يـامـغۇردا قـالغان ھـاۋارەڭ كـۈنلۈك (ھىجر

Hijran

	يامغۇردا قالغان ھاۋارەڭ كۈنلۈك (نەسىر ) ئابدۇجېلىل جاپپار ھىجران بۈگۈن كۆڭلۈم تۇلىمۇ يېرىم .چۈنكى سەن تەكرار ئۇرغان تېلفۇنۇمنى ئالماي ، بېسىۋەتتىڭ . بۇ ماڭا سەن يۈزۈمگە بىركاچات ئۇرغاندەك بىلىندى . بىلىمەن چۇقۇم يېنىڭدا ئۇ بار ،بەلكىم سىنى ئۇنىڭ ئالدىدا بىئارام قىلغاندىمەن . مېنى كەچۈرگىن ،مەن سەندىنمۇ بەك بىئارام بولدۇم. نىمىشقىمۇ مەندىن كۆڭلى قالغان ئادەمگە تېلفۇن قىلغاندىمەن دەپ ، ئۆزەمگە ئاچچىغىم كەلدى ،كونۇپكا باسقان بارماقلىرىمنى چانىۋەتكۈم كىلىپ كەتتى ،ياق مەن ئۇنداق قىلالمايمەن ، سەن كۆڭلۈمگە ئازار بەرگەندە ،<<يىغلىما دىيەلمەيسەن >> مىنىڭ مۇشۇ بارماقلىرىم ماڭا تەسەللى بىرىپ ياشلىرىمنى سۈرتىدۇ- ئەمەسمۇ ... * * * * ھەركۈنى ئاللاھ دىن ساڭا بەخىت ،سائادەت تىلەيمەن .ئاشقازىنىم ئاغرىپ شۇنداق بىئارام بۇلىمەن . خېمىيىلىك داۋالاشنى ئۆزەم تەلەپ قىلىپ توختۇتىۋەتتىم .دوختۇرمۇ ئۈمۈد سىزلىك بىلەن خۇرسىنىپ قويدى. ئاھ... مېنىڭ نەچچە كۈندىن كېيىن ئۈلۈپ كىتىدىغىنىمنى بىلسەڭ ، ئەھۋال قانداق بۇلار ئىدى-ھە؟ مىنى بىرەر قېتىم باغاش ئىتەرمىدىڭ ؟ ئوتلۇق لەۋلىرىمگە بىرەر قېتىم سۆيەر مىدىڭ ، گۇڭگا چىراغ ئاستىدا مەن ئامراق روماننى تاتلىق ئاۋازلىرىڭدا ئوقۇپ بىرەرمىدىڭ ... بۇدۇنيادا سەندىن باشقىنى سۆيەلمەيدىغىنىمنى ھىس قىلار مىدىڭ ... ياق، ساڭا ئۈلۈپ كىتىدىغىنىمنى ئېيىتقۇم يوق ، سېنىڭ ھىسداشلىق ئارلاشقان يالغان مۇھەببىتىڭگە نائىل بولغۇم يوق .ساڭا شۇنداق دىگۈم كىلىدۇ .يېنىڭدىن شامالدەك شۇنچە تۇيۇقسىز كەتكۈم بار ... * * * * بۈگۈن يامغۇر ياغدى . يامغۇرلار شۇنداق يۇمران ،بەك سۈزۈك ، خۇددى مىنىڭ يېشىمدەكلا... مەن يامغۇرغا ياندىشىپ ،قەدەملىرىمنى باشقۇرالمىغان ھالدا ئۆيۈڭنىڭ ئالدىغا كەلدىم .سەن ھاۋارەڭ كۈنلۈككە شۇقەدەر ئامراق ئىدىڭ . شۇتاپ قۇلۇمدا ھاۋارەڭ كۈنلۈك بار ئىدى . ئەگەر << مەن ئۆيۈڭنىڭ ئالدىدا >> دەپ يوللىغان ، قىسقا ئۇچۇرۇمنى كۆرۈپ يېنىمغا چىقساڭ بىللە يامغۇر سەيلىسى قىلساق ، مەن يۈزلۈرمنى سۆيۈۋاتقان يامغۇرلارغا پىنھان سىرلىرىمنى ئېيتىپ ، ساڭا يۈلۈنۈپ نەچچە قەدەم مېڭىۋالسام يۈرۈكۈم خوشلۇقتىن يېرىلىپ كىتەرمىدى . قۇلۇمدا چىڭ سىقىلغان ھاۋارەڭ كۈنلۈك... كۆزلۈرۈم يانفۇن ئېكرانىدا ...ساڭا يوللىغان قىسقا ئۇچۇرۇمغا جاۋاپ كەلمەي ئىچ باغرىمغا ئاجايىپ بىر غېرىپلىق يامرىدى ...شۇنچىلىك تەستە غەيرەتكە كىلىپ سېنىڭ نۇمۇرۇڭنى باستىم ... بىرچاغدا تېلفۇننى ئېلىپ سەت ۋارقىردىڭ << نىمانداق كەينىمگە كىرۋالىسەن ، دېدىمغۇ سېنى ياخشى كۆرمەيمەن دەپ ، نىمانداق ئۆزەڭنى بىلمەيدىغان بىرنىمە سەن؟ بىلىپ قوي سەندىن كۆڭلۈم قالدى ...مىنى ئارامىمدا ياشىغىلى قوي ، سېنى كۆرگۈم يوق، يوقال ! كۆزۈمدىن يوقال !>> يۈرۈكۈم تىترەپ كەتتى ... پۇت - قوللۇرۇم بۇشۇشۇپ شارقىراپ يېغىۋاتقان يامغۇر بىلەن يەرگە يىقىلدىم ... يۈ...يۈرۈكۈم قاتتىق ئاغرىپ كەتتى ...ئاشقازىنىم... شۇنچە غەيرەتكە كىلىپ سەندىن كەچۈرۈم سورىماقچى بولدۇم .ئەمما ئاۋازىم چىقمىدى ...يانفۇنۇممۇ نەچچە قەدەم نېرىغا قاڭقىپ كەتكەن ئىدى... قۇلۇمدا لايغا مىلىنىپ كەتكەن ھاۋارەڭ كۈنلۈك ...ئۈستى- بېشىمغا يامغۇر تامچىسى توختىماي تۆكۈلۋاتاتتى ... ئورنۇمدىن تۇراي دەپ شۇنچە غەيرەت قىلساممۇ تۇرالمىدىم ...پۈتۈن بەدىنىمگە چىداپ بولغۇسىز ئاغرىق يامرىغان ئىدى...مەن دىلىمدا ساڭا پىچىرلىدىم...<< كەچۈر...ساڭا ۋەدە بىرەي...ئەمدى سىېنى ئىزدىمەيمەن ..>> دىلىمدا ساڭا شۇلارنى ئاران دىيەلىدىم .كۆزلۈرۈم يۇمۇلۇپ كېتىۋاتاتتى ...ئەتراپقا گۇگۇم پەردىسى يېيىلىپ ،يامغۇ شار قىراپ يېغىۋاتاتتى... بولدى نىگار سەنمۇ مېنى ئىزدىمە ، ئىزدىسەڭمۇ مەن يوق ،مەن ...مەن يامغۇرلارغا قۇشۇلۇپ كەتتىم ...

kaisar

	ھەسرەتلىك لىرىك نىدالارنى ئوقۇپ  يۈرەكلەردىن قان ئاقتى .       قىزنىڭ قەلبىدىكى ھەسرەتلىك نىدالارنى  ئوغۇل بىلگەن بولسا نەقەدەر ياخشى بولاتتى ھە

تارىم

	ئەدەبى ژانىرلار ئىچىدە نەسىرنى بىر قەدەر ياقتۇرۇپ ئوقۇيمەن،چۈنكى نەسىر كىشىلەرنىڭ ھىسسىياتىنى ئىپادىلەش جەھەتتە خېلى كۈچى بار... ماۋۇ نەسىرنى ئوقۇپ،مۇزىكا بىلەن قوشۇلۇپ،خىياللار قاينىمىغا غەرىق بولۇپتىمەن [s:45]

aksusiri

	رەخمەت نادىر تېمىلىرىڭىز ئۈزۈلۈپ قالمىغاي!

رةنا

	بەك ياخشى چىقىپتۇ..ھەسرەتلىك مۇھاببەت ```` [s:33]

ISLAMOGLI

	سۇبھاناللا ،نىمەدىگەن قالتىس ئەسەربۇ ،كۆزلۇرۇم گە ياشكىلىپ كەتتى.

kapsizkiz

	نىمانداق ئادەمنىڭ يۈركىنى ئىزدۇ ،قىزمۇ چۈشەنسە ،يىگتىمۇ بەختللىك بولسا بولمامدۇ ،بۇ دۇنيا شۇنداق ئايرىلىش ،ھىجىران بىلەن تولغانمۇ ؟؟ [s:39]  [s:45]

musilina

	ھەسرەت ئىچىدىكى لېرىكا.....مۇزىكا بىلەن قوشۇلۇپ ئادەمنى ئاجايىپ  بىر خىل خىيال دۇنياسىغا باشلاپ ئەكىرىدىكەن....

ISLAMOGLI

	كۇلرەڭ ،كۇللۇككە ئامراق ،ئۇغۇلمۇ ،قىزمۇ؟

tanha168

	ئىسمى جىسمىغا لايىق ھىجرانكەنسىزغۇ ؟ [s:39] يازغانلىرىڭىز بىزنىمۇ ......