كىينىشىمىز ۋە كىملىكىمىز

HeYalQe

	كىينىشىمىز ۋە كىملىكىمىز [align=justify] كامالىدىننىڭ بولغۇسى ئايالىنىڭ توي كۈنى ئەتلەس كۆڭلەك كېيىشكە ئۇنىماسلىقى تۈپەيلى ھەپتە قالىغان تويدىن يېنىۋالغانلىقىنى ئاڭلىدىم . بۇ بىر جۈپلەر 2008-يىلى ئاۋغۇستنىڭ بېشىدا توي قىلماقچى ئىدى. _تويلۇقلار ئەتلەس سەۋەبىدىن بۇزۇلدىمۇ؟ _ سورىدىم ، بۇ ئىشتىن كېيىن كامالدىننى زىيارەت قىلىپ، [align=justify]_ سىزچە مۇشۇنداق قىلىش ئەرزىمدۇ؟ _ئەرزىدۇ . ئۇنىڭ توي كۈنى ئەتلەس كۆڭلەك كېيىشكە ئۇنىماسلىقى ئاددىي ئىش . ئەمما،ماڭا ئەتلەس كۆڭلەك كىيىشكە ئۇنىماسلىقىنىڭ كەينىدىكى ئىدىيە قورقۇنچلۇق تۇيۇلدى. مەن ئۆرىمىزنىڭ ئەنئەنىسىدىن چانغان قىز بىلەن قانداق ئۆي تۇتىمەن؟ ئۇنىڭ بىلەن گىپىمىز بىر يەردىن چىقمايدىغانلىقىنى كېچىكىپ ئۇقتۇم. _ بۇ چاغقا كەلگەن ندە ئىشنى ياخشى تەرەپكە بۇراسنى ياكى قايىل قىلىپ، توي قېلىۋېرشنى ئويلاشمىدىڭىزمۇ؟ _ ئۇنى قايىل قىلىشقا تىرىشتىم،ئەمما،ئۇنىمىدى. «توي قىلمىسام قىلمايمەنكى،ئەتلەس كۆڭلەك كېيمەيمەن» دېگىنى يۈرىكىمدىن پەقەت چىقمايدۇ. _ دوستلىرى، ئاتا-ئانىلىرى قىزغا گەپ قىلماپتۇمۇ؟ _گەپ قىلىش تۈگۈل،يەنە شۇنىڭكىنى راست قىلىۋاتىدۇ. ئاتا-ئانىسى:«ئەتلەسنى قىزىمدىن ئۈستۈن كۇرگەندىن كىيىن، ئەتلەس بىلەن توي قىلسۇن»دەپ گەپ ئەۋەتىپتۇ. مەنمۇ بوپتۇ دېدىم . بۇ ئىش ئۇچۇن ئەپسۇسلانماي تۇرالمىدىم . ئەسلىدە توي قىلماقچى بولغان قىزنىمۇ زىيارەت قىلىش ئويۇم بار ئىدى.ئەمما ، بۇنداق چاغدا ئەپسز بىلىندى . ئىلاجسىزلىقتىن ئەتلەس جىدىلى توغرسىدا ئۈرۈمچىدىكى بىر نەچچە قىزدىن پىكىر ئالدىم. [align=justify] _ۋاي-ۋۇي،نېمانداق مەتۇ بالا ئۇ! _ دېدى مەمۇرىي ئىدارىدە ئىشلەيدىغان بىر قىز، _ ھەممە.ئادەم ياۋروپاچە كىيىنىۋاتسا! تازىمۇ بىر، نەدە چوڭ بولغان بالىكىنە؟ _ئەتلەسنى داڭسىسى تۆۋەن (ئورنى تۇۋەن) قىزلار تولا كېيىپ كۇرسىنى چۈشۈرىۋەتتى . ھازىر ئېقىۋاتقىنى ياۋروپاچە كۆڭلەك تۇرسا ! ھەممىسى شۇنى ئىشىلتىۋاتسا ، مودا شۇنداق تۇرسا! _ دېدى بىر سېستىرا قىز. [align=justify] _ئۇ قىز بەك دۆت ئىكەن،_دېدى 40 ياشلاردىكى ئوقۇتقۇچى ئايال. [align=justify] _ئۆينى بولغۇسى ئېرى بىلەن تۇتىدىغان تۇرسا ، ئېرى دېگىنە بويىچە قىلسا بولمامدۇ؟ ئۇنىڭغا ئۆينى تۇتۇشۇپ بېرىدىغىنى ئاتا-ئانىسى ، دوستلىرى ئەمەستە ! [align=justify] يەنە پاراڭلاشسام ھەرخىل گەپلەرنىڭ چىقىشى مۇمكىن ئىدى. ئەتلەس سەۋەبىدىن بۇزۇلغان توي ماڭا شەھەر ئۇيغۇر جەمئيىتىدە ھېس قىلغىنى بولىدىغان ئەنئەنە بىلەن زامانىۋىلىق ئوتتۇرىسىدىكى سۈركىلىشنىڭ ئىخچام كۆرۈنىشىدەك تۇيۇلدى. [align=justify] <<گوگول>>،<<بەيدۇ>> قاتارلىق ئىزدەش تورلىرىغا <<ئۇيغۇر قىزى >> دەپ كىرگۇزسەك،شۇ ھامان ئەتلەس كۆڭلەك كىيگەن،دوپپا كىيگەن ۋە باشقىچە ئەنئەنىۋى ئۇسۇلدا ياسانغان قىزلارنىڭ سۈرىتىنى چىقىرىپ بېرىدۇ. دېمەك،شۇ سۈرەتلەرنى تورغا چىقارغۇچىلار ئەتلەس بىلەن دوپپىنى ئۇيغۇرلارنىڭ مەدەنىيەت كىملىكىگە باغلاپ چۈشەنگەن ۋە شۇ ھۆكۈمى ئاساسىدا مەخسۇس شۇ خىلدىكى سۈرەتلەرنى تاللىغان. [align=justify]  مودا قىزلارنىڭ چەت ئەللەرنىڭ پاسونلىرىغا،جۈملىدىن ياۋروپاچە توي - مۇراسىم كۆڭلەكلىرىگە ھەۋەس قىلىشى ، ئۇلارنىڭ خىيالىدا ئۆرلىرىنى ياۋروپالىق كۆرسىتىش چۈشىدىن كەلگەن . ئەملىيەتتە ، ئۇلار رېئاللىقنىڭ ئازابىدىن قېچىش چۈش كۆرۋاتقانلاردۇر. ئۇلار مودا كىيىملەر ئارقىلىق قەلبىدىكى مەنسىزلىك تۇيغۇسىنى يەڭگىللەتمەكچى ۋە ئۆزىدە يوق غايىۋى كىملىكنى باشقىلار ئالدىدا ئىپادە قىلماقچى بولدى. مەنبە :زۇلپىقار بارات ئۆزباشنىڭ<<بەدەن،مودا،كىملىك>>دېگەن ماقالىسىدىن ئېلىندى.

huxal~~yaxa!

	بۇنداق ئىشلار كۆپ ھازىر ...ئۆزىمىزنىڭ  مىللىيچە كىيىملىرىمىزنى ياقتۇرمايمىز، چەتئەللەرنىڭ مەدىنىيەتلىرىنى ئەتىۋارلاپ، ئۆزىمىزگە تىزلا قوبۇل قىلىۋالىمىز ... ئەتلەستە تىكىلگەن كۆينەكلەر مۇ   بەك ئېسىل چىقىدۇ بولمىسا ... اللە خالىسا  مەنمۇ  توي قىلىدىغاندا چوقۇم  ئەتلەستىن  كىيىمەن ...

QIQAK0903

	ئۇيغۇر قىزلىرىنىڭ ياۋرۇپالىشىپ كىتىشىنى يەنىلا  ئۆزىمىزدىن كۆرىشىمىز كىرەك . مەن ۋە ئىككى سىڭلىم توي قىلغان چاغدا ،دادام ئەگەر توي كۆينىگى كىيىپ، يىگىتلەرگە گۇل تاقاپ ،توي ماشىنىسىنى گۈل بىلەن بىزىسەڭلار مەن تويغاقاتناشمايمەن  .ئۇنداق ئىشلار نى خىرىستىيانلار  قىلىدۇ  دەپ گەپنى ئۈزىۋەتكەن .ھازىر قى بەزى ئاتا_ئانىلار بۇ ئىشلارغا قارشى تۇرمايدۇ ،بالىلىرىمىزغا كىچىكىدىن باشلاپ قىز ياكى ئوغۇل بولسۇن  كىيىم _كىچەكلەرنى مۇسۇلمانچە كېيگۈزەيلى .دىنىي تەلىم _تەربىيەنى كۆپرەك قىلايلى ،ئۇلۇغ ئاللاھتىن پەرزەنتلىرىمىزنىڭ كۆڭلىگە ئىنساپ ئىمان تىلەيلى .ھازىر ياۋرۇپاچە كىيىنىش ئوغۇللاردىمۇ كۆرىلىۋاتىدۇ .بىز ئاتا-ئانا بولغۇچىلار ، بۇلۇپمۇ ئانىلار ئۈزۈمىز ئۈلگە بۇلغان ئاساستا پەرزەنتلىرىمىزنىڭ كىيىنىشىگە ئالاھىدە دېققەت قىلايلى.

zapar

	بۇماقالىنى تۇلۇق بىرقېتىم ئۇقۇپ چىقىشقا ئةرزىيدۇ.ھةقىقةتةن بةك ياخشى يېزىلغان.

arman3383

	ھەقىقەتەن يۈرەكنىڭ تارىنى چىكىدىغان ئېسىل يازما ئىكەن،تىما يوللىغىچىغا تەشەككۈر. شۇ تويدىن يېنىۋالغان يىگىتكە ھەقىقەتەن ئاپىرىن ئېيىتقۇم كەلدى.ئۇ بۈگۈنىنى ئەمەس،بەلكى يىراقنى كۆرەلەيدىغان ئەقىل ئىگىسى ئىكەن.

ziba1

	زۇلپىقار بارات ( ئۆز باش ) ئاكىمىزنىڭ ھەم تىما يوللىغۇچىنىڭ ئىشلىرىغا ئۇتۇق تىلەيمەن .

ayizar

	سەيياھ، ئەگەر بۇ تىمىدىكى يوشۇرۇن مەزمۇننى كۆرمەكچى بولسىڭىزئىنكاس يېزىڭ

ataohli

	ۋاي ئاللا ئەتلەس كەيمىسە نىمە بۇپتۇ ئەمدى  ئەتلەس كىيىش شەرىت مىدى  ئەمدى         توۋۋادەي ما ئادەملەرگە   ئەتلەس   يەنە شۇ ئەتلەس  ئەتلەستىن باشقىسى  غەرىپنىڭكىدەك      ئەتلەس كىلا  ئىسىلغان          ئەتلەس ئۇيغۇرلانىڭ رەختى  ئەتلەس كەيمىسە   ئۇيغۇر بولماسمىش

turkinaz0992

	ياۋرۇپا  كىيىم _كېچەك مەدەنىيىتىگە  قارىغۇلارچە ئەگىشىش ،دوراش قاچان تۈگىسە ..........

xunndak

	ئايلىناي ئۇيغۇرۇم،ئەتلىسىڭدىن ئايلىناي، ھەمدە دوپپاڭ،كەتمىنىڭ،ئىشەكلېرىڭدىن ئايلىناي. ئەتلەس كوينەك كەيمىسە بولسا دەھشەت ئىدىيە، توغرا بوپتۇ قورققىنىڭ ،قورققىنىڭدىن ئالىناي.        ھامان قورقۇش ئىچىدە ياشاپ كەلدىڭ ئۇيغۇرۇم،        كوينەك قالدى قورقمىغان،قورقۇش كېرەك ئايلىناي.        شۇ بىر كوينەك تۇپەيلى توي قىلالماي قاپتۇ قىز،        ئەقىدەڭگە بارىكاللا ئەقىدەڭدىن ئايلىناي...

yawayi-0998

	توي قىلمىسام  توي قىلمايمەنكى ئەتلەس كەيمەيمەن  دىگىنى قاملاشماپتۇ . ئاشۇ كىچىككىنە  ئىشقا ئۇنىماي شۇندا دىگەن ئادەم  كىيىن  بوپتۇ دەپ توي قىلغاندىن كىيىن نىمە ئىشنى قىلا ...    ھەقىقەتەن توغرا قىپتۇ ... دىگەندەك  ئاساسلىق سەۋەپ  ئاتا-ئانىدا  ، بەك ئەتىۋارلاپ  كەتكەننىڭ ئىشى . نىمە دىسە شۇنى قىپ بىرىپ ئاخىرى  ھەممە  ئادەمگە  نىمە قىغۇم كەسە شۇنى قىلمە دىسە  ئاتا-ئانىسىدەك  ھەممە ئىشنى قىپ بىرىدىغان  ئادەم   يوقتە ...

HeYalQe

	سىزچە بولسا ھەممىمىز ئوزىمىزنىڭ ئەسلىنى ئۇنتۇپ، باشقىلارنى دوراپ بارا-بارا باشقىلاردىن بەرقىمىز قالمىىخىدەك دەرىچىدە بولساق بولىدىكەن دە ھە؟؟؟؟؟؟ ھىلىمۇ ئاز ئوخشىماۋاتىمىز؟؟؟؟         توۋا توۋا !!!!!   بۇنىڭدىنكىن قانداقمۇ قىلامىز ھە؟؟؟؟؟؟؟؟؟؟؟

yahyayasin

	ئوتتۇرا مەكتەپ تىل-ئەدەبىيات دەرىسلىكىگە كىرگۈزۈلدى بۇ ماقالە. ئەتلەس كىيىش تالاش-تارتىشقا چۈشكىنى ... مىللەتنىڭ ئىپتىخارى ئەمەسمىدى؟...

assalam.uygur

	ھەي........ھازىرقى ئاتا-ئانىلىرىمىز ئۆگىنىشكە مۇھتاج تۇرسا ،بىزگەقانچىلىك بىر نەرسە ئۆگۈتەلەيتتى؟ ئېغىلدا تۇرسا ئىشەكنىڭ خۇيىنى ئالىدىغان گەپ شۇ.................