مـۇۋەپىقىيىتىـڭىز ئـۈچۈن 50 جـۈمـلە

شاتئاي

	1.ھەر كۈنى ئۆزىڭىزگە بىر قېتىم «مەن يارايمەن!»دەڭ. 2.ئېسىڭىزدە بولسۇن،ھەربىر كۈن ھاياتىڭىزدىكى ئەڭ گۈزەل كۈندۇر. 3.قوياشقا يۈزلىنىڭ شۇندىلا ئۈمىدسىزلىكنىڭ سايىسى كۆز ئالدىڭىزدىن يوقىلىدۇ. 4. سىز ھاۋارايىنى ئۆزگەرتەلمەيسىز،ئەمما ئۆزىڭىزنىڭ ھاۋارايىغا بولغان بىزار بولۇش كەيپىياتىڭىزنى ئۆزگەرتەلەيسىز. 5.ئوي-پىكىرىڭىز ھەرىكىتىڭىزنى بەلگىلەيدۇ،ھەرىكىتىڭىز ئادىتىڭىزنى بەلگىلەيدۇ،ئادىتىڭىز مىجەز-خاراكتىرىڭىزنى بەلگىلەيدۇ،مىجەز-خاراكتىرىڭىز تەقدىرىڭىزنى بەلگىلەيدۇ. 6.ئىرىشكەنلىرىڭىز بىلەن ھىساپلاشماي، توختىماي تەر تۆكىۋېرىڭ،بىر كۈنى پايدىسىنى كۆرىسىز. 7.قىش كەلدى.شۇنداقلا باھار بىزگە تېخىمۇ يېقىنلاشتى. 8.ئىلكىڭىزدە بارىدا قەدىرلەڭ،ئايرىلىپ قالغاندا پۇشايمان قىلماڭ. 9.ھەر ۋاقىت كەينىڭىزدىكى ئىشىكنى يېپىپ مېڭىڭ.(يەنى بۇرۇنقى نەتىجە ۋە سەۋەنلىكلىرىڭىز ئۆتمۈشكە مەنسۇپ،ئۇلارنى ئۇنتۇپ كېتىڭ.) 10.ئۈمىد قانچە چوڭ بولسا،ئۈمىدسىزلىكمۇ شۇنچە چوڭ بولىدۇ. 11.ئەگەر ئايدىن ئايرىلىپ قالغىنىڭىزغا يىغلاپ ئۆزىڭىزنى يوقىتىپ قويسىڭىز،ئۇنداقتا يۇلتۇزلاردىنمۇ قۇرۇق قالىسىز. 12. تىرىشىپ ئۆگىنىڭ،بىلىملىك بولىسىز.تەنقىدتىن قورقماڭ، غەيرەتلىك بولىسىز. ئويلاپ سۆزلەڭ،ئىناۋەتلىك بولىسىز. بىرسىنى تاللاڭ،خاتىرجەم بولىسىز. 13.دوستىڭىزنى توغرا تاللاڭ،بىر ئۆمۈر خوشال ئۆتىسىز.جۆرىڭىزنى توغرا تاللاڭ،بىر ئۆمۈر بەخىتلىك ئۆتىسىز. كەسپىڭىزنى توغرا تاللاڭ،بىر ئۆمۈر مۇۋەپپىقىيەت ئىچىدە ئۆتىسىز. 14.نۇر چېچىش پەقەت قۇياشقىلا خاس ئەمەس،سىزمۇ نۇر چاچالايسىز. 15.ئەخمەقلەر تېنى ئارقىلىق روھىنى باشقۇرىدۇ،دانالار روھى ئارقىلىق تېنىنى باشقۇرىدۇ. 16. ئالتۇن ھامان پارقىرايدۇ. 17.خۇشاللىق بىر خىل پوزىتسىيە،بىر كىشى خوشال يۈرۈشنى چىن دىلىدىن نىيەت قىلسىلا چوقۇم خۇشال يۈرەلەيدۇ. 18.خۇشال ئۈتۈشنىڭ سىرى:ئۆزىڭىزنىڭ سەۋەنلىگى ئۈچۈن ئۆزىڭىزنى جازالىماڭ.باشقىلارنىڭ سەۋەنلىگى ئۈچۈن ئۆزىڭىزنى جازالىماڭ.ئۆزىڭىزنىڭ سەۋەنلىگى ئۈچۈن باشقىلارنى جازالىماڭ. 19.بىزنىڭ نۇرغۇن كۆڭۈلسىزلىكلىرىمىزنىڭ مەنبەسى:ئۆزىمىزنى باشقىلار بىلەن سېلىشتۇرۇشتىن يەنى سېلىشتۇرغاندا ئۆزىمىز ئىگە بولالمىغان نەرسىگىلا ئېسىلىۋېلىپ،ئېرىشكەنلىرىمىزگە سەل قارىغانلىقىمىزدىن كېلىدۇ. 20.ئۇنچىۋالا قايغۇرۇپ كەتمەڭ،ھاياتىڭىزدا مەلۇم نەرسىلەرنى يوقىتىپ قويۇش-بەلكىم ئۇنىڭدىن قۇتۇلۇشتۇر.ئېزىپ قېلىش-بەلكىم يېڭى يول ئىزلەشتۇر. 21.ئاچچىقلىنىش-باشقىلارنىڭ خاتالىقى ئۈچۈن ئۆزىنى جازالاشتۇر. 22.بەخىتكە ئېرىشىشنىڭ چارىسى-ئىلكىدە بارىنى قەدىرلەش،ئىلكىدە بولمىغانلارنى ئۇنتۇپ كىتىش. 23.سىز مۇھەببەت ئارقىلىق پۈتۈن دۇنياغا ئېرىشەلەيسىز،شۇنداقلا ئۆچمەنلىك ئارقىلىق پۈتۈن دۇنيادىن ئايرىلىپ قالىسىز. 24.ئاچكۆزلۈك_ئەڭ ھەقىقى نامراتلىق.قانائەت بولسا ئەڭ ھەقىقى بايلىق. 25.ئەتىكى ئۈمىد بىزگە بۈگۈنكى ئازاپنى ئۇنتۇلدۇرىدۇ. 26.خۇشاللىقتىن باشقىلار بىلەن تەڭ بەھرىلەنگەندىلا تېخىمۇ خۇشال بولغىلى بولىدۇ. 27.خۇشاللىق ئېرىشكەنلىرىڭىزنىڭ كۆپلىكىدىن ئەمەس،بەلكى ھىساپلاشقانلىرىڭىزنىڭ ئازلىقىدىندۇر. 28.ئادەمنىڭ ھەقىقى قىممىتى ئېزىقتۇرۇشقا ئۇچرىغان ئاشۇ قىسقىغىنە مىنۇتلاردا بەلگىلىنىدۇ. 29.بېشىڭغا ھەر بالا كەلسە ئۆزەڭنىڭ خۇي-پەيلىدىن كۆر. 30.مەيلى قايسى ۋاقىتتا باشلاڭ،ئەڭ مۇھىمى باشلىغاندىن كېيىن توختاتماي داۋاملاشتۇرۇڭ. 31.مەيلى قايسى ۋاقىتتا ئاخىرلاشتۇرۇڭ،ئەڭ مۇھىمى ئاخىرلاشتۇرغاندىن كېيىن پۇشايمان قىلماڭ. 32.ئادەم ئەگەر قورقۇنچاق بولسا، ئۆزىنىڭ ئەڭ چوڭ دۈشمىنى بولىدۇ.ئادەم ئەگەر باتۇر بولسا، ئۆزىنىڭ ئەڭ ياخشى دوستى بولالايدۇ. 33.ئەڭ زور ئۈمىد ۋە بارلىق كۈچىڭىز بىلەن تىرىشىڭ،ئەمما ئەڭ يامان ئاقىۋەتكىمۇ تەييارلىق قىلىپ قۇيۇڭ. 34.ھورۇنلىق،ئىرادىسىزلىك ۋە بىكارچىلىق ئەقىلنى داتلاشتۇرىدۇ. 35. ھەربىر ئىشنى ئوخشىمىغان تەرەپلەردىن كۈزىتىش ۋە تەھلىل قىلىش شۇنداقلا ھەر ۋاقىت ئۆزىنى باشقىلارنىڭ ئورنىدا قويۇپ ئويلىنىپ بېقىش كېرەك. 36.ئۈمىدلىك ئادەم ئازاپنى خۇشاللىققا،«دوۋزاق»نى «جەننەت»كە ئايلاندۇرالايدۇ. 37.بارلىق غەلبىلەر ئۆزىنى بويسۇندۇرۇشتىن ئىبارەت بۇ چوڭ غەلبىنىڭ ئالدىدا ھېچنىمىگە ئەرزىمەيدۇ.بارلىق مەغلۇبىيەتلەر ئۆزىنى يوقىتىپ قۇيۇشتىن ئىبارەت بۇ چوڭ مەغلۇبىيەتنىڭ ئالدىدا ھېچنىمىگە ئەرزىمەيدۇ. 38.خۇدا كىشلەرنىڭ ئەخمەقلىقىدىن ئەسلا ئاغرىنمايدۇ،ئەمما كىشىلەر دائىم خۇدانىڭ تەڭسىزلىگىدىن ئاغرىنىدۇ. 39.دۇنيادا ئادەمنى ئەڭ ھارغۇزىدىغىنى كۈنلەرنى بىكارچىقتا مەنىسىز ئۆتكۈزۈشتۇر. 40.ھاياتىڭىزدىكى بىرىنچى ياشلىقنى خۇدا ئاتا قىلىدۇ،ئىككىنچى ياشلىقنى ئۆزىڭىزنىڭ تىرىشچانلىقى ئارقىلىق قولغا كەلتۈرىسىز. 41.ئوي-پىكىر ئۈشكىگە ئوخشايدۇ،كۈچنى مەلۇم نوقتىغا مەركەزلەشتۇرگەندىلا ئاندىن تىشىپ ئۆتكىلى بولىدۇ. 42.ئادەم ئۆزىنىڭ نىشانىنى يوقىتىپ قويمىسىلا ئۆزىنى يوقىتىپ قويمايدۇ. 43.ئەگەر تاڭنى مەدھىيلىگەن بولسىڭىز،ئۇنداقتا قاراڭغۇ كېچىنىمۇ قۇچاقلاپ قويۇڭ. 44.ھاياتلىق مۇھىمى تۇرغان ئۇرنىڭىز ئەمەس،يۈزلەنگەن نىشانىڭىز. 45.ئۇچالايدىغان ۋاقتىڭىزدا ئۇچۇشتىن ۋاز كەچمەڭ،سۆيەلەيدىغان ۋاقتىڭىزدا سۆيگىدىن ۋاز كەچمەڭ. 46.ھاياتلىق بەك قىسقا،بۈگۈن ۋاز كەچكەنلىرىڭىزگە ئەتە ئېرىشەلىشىڭىز ناتايىن. 47.تالانت بىر پىرسەنت ئىلھام بىلەن99پىرسەنت تىرىشچانلىقنىڭ يىغىندىسىدۇر. 48. بىز ئادەملەر بەك ئەخمەق،دائىم ئېرىشكەنلىرىمىزنى قەدىرلىمەي ئەكىسچە ئېرىشەلمىگەنلىرىمىز ئۈچۈن ھەسرەت چېكىپ يۈرىمىز. 49.ئاۋال ئۆزىڭىزنى ئۆزىڭىز كۆزگە ئىلغاندىلا،باشقىلار ئاندىن سىزنى كۆزگە ئىلىدۇ. 50.ئۈمىدلىكلەر ئاپەت ئىچىدىكى پۇرسەتنى كۆرەلەيدۇ،ئۈمىدسىزلەر پۇرسەت ئىچىدىكى ئاپەتنى كۆرىدۇ.                                          مەنبە:بىلىمدان بىلوگى

baturana

	تىمىڭىز غا تەشەككۇر مەنمۇ كۇندە سەھەر تۇرۇپ ئۆزۇمگە مەن ئەڭ ياراملىق دەيمەن.....

turkinaz0992

	ئالتۇن ھامان پارقىرايدۇ ....  بىر _ بىرىدىن ئېسىل !!!!!!!   كۆپ  بىلىمگە ئېرىشتىم ، ھەممىسى قايىل قىلارلىق ئىكەن  ئەمەسمۇ ،رەھمەت سىزگە!

mihribanmm

	ياخشى ئۈزۈندىلەركەن بۇ      (بىر ئشنى قىلىشنى سىناپ كۆرگىنىڭىز50%مۇۋەپپىقىيىتىڭىز)،،..

yawayi-0998

	مىجەزىڭىز يوق  ۋەھشى يوللىۋىتىپسىزغۇ شاتئاي  [s:134] ھەقىقەتەن ياخشى ئۇزۇندىلەركەن ... تىمىنى  ساقلاۋەدىم جۇمۇ يانچۇقتا  [s:123]

ruhsana

	نېمىدىگەن   بىر _ بىردىن  ئېسىل  ھېكىمەتلەر  ~~~~

qux...

	بىر -بىرىدىن ئۇرۇنلۇق پىكىرلەر ئىكەن. مەن تۇلۇق ئۇقۇپ چۈشىنىپ چىقتىم جۇمۇ ئوماق شاتئاي،بەزىلەردەك چالا ئۇقۇپلا  ئالىدراپ ئىنكاس يېزىپ ئالدىڭىزدا ئوسال بولغۇم يوق مىنىڭ... [s:159]  [s:159]  [s:159] ئۇنىڭ ئۈستىگە مىنىڭ تېمىنى تۇلۇق ئۇقۇپ ئاندىن ئىنكاس يازىدىغان ياخشى ئادىتىم بار...ھى ھى ھى... [s:150]  [s:150]  [s:150]

qux...

	تېمىڭىز ياخشى يېزىلىپتۇ... شۇڭا ئەجرىڭىز ئۈچۈن ئىنئام بېرىلدى...ھى ھى ھى  [s:179]  [s:179]  [s:179]

TOGRAKPADIXASI

	ھىمكەتلىرىڭىزدىن زور ئۇزۇق ئالدىم رەھمەت.

Xakilat

	بەك ياخشى سۆزلەركەن ، بەك پەيزىكەن  [s:154]