بىر پەس مۇشائىرە قىلىشمايلىمۇ؟

musilina

	[align=justify]   ئەسسالامۇ-ئەلەيكۇم ، مىسرانىم مۇنبىرىدىكى ئىنى -سىڭىللار،ھەممىڭلار تېنچ -ئامان تۇردۇڭلارمۇ؟ مەنكى شۈشەن قېرىغان موماڭلار مۇسىلىنەدىن سىلەرگە ئوتلۇق سالام،نەچچە كۈنلەر بوپتۇ ئالدىراشلىقتا مۇنبەرگە تۈزۈك كىرىپ بولالمىدىم، بۈگۈن مۇنبەرداشلار بىلەن بىرگە  كۆڭۈل ئۈنچىلىرىنى چېچىشىش ،مۇنبەر كەيپىياتىنى يۇقىرى كۆتۈرۈش ئۈچۈن << مۇشائىرە قىلىشايلى>> دېگەن  مەقسەتتە قاملاشمىسىمۇ ئىككى كۇبلىت شېئىر ئېلىپ كەلدىم، مۇنبەردىكىلەرنىڭ مۇشائىرەگە ئىلھاملىرى بارمىكىن.....؟ شېرىن چاغلار،ئۇنتۇلماس دەملەر، ئاي –يۇلتۇزلارغا بولغانتۇق سىرداش. مەن تۇپراق قوينىدا يۇمران  مايسا، سەن تەپتىڭدە نۇر بەرگەن قۇياش.   يۈرىكىم ئەسلىمىگە تۇرار ئېسلىپ، ئۈنسىز سېغىنىش تىنماي تىپىرلاپ. باھار شامىلىغا قىلدىم ئىلتىجا، تىلەكلىرىمنى ئاستا پىچىرلاپ.   [align=justify]      مۇشائىرە قائىدىسى : شېئىرنىڭ  ئاخىرىقى مىسراسىنى كېيىنكى كۇبلىتنىڭ باشلىنىش مىىسراسى قىلىپ داۋاملاشتۇرىمىز، قايسى كۇبلىتنىڭ ئاخىرقى مىسراسىنى داۋاملاشتۇرساق  بولىۋېرىدۇ،قېنى ئەمسە مەرھەمەت.... مەنبە :كاللام

kanat

	سەن تەپتىڭدە نۇر بەرگەن قۇياش، مەن ئۇنىڭغا ئاشىقى- شەيدا. سۆيۈپ كەلدىم مىسرالىرىمدا، بولمىسىمۇ سېنىڭدىن سادا.

hokumran

	بولمىسىمۇ سېنىڭدىن سادا، كۈيۈپ، يۈردۈم ساڭا مۇسلىنە، سېنى سۈيۈش، شۇنچە گۇناھمۇ؟ چىن سىرىڭنى قېنى ئېيتقىنە .

تاڭنۇر

	سەن تەپتىدىن نۇر بەرگەن قۇياش. سۆيگۈ ئۈچۈن،چېچىپ ھارارەت . ئۆزۈم ئايمەن ، كۆكتىكى يۇرۇق ، پاك سۆيگۈگە،بىرىمەن ساداقەت .

tarjiman19

	چىن سىرىڭنى قىنى ئىيىتقىنە،     ھۇكۇمرانغا بەرگىن بىر جاۋاپ.     يا ئۇغۇرلاپ ياتلار كۇڭلۇڭنى،     تۇتقانمىدى قۇشقۇللاپ شاراپ.

YuqunAdam

	چىن سىرىڭنى قېنى ئېيىتقىنە؟ دىللىرىڭدا بارمۇ مۇھاببەت. شۈشەن قېرىغان گۈلگۈن مومايچاق، كۆڭۈل بەرسەك بولماس ئىجابەت! ھالىڭ يوغان تېخى مۇنبەردە، دىمە نەدىن كەلگەن نىجاسەت! كۆڭۈل قەسىرىڭ چوڭ بولسا ئەگەر، ئاچقىن قېنى قىلىپ شىجائەت.

lalizar0902

	تىلەكلىرىمنى ئاستا پىچىرلاپ، يۈلتۇزلارغا بولدۇم مەن مۇڭداش. كۆز قىسىشىپ ماڭا قارايدۇ، لېكىن ئەمەس ئۇ ماڭا يولداش.

YuqunAdam

	توتقان بولسا قوش قوللاپ شاراپ، ھۆكىمىرانمۇ قالاتتى ياراپ. قېتىپ قويساق باشنى مۇنبەردە، بىزلەرگىمۇ بولاتتى ساۋاپ.

fatima

	پاك سۆيگۈگە بىرىمەن ساداقەت، ئاي-يۇلتۇزغا قىلمايمەن ھەسەت. سۆيگۈ ئۈچۈن پارلاپ قۇياشتەك، كۈلۈپ ئۆتىمەن ئالدىڭدا ئەبەت.

YuqunAdam

	لىكىن ئەمەس ئۇ ماڭا يولداش، مەن كۆكتىكى ئەركىن يۈرگەن قۇش. يىتەلمەيسەن مىنىڭ ۋەسلىمگە، كۆڭۈللەردە ھوۋلايدۇ ھوقۇش.