چىڭگىلەك(نەسىر)

bazhan

	ئىنسانلاركۈندۈزى بولسىمۇ،يامان ئىشلىرىنى قىلىۋەردى.ھەتتا بەزىلىرى كۈننى قارغىدى.بۇئەھۋالدىن خەۋەرتاپقان كۈننىڭ غەزەپتىن چىرايى تۇتۇلۇپ كەتتى.شۇزامان ئالەمنى قاراڭغۇلۇق قاپلىدى.بوران كۈننىڭ غەزىپىنى پەسلىتىش ئۈچۈن شۇنداق قاتتىق چىقتىكى،كۈچى يەتكەنلىكى نەرسىلەرنى ئۇچۇرۇپ كەتتى.بوران بۇلۇتلارغىمۇ رەھىم قىلماي،ئۇرۇپ-سوقۇپ بىريەرگە يىغدى.ئاسمانمۇ قاراپ تۇرمىدى،ئاۋازىنى قاتتىق چىقىرىپ،غەزەپ ئوتلىرىنى چاچتى.بۇمۇھىتتىن قورقۇپ كەتكەن بۇلۇتلاركۆزياشلىرىنى مارجاندەك تۆكۈشتى.بۇلۇتلارنىڭ كۆزياشلىرى ئۇسسۇزلۇقتىن ئۆلەر ھالەتكە كىلىپ قالغان زىمىننىڭ تەشنالىقىنى قاندۇردى.زىمىنغا جان كىرىپ ھەرىكەتلىنىشكە باشلىدى. زىمىن قوينىدىكى جانلىقلارنى ئويغاتتى.زىمىن ئۆزىدىكى ئوزۇقلۇق ھەم مىھىرىنى جانلىقلارغا بەردى.زىمىننىڭ مىھنەتسىز بېقىشىدىن قۇۋۋەت تاپقان يەرئاستى جانلىقلىرى بىر-بىرلەپ سىرىتقا چىقتى.ئۇرۇقلار بىخ چىقاردى.ئۆسۈملۈكلەريىشېل رەڭلىك تون كىيىشكە جابدۇندى. كەڭرى كەتكەن بۇغداي ئېتىزىدىكى مايسىلارنىڭ ئارسىدىكى بوش يەرگە بىرتال بىخ باش كۆتۈرۈپ چىقتى.بىخ تولىمۇ ئاجىز ئىدى.بىخ زىمىننىڭ بېقىشى،قۇياشنىڭ ئىللىق نۇرى،بۇغداي مايسىنىڭ يادىمى بىلەن ئاستا-ئاستا چوڭ بولدى.بىخ چوڭ بولغىچە قاتتىق يامغۇر،شىددەتلىك بوران،كۈچلۈك كۈن نۇرىنىڭ سىنىقىغا ئۇچرىدى.بىخ بۇ سىناقلاردىن بۇغداي مايسىنىڭ ياردىمىدە جاپا تارتماي،ساق-سالامەت ئۆتىۋالدى. بىخ ئەمدى بوي تارتىپ چوڭ بولۇشقا باشلىدى.ئۇ چوڭ بولغانسىرى بىلىنىڭ نەقەدەر ئاجىزلىقىنى بىلدى.بۇغداي ئۇنىڭ ھالىنى ئۇقۇپ ياردەم قولىنى سوزدى.ئۇ بۇغداينىڭ قولىنى مەھكەم تۇتتى.ئۇ ئۆستى.ئۆسۈش ئۈچۈن بۇغداينى بۇغداينى ئويلاپمۇ قويمىدى.ئۇ بۇغداينى شۇنداق چىڭ چىرمىدىكى ،بۇغداي ئاغرىققا چىدىماي،ھەريانغا تولغىنىپ ئاھ ئۇرۇپ كەتتى. ئۇ بۇغداينىڭ ھال-زارىغا قۇلاق سېلىپمۇ قويمىدى.ھەرقانچە جاپا تارتسىمۇ،مۇشەققەتلىك شارائىتلارغا چىداپ بۇغدايغا يامىشىپ يۇقىرىغا ئۆستى.ئۇنىڭ گۈللىرىمۇ ئېچىلدى.بىراق ئۇيەنىلا قانائەتلەنمىدى.ئۇيەنىلا يۇقىرىغا ئىنتىلدى.ئەپسۇس بېشى يەرگە ساڭگىلىدى.بۇ ھالدىن ئۇ بۇغدايغا قارىدى.بۇغداي قېرىپ،چىرايى ئالتۇندەك سارغىيىپ ئۆلەر ھالەتكە كىلىپ قالغانىدى.بۇ ئەھۋالدىن ئۇ ئېچىنىپمۇ كەتمىدى. مانا بۇ ئۆسۈملۈك چىڭگىلەك ئىدى.ئۇ ئۆزمەنپەئەتى ئۈچۈن بۇغداينىڭ ھاياتىنى ۋەيران قىلدى. دىھقان ئاتا بۇغداينىڭ رەڭگىنى كۆرۈپ،خۇشال ھالدا ئايسىمان ئورغىقى بىلەن بۇغداينى ئوردى.ئەڭ ئېچىنىشلىق يىرى بۇغداي بىلەن تەڭ،ئەمدى ھايات گۈللىرى ئېچىلغان بىچارە چىڭگىلەكنىمۇ ئورىۋەتتى. مەنبە:قەلىمىم                                    (مىسرانىم مۇكاپاتلىق ئەسەرلەر پائالىيىتىگە)

salkin11

	ئەسىرىڭىز ياخشى چىقىپتۇ ... مۇكاپاتقا ئىرىشىپ كلىشىڭىزغا تىلەكداشمەن ...

TOGRAKPADIXASI

	مۇكاپات سىزنىڭ بولسۇن