بالىلار پىسخىكىسىنىڭ تەرققىياتىغا نەزەر

ziba1

	بالىلار پىسخىكىسىنىڭ تەرەققىياتىغا نەزەر تەرەققى تاپقان دۆلەتلەردىكى ئالىملار ھازىرقى زامان تەرەققىياتىدا بالىلار پىسخىكىسىنىڭ تەرەققىياتىنى ئانالىز قىلىپ، بالىلارنىڭ  ئۆسۈپ- يېتىلىشىنى ئۆزى ياشاۋاتقان تۇرمۇش شارائىتى بىلەن بىۋاستە مۇناسىۋەتلىك دەپ قاراپ، تۆۋەندىكىدەك  پىسخىكا ئەندىزىسى بىلەن قىېلىپلاشتۇرغان . مەن بۇ ئەسەرنى ئوقۇپ مۇنبەردىكى ئاتا- ئانىلارنىڭ پەرزەنىت تەربىيسىدە ئاز- تولا ياردىمى تېگىپ قالار، دېگەن ئۈمىدتە مۇنبەرگە  يوللۇدۇم ، قىسقىچە مەزمۇنى تۆۋەندىكىچە : 1- ئەگەر بالىڭىزنىڭ تۇرمۇشى قورقۇش ئىچىدىلا ئۆتسە، ئۇ غەمكىنلىكنى ئۆگىنىدۇ . 2- ئەگەر بالىڭىزنىڭ تۇرمۇشى دۈشمەنلىشىش كەيپىياتى ئىچىدە ئۆتسە، ئۇ تەبىئىيلا  ئۇرۇشقاق بولۇپ يېتىلىدۇ . 3- ئەگەر بالىڭىزنىڭ تۇرمۇشى تەنقىد ئىچىدىلا ئۆتسە، ئۇ ھەمىشە باشقىلارنى ئەيىپلەشنىلا ئۆگىنىدۇ . 4- ئەگەر بالىڭىزنىڭ تۇرمۇشى بىچارىلىك مۇھىتىدا ئۆتسە، ئۇ ئۆز- ئۈزىنى ئەيىپلەشنى ئۆگىنىدۇ . 5- ئەگەر بالىڭىز تۇرمۇشتا باشىقىلارنى مەسخىرە قىلىش مۇھىتىدىلا ياشىسا، ئۇ ئىزا تارتىشنى ئۆگىنىدۇ . 6- ئەگەر بالىڭىزنىڭ تۇرمۇشى ئىچى تارلىق ئىچىدە ئۆتسە، ئۇ ھەسەتخورلۇقنى ئۆگىنىدۇ . 7- ئەگەر بالىڭىز ھاقارەتلىك تۇرمۇش ئىچىدە ياشىسا، ئۇ ھەردائىم ئۆزىنى گۇناھكاردەك ھېس قىلىشنى ئۆگىنىدۇ . 8- ئەگەر بالىڭىز  سەۋر- تاقەتلىك تۇرمۇش ئىچىدە ياشىسا، ئۇ ھەقىقى سەۋرچانلىقنى ئۆگىنىدۇ . 9- ئەگەر بالىڭىز مۇۋاپىق بولغان ئىلھاملاندۇرۇش مۇھىتى ئىچىدە ياشىسا، ئۇ ئۆز- ئۈزىگە ھەقىقىي ئىشىنىشنى ئۆگىنىدۇ . 10- ئەگەر بالىڭىز ماختاش ئىچىدە ياشىسا، ئۇ  تەشەككۈر ئېيتىشنى ئۆگىنىدۇ . 11- ئەگەر بالىڭىز تۇرمۇشتا باشقىلار تەرىپىدىن قوبۇل قىلىنىپ ( كۆزگە ئېلىنىپ ) ياشىسا، ئۇ ھەقىقىي كۆيۈمچانلىقنى ئۆگىنىدۇ . 12- ئەگەر بالىڭىز ئېتىراپ قىلىنىش مۇھىتىدا ياشىسا، ئۇ ئۆز- ئۈزىگە كۆيۈنۈشنى ھەم مەلۇم نىشان، توغرا ياشاش يولى ئۈچۈن  كۈرەش قىلىشنى ئۆگىنىدۇ . 13- ئەگەر بالىڭىز تۇرمۇشتا ئالاھىدە بولۇۋالماسلىق ( چوڭچىلىق قىلماسلىق ) مۇھىتى ئىچىدە ياشىسا، ئۇ ھەقىقىي مەردانىلىكنى ۋە باراۋەرلىكنى ئۆگىنىدۇ . 14- ئەگەر بالىڭىز ساپ، سەمىمىي ۋە توغرا تۇرمۇش مۇھىتىدا ياشىسا، ئۇ نېمىنىڭ ھەقىقەت ۋە ئادىللىق ئىكەنلىكىنى ئۆگىنىدۇ . 15- ئەگەر بالىڭىز تۇرمۇشتا ھەقىقىي بىخەتەرلىك  ئىچىدە ياشىسا، ئۇ ئۆزىگە ۋە باشقىلارغا ئىشىنىشنى ئۆگىنىدۇ . 16- ئەگەر بالىڭىز تۇرمۇشتا ھەقىقىي مېھىر- مۇھەببەت ئىچىدە ياشىسا، بۇ دۇنيانىڭ ئىللىق بىر ماكان ئىكەنلىكىنى ئۆگىنىدۇ . 17- ئەگەر بالىڭىز ساپ بولغان تۇرمۇش مۇھىتىدا ياشىسا، ئۇ ھەر ۋاقىت مېڭىسىنى سەگەك تۇتۇپ ياشاشنى ئۆگىنىدۇ .    (مەنبە :  خۇجا ئابدۇللا ئىبراھىمى يازغان "ئادەم بولۇش يوللىرى" ناملىق كىتابتىن ئېلىندى )

QIQAK0903

	باللىرىمنى تەربىيەلەشتە پايدىلانسام بوغىدەك .بۇنداق ياخشى تىمىلىرىڭىز ئۈزۈلمىگەي.

alafasy

	كۆرۈپ پايدىلانغۇدەك يەرلەردىن پايدىلانسا بولغۇدەك. بالىلارنىڭ پىسخىكىسىغا زادى سەل قاراشقا بولمايدۇ.

ulinixbiz.com

	كۇپ رەھمەت سىزگە داۋاملىق ياخشى تىمىلانى يوللاپ تۇرغايسىز

zapar

	ھەقىقەتەن پايدىلىنىش قىمىمتى باركەن، بىراقزە دەۋىرنىڭ تەرەققىياتىغا ئەگىشىپ بالىلار ئاتا-ئانىلىرنى زاماننىڭ كەينىدە قالغان دېگەن قاراشنى تۇرغۇزۋېلىشى ھەممدىن چاتاقكەن.

marguba

	دىمىسىمۇ بالىلارنىڭ تەربىيلىنىش مۇھىتى بالىلارنىڭ خارەكتىرىگە ئالاھىدە تەسىر كۆرسىتىدۇ . بۇلۇپمۇ ھازىر ئائىللەردە ئەمدىلەتىن ئايىغى چىقىشقا باشلىغان كىچىك بالىلارنىڭ قەغىشىنى بېسىقتۇرۇش ئۈچۈن "جىن كەلدى ، دوختۇر دىش ئىتىدىكەن ، مومو ھام ئىتىدۇ ..."دېگەندەك سۆزلەرنى كۆپ ئىشلىتىلىپ ،  مۇشۇ خىلدىكى قورقۇتۇشنىڭ تەسىرىدىن بالىلاردىكى تەبئىي،شوخ،ئىنتىلىپ تۇرىدىغانخاراكتىر بۆشۈكىدىلا تۇنجۇقۇپ قورقۇنچاق،كەمسۆز،خىيالىي،بىچارە بىر ئەۋلاد دەككە-دۈككە ئىچىدە ئۆسۈپ يېتىلمەكتە. مەن ئوقۇغان پەرزەنت تەربىيىسىگەئائىت كىتابلارنىڭ بىرەرسىدىنمۇ بالىلارنى قورقۇتۇپ تەربىيىلەشكە دائىرمەزمۇنلارنىكۆرمىدىم.ئەكسىچە،ئەجدادلىرىمىزنىڭ بالا تەربىيىلىشىمىزدە دەستۇر بولغىدەك تەربىيە ئۇسۇللىرىنى ئۇچراتتىم.بىزدە ئىلگىرى بالا يولۋاس،بۆرىگە ئوخشاش قورقۇمسىز بولسۇن دەپ بۆرە،يولۋاس چىشىنى،يىلاندەك سەزگۈر بولسۇن دەپ يىلان تېرىسىنى تۇمار قىلىپ بالىسىنىڭ بوينىغا ئېسىپ قويىدىغان ئادەت بار ئىكەنتۇق.ئۇرۇش-نىزا قاينىغاندەۋرلەردە بالىلار ئۆزىنى قوغدايدىغان،دۈشمىنىگە باش ئەگمەيدىغان جاسارەت ھەم ماھارەت يېتىلدۈرسۇن ،دەپ مەشقاۋۇلغا بېرىپ قىلىچ، كالتەك ئوينىتىشنى،چېلىشىشنىئۈگەتكەن ئىكەن. شۇ ۋەجى بىزدىن پەرھات كەبى پالۋانلار،سادىر كەبى مەردانەئەزىمەتلەر چىققان ئىكەن.جاسارەتلىك بولۇش تەربىيىسى قاچانلاردا بىزدىنيىراقلاشتى،بۇنىسى نامەلۇم.

Atasayfulla

	ھازىرقى ئۇيغۇر جەمئىتېدە ئاتا-ئانا بالىلىرىدىن ، بالىلىرى ئاتا-ئانىلىرىدىن يېراقلىشىپ بىر-بىرىگە بولغان مېھرى-مۇھەببەت ، شەرمى ھايا سۇسلىشىپ بىر-بىرىدىن نارازى بولۇپ ۋايساشلارنى پات-پات ئاڭلاپ تۇرۋاتېىمىز. بۇ روھې نامراتلىشىپ ئەبگالىققا تويۇنغانلىقتىن  بالىلىرىگە كىچىكىدىن باشلاپ مەنېۋى بايلىق بىلەن سەبېلەرنىڭ روھېنى بىيىتماستىن ئەكسىنچە ماددى بايلىقنى بىرىنجى ئورۇنغا قويۇپ پەرزەنتېلەرنىڭ روھېتىنى ئاچ قالدۇرغانلىقتىن كىلىپ چىققان يۇقارقى روھې گادايلىق ئىكەنلىكى ھەممىمىزگە مەلۇم . دىمەك پەرزەنتېلىرمىزگە كېچىكىدىن باشلاپ ئۇلارنىڭ پىخسېكىسىنى توغرا ئىگەللەپ تۇرۇپ ئۇنى تۇغرا يۆلىنىشتە يېتەكلەپ تەربىيەگە تويۇندۇرۇپ مىڭىشنىڭ ئىنتايىن زۆرۈل ئىكەنلىگىنى يۇقارقى تېمىدىن كۆرۋالالايمىز .     تېمىڭىزگە كۆپ رەھمەت !

orkixi

	ياخشى تىما .بالا تەربىيسى ھازىر ئەڭ مۇھىم ھەم ئەڭ قىيىن  مەسىللەرنىڭ بىرى بوپ قالدى .. [s:166]

zul.ay1

	بالىلارنىڭ پىسخىكىسىغا زادى سەل قاراشقا بولمايدۇ.

hamxera

	بالا تەربىيلەشتە ھەقىقەتەن  ئەڭ كىچىك نۇقتىلارغىمۇ سەل قاراشقا بۇلمايدۇ . لىكىن بۇبالىلارمۇزە  بەك كەپسىز ، ئادەمنىڭ زادى چىدىغۇچىلىكىنى قۇيمايدۇ .