ئاپا ، بۈگۈن مىنىڭ تۇغۇلغان كۈنۈم

gunqa

	ئاپا ، بۈگۈن مىنىڭ تۇغۇلغان كۈنۈم . 18 يىل ئاۋالقى سىزنىڭ مىنى تۇغقان كۈنىڭىز . مانا شۇ كۈندىن كىيىن پەقەت مەن ئۈچۈنلا  قۇربانلىق بېرىپ كەلدىڭىز  ، ئۆزىگىز يىمەي ئىچمەي ، ماڭا يىگۈزۈپ ئىچكۈزۈپ مىنى پەپىلەپ باقتىڭىز ....                 ئاپا ، سىز مەن ئۈچۈن ئاز جاپالارنى تاتمىدىڭىز  ، مەن ئۈچۈن ياشلىق باھارىڭىزنى خازان قىلدىڭىز ، مەن تۇغۇلغان شۇ كۇندىن تاكى بۈگۈنگۈچە پەقەت سىزگىلا تايىنىپ ياشاپ كەلدىم . سىز بۇلارنى قىلچە ئېغىر ئالمىدىڭىز  ، رازىلىق بىلەن  ، خۇشاللىق بىلەن مىنىڭ تەلەپلىرىمنى قاندۇرۇپ كەلدىڭىز ....               ئاپا ، ھېلىمۇ ئىسىمدە مەن ئاغرىپ قالغان شۇ ۋاقىتلاردا سىز تولىمۇ جىددىيلىشىپ كەتكەن ئىدىڭىز . مىنى ئولتۇرغۇزۇپ قۇيۇپ ھەر تەرەپلەگە قاتراپ دوختۇرخانىنىڭ رەسمىيەتلىرىنى ئۆتىگەن ئىدىڭىز . بەلكىم ئۇ ئىشلارنى سىز ئاللىقاچان ئۇنتۇپ قالغانسىز ، چۈنكى ئۇنداق كېچىلار سىزنىڭ بېشىڭىزدىن تالاي - تالاي قېتىملاپ ئۆتكەن ئەمەسمۇ ...  تاكى ھازىرغىچە كىچىككىنى بېشىم ئاغرىپ قالسىمۇ مەن ئۈچۈن جىددىلىشىپ كىتىسىز ... بۇنداق ۋاقىتلادا ئۆزۈمنى تولىمۇ ئاشۇرۋەتكەندەك ، تولىمۇ رەھىمسىزلىك قىلغاندەك ... ھېس قىلىپ قالىمەن . چۈنكى مەن بالا ئەمەسمۇ ، ئەسلىدە مەن سىز ئۈچۈن خىزمەت قىلسام بۇلاتتى . لىكىن ھازىرچۇ ؟؟ مەن سىزگە خىزمەت قىلىش ئۇياقتا تۇرسۇن بەزىدە كۆڭلىڭىزگە ئازار بېرىمەن . كېيىن خاتالىقىمنى تونۇپ تۇرۇپمۇ سىزدىن كەچۈرۈم سورۇيالمايمەن . بەلكى بۇ مىنىڭ تولىمۇ ۋاپاسىزلىقىم بولسا كېرەك .          ئاپا ، مىنى كەچۈرۈڭ ... 18 يىلدىن بۇيان قىلغانلىرىمنى بىرمۇ بىر ئويلۇنۇپ چىقتىم مىنىڭ خاتا قىلغانلىرىم راستىنلا بەك كۆپكەن . لىكىن سىز ئاقكۆڭۈل ، مېھرىبان بولغاچقا ھەر قېتىم مىنى كەچۈرۈپ ماڭا يول قۇيۇپ كەپسىز ...  سىز تولىمۇ ئۇلۇغ  ، مىنى چوڭ قىلىش جەريانىدا قاپقارا توم چاچلىرىڭىزنىڭ ئارىسىغا ئاق چاچلار يۇشۇرنۇپتۇ . قىپقىزىل مەڭزىڭىز ، ئاينىمۇ خىجىل قىلغۇدەك گۈزەل چېھرىڭىز سارغىيىپتۇ . يۇمران قوللىرىڭىز قاتتىق بوپ كىتىپتۇ . نۇرلۇق كۆزلىرىڭىز خۈنۈكلىشىشكە باشلاپتۇ .... سىزنىڭ چېھرىڭىزگە ھەر قېتىم قارىغىنىمدا ئۆزۈمنى تولىمۇ گۇناھكار ھېس قىلىمەن . سىز مىنى دەپ شۇنچە جاپا چىكىۋاتسىڭىز مەن سىزگە ھىچ نەرسە قىلىپ بىرەلمىدىم . ئەسىچە چوڭ بۇلۇشقا ئەگىشىپ سىزگە تېخىمۇ كۆپ باش قېتىنچىلىقى ئەكىلىپ بېرىۋاتىمەن ...              ئاپا ، مىنى كەچۈرۈڭ ... سىزگە جاپا سالدىم . 18 يىل ئاۋالقى بۇگۈنكى كۈندە سىز ئاچچىق تولغاق ئازابىدا جاپا چىكىۋاتاتتىڭىز . 18 يىلدىن كىيىنكى بۈگۈنكى كۈندە مىنىڭ خۇشاللىقىم ئۈچۈن داستىغان تەييارلاش بىلەن ئالدىراش بولۇپ يەنە جاپا چىكىۋاتىسىز ... ئاپا ، مەندەك نادان قىزىڭىزنى كەچۈرۈڭ . سىزنى كۆپ جاپالارغا سالدىم . دىلىڭىزغا ئازار بەردىم مىنى كەچۈرۈڭ ...                   ئاپا ، بۈگۈن مىنىڭ تۇغۇلغان كۈنۈم . ئەلۋەتتە بۇ خوشاللىق ماڭىلا تەئەللۇق بولسا بولمايدۇ . سىز بولمىسىىز ماڭا بۇ خۇشاللىق نەدە ؟؟ شۇڭا مەن ئاۋال سىزنى مۇبارەكلىمەكچى .                  <<  ئاپا ، مىنى تۇغقان كۈنىڭىزگە مۇبارەك بولسۇن . بۇ كۈن سىزگە تەئەللۇق ، سىزنىڭ خۇشاللىققا چۆمىدىغان كۈنىڭىز . ھەرگىزمۇ مەن ئۈچۈن جاپا چىكىدىغان كۈنىڭىز ئەمەس . ئاپا ، سىز 18 يىل ئاۋالقى مۇشۇ كۈندە مەن ئۈچۈن ئۈلۈم ئاغزىدىن قايتىپ كەلگەن ئىدىڭىز ، سىز تارتقان جاپانى مەن تىل بىلەن تەسۋىرلەشكە ئاجىزلىق قىلىمەن . شۇڭا 18 يىلدىن كىيىنكى  بۈگۈنكى كۈندە مەن سىز ئۈچۈن بىرەر قېتىم بولسىمۇ جاپا تارتىپ باقاي،  قولىڭىزدىكىنى ماڭا بېرىڭ ئاپا ... >>                  گەرچە بۇنىڭلىق بىلەن سىزنىڭ ماڭا سىڭدۇرگەن ئەجرىڭىزگە جاۋاپ قايتۇرالمىساممۇ ، مەن ئەمدى سىز ئۈچۈن خىزمەت قىلىشقا تەييارمەن ... ئەمدى مەنمۇ خېلە چوڭ بۇلۇپ قالدىم دەردىڭىزگە دارمان بولسام ، قولىڭىزغا قول ، پۇتىڭىزغا پۇت بولسام دەيمەن .                   ئەقىلسىز قىزىڭىزنىڭ گۇناھلىردىن ئۆتكەيسىز ئاپا ... سىزنى سۆيىمەن . __________________              گەرچە بۇ ئاددى سۆز جۈملىلەر بىلەن دىيىلگەن سۆزلەر بولسىمۇ مىنىڭ قەلبىمدىن چىققان سۆزلەر ... ئاپا ، سىزنىڭ بۇلارنى ئوقۇپ بېقىشىڭىزنى ئۈمۈد قىلىمەن .   مەنبە : قەلبىم { غۇنچە }

oychan

	ئاللا ئاللا!  تۇغۇلغان كۈننى تەبرىكلەش ئانچە ياخشى ئىش ئەمەس! باشقۇرغۇچىلار ئوقۇماي تەستىقلاپتۇدە!  بىرىنچى قۇردا:" 18 يىل ئاچالقى" دېگەن خەت تۇرىدۇ. ئەسلى "18 يىل ئاۋالقى" بولغىيتى؟

gunqa

	ئوۋ.... توغرا بولمىغان تېمىدىن بىرنى يوللاپ قويدۇممۇ  نىمە ؟  [s:151]  ھە راست ئىملا خاتالىقى باكەن  [s:139]

turkinaz0992

	دۇنياغا كۆز ئاچقان كۈنىمىز  ئانىمىزنىڭ بىزنى تۇغقان كۈنى ، ئانا بولغان كۈنى ...  بۇنداق كۈنلەردە قەلبىڭىزدىكىنى ئانىڭىزغا ئېيتىۋالغىنىڭىز بەك ياخشى بوپتۇ .

قايتماس

	تۇغۇلغان كۈننى خاتىرلەش ئەسلىدە بىزنىڭ ئۆرۈپ-ئادىتىمىزگە يات ئىش. لېكىن سىزنىڭ يازمىڭىزدا ئالغا سۈرۈلگەن پىكىر ئادەمنى ئويغا سالىدۇ. سىز تۇغۇلغان كۈننى ئۆتكۈزۈپ خاتا قىلدىڭىز، لېكىن تۇغۇلغان كۈندە ئانىڭىزنى ئەسكە ئېلىپ، ئۇنىڭ تارتقان جاپا-مۇشەققەتلىرىگە جايىدا تەبىر بېرەلىگەنلىكىڭىز ھەممىمىزنى خۇشال قىلدى. ئاللاھ خالىسا بۇندىن كېيىن يازمىڭىزدا دېگىنىڭىزدە ئاخىرغىچە ئانىڭىزغا ۋاپادار بولۇپ ئۆتكەيسىز...

hakekat

	مەن مۇ شۇنداق ئويلىغان كىيىن  توغرا چۇشەندىم ..........راس بىزنىڭ تۇغۇلغان كۇنىمىز ئەمەس ئەسلى ئانىمىزنىڭ  بىزنى تۇغقان كۇنى .دادامىزنىڭ ئىنتايىن   خۇشال بولغان كۇنى   دىيشىىمىز  توغرا  ........دادامىزنى ھەرگەز مۇ ئۇنتۇپ قالمايلى ،،... [s:122]  [s:122]  [s:122]  [s:160]  [s:160]  [s:160]  [s:177]  [s:177] تىخمىۇتىرشىڭ   .......... [s:173]  [s:173]  [s:173]

adina_k

	ئشىنىمەنكى ئاپىڭىز بۇ خېتىڭىزنى كۆرسە چوقۇم سىزدەك ئەقىللىق قىزى بولغانلىقىدىن پەخىرلىنىدۇ  .

مۇرات

	ئانىڭىزنىڭ سىزنى تۇغقان كۈنىگە مۇبارەك بولسۇن

musilina

	ھەرقانداق بىر ئاتا -ئانا پەرزەنت ئۈچۈن بارلىقىنى بېغىشلىغۇچىلاردۇر، تۇغۇلغان كۈنىڭىزدە ئانىڭزنىڭ سىز ئۈچۈن  سىڭدۈرگەن ئەجرىنى ئويلىغىنىڭىز ناھايىتى ياخشى بوپتۇ..

kimina

	ھەممە شائىر ئاناملا دىدى،            ئاتىلارى يوقمىكەن ئەستە.            <غۇنچە>مۇ بۈگۈن ئانا دەپ،             ئاتىڭىز چىقتىمۇ ئەستىن..... ھاھاھا.....چاخچاق جۇمۇ!!!  ئاتىڭىزدىنمۇ ئەھۋال سوراپ قويۇڭ،بولامدۇ!!! [s:134]  [s:134]  [s:134]