بۈگۈن مىسرانىمدا كەچلەيمەن ...

begana

	شۇنداق قىلىپ ئۇ كۈنلەردىنىمۇ، بۇ كۈنلەردىنمۇ زىرىكىپ قالدىم .مۇشۇ تاپتا كۆڭلۈمدىكىدەك بىر مۇڭدىشىم بولسا ئالدىدا سىنچاي ،ئارقىدىن قايماقلىرى چەلگىلىنىپ تۇرغان ئەتكەن چاي ،ئاندىن كىيىن چۈچۈرە ،مانتا ،تاماقتىن كىيىن كورىيە پوسۇنىدا مىۋە -چىۋە كەلتۈرۈلمەيدىغان مىسىرانىمدا كەچلەپ نىمە بار دەيسىلەر؟  مۇشۇ مۇنازىرە مۇنبەرلىرى بەزىدە ئادەمنىڭ  كۆڭلىنى  خېلى خۇش ئىتىدۇ .شۇنداق ياخشى مۇنبەرلىرىمىز بار .شۇنداق ياخشى مەسىلىلەر ئوتتۇرىغا قويىلىدىغان .يېقىندىن بىر ئۆزۈم ئەجەپ ياخشى كۆرىدىغان بىر مۇنبەردە شۇنداق بىر پاراڭلار بولىۋاتىدۇ .ھەر چوڭ -چوڭ گەپ ...ھەرخىل ئېقىم ،ھەرخىل قەبىلە ،سوغۇق ئۇرۇش ،ئىسسىق مىللەت... غۇلجىدا شۇنداق بىر ياخشى بازار بولدىغان خەنزۇ بولمىغاچقا ،بىئارام بولۇپ خەنزۇ بازىرى دەپ ئاتايدىغان ..بۇ يەردە تالاي ئۇيغۇرۇم ئەڭ ئۇششاق ،ئەڭ تاتلىق ،ئەڭ مىھىرلىك ،ئەڭ ئەرزان نىئىمەت بىلەن جان باقىدىغان ..كىيىن ئۆزگەرتىپ قۇرۇشتا ئۇيەردىكى ئۇششاق جان باقارلارمۇ يوق بولدى .چوڭ -چوڭ بازاردا ئۇششاق-چۈششەكلەرنى كىم قويۇپتۇ دىگەندەك شۇنداق سەرلەۋھەلىك زىيالىلار ئالدىدا ئۇششاق -پۇچەك تېما يېزىپ دەشنام ئاڭلاپمۇ ئشمۇ ..... مۇشۇ مەھەللەمدە بىر خوشنام بار ئالامەت غەيۋەتخۇر ،مانداق پارچە -پۇرات غەيۋەت بىلەن پەقەت خۇشى يوق. .-ئالىدىڭىزدىكى ئاۋۇ ئۆيدىكى موماينىڭ يۇمشاق يۇمشاق گەپلىرىگە قاراپ يۇۋاشمىكىن دەپ قالماڭ .ئۇچۇ  ئوقۇيدۇ .ئۇچىغا چىققان جىنكەش ...شەيتان بىلەن دوسمىش.  -ئاۋۇ چېچىنى ھەرخىل بويىۋالغاننى مەھەلىمزنىڭ گۈلىمىكىن دىمەڭ .ئۇ بۇ مەھەللىدىكى ئەڭ ياش تۇل خوتۇن ،شۇنداق بىر كۈلىشى باركى مەنمەن دىگەن ئەرلەرنىمۇ ئازدۇرىدۇ. مۇشۇ مەھەللىدىكى ھەممە ئەر بىلەن مۇناسىۋىتى بار . -يەنە ماۋۇ ئالغاي ئەرگە قاراپ تولا ھىجايماڭ ،ئۇ كۆزىنى قىسىپ ئەھۋال سورىسا قەيەرگە قاراۋاتقانلىقى بىلىنمىگەن بىلەن ئەڭ نۇمۇسلۇق يەرلەرگە بەك قاراپ تۇرىۋالىدۇ. -ۋاييەي، يەنە ئاۋۇ موماينىڭ بىر قىزى بار ئاڭلىسام تىخى يىقىندىلا ئۆزىنىڭ دادىسىدەك بىر ئادەم بىلەن تۇتۇلۇپ قالدى .60ياشتىن ئاشقان قېرى بىلەن دەڭا.. -ئاۋۇ ئاپتاپقا يۆلىنىپ تۇرغان ئەرگە قاراڭ ، ئۇنى مەخسۇس تام يۆلەپ تۈرامدىكىن دەپ قالماڭ ،تاپقىنىنىڭ تايىنى بولمىغان بىلەن ئىككى خوتۇنى بار .   مۇشۇ ۋەتەننىڭ سىرتىدا تۇرۇپ "بۆرە كەلدى، بۆرە كەلدى"دەپ ۋاقىرايدىغانلار بىلەن خۇشۇم يوق .  بەتتە -پولۇ يەۋەتقانلار مۇشۇ سېرقتال پەسلىدە سۈيقاشمۇ ئىچەلمەيۋاتقانلىقىنى نېمىشقا ئويلاپ يىتەلمەيۋاتقاندۇ ؟سۇيقاشمۇ ئىچەلمىگەن تەندە قانچىلىك مادار بولماقچى .... تېمىدىن يىراقلاپ كەتمەي قىززىق -قىززىق پاراڭ سالمايلىمۇ ؟ بۇرۇنلاردا تۇل خوتۇن بار كوچىدىن كۆچۈپ كەتكۈلۇك دىيىلەتتىكەن .ھازىر تۇل خوتۇن بار كوچىنىڭ ماگىزىنلىرى ئاۋات ... شۇنداق ياخشى بىر ئاچا يوللۇق  خوشنام بار ئىدى .يولدىشى ئاغىرىپ تۈگەپ كەتكەن .يالغۇز ئوغلىنى باققۇچە تارىتمىغان جاپايى قالمىغان .ئوغلى ئەر يەتكەندە يالغۇزلۇق يەتتىمۇ يا خۇلۇم -خوشنىلارنىڭ غەيۋىتى يەتتىمۇ ئەرگە تەگمەكچى بولدى .40ياشتىن ئاشقان .خىلى -خىلى ئەرلەرگە خوتۇن بولغىچىلىكى بولسىمۇ مائاش كارتىسى بار 60ياشتىن ئاشقان بىرىنى ئۆزىگە ھەمرا لىققا تاللىدى .كۇسسۇر -كۇسسۇر قىلساقمۇ "كۆڭۈل دىگەن شۇ "دەپ توي باشلاپ كەتتۇق. نىكاھ ئوقۇغان كۈنى قىزىل دوپپىنى كىيىپ ،يىڭى شىبلىت كىيىپ بەلنى تۈزلەپ كىرگەن. كۆزەمگە ياش يىگىتتەكلا كۆرۈنۇپ كەتتى .دېرىزىدىن قارىسام تۆردە شۇنداق چىرايلىق ئولتۇراتتى .كىلىننى ماقۇلۇققا ئېلىپ كىرگەندە سەل خىجىل بولغاندەك بېشىنى ساڭگىلىتىپ تۇراتتى، نىكاھ ئوقۇلۇپ" ئالدىڭىزمۇ" دىگەندە جىمجىت تۇرىدۇ .يەنە بىر قېتىم "ئالدىڭىزمۇ "دىسە گەپ يوق ،يېنىدىكلەر نۇقۇپ قويسا چۆچۈپ كەتتى ...... ئۇخلاپ قاپتۇ. رەھمەتلىك بۇۋاممۇ ئولتۇرۇپ ئۇخلايدىغان ،بۇ يىگىتمۇ مەشنىڭ قىززىقىدا ئۇخلاپ قاپتۇ. ئالدىنقى ئايدا يولدۇشۇم خىزمەت بىلەن پايتەخىتكە كەتكەن .كەلگۈچە ئۆيدىكى ئورنى ۋە قىمىتىنى چوڭقۇر ھىس قىلىپ شۇنداق سېغىنغان ئىدىم . لىكىن قايتىپ كىلىپ بىئارامچىلىقتا ئۆزۈمنى قويدىغانغا يەر تاپالمايۋاتىمەن .باشقا ئىش يوق. بىراق پايتەخىتتىكى كۈنلىرى بىلەن بۇ يەردىكى تۇرمۇشنى سېلىشتۇرۇپ ئاۋارە ، ئۆي ،بالا ،كالا، خوتۇن يوق ئەركىن ياشاپ ،پاتقاق دەسسىمەي  بېشى ئاغىرماي كۆنۈپ قالغان چېغى ... بىر نەچچە كۈن" بوپتۇ" دەپ مەيلىگە قويۇپ بەرسەم ،مەن ئاشخانىدىكى كۈتكىچىلىكمۇ ،ئوغلۇم ...نىڭ باللىرىچىلىكمۇ ،كالام ئۇلارنىڭ قويىچىلىكمۇ ،شۇنچە كەڭرى ئۆيۈم قەپەزچىلىكمۇ بولالماي قالغىلى تۇردى . ئاچچىغىم كىلىپ ،تىزگىنىنى بىر تارتىپ قويىۋىدىم ،خېلى بولدى يىپتەك كىتىپ بارىدۇ.شۇنىڭغا قارىغاندا ئەرلەرنىڭ نەزەر دائىرىسىنى بەك كىڭەيتىۋىتىش ئاقىلانىلىك ئەمەسكەن.نەزەر دائىرسىنى كەڭەيتكىچە تىزگىىنەكنىڭ يىپىنى ئۇزارتاي .نەدىلا يۈرسە ،تارتىپ تۇردىغانغا..... ئارلاپ -ئارلاپلا قېيىن  ئاپامنىڭ ئۆيىگە تاماققا بارىمىز .مىھرىبان ۋاپادارلىقتىن باشقا بىر كىلو گۆش 50سوملۇق جاھاندا كۈندە قازان قايناتماق تەسلىشىپ كىتىش ئامىلىمۇ بار ئەلۋەتتە ... كىلىن دىگەن مەن شورى قۇرغۇر پەگادىن ،تۆرگە چىقالمايمەن.شۇ ئۆيگە بارساقلا يولدۇشۇمنىڭ شۇنداق بىر ئەركىلكى تۇتىدۇ  ،ئوغلۇم بىر چەتتە قاراپ تۇرغىدەك ....... -نىمانچە ئورۇقلاپ كەتتىڭ...تۈزۈك بىر نىمە يىمەيۋاتامسىلەر ،سۈت بىلەن تۇخۇم ئىچ . -چىرايىڭ سارغىيىپ كىتىپتۇ.ئۆيدە خاپىلىق يوقتۇ؟مەن سىنى ئەر دەپ باققان .ئەردەك تۇرغىنە مۇنداق -چېچىڭغا ھىلىتىن ئاق كىردىمۇ نىمە ؟سەن تېخى كىچىچىككىنە بالا تۇرۇپ... -نىمانچە چوڭ سۈپەت كىينىۋالدىڭ ،رەڭلىكرەك يۈر .ياش بولغاندىن كىيىن.. بۇنىڭغا قېيىن ئاتاممۇ ماسلىشىپ كىتىدۇ.ئۇنىڭ دادىسى بىلەن ئاپىسىنىڭ ئالدىدا بىزنى شۇنداق باشقۇرغۇسى كىلدۇكى .ۋار ۋار ۋاقىراپ ئۆزىنىڭ مەندىن قوقمايدىغانلىقىنى بالا تەربىيلەشتە قاتتىق قول ئىكەنلىكىنى بىر قۇر نامايەن قىلىۋىتىدۇ. باشتا ئىچىم ئاچچىق بولغان، كىيىنچە ماسلىشىپ كەتتىم .ئۇنىڭغىمۇ شۇ كۈنلەرنى شەنبە -يەكشەنبە قىلىپ بىرەي دەپ .. ئۆيگە قايىتقاندا ئاياپ سۈت بىلەن ئىېچ دىگەن تۇخۇمنى بىر يولدىلا قورىۋىتىمەن تازا.. جىدەل -ماجىراسىز ئۆي بولمايدۇ .لايىقىدا جىدەل -ماجىرا بەخىتلىك ئۆينىڭ ناخشىسى ... يولدۇشۇم كۆڭلۈمنى ئاغرىتسا قەتئىي ئاپامغا دىمەي قېيىن ئاپامغا دەيمەن .مىنىڭكىنىغۇ خاتا دىمەيدۇ .بىراق دائىم ئەرلەرنىڭ ھەممىسى ئوخشاش كىچىك بالىغا ئوخشايدۇ دەپ كۆڭلۈمنى ياسايدۇ . ئېچىۋالسىمۇ كىچىكلىك قىلىپ ئېچىۋالسا ،چېكىۋلسىمۇ كىچىكلىك قىلىپ چېكىۋالسا ،تېپىۋالسىمۇ كىچىكلىك قىلىپ تېپىۋالسا ،يېتىۋالسىمۇ كىچىكلىك قىلىپ يېتىۋالسا   ....... بىلمىدىم ئەرلەر قاچان چوڭ بولىدۇ؟ مەنبە :ئۆزۈم

avare

	دەردىڭىزنى بىر تۆكىۋالدىڭىز ھە،گاھ كۈلۈپ گاھ شۇ تەسىۋىرلەر كۆز ئالدىمغا كېلىپ كىنو كۆرگەندەك بوپ قالدىم. مىسرانىمدا دەرتنى تۆكۈپ بولدىڭىز ،كەچلىمەي ئۆيگە كېتىڭ ھە ھەدە،ئۇكاش بىلەن ئاكاش قەن ئانىنىڭ ئۆيىگە كەتسە ئۆيۈڭلارنى يوقلايدىغان چاشقانلار چىقىدۇ.

7Ｇüｌ

	ھاھاھاھا ماۋۇ ئاۋارەمنىڭ گېپىنى...

jassur2

	بۇنى قانداق دەپ ئاتايمىز،تاققا-تۇققا كۆڭۈلدىكى سۆز دەيمىزما [s:123] سىزمۇ ئۇسلۇب يارىتاي دەپسىزدە؟ [s:139] ھە،بۇمۇ بوپتۇ لىكىن.

kapsizparixta

	ھەدەمنىڭ تاقا - تۇقا خىياللىرىنى بىر ئوقۇپ باقايچۇ قېنى ... [s:136]

qalikox

	ئەبەيدوللا  ئاكىمىز  كىرىپ  قالدىمو  . مەكتەپكە  كىرگەندە ، ياشلىق   دەۋرىگە  يەتكەندە ، ئوتتور  ياشقا   كەلگەندە ،  قىرانلىق  مەزگىلدە   قىرىغاندا ياق  ئۈلگەندە... دەپ  ئۈز  -  ئۈزىمىزگە  تەسەللى  تاپىمىز .

DIL~Mehri

	ۋاي مەندەكلا ئويلاپسىز يا...شۇ..ھەي..تىرىكچىلىك ئەمەسمۇ. بۇ خەقچۇ چوڭ بولمايدۇ.تاكى تىگىمىزنى يەرلىككە قويمىغۇچە...

begana

	ئاپتور جاۋابىنى بويلاپ 3قەۋەت jassur2 كە 2011-04-07 04:55 PMئەۋەتىلدى : بۇنى قانداق دەپ ئاتايمىز،تاققا-تۇققا كۆڭۈلدىكى سۆز دەيمىزما [s:123] سىزمۇ ئۇسلۇب يارىتاي دەپسىزدە؟ [s:139] ھە،بۇمۇ بوپتۇ لىكىن. بۇ خىل ئۇسلۇبنى ئەدەبىياتتا "ئۇسلۇبسىز"ئۇسلۇب دەپ ئاتايمىز .خۇددى ھاياتسىز ھايات ،لەغمەنسىز لەغمەن ،كىتابسىز كىتاب دىگەندەك ... يائاللا مۇشۇ ئۇششاق قىزلارنى دەيمەن قەيەرگىلا بارماي ،تۇنۇۋالغاننى ئاز دەپ ئىتەككە يۆگىشىۋالىدۇ .ھەدە دىيىشلىرىچۇ دەيمەن تىخى ،بىرەر مۇنبەردە "ياش"يۈرگىلى قويماي..

XERHAN

	ئۆزگىچە بىر تىما بوپتىغۇ بۇ؟

مۇرات

	قەن ئاپام دەڭ....ھا ھا   نىمە دېگەن يېقىملىق ئاتاش بۇ سىڭلىم. سىڭلىم دەپ ياشارتىپ قويدۇم مانا.... [s:139]