مۇنبەر ئىسلامىي تېمىلار توغرىسىدا بىلدۈرگ

Asman

	[align=justify]    ئەسسالامۇ ئەلەيكۇم ، مىسرانىم مۇنبىرىمىزنىڭ بارلىق كونا-يېڭى ئەزالىرى ۋە باشقۇرغۇچىلىرى! مىسرانىم مۇنبىرى قايتا ئېچىۋىتىلگەندىن كىيىن نۇرغۇنلىغان ئىسسىق-سوغۇقلارنى باشتىن كەچۈرۈپ بۈگۈنكى كۈندە ئۇيغۇرلارنىڭ داڭلىق مۇنبەرلىرى قاتارىدىن ئورۇن ئالدى  ، بۇ مۇۋاپىقىيەتلەرگە ئېرىشىشتە سىلەر ئەزالارنىڭ قوللىشى ھەمدە يىتەكلىشى ئالاھىدە ئورۇننى تۇتۇپ كەلدى.    مۇنبىرىمىز ئېچىۋىتىلىپ بىر مەزگىل ئىسلامىي تېمىلارنى تەستىقلىماسلىق يولغا قويۇلغان ئەمما ئەزالارنىڭ قاتتىق تەلىۋى ، بېكەت مەسئۇللىرىنىڭ تېرىشچانلىقى شۇنداقلا مۇناسىۋەتلىك تارماقلارنىڭ قوشۇلىشى بىلەن مۇنبەرگە قانۇن-تۈزۈمگە رىئايە قىلىنغان ئاساستىكى ئېنىق ئاپتورى ۋە مەنبەسى ئەسكەرتىلگەن كىشلەرنى ياخشىلىققا ئۈندەيدىغان ئىسلامىي تېمىلار ، دۆلىتىمىز ئىچىدە قانۇنلۇق ئورۇنلار تەرىپىدىن نەشىرلەنگەن كىتاب-ماتىرياللاردىن پارچىلار ، <<جۇڭگۇ مۇسۇلمانلىرى>> قاتارلىق ژورناللاردا ئېلان قىلىنغان ئىسلامىي يازمىلارنىڭ مۇنبەرگە يوللىنىشى ئەمەلگە ئاشۇرۇلغان ئىدى.    ئەمما يېقىندىن بېرى بىرقىسىم ئەزالار مەنبەسى ۋە ئاپتورى ئېنىق بولمىغان ھەمدە چەتئەلدىكى بىرقىسىم ئورۇنلار تەرىپىدىن قانۇنسىز تارقىتىلغان ئىسلامىي كىتاب-ماتىرياللاردىكى مەزمۇنلارنى مۇنبەرگە يوللاۋاتىدۇ. مىسرانىم مۇنبىرىنىڭ كىيىنكى نورمال تەرەققىياتىنى كۆزدە تۇتۇپ ئىسلامىي تېمىلار توغرىسىدا تۆۋەندىكىدەك بەلگىلىمىلەرنى چىقىرىشقا مەجبۇر بولدۇق ، ئەزالارنىڭ ئاڭلىق رىئايە قىلىشىنى شۇنداقلا توغرا چۈشىنىشىنى سەمىمىي سورايمىز: 1. دۆلەت قانۇن-تۈزۈلمىلىرىگە قارشى مەزمۇندىكى ، بىدئەتچىلىكنى تەرغىب قىلىدىغان ، مەزمۇنى قەستەن ئۆزگەرتىۋىتىلگەن ئىسلامىي تېمىلار بىردەك تەستىقلانمايدۇ. 2. جۇڭگۇ ئىچىدە چەكلەنگەن تور بېكەتلەردىن كۆچۈرۈلۈپ ئەكىلىنگەن ھەرقانداق ئىسلامىي تېمىلار تەستىقلانمايدۇ. 3. ئېنىق ئاپتورى ۋە ئېنىق مەنبەسى ئەسكەرتىلمىگەن  ئىسلامىي تېمىلار تەستىقلانمايدۇ. تېما مەنبەسىگە چوقۇم كۆچۈرۈلۈپ ئەكىلىنگەن بېكەتتىكى شۇ تېما بار تور ئادىرىس تېما مەزمۇنىنىڭ ئاستىغا قوشۇپ قويۇش تەلەپ قىلىنىدۇ. 4. بىرقىسىم ئىختىلاپ يۈز بېرىش ئىھتىمالى بولغان ئىسلامىي تېمىلارنى باشقۇرغۇچىلار قاراپ چىقىپ قۇلۇپلاپ تەستىقلايدۇ ياكى ئىسلامىي تېمىلاردا ئەزالار مۇنازىرە جەريانىدا ئىختىلاپ شەكىللەنگەندە باشقۇرغۇچىلار شۇ تېمىنى قۇلۇپلاشقا ھوقوقلۇق. 5. مۇنبەرنىڭ ئۇنۋىرساللىقىنى كۆزدە تۇتۇپ ئىسلامىي تېمىلارنىڭ ئارقا-ئارقىدىن كۆپلەپ يوللىنىشى چەكلىنىدۇ ، بۇ ئەھۋالدا باشقۇرغۇچىلار ئەزالارنىڭ تېمىسىنى قايتۇرۋىتىشكە ھوقوقلۇق. 6. يۇقارقىي تۈزۈلمىلەر قايتىدىن تۈزۈتىلىدۇ ھەمدە قوشۇمچە تۈرلەر قوشۇلىدۇ ، مەزكۇر ئۇقتۇرۇش ئېلان قىلىنغان ۋاقىتتىن باشلاپ رەسمىي كۈچكە ئېگە.          بارلىق ئەزالارنىڭ يۇقارقىي تۈزۈلمىگە ئاكتىپ رىئايە قىلىشىنى ھەمدە قوللىشىنى سەمىمىي سورايمىز!   مىسرانىم مۇنبىرى باشقۇرۇش گورۇپپىسى  2011-يىل 4-ئاينىڭ 7-كۈنى

OZTURK02

	قوللايمىز ، مىسرانىم مۇنبىرى ئاقىلانە  قارار چىقارغانلىقىدىن سۆيۈندۇم . بۇ نىزاملارنىڭ ئىقى قەغەز  قارسى سىياھ بولۇپ قالماسلىقىنى ئۈمۈد قىلىمەن .

UYGHURAAA

	مۇنبەرداشلار مائۇسنى مىدىرلىتىپ ماۋزۇنى ماراپلا، ماقالىلارنىڭ مەزمۇنىنى مۆلچەرلەش مەنىسىزلىك. مىسرانىم مۇھاكىمە مۇنبىرى مەملىكىتىمىز مىقياسىدىكى مىڭلىغان، مىليونلىغان مىھرىبان، مەدىنىيەتلىك مۇنبەرداشلارنىڭ مەڭگۈلۈك مۇڭدىشىدىغان مەھەللىسى. مەيدانى. مۇزىكانت، مەشرەپچى، مۇقامشۇناس، مودىللارنىڭ مەشىق مۇھىتى.  مۇھتاج مىھمانلارنىڭ مۇلازىمەت، مەسلىھەت مەنزىلى. مەلۇماتلىق مۇخپىرلار، مەشھۇر مەرىپەتچىلەر، ماھارەتلىك ماھىرلار مىھنىتىمىزنى مۇئەللىملەر ماقۇللايدۇ. مەيۈسلەنمەڭ مۈشكۈللىمەي، مىشىلدىماي مۇشۇنداقلا ماڭساق مۆمىنلەر مەدەتلىنىپ،مەيدىمىز مىداللىنىپ مۇنبەردە مۇئاشلىنىمىز. مەزكۈر مۇنبىرىمىز ماگىزىندىكى مەيلەنگەن مىۋىلەردەك مەپتۇنلۇق،مەسئۇلىيەتچان مۇھەررىرلەر مىڭىمىزنى مەينەتلەيدىغان ماۋزۇسى مىش-مىش، مەزمۇنى مايماق، مەنىسىز، مىللىتىمىزنى مەسخىرىلەيدىغان، مۇئامىلە، مۇناسىۋەتكە ماسلاشمايدىغان مەرەز مەكتۈپلارنى مۇزاكىرەلەشمەيلا مىخلىغۇچتا مەجبۇرى،مەخپى مۇددەتسىز مىخلايلى. مەڭگۈ مىدىرلىيالمىسۇن. مۇشۇنداقلاردىن مۇستەھكەم، مۇقەررەر مۇھاپىزەتلىنەيلى.مۇھىمى مەندەك مۇنبەرداشلار ماشىناڭلارنى مىسرانىم مۇنبىرىگە ماڭدۇرۇڭلار!

zumrettash

	ئورۇنلۇق،مىسرانىمغا پايدىلىق بولسا بىز قوللايمىز.ئاسمان جاپا تارتىۋاتىسىز.مەن پەرمان بەردارمەن.

kapTalis

	باشلىق قانداق پەرمان چۇشەرسە بوي سۇنماي ئامال يوق . مىسرانىمنىڭ تەرەققىياتى ئۈچۈن كۈچ چىقىرىشقا تەييارمەن .

apchil

	ئىسلامى يۇمشاق دىتاللارچۇ؟   <<كۆپ تىللىق قۇرئان كەرىم>><< سۈرە يادىلاش دىتالى>>... قاتارلىقلارمۇ قانۇنغا ۋە مۇنبەر تۈزۈمىگە خىلاپمۇ. ئۆز كومپىيۇتېرمىزدا ساقلىساق بولامدۇ

jassur2

	ئەمدى بۇ ھەقتىكى تۇلۇق چۈشەنچىگە ئىگە بولدۇق،لىكىن بەزى سەزگۈرلۈكى ئۇنچىۋالا يۇقىرى ئەمەس ئىسلامى تېمىلارمۇ تەستىقلانغان بىلەن ئىنكاس يازغىلى بولمايدىغان قىلىپ قۇلۇبلىنىپ قۇيۇلىدىكەنغۇ؟تۆنۈگۈنمۇ ياكى ئالدىنقى كۈنىمۇ ئەيتاۋۇر بىر تېمىنى كۆرسەم شۇنداقكەنتۇق.

al.ansar

	پەرمانبەدارمىز، ئۆز تەپەككۇرىمىزدىن پايدىلىنىپ يازغان ياخشى تىمىلار بولسىمۇ بولامدۇ؟ (ئىسلامى)

alafasy

	مەنمۇ بۇ تۈزۈملەرنى بىلۋالدىم، رەھمەت.