندا.
تىۋىشلىرىم تىنىم تاپقاندا،
مەن ئۆزۈمنى بەخىتلىك دەيتتىم.
مەسخىرىلىك باقمىساڭ جانىم،
گۈل بېغىمنى ساڭا ئاچقۇم بار.
پەرۋىشكارى ئۆزۈڭلا بولساڭ،
ساڭا مەڭگۈ سايە بولغۇم بار.
قوللىرىمنى قويىۋەتمىسەڭ،
ھېسلىرىمنى بۇزىۋەتمىسەڭ.
مېنى تاشلاپ كېتىپ قالمىساڭ،
ساڭا مەڭگۈ مەشۇق بولغۇم بار.
باغلىرىمدىن گۈل- غۇنچە ئۈزگىن،
دەستە قىلىپ ھۇجراڭغا تىزغىن.
سۆڭگۈمنى ھەم گۈلگە ئورىغىن،
بىلسەڭ جېنىم ساڭا كۆنگۈم بار.
مۇھەببىتىم ساڭا بەخشەندە،
ئالغىن نىگار تىلتۇمار قىلىپ.
تىنەپ قالماي مەڭگۈ ئارماندا،
يول باشلىغىن مەنزىلىم بېقىپ.
مۇھەببەت ئۇ ئۈزۈلمەس تېما، سۆيگۈ شۇ تېمىنىڭ سالقىن شامىلى، ۋىسال بولسا شوخ ئويناقشىپ ئاققان سۈزۈك سۇلىرى......
ئەي ئەزىز، بىلگىنكى:_ قەلبىم تۆرىدىكى مۇھەببەتلىك خانە پەقەت ۋە پەقەت ساڭىلا خاستۇر.........
ئەي ئەزىز قۇلاق سالغىن:_ يۈرىگىمنىڭ زىلتارىدىن چىقىۋاتقان مۇھەببەتلىك ناخشام پەقەت بىر ساڭىلا ئاتالغان...........
ئەي ئەزىز، ماڭا قارا:_ كۆزلىرىمگە تىكىلىپ قارا، بۇ بىر جۈپ كۆز سېنى بەخىت بۇلىقىغا بىمالال باشلىيالايدۇكى سېنى ھەرگىزمۇ دەرت- ھەسرەت ۋە ياكى تۇماندا قالدۇرمايدۇ...........
كەلگىن ئەزىز؛_ قولۇمنى چىڭ تۇت، مەن سېنىڭ ھىمايەڭگە مۇھتاجمەن.......
مەنبە: كەترەن ھېسسىيلىرى
كومپىيۇتېر ئالدىدا: كەترەن
ئەمگىكىمگە ھۆرمەت قىلىڭ، يازمىلىرىم پەقەت مىسرانىم تورىغىلا مەنسۇپ، قالايمىقان كۆچۈرمەڭ، ھەمكارلاشقىنىڭىزغا رەھمەت......!!!!