مېنىڭ ئايالىم

تەمكىن

	[align=justify]   ئەسسالامۇ-ئەلەيكۇم !  كەڭ مىسرانىم ئىشتىراكچىلكىرى ،مىسرانىمدا<< بىر غېرىچ يوپكىنى كىيىۋالغان قىز   >>،<< ھەر كۆرگەندە ھاياسىز قىزنى >> قاتارلىق ئەسەرلەر ئارقا-ئارقىدىن ئېلان قىلىنىپ، بەزى ئايال تورداشداشلىرىمىزنىڭ نارازىلىغى قوزغۇلۇشقا سەۋەپ بۇلۇپ قالدى،شۇڭا ئايال تورداشلىرىمىزنىڭ كۆڭلىگە مەلھەم بولسۇن ئۈچۈن بىزدىكى ئپپەتلىك، مىھرىبان ئاياللىرىمىزنىڭ ئوبرازىنى تور يۈزىگە نامايەن قىلىش مەقسىدىدە بۇ ئەسىرىمنى يېزىپ ئىلان قىلىشنى لايىق تاپتىم.ياخشى يېزىلمىغان بولسىمۇ  ياقتۇرۇپ ئوقۇشۇڭلارنى ئۈمۈد قىلىمەن.  [align=justify]مېنىڭ ئايالىم  ئالدى بىلەن ئىپپەتلىك ئايال ئۇ ئىمان-ئىتقادلىق ، شەرمى- ھايالىق، يۈزى تۆۋەن ئايال . ئۇ ئسلام شەرىئىتى بويىچە كىيىنگەن، دىنىي ھەم پەننى جەھەتتىن بەلگىلىك  تەربىيە ئالغان  ، ئۇقۇمۇشلۇق ، زېھنى ئۇچۇق ئايال.ئۇ ئاياللار بىلەن قىزغىن ھەم يېقىملىق كۆرۈشۈپ پىكىر ئالماشتۇرۇپ ،ئۆز ۋۇجۇدىدىكى گۈزەل ئەخلاقلارنى ئۇلارغا سىڭدۈرۈشكە تىرىشىدۇ ۋە يىتەكلەيدۇ. ئەرلەرگە يەردىن ئۈستۈن قارىماي سالام بېرىدۇ ھەم سالىمىنى ئىلىك ئالىدۇ.ئۇ  چوڭلارنى ھۆرمەتلەپ،كىچىكلەرگە قولىدىن كىلىشىچە ئىلتىپات كۆرسىتىدۇ. مېنىڭ ئايالىم __مەسئۇلىيەتچان ئايال ئۇ ئۆزىنىڭ بالىلىق،ئاياللىق،كېلىنلىك ھەم ئانىلىق مەسئۇلىيىتىنى تولۇق تونۇپ يەتكەن،ھەم ھەممىنى ئۆز يولىدا رازى قىلىپ كەلگەن ئايال.ئۇ ئاتا-ئانىسىغا پەرزەنتلىك  مەجبۇرىيىتىنى ئادا قىلىپ ئۇلارنىڭ ياخشى باھاسىغا ئېرىشكەن ،يەنە  قېيىن ئاپا ، قېيىن ئاتا ئالدىدا كېلىنلىك مەجبۇرىيىتىنى تولۇق ئادا قىلىپ ئۇلارنىڭ ماختىشىغا ئېرىشىپ كەلگەن ئايال.  ياشانغانلارنىڭ تامىغىنى ئېتىش ، كىر-قاتلىرىنى يۇيۇش،ئۆيلەرنى پاكىز تازىلاپ  رەتلەشنىڭ ھەممىسى ئۇنىڭ زىممىسىگە يۈكلەنگەن بولسىمۇ يەنە  قىلچە ۋايسىماستىن ئاياللىق ھەم ئانىلىق مەجبۇرىيىتىنى ئۇنتۇپ قالمىغان ئايال . ئۇ مەن ياخشى كۆرىدىغان تاماقنى ئىتىپ ،مەن كەلگىچە قول تەككۈزمەستىن  كۈتۈش بىلەن  ئولتۇردىغان، ئاپپاق كۆڭلۈگۈمگە كىر قوندۇرماستىن پاكىز يۇيۇپ ، دەزماللاپ  قەددى-قامىتىمنىڭ باشقىلار ئالدىدا سۆرۈن كۆرۈنۈپ قالماسلىغى ئۈچۈن تىنىمسىز كۈچ چىقىرىۋاتقان ئايال. بالىلارنى ئۇزۇقلۇق قىممىتى يۇقۇرى تاماقلار بىلەن ئۇزۇقلاندۇرۇپ ، كىيىملىرىنى يۇيۇپ،تۈگمىلىرىنى چىڭىتىپ ،رەتلىك كىيىندۈرۈپ كىلەچەك ئىگىلىرىنى زور ئۈمۈد ، زور ئىشەنچلەر بىلەن مەكتەپكە ئۇزىتىدىغان ئايال. مېنىڭ ئايالىم __مېھرىبان ئايال. ئۇ ئۆز ۋۇجۇدىدىكى بارلىق مىھرىبانلىغىنى ئۆز ئەتىراپىدىكىلەرگە ئاتىۋەتكەن ئايال.قېيىن ئاپام دىمەستىن  ئاغرىپ يېتىپ قالغىنىدا  پۇت قولىنى تۇتۇپ ئاغرىقلىرىنى پەسەيتكەن ،تاھارەت قاچىسى تۇتۇپ  ئۆز قىزىنى ئەسلەتكەن،بۇنىڭدىن تەسىرلەنگەن ئانىنىڭ جۈپ كۆزىنى تەخىرسىز ياشلاتقان ئايال.ئىككى پەرزەنت ئۈچۈن جېنىنى ئالقىنىغا ئېلىپ قۇيۇپ قوساق كۈتۈرگەن ھەم ئىككى قېتىم ئوپراتسىيە بۇلۇپ، ئوماق  ئىككى ئوغلۇمنى  ماڭا تۇغۇپ بەرگەن،شۇنداقلا بۇ دۇنيادىكى ئاتىلار لەززەتلىنىشكە تىگىشلىك تاتلىق ھەم ئپتىخارلىق تۇيغۇلارغا چۈمۈلدۈرگەن ئايال.پەرزەنتلەرنىڭ ئوتىدا كۈيۈپ،سۈيىدە ئاققان،مېھىر بىرىپ ئاق سۈت بىلەن باققان ،ھېچبىر تەمەسىز،مىننەتسىز ياشاۋاتقان مىھرىبان ئايال . مېنىڭ ئايالىم__ تىرىشچان ئايال [align=justify]ئۇ بوش ۋاقىتلىرىنى ئۈگۈنۈش،ئىزدىنىش بىلەن ئۆتكۈزىدىغان ئايال،دىنىي ئەقىدىلىرىنى  مۇستەھكەملەپ،ئەخلاق پەزىلىتىنى تاكامۇللاشتۇرۇشقا ئۇرۇنىۋاتقان،پەننى بىلىملەر ئارقىلىق  ئۆزىنىڭ ئۇنۋېرسال ساپاسىنى يۇقۇرى كۈتۈرۈشكە ئاساس سېلىپ ،ئىلىم ئېلىش يولىدا توختاۋسىز ئىزدىنىۋاتقان، تىرىشچان ئايال.ئۇ كىلەچەكنىڭ ئىگىلىرى بولغان ئىككى ئوغلۇمنىڭ كەلگۈسىدە ياراملىق ،ئەل ئۈچۈن كۈيىدىغان،ئەلنى سۈيىدىغان باتۇر ئەزىمەتلەردىن بۇلۇپ چىقىشى ئۈچۈن ئۇلارنىڭ ئۈگۈنۈشىگە ئالاھىدە ئېتىۋار بىلەن قاراپ،تەربىيەلەشنى بىرىنجى ئورۇنغا قۇيغان،ھەم قۇيىۋاتقان، ئۈمۈد چىرىغىنى بار كۈچى بىلەن ياندۇرىۋاتقان ئۈمۈدۋار ئايال.       جۈملىدىن مىنىڭ ئايالىم __ دىلى پاك،ئەخلاقلىق ،ئىپپەتلىك،مىھرىبان،ئشچان ،تىرىشچان،مەسئۇلىيەتچان ،ئۈمۈدۋار،غۇرۇرلۇق ئايال.ئۇنىڭ بۇ گۈزەل پەزىلەتلىرى ئۇنى ھۆرمەتلىشىمگە ،كۈيۈنۈشۈمگە،ئاسرىشىمغا ھەر ۋاقىت دالالەت قىلىپ تۇرىدۇ.ئارىمىزدىكى مۈھەببەت ھەر كۈنى يېڭىلىنىپ،بىر بىرىمىزگە بولغان تەلپۈنىشىمىز  بارغانچە كۈچۈيۈپ بېرىۋاتىدۇ،بۇ يەردە شۇنى ئىتراپ قىلماي تۇرالمايمەنكى :ماڭا دۇنيانىڭ گۈزەل،ھاياتنىڭ شىرىن ھەم لەززەتلىك سىزىلىشىنىڭ ئاساسچىسى يەنىلا  مىنىڭ ئايالىم. [align=justify] ئەسكەرتىش:بۇ ماقالەمنى <<مىسرانىم مۇكاپاتلىق ئەسەرلەر پائالىيىتى>>گە ئاتاپ يازدىم،باشقۇرغۇچىلارنىڭ شۇ بۇيىچە تەستىقلاپ ،تەھرىرلەپ قۇيىشىنى ئۈمۈد قىلىمەن. مەنبە :    ئابلىمىت ھوشۇر   (ئۆزۈم)                                                            2011.4.19

izchilar

	ھەممە ئىشنىڭ ئىككى خىل تەرىپى بولىدۇ،شۇڭا بىزدىمۇ نۇرغۇن ئېمانلىق،ھايا بىلەن ياشاۋاتقان خانىم-قىزلىرىمىز بار. لېكىن ئاياللارنى بۇنداق ئوچوق -ئاشكارە ماختاپ يۇرمىسەكمۇ بولامىكىن [s:180] بىزدە بىر گەپ باغۇ،ئۆزىنى ماختىغان ئىككىنجى ئەخمەق دەيدىغان. [s:179] چاقچاق قىلىپ قويدۇم جۇمۇ،قەلەم قۇۋىتىڭىز خىلى ئۆتكۈركەن.

turkinaz

	ماختاشقا تىگىشلىك بولسا ماختىغۇلۇق، سۆكۈشكە تىگىشلىگىنى سۆككۈلۈك.ماقالىڭىز شۇنداق ياخشى چىقىپتۇ،ئەتراپىمىزدا مۇشۇنداق تىنىمسىز ئەجىر كۆرسىتىۋاتقان ئاياللارمۇ ئاز ئەمەس. بىراق ئىتراپ قىلىشقا ئىرىشىش ئاسان ئەمەس. ئايالىڭىزنى ئىتراپ قىلغانلىقىڭىزدىن سۆيۈندۈم.

alafasy

	ماۋۇ پىكىرىم تېما ئىگىسىگە قارىتىلغان ئەمەس، ئەسكەرتىپ قوياي يەنە... شەخىسى پىكىر: مۇنبەردە بىر ئىش ئاۋۇپ قالدى، بىرسى تېما يازسا يەنە بىرسى شۇ تېمىغا قارىتا ئوبزور يازىدىغان. ئوبزور يازسىغۇ ھېچ ۋەقەسى يوق ئەمدى، بىرسىگە گەپ قىلسا يەنە بىرسى ئېغىر ئالىدىغان. قىززىق تە بۇلار ئايالىڭىز ھەقىقەتەن شۇنداق ياخشىكەن، بىراق ئايالىڭىز راست بارمۇ ياكى يوقمۇ ئۇنى ئۇقمايمان. مۇنبەردە مۇشۇنداق ماختىسىڭىز ئايالىڭىزنى بىر كۆرسەك بولاتتى دەيدىغانلار چىقىشى مۇمكىن. ..... بولدى قىلاي..... سەل قايناپ قالىدىغان ئوخشايمەن............ كەچۈرۈڭ...

XATUT507

	ئانچە   مۇنچە  ماختاپ  قۇيۇشقا  ئەرزىيمىز  بىزمۇ؟

0998.erpane

	خوتۇننى ماختىغان بىرىنچى ئەخمەق بولۇپ قاپسىز .

باھادىر

	ئاپتور جاۋابىنى بويلاپ تەمكىنھەم 2011-04-19 08:07 PMئەۋەتىلدى مېنىڭ ئايالىم : [align=justify]   ئەسسالامۇ-ئەلەيكۇم !  كەڭ مىسرانىم ئىشتىراكچىلكىرى ،مىسرانىمدا<< بىر غېرىچ يوپكا كەيگەن قىز >>،<< ھەر كۆرگەندە ھاياسىز قىزنى >> قاتارلىق ئەسەرلەر ئارقا-ئارقىدىن ئېلان قىلىنىپ، بەزى ئايال تورداشداشلىرىمىزنىڭ نارازىلىغى قوزغۇلۇشقا سەۋەپ بۇلۇپ قالدى،شۇڭا ئايال تورداشلىرىمىزنىڭ كۆڭلىگە مەلھەم بولسۇن ئۈچۈن بىزدىكى ئپپەتلىك، مىھرىبان ئاياللىرىمىزنىڭ ئوبرازىنى تور يۈزىگە نامايەن قىلىش مەقسىدىدە بۇ ئەسىرىمنى يېزىپ ئىلان قىلىشنى لايىق تاپتىم.ياخشى يېزىلمىغان بولسىمۇ  ياقتۇرۇپ ئوقۇشۇڭلارنى ئۈمۈد قىلىمەن.  [align=justify]....... [align=justify]مىللىتىمىز  خانىم - قىزلىرىدا ئارىسىدا يەنىلا شەرمى - ھايالىق، ئەخلاق - پەزىلەتلىكلەر كۆپ سالماقنى ئىگەنلەيدۇ، ناھايىتى توغرا ئىشقا نىيەت قىپتىكەنسىز، لىكىن... ئۇسۇلىڭىزنى ئۆزگەرتىپ باقسىڭىز بوپتىكەن...

تەمكىن

	ئاپتور جاۋابىنى بويلاپ 2قەۋەت  turkinaz كە 2011-04-19 09:18 PMئەۋەتىلدى  : ماختاشقا تىگىشلىك بولسا ماختىغۇلۇق، سۆكۈشكە تىگىشلىگىنى سۆككۈلۈك.ماقالىڭىز شۇنداق ياخشى چىقىپتۇ،ئەتراپىمىزدا مۇشۇنداق تىنىمسىز ئەجىر كۆرسىتىۋاتقان ئاياللارمۇ ئاز ئەمەس. بىراق ئىتراپ قىلىشقا ئىرىشىش ئاسان ئەمەس. ئايالىڭىزنى ئىتراپ قىلغانلىقىڭىزدىن سۆيۈندۈم.        ئاياللار  ئاللاھ تەرىپىدىن  بىزگە بىرىلگەن بىر نىئمەت،گەپ بىزنىڭ ئۇلاردىن قانداق پايدىلىنىشىمىزدا،پەيغەمبىرىمىزمۇ دىگەن:<<ئاياللار ئەگرى قوۋۇرغىدىن تۈرەلگەن،شۇڭا ئۇلارنى ئۆز پېتى  ياكى ئاۋايلاپ ئشلىتىڭلار،ئەگەر ئۇلارنى تۈزلەيمەن دىسەڭلار سۇندۇرۇپ قۇيۇشىڭلار مۇمكىن.>>       شۇنداق بولغان ئىكەن بىز بۇ نىئمەتتىن ياخشى پايدىلىنىشنى ئۈگۈنىۋېلىشىمىز كىرەك.شۇنداق ئەمەسمۇ؟

تەمكىن

	ئاپتور جاۋابىنى بويلاپ 1قەۋەت  izchilar كە 2011-04-19 09:09 PMئەۋەتىلدى  : ھەممە ئىشنىڭ ئىككى خىل تەرىپى بولىدۇ،شۇڭا بىزدىمۇ نۇرغۇن ئېمانلىق،ھايا بىلەن ياشاۋاتقان خانىم-قىزلىرىمىز بار. لېكىن ئاياللارنى بۇنداق ئوچوق -ئاشكارە ماختاپ يۇرمىسەكمۇ بولامىكىن [s:180] بىزدە بىر گەپ باغۇ،ئۆزىنى ماختىغان ئىككىنجى ئەخمەق دەيدىغان. [s:179] چاقچاق قىلىپ قويدۇم جۇمۇ،قەلەم قۇۋىتىڭىز خىلى ئۆتكۈركەن.      ئاياللارنى  ئۆز يولى بىلەن ماختايمىز،چۈنكى دۇنيادا ماختىلىشنى ياخشى كۆرمەيدىغان بىرمۇ ئادەم بولمىسا كىرەك،بۇ ئنسان تەبىئتىدە ئەزەلدىن بار بولغان قانۇنىيەت.ئادىللىق ئەر ھەم ئاياللارغا ئورتاقتۇر.

تەمكىن

	[align=justify]مىللىتىمىز  خانىم - قىزلىرىدا ئارىسىدا يەنىلا شەرمى - ھايالىق، ئەخلاق - پەزىلەتلىكلەر كۆپ سالماقنى ئىگەنلەيدۇ، ناھايىتى توغرا ئىشقا نىيەت قىپتىكەنسىز، لىكىن... ئۇسۇلىڭىزنى ئۆزگەرتىپ باقسىڭىز بوپتىكەن... [/quote] مەسىلەن قانداق؟