مېيىپلار

zapar

	مەن نۇرغۇنلىغان مېيىپلارنى كۆردىم، مەنلا ئەمەس نۇرغۇنلىرىمىز كۆرىۋاتىمىز ئەلۋەتتە.     كەچلىك تاماقنى مۇستاپا تىز تاماقخانىسىغا كىرىپ يەپ چىققاندىن كېيىن، تاماق سىڭدۈرگەچ ئايلىنىپ كېلىش ئۈچۈن ئىككى دوستۇم بىلەن ئاقسۇنىڭ خەلق مەيدانىغا كەلدۇق.  ئۇيان- بۇيانلارنى ئايلىنىپ ئولتۇرغىدەك ئورۇن ئىزدىگەچ مېڭىپ يۈرەتتۇق، تۇيۇقسىز 8- 9ياشلاردىكى بىر كىچىككنە قىز دىققىتىمىزنى تارتتى. بۇ قىز قولتۇق ھاسسىغا تايىنىپ يەنە ئىككى ئوماققىنە قىزچاق بىلەن رېزىنكە تاقلاپ ئويناۋاتاتتى، سەكرەشلرى شۇنچە چەبدەس، چېھرىدە تاتلىق كۈلكە. بالىلىقىدىن بەھۇزۇر بەھرىمان بولىۋاتاتتى. تەرلەپ قىزرىپ كەتكەن چېھرىدە تەبەسسۇم پارلايتتى...ئىسىت مېيىپكەندە دېدىم-يۇ، قەلبىمنىڭ بىر يەرلىرىدىن ياق ،ئۇ مېيىپ ئەمەسكەن! دېگەن نىدا ياڭرىدى.     بالامنى ماشىنا سوقىۋەتتى!..يىغلاپ تۇرۇپ دېيلىگەن بۇ گەپتىن نېرۋىلىرىم دەرھال جىدىدىيلەشتى. شۇئان نەزىرىمنى بالا ياتقان كېسەل كارۋىتىغا ئاغدۇردۇم،8-9-ياشلاردىكى قاراقاش، ئوماققىنە بالىنىڭ ئىككى پۇتى تىزنىڭ ئاستىدىنلا بېسىۋىتىلگەن بولۇپ قان ئارلاش ئاپئاق سۆڭەكلەر كۆرۈنىپ تۇراتتى. دوختۇرلار ئەپسۇسلىنىش ئىلكىدە بالىنىڭ پۇتىنى تېڭىۋاتاتتى. بىرەر ھەپتىلەردىن كېيىن بالىنىڭ پۇتىنى كېسىۋەتكەنلىكىنى ئاڭلاپ ناھايتى ئەپسۇسلاندىم،ئىسىت مېيىپ بوپ قاپتۇ-دە....     ئارىدىن بىرەرئاي ئۆتكەندە، بۇبالىنى ئاتا-ئانسى مېيىپلار ئورۇندۇقىغا ئولتۇرغۇزۇپ مەكتەپكە ئېلىپ كەلدى. بالىنىڭ چىرايىدا بۇرۇنقىدەك خۇشاللىق ئەكىس ئەتمىسىمۇ بىراق دوستلرىنى ،ساۋاقداشلىرىنى ،ئۇستازلىرنى كۆرۈپ ئوماققىنە چېھرىدە قىشتا تۇيۇقسىز پارلىغان ئاپتاپتەك ئىللىق كۈلكە پارلىدى. ھازىر بۇبالىنىڭ  دەرىسخانىدا ئولتۇرۇپ  قېترقىنىپ دەرىس ئاڭلاۋاتقانلىقنى، تەكرار قىلىۋاتقانلىقىنى كۆرسەم ،ياق! ئۇ مېيىپ ئەمەس دېگۈم كېلىدۇ.     بۇ ئانا مېيىپ ئىدى. بىرپۇتى يوق ئىدى. ئوماققىنە بالىلىرىنى ئېلىپ مەكتەپكە كېلەتتى. دەرستىن چۈشكەندە پەرزەنتلىرى بىلەن بىرلىكتە خۇشال قايتىپ كېتەتتى. ئەزەلدىن مېيىپلىقىدىن قاقشاپ باقمىغان ئىدى. بەرھەق. ئۇنىڭ جىسمى مېيىپ ئىدى، يۇقارقىلارنىڭ ھەممسىنىڭ پەقەت جىسمىلا مېيىپ ئىدى. روھى ساغلام ساپمۇ-ساق ئىدى.     ئاداش ئىشلىسەڭلار بولمامدۇ؟! ساق بولغاندىن كېيىن:-دەپتىمەن ئېغىزىمنى لاۋزا قىلىپ قول سۇنىۋاتقان تىلەمچىگە پۇل بەرگەچ.     _نېمە كارىڭلار؟!:-دېدى خېلى تەمبەل كەلگەن بۇ كىشى خاپا بولۇپ.     _ماڭە، بۇنداق نېمىلەرگە پۇل بەرگۈچە:_دېدى دوستۇم مېنى تارتىپلا ماڭغاچ . ساپمۇ ساق گۇيكەنغۇ بۇ!     ئاكا پۇل بېرىڭە، پۇل بېرىڭە! بىر ئوماققىنە بالا پەيدا بولدى. ئۇنىڭ ئۇستازى ئاتا-ئانىسى ئېدى. ئۇنىلا ئەمەس يەنە  نۇرغۇنلىغان كىچىك بالىلارمۇ شۇنىڭدەك ئاتا-ئانسىنىڭ قېشىدا ئولتۇرۇپ ئاتا-ئانسىنىڭ <<ئېسىل ئەنئەنە>>سىگە ۋارىسلىق قىلۋاتاتتى. ئۇلار ساپساق بالىلار ئىدى. ھازىر مېيىپ قىلىنىۋاتاتتى. ھەئە! ئۇلارنى ئاتا-ئانىلىرى مېيىپ قىلىۋاتاتتى. ئۇلارنى ئۈن-تىنسىز روھى قۇللۇق، مېيىپلىق يولىغا باشلاۋاتاتتى!!! مەنبە: كۆرگەنلىرىمدىن خىياللار.

al.ansar

	ھەي، ئۈلۈشكۈن بولغان بىر ئىش بىلەن مەھەللىدىكى بىر ئادەمنى سىلىشتۇرما قىلغۇم كېلىۋاتىدۇ: مەھەللىمىزدە بىر ئادەم بار، ئۆزى موزدوز، بىر پۇتى يوق، ئەمما ۋەلىسپىت مىنىپ ئىشقا بارىدۇ، داۋاملىق كەچ تەرەپتە سەككىز ياشلىق قىزىنى ئىشىك تۈۋىدە ئوينىتىۋاتقان ھالدا كۆرىمەن، قىزى بىلەن ئوينىسىلا قولتۇق تايىقىنى تاشلىۋىتىدۇ، ئاندىن قايسىمىز بەك سەكرەيمىز؟ بىر، ئىككى، ئۈچ....دەپ قىزى بىلەن بەسلىشىپ كىتىدۇ، ئاشۇ تۇرقى بىلەن ئىشىك ئالدىدىكى بۇزۇلغان يوللارنى ياسايدۇ، شۇنداق ھۆرمەت قىلىمەن. ئۈلۈشكۈنكى گەپكە كەلسەك: 30 لاردا بار، ئورۇق ئەمما بىجىرىم بىر ئادەم دۇكىنىمغا قول سوزۇپ كىردى، دۇكان يېڭى بولغاچ بىزەۋاتقان، ماتىرىياللارنى رەتلەۋاتاتتىم، ئۇنىڭغىچە ئانام چىقىپ قىلىپ: ئۇكام، ئىشلىسىڭىز بولمامدۇ؟ شۇنداق بىجىرىمكەنسىز، خۇدايىمغا شۈكرى دېمەمسىز دېسە، نېمە دېمەيدۇ دىمەمسىلەر؟ -مانىغۇ ئىشلەۋاتىمە؟ پۇل تىپىۋاتقاندىمە ھىلىمۇ؟! دەپ راسا بىرنى ھۆرپىيىپ كېتىپ قالدى، بىر تۇرۇپ كۈلگۈم كىلىدۇ پەلسەپىسىگە، بىر تۇرۇپ ئاشۇ....................

OMAKPARIXTA

	راست  دەيسىز  ئەتراپىمىزدىكى ئادەملەرگە يۈزەكى كۆزىمىز بىلەن ئەمەس بەلكى كۆڭۈل كۆزىمىز بىلەن قارىساقلا ئۇلارنىڭ مىيىپ ياكى مىيىپ ئەمەسلىكىنى بىلەلەيمىز  ئەلۋەتتە!ئەخلاقى يوقالغان قەۋىمنىڭ ھالىغا ۋاي!

TOGRAKPADIXASI

	بۇنداق ساغلام كىشىلەرگە سەدىقە بىرىشمۇ بىر گۇناھ.

laqin

	ئۇنداقلارنىڭ سىرتقى بەدىنى ساق بولغان بىلەن روھىي دۇنياسى ، ئىدىيەسى مېيىپ . مەنمۇ ئادەتتە ئۇنداقلارغا ئۇچراپ قالسام بىر تىيىنمۇ بەرمەيمەن ، لېكىن شۇ مېيىپ ھالىتى بىلەن قول ھارۋىسىغا كۈندىلىك تۇرمۇشلۇق لازىمەتلىكلىرى سېلىپ ساتىدىغان ، ياكى يايما ئېچىپ ئولتۇرغانلاردىن بولسا ئۆزۈمگە ئارتۇقچە بولسىمۇ ئازراق نەرسە كېرەك سېتىۋالىمەن .

alafasy

	بەزىلەر گەرچە ھەممە جىسمانى يېرى ساق بولسىمۇ، ئۇلارنى بىر كېسەل ئازابلىماقتا. ئۇلار روھى جەھەتتىن مېيىپ بۇلۇپ باشقىلارنىڭ ھېسداشلىقىنى قوزغاشنى ئويلامدۇ؟ ئۇنداق ئەمەس، ئۇلار بۇنداق يالغان مېيىپ بۇلۋېلىشلىرى، روھى جەھەتتىن مېيىپ بۇلۋېلىشلىرى پەقەت ئۆزىنى ئالدىغانلىق ئىكەنلىكىنى ئويلىمامدۇ؟

خوندەك

	«بەرگەن قول ئالغان قولدىن ياخشىدۇر»ھەدىس، مىڭچە بۇنداقلارنىنىڭ ھەممىسىنى تۇتۇپ سولىۋەتسەك ياكى ئېتىۋەتسەك يوق بۇلىدۇ. نىمشقا دەمسىز، يەر ئىسلاھاتىدا پومىچىكلارنى ئاتقاندا بايلارنىڭ ھەممىسى كەمبەخەل بولىۋالغان ئەمەسمۇ؟! ئەندى باي قىلىمەن دەپ بىر قىسىملار چىقىۋىدى، ئەنىڭغا ئەگىشىپلار تىلەمچىلەرمۇ كۆپەيدى. بۇلارنىڭ تولىسى ئۆزى مېيىپ ئەمەس، ئەقلى مېيىپ بولغانلاردۇر. ئۇنداقلار ھېچقايسى زامانغا كىرەك ئەمەس.

نەزەر

	ھەي ،مەنمۇ ئۈرۈمچىدە قاتارلىشىپ ئولتۇرۇپ تىلەمچىلىك قىلغان تىلەمچىلەرنى كۆرسەم يۈرۈكۈم ئىچىشىپ كىتىدۇ ،ئۆزىلا بولسىغۇ مەيلى لىكىن يىڭى تۇغۇلغان بوۋاقلارنىمۇ سوغاقنىڭ ۋە ئىسسقنىڭ چاڭگىلغا تاشلاپ ئۇلارنىمۇ مەڭگۈلۈك مىيىپ ۋە باش كۆتۈرەلمەس بىر مىيىپلار مىللىتىگە باشلاپ كىرۋاتىدۇ .........

karmuk

	راست دەيسىلەر .ئۇلار ئۆزلىرىنى شۇنداق ئەقلى مىيىپلاردىن قىلغاننى ئاز دەپ بالىلىرىنىمۇ سۆرەپ كىرمەكتە،ئۇلاردىكى دىنى ئۇقۇم شۇنچىلىك تۈۋەنكى،ھەتتاكى ئۇلۇغ ئاللاھنىڭ ئۇلارغا بەرگەن ئاتا-ئانا بولۇشتەك بۈيۈك ۋەزىپىسىنى قانداق ئادا قىلىشنىمۇ بىلمەيدۇ.لەنەت .

DILNAZI

	قالتىس تېما بوپتۇ، يۇرەك تارىللىرىم تىترەپ كىتىۋاتىدۇ،مەنمۇ ئەشۇنداق مىيىپلارنى كۆرسەم شۇنداق ئىچىم ئاغرىپ كىتىدۇ،سىنپىمدىمۇ ئۆتكەن يىلى بويى 5-6 ياشلىق بالىلاردەك پاكار بىر بالا بولىدىغان بالىلار ھەي، پاپى !دىسە شۇنداق ئاچچىقىم كىلەتتى، بىراق ئۇ بالا دەرىستە شۇنچىلىك تىرىشچان،شۇنداق پائالىيەتچان بالا ئىدى. ئۇ قىلغان ئىشلارنى بىر قىسىم 7ئەزاسى تەندۇرۇس بالىلار قىلالمايتتى. ئۇ ھازىر گەرچە ئوتتۇرا مەكتەپكە چىقىپ كەتكەن بولسىمۇ ھازىرغىچە كۆز ئالدىمدا. ئۇ كۇزۇمگە پەقەت پاكار كۇرۇنمەيدۇ.