سىراجىدىن پەتقۇللا بىلەن مىسرانىمدا سۆھبەت

Misranim

	ئەسسالامۇ ئەلەيكۇم مىسرانىم تور بېكىتىمىزنىڭ ئەزىز قوللىغۇچىلىرى، تورداشلارنىڭ كۈچلۈك تەلىپىگە ئاساسەن تور بېكىتىمىز ئالدىنقى قېتىم 1 - سان سىرداشلار كۆزنىكى پىروگراممىسىنى يولغا قويغان ئىدۇق.. تۇنجى سان بولغاچقا بىر قىسىم خاتالىقلاردىن خالىي بولالمىغان ئىدۇق، تورداشلارنىڭ كۈچلۈك قوللاپ تەكلىپ بېرىشى نەتىجىسىدە 2- سان پىروگراممىمىزدا بىر قىسىم خاتالىقلارنى پۈتۈن كۈچىمىز بىلەن تۈگەتتۇق. نىشانىمىز يەنە  كىيىنكى قېتىمدىكى پروگراممىدا چوقۇم ياخشى قىلىشقا تىرىشىمىز،. تورداشلارنىڭ ئەتراپىدىكى ياخشى شەخىس ،تۆھپىكار شەخىسلەرنى بىزگە تەۋسىيە قىلىپ ،كەڭ تورداشلار بىلەن سىردىشىش پۇرسىتىگە ئېگە قىلىشقا قولايلىق قىلىش ئۈچۈن ،كەڭ ئامما ئىچىدىنمۇ ئۆز زامانىسىغا مۇناسىپ تۆھپە قوشقان بىر قىسىم كىشىلەرنىمۇ  زىيارەت قىلساق بولىدۇ. سىرداشلار كۆزنىكى پىروگراممىسىنى سىلەر بىلەن تەڭ باشقۇرىمىز،سىلەرنىڭ پىكىرىڭلار بىز ئۈچۈن ئەڭ ياخشى ئەينەك! دېققىتىڭلار سۆھبەت مەزمۇنىدا بولسۇن ! _______________ زىيارەت جەريانىدىكى بىر قىسىم سۈرەتلەر    ____________________ ئىككىنجى سان پروگراممىدا تۆۋەندىكى ئورۇنلار ئالاھىدە قوللىغان ئۈرۈمچى تۈركىناز ھۆسىن تۈزەش مەركىزى شىنجاڭ يەكەن ئۇدۇم خەلىقئارا سودا چەكلىك شىركىتى خارىس مەدەنىيەت تارقىتىش چەكلىك شىركىتى ئاھۇ بەدئىي سۈرەت تارتىش مەركىزى شىنجاڭ ئامەت ئېلىكتىرون تېخنىكا شىركىتى ئۈرۈمچى مەلىكىلەر گۈلخانىسى خۇيفىڭ سودا سارىيى 5 - قەۋەت 3 - دۇككان يۇقارقى ئورۇنلارغا ئالاھىدە رەھمىتىمىزنى بىلدۈرىمىز ھەم كىيىنكى قېتىملىق پىروگراممىغا ھەمكارلاشقۇچى قوبۇل قىلمىز ئالاقىلىشىش تېلفون نۇمۇرى : 2501950 -0991 مىسرانىم تور مۇلازىمەت ئىشخانىسى مىسرانىم پىروگرامما ئىشلەش گۇرۇپىسى 2011 - يىلى 04 - ئاينىڭ 27- كۈنى

Boran-Kux

	مىسرانىمدا يېڭىلىق كۆپەيمەكتە.ئىنىم ئابابەكرى ئېشلىرىڭ تېخىمۇ روناق تاپسۇن.تېخىمۇ ئالغا باس.غەلبە تېرىشقانلارغا مەنسۇپ.مىسرانىمنىڭ ھەقىقى بىر بىزنىڭ ئىللىق ئائىلىمىز بولىشىنى ئۈمىدقىلىمەن.شۇنىڭ بىلەن بىرگە سىراجىدىن ئاكىمىزنىڭ ئېشلىرىغا بەرىكەت،ئائىلىسىغا بەخت تىلەيمەن.

adiba

	ئاپتور جاۋابىنى بويلاپ 2قەۋەت  مىرئادىل كە 2011-04-27 06:40 PMئەۋەتىلدى  : مۇشۇ يەردىرەك ئولتۇرۇپ كۆرەي بۇنى ! مىسرانىمدا يېڭىلىق كۈندىن - كۈنگە كۆپىيىۋتىدۇ جۇمۇ ، كېلەر قېتىم مەڭگۈتاش ئەپەندىنى زىيارەت قىلىشىڭلارنى ئۈمۈد قىلىمەن !  [s:173] مەنمۇ شۇنداق دىمەكچىتىم.....

kulkiz0903

	بەك ياخشى ئىش بوپتۇ،بەك قىززىقارلىق بوپتۇ..........

ARKZAT

	كىنو-تېلېۋىزىيە سەنئىتى- ئۇنىۋېرساللىقى ۋە  ئاممىۋىيلىقى ئەڭ كۈچلۈك سەنئەت بولۇپ، بۇ سەنئەتنىڭ  ئورنى ۋە ئوينايدىغان رولىنى باشقا سەنئەتلەر ئاساسەن بېسىپ بولالمايدىغان ئەۋزەللىكلەرگە ئىگە. شۇنداق بولۇشىغا باقماي، بىزدىكى تۈرلۈك ئوبيېكتىپ سەۋەبلەر تۈپەيلىدىن، كىنو -تېلېۋىزىيە  تەرجىمىچىلىكى، بولۇپمۇ    كىنو- تېلېۋىزىيەلەرگە ئۆز تىلىمىزدا ئاۋاز بېرىپ، ئۇنى خەلقىمىزگە سۇنۇش ئىشلىرى تولىمۇ كېيىن باشلاندى. ئەمما شۇنداق بولۇشىغا قارىماي، بىزنىڭ بۇ ساھەدىكى مانا مۇشۇنداق  ئىرادىلىك، تەلەپچان ئوغلانلىرىمىزنىڭ جاپالىق تىرىشچانلىقلىرى ئارقىلىق بۇ جەھەتتىكى نەتىجىلىرىمىز نۆۋەتتە ھەممىمىزنى تولىمۇ خۇشال قىلىدۇ!    خۇددى سىراجىدىن پەتقۇللاغا ئوخشاش ئىقتىدارلىق ئاۋاز ئارتىسلىرىمىز ئۆزلىرىنىڭ ئانا تىلىمىزدىكى يېقىملىق، ئوبرازلىق، جانلىق ئاۋازلىرى ئارقىلىق ئۇيغۇر    كىنو- تېلېۋىزىيىمىز ئۈچۈن تارىخ بەتلىرىدە ئەبەدىي ئۆچمەس ئىزلارنى قالدۇردى! ماھىيەتتە بۇ-ئانا تىلىمىزنى سۆيگەنلىك، ئانا تىلىمىزنىڭ شۆھرىتىنى نامايەن قىلغانلىق! خەلقىمىزنىڭ مەنىۋىيىتىنى تېخىمۇ بېيىتقانلىق!       نۆۋەتتە، ئاۋاز ئارتىسلىرىمىز ئۆز ماھارەتلىرى ئارقىلىق كىنو-تېلېۋىزىيە  ئەسەرلىرىگە شۇ قەدەر كۆركەم "ھۆسىن-لاتاپەت:، يۈكسەك قەدىر-قىممەت ۋە زور شۆھرەتلەرنى ئاتا قىلىۋاتىدۇكى، بۇ ھەممىمىزنى بەكلا سۆيۈندۈرىدۇ! سۆزىمىزنىڭ دەلىلى سۈپىتىدە ئۆز تىلىمىزدا ئالقىشلىنىۋاتقان مەلۇم بىر  كىنو-تېلېۋىزىيە  ئەسىرى بىلەن ئەنە شۇ ئەسەرنىڭ ئەسلى ياكى باشقا تىلدىكىسىنى، ياكى بولمايدۇ، گەرچە ئەسلى تىلدىكى ئەسەر ۋەقەلىكى، مەزمۇنى قاتارلىقلار خېلى ياخشى بولسىمۇ، شۇنداقلا بىز شۇ ئەسەرنى ئەنە شۇ تىلدا كۆرۈپ تولۇق چۈشىنىش ئىمكانىيىتىگە ئىگە كۆرۈرمەن بولغان بولساقمۇ، ئەمما شۇ ئەسلى تىلدىكى ئەسەردىن ئۆز تىلىمىزغا تەرجىمە قىلىنىپ، جانلىق ئاۋاز بېرىلگەن ۋاقىتتىكى ئەسەرگە " قايتىدىن  كىرگۈزۈلگەن جان"نىڭ نەقەدەر زور رول ئوينىغانلىقىنى تولۇقى بىلەن رازىمەنلىك ئىچىدە ئېتىراپ قىلماي تۇرالمايمىز! مانا بۇ "جان" دەل "پەردە ئارقىسى"دىكى مۇشۇنداق ئەزىمەتلەر ئارقىلىق كىرگۈزۈلگەن! شۇڭا، بۇنداق تۆھپىكارلارنى پەردە ئارقىسىدىن بىر-بىرلەپ ئىكران ئالدىغا مۇشۇنداق چىقىرىپ تۇرۇش-پەخىرلىنىشكە، قىلىشقا تېگىشلىك ياخشى ئىش! مەن بۇ باشلىنىشنىڭ خەيرلىك مۇقەددىمە بولۇپ قېلىشىنى ئۈمىد قىلىمەن!  شۇنداقلا، ئۆزىنىڭ ئاۋاز بېرىش جەھەتتىكى ئۆزگىچە ماھارىتى ئارقىلىق مىليونلىغان كۆرۈرمەنلەر قەلبىدە ئۇنتۇلماس ئەستلىكلەرنى قالدۇرغان قېرىندىشىمىز سىراجىدىن پەتقۇللانىڭ تېنىگە سالامەتلىك، ئىشلىرىغا ئۇتۇقلارنى تىلەيمەن!   مۇشۇنداق قېرىنداشلىرىمىز بىلەن دىدارلىشىش ئىمكانىيىتى يارىتىپ بەرگەن مىسرانىم تور بېكىتىنىڭ تەرەققىياتىغا بولغان تىلەكداشلىقىمنى بىلدۈرىمەن!

تاڭنۇر

	كىلەر قېتىم ھازىر شىنجاڭدا شۇنداقلا مەملىكىتىمىزدە باشقلارنىڭ ئالقىشىغا ئىرىشكەن ، پۇتپولچى ھەم پەخىرلىك ئوغلان بارىنى ياكى ۋاستكىتپول سەھنىسىدە چاقناۋاتقان ،دۆلەت كوماندىسىغا تالانغان ياش ماھىرىمىز شىرئەلىنى زىيارەت قىلىشنى ئويلىشىپ بېقىشىڭلارنى تەۋسىيە قىلىمەن !< شەخسى پىكىر > ئەمدى ئالدىرماي كۈرەي ، جىم مېنى ئاۋارە قىلماڭلار ھە !

bahirah

	ئاپتور جاۋابىنى بويلاپ 2قەۋەت مىرئادىل كە 2011-04-27 06:40 PMئەۋەتىلدى : مۇشۇ يەردىرەك ئولتۇرۇپ كۆرەي بۇنى ! مىسرانىمدا يېڭىلىق كۈندىن - كۈنگە كۆپىيىۋتىدۇ جۇمۇ ، كېلەر قېتىم مەڭگۈتاش ئەپەندىنى زىيارەت قىلىشىڭلارنى ئۈمۈد قىلىمەن !  [s:173] توغرا. كىلەر قىتىمقى نۆۋەت مەڭگۈ تاش ئەپەندىمنىڭ بولسۇن.