لاي سۇ

serikbuya

	ھىكايە       ئىشخانا ئىچى چىۋىن  ئۇچسا ئاڭلانغۇدەكلا دەرىجىدە جمجىت ئىدى.كېلەڭسىز ئۇرۇندۇقلاردا قىستىلىشپ ئولتۇرۇشقان ئۇقۇتقۇچىلاركۆزلىرىنى ئۇدۇلغا__بادام دوپپىسنى چۆكۈرۈپ كېيىپ، تۆت يانچۇقلۇق قارا كۆك سارجا چاپىنىنىڭ تۈگمىسى كانىيغىچە ئېتىۋالغان ئورا كۆز، مەڭز سۆڭەكلىرى بۆرتۈپ چىققان،كەپشە ئېغىز  كىشىگە تىككىنىچە ئولتۇرۇشاتتى .بۇ كىشى مۇشۇ كەنىتنىڭ مۇدىرى ئاۋۇت ئەمەت ئىدى. _باشقا ئۇقۇتقۇچىلار كىرىپ بولالمايدىغۇ ؟ ماڭسىلا ،قىچقارسىلا ! دەرسنى يىغىندىن چىقپ ئۆتسىمۇ بولىۋېرىدۇ -بايىدىن بېرى نېمىگدۇر تىت-تىت بولۇپ تۇرغان ئاۋۇت مۇدىر ئالدىنقى رەتتە ئولتۇرغان ئىلمي مۇدىر ئىمىنغا بۇيرۇق قىلىدى . ئىمىن ئالدىراپلا ئېغىز ئاچتى : _ بىر قىسم ئوقۇتقۇچىلار رۇخسەت سوراپ ... _ نىمە رۇخسەتكەن ئۇ ؟ _ ئاۋۇت مۇدىرنىڭ قوپال ۋارقىرىشى ئىشخانىدىكلەرنى چۆچىتىۋەتتى ،_ يوقىلاڭ ئىشلارغىمۇ رۇخسەت بېرىۋەرسەك سىنىپتىكى بالىلارنى كىم ئوقۇتىدۇ ؟ ساقىلىمنى سۆرەپ مەن ئوقۇتىمەنمۇيا !؟... _شۇ...قەمبەر خانىمنى مەي شۈجى كېلىپ كەتسۇن دەپتىكەن ، يېزىغا كەتتى. ئايبۈۋى خانىم شەھەرگە كىرىپ كەتتى ،باھار خانىمنى مائارىپ ئىشخانسىنىڭ بۇغالتىرى ئشلىشپ بەرسۇن ،دەپ ئېلىپ كەتتى .قادىر مۇئەللمنى داۋۇت سېكىرتار ئۆيدە مېھمان بارئىدى،ساز چېلىپ بەرسۇن دەپ ئادەم ئەۋەتىپتىكەن رۇخسەت بەرگەنتىم ... _ بايىدىن ئەزملىرىنى ئەزگىچە باشتىراق شۇنداق دېسلە بولمامتى !؟ _ مۇدىرنىڭ قارا بۇلۇتتەك تۇتۇلغان چىرايى سەل ئېچلىشقا باشلىدى،_ ھەممسى خىزمەتلىرىمىزگە مۇناسىۋەتلىك ئىش ئىكەنغۇ، ئۇنداق بولسا يىغىنىمزنى باشلاۋىرەيلى ، بۈگۈن ئەتىگەن يېزىلىق ھۆكۈمەتتە بارلىق مەكتەپ مۇدىرلىرىغا يىغىن ئېچلىدى .مەن ئەي شىىيەنجاڭنىڭ يوليۇرۇقلىرىنى ئوقۇپ ئۆتىمەن . ھەمـمەيلەن مۇھىم ئىشلار خاتىرىلىرىمىزنى ئېلىپ ،تەپسىلى خاتىرىلەپ قويساق ئۇنداق بولسا يېزىشنى باشلايلى ،بىرىنجىدىن ،ئوقۇغۇچىلارغا تەن جازاسى بېرىشكە ،ئۇلارنى بولمىغۇر ،قوپال گەپلەر بىلەن تىللاشقا قەتئىي بولمايدۇ ؛ ئىككنجىدىن ،مەيلى كىم بولىشىدىن قەتئىينەزەر ھەرخىل باھانە _سەۋەپلەر بىلەن ئوقۇغۇچىلارنىڭ دەرسىنى توختىتپ، ئۇلارنى ئەمگەك ۋە باشقا پائالىيەتلەرگە تەشكللەشكە قەتئىي بولمايدۇ .ئۈچىنچىدىن ...، _ ئىشىك تاراققىدە ئېچىلىپ مەكتەپنىڭ ئىشچىسى ھاسىراپ كىرىپ كەلدى ۋە؛ _ مۇدىر ،سىلىنى سېكىرتار چاقىرىدۇ ،دەرھال چىقسۇن دەيدۇ _ نەدە قالدى ؟_ مۇدىر لىككىدە ئورنىدىن تۇرۇپ سورىدى . _ مەكتەپنىڭ ئالدىدا .       مۇدىر خاتىرسىنى يېپىپ سرىتقا قاراپ ماڭدى ._ ئۆزلىرىنى ساقلىتپ قويۇپتىمەن ئەمەسمۇ !؟_ ئاۋۇت مۇدىر يىراقتىنلا  دېگەچ تېز -تېز مېڭىپ موتسىكلىت ئۈستىدە سىڭايان ئولتۇرغان سېكىرتارغا قول ئۇزاتتى . _ ئەتە كەنتىمىزگە يېزنىڭ ئىشلەپچىقىرىشنى باھالاش ئۆمىكى كەلمەكچىكەن ،كەنتىمىزدىكى ئورۇلۇپ بولالمىغان قوناقلارنى ئورۇش، يەرلەرنى تۈزلەش ئىشلىرى سەل بېشىمنى قاتۇرىۋاتىدۇ، شۇڭا ، ئۇقۇغۇچىلارنى بىر ھەرىكەتلەندۈرەيلى دەپ كېلىشىم ئىدى. _ شۇنداق قىلساققۇ بولاتتى ،لېكىن ئەي شىياڭجاڭ ئەتىگەندىكى يىغىندا ... _نېمە ؟! ئوقۇغۇچىلارنى بەرمەيمەن ،دېمەكچىمۇ سىلە؟ _ سېكىرتارنىڭ ئۆكسىلەڭ قاشلىرى ئاستىدىكى گۈنسىز كۆزلىرى مۇدىرغا غەزەپلىك تىكىلدى ،_ ئوقۇغۇچىلارنى ئەمگەككە ئورۇنلاشتۇرۇش گىپنى بايا تېخى ئەي شىياڭجاڭ ئۆز ئاغزى بىلەن دىدى ،بىزنىڭ كەنىتنىڭ ئەي شىياڭجاڭنىڭ مەسئۇلىيەت دائىرسىدە ئىكەنلىكىنى ئەستىن چىقرىپ قويمىغانلا !؟ _گېپىمنى باشقىچە چۈشىنىپ قالمىسىلا، بولىدۇ، بولىدۇ، مەن ھازىرلا ئورۇنلاشتۇراي .    مۇدىر يورغىلاپ مېڭىش تەنھەرىكەتچىسىدەكلا  كېلەڭسىز گەۋدىسنى ئۇيان _ بۇيانغا سىلكىگنىچە ئىشخانا تەرەپكە يۈرۈپ كەتتى .ئۆز ئىختىيارىچە ئازادە ئولتۇرۇشقان ئوقۇتقۇچىلار مۇدىرنىڭ كىرىپ كەلگەنلكىنى كۆرۈپ دەرھال ئەسلىدىكى ھالىتىگە قايتىپ قېتىپ ئولتۇرۇشتى . مۇدىر ئىشخانىنىڭ ئوتتۇرسىغا كەلدى _ دە، ئۆرە تۇرغىنىچە سۆزلەشكە باشلىدى: _ يولداشلار، يىغىن مەزمۇنىدا جىندەك ئۆزگىرىش بولۇپ قالدى ، شۇڭا ھەممەيلەن خاتىرىمىزنىڭ يېڭى بېتىنى ئاچساق ،ناھايىتى مۇھىم بىر ئورۇنلاشتۇرۇش بار. مەن ئېيتىپ بېرەي ، يېزىۋىلىپ شۇ بويىچە ئىجرا قىلساق ،ھازىر دەرھال ھەممىمىز ئۆز سىنپلىرىمىزغا  كىرىپ، ئوقۇغۇچىلارنى يوقلىما قىلىپ كۆرۈپ ، ئوقۇغۇچىلارنى تولۇقلاپ ئون مىنۇتتىن كېيىن ،دادۈي ئالدىغا يىغلساق ، ئوقۇتقۇچىلار بويىچە سان ئېلىندۇ . سانغا ئۈلگۈرەلمىگەن ئۇقۇتقۇچىلاردىن ئون يۈەن ، قالغان بىر ئوقۇغۇچى ئۈچۈن سىنىپ مۇدىرىدىن بەش يۈەندىن جەرىمانە ئېلىنىدۇ . ئۇقۇتقۇچىلار ھەيرانلىق بىلەن بىر-بىرىگە قارىشىپ قويۇپ، ئورۇنلىرىدىن تۇرۇشتى - دە ، ئالدىراش ھالدا ئۆز سنىپلىرىغا مېڭشتى.   مەنبە :(شنجاڭ مائارىپ) ژورنىلدىن ئاپتورى: ھاجى ئېھسان قاۋۇل

akida918

	بىر قىسىم مائارىپچىلار ئەنە شۇنداق شامالغا ئەگشىپ ئىش قىلىدۇ ،يىزىلاردا ھازىرمۇ مەۋجۇتمىدۇ؟  1998-2000- يىىللىرى  مەنمۇ قاتىشىاتتىم شۇنداق ئەمگەكلەرگە ..

ziba1

	ئىجادىيەتلىرىڭىزگە ئۇتۇق تىلەيمەن . [s:166]  [s:166]  [s:166]

turkinaz0992

	مائارىپقا  كۆڭۈل بۆلمىگەن مىللەت مەڭگۈ باش كۆتۈرەلمەيدۇ . " دۇنيا تارىخىدىن ساۋاق شۇكى ،ئەگەر بىر مىللەتنىڭ مائارىپى تەرەققىي قىلسا ، شۇ مىللەت كىشىلىرى باشقا مىللەت كىشىلىرىنىڭ ئالدىدا خۇددى مېھماندەك ئەزىز بولىدۇ . ئەكىسچە ، بىر مىللەتنىڭ  مائارىپي  تەرەققىي قىلمىسا ياكى ئۇزۇن مۇددەت بىر ئىزدا توختاپ قالسا ، ئۇ ھالدا شۇ مىللەت كىشىلىرى مائارىپىي تەرەققىي قىلغان باشقا مىللەت كىشىلىرىنىڭ ياللانما  خادىمى  ياكى چاكىرى ئورنىغا ئۆتۈپ قالىدۇ   " سۇنىڭ بېشى لاي بولسا ئاخىرىمۇ لاي بولىدۇ ، بۇنى كىچىك بالىلارمۇ چۈشىنەلەيدۇ . ئېرىقتا قانداق سۇ ئاقسا بولىۋېرىدۇ  ،پەقەت سۇ ئىچكۇچىلەرنى دېمىسەكلا ،بەرىبىر......................................

qux...

	ئاشۇنداق تەخسىكەش ،ئوماچ قۇساق مەكتەپ مۇدىرلىرى ،مۇتىھەم يېزا، كەنىت باشلىقلىرى ھىلىھەممۇ مەۋجۇت بولىشى مۇمكىن. ھىكايىڭىزدا تاززا قامچىلاپسىز شۇنداقلارنى...

TOGRAKPADIXASI

	بىراق تۈۋەندىكى ئۇقۇتقۇچىلار مائارىپقا كۆڭۈل بۆلۈشكە ۋاقىت ئاجرىتالمايۋاتسا. ئۇلار دىگەن، ئۇقۇتقۇچى، ئاتا-ئانا، نۇپۇس خادىمى...............قاتارلىق نۇرغۇن خىزمەتلىرى بار تۆمۈر ئادەملەر.

پاۋىل

	ئەي شاڭجاڭنىڭ بۇيرىغى كەنىت سىكىرتارى ئالدىدا ھېچنىمىگە ئەرزىمىگەن گەپ يەنىلا زەرجىرسىمان مۇناسىۋەتتىن قۇتۇلۇش تەس!

azgun110

	نېمە دەيدىغانسىز؟   مەن بايىلا ھاشاردىن كەلگەن. گەرچە بۈگۈن شەنبە بولسىمۇ، بۇ دەل بىزنىڭ ئەقلىي ئەمگەكتىن ئارام ئېلىپ، جىسمانىي ئەمگەك بىلەن چېنىقىدىغان ئالتۇن كۈن......

akida918

	دىمەك يەنە قالاق ھالەتتىكى ( ئاتالمىش جىسمانى ئەمگەك ) مەۋجۇتكەندە ..ھەي ئىنقىلاب ھەي مەدەنىيەت ھەم مائارىپ ياشاپ كىتىڭلار ..

turkinaz0992

	ئاپتور جاۋابىنى بويلاپ 6قەۋەت پاۋىل كە 2011-04-16 09:24 PMئەۋەتىلدى : ئەي شاڭجاڭنىڭ بۇيرىغى كەنىت سىكىرتارى ئالدىدا ھېچنىمىگە ئەرزىمىگەن گەپ يەنىلا زەرجىرسىمان مۇناسىۋەتتىن قۇتۇلۇش تەس!   توغرا دەيسىز ،ئدشۇ زەنجىرسىمان مۇناسىۋەت سەۋەپلىك نېمە ئىشلار بولمايۋاتىدۇ دەيسىز ... ئەسلى مائارىپ ئورۇنلىرىدا ئۇنداق بولماسلىقى كېرەك ئىدى .چۈنكى  .... ھەي ،بولدىلا ، ئىچىمىزنى ئاچچىق قىلمايلى ، بەرىبىر ..............................

mahliya

	شۇڭا مەن ئوقۇتقۇچىلىقتىن ئىبارەت بۇ ئۇلۇغ كەسىپنى قىلىشتىن ۋاز كەچكەن ئىدىم........ [s:162]

turkinaz0992

	ئاپتور جاۋابىنى بويلاپ 10قەۋەت mahliya كە 2011-04-19 11:31 PMئەۋەتىلدى : شۇڭا مەن ئوقۇتقۇچىلىقتىن ئىبارەت بۇ ئۇلۇغ كەسىپنى قىلىشتىن ۋاز كەچكەن ئىدىم........ [s:162]   شۇنداقمۇ  ؟ بەزىدە مەندىمۇ شۇنداق خىياللارمۇ بولغان  .لېكىن كەسپىمنى  بەك ياخشى كۆرىمەن ،  ئۇيغۇر پەرزەنتلىرىنى  يۈرەك _ پارەم  دەپ بىلىمەن .ئۇنىڭ ئۈستىگە  ئۇيغۇرۇم ئۈچۈن ، ئوقۇغۇچىلىرىم ئۈچۈن     يۈز كېلەلەيدىغان  كەسىپ ئەھلى بۇنداق ئۈمۈتسىز بولماسلىقى كېرەك دەپ قارىغاچقا .....

gulel

	تىمىسىنى ھەقىقەتەن ياخشى قويۇپسىز. بۇنداق ئىشلار بىزنىڭ مەكتەپتىمۇ بەك كۆپ ...................