ھېكايەمگە ئەزالاردىن رول ئالىدىغانلارنى قوبۇل قىلىمەن
[align=justify]
ئەسسالامۇ ئەلەيكۇم، مىسرانىمنىڭ ئەزىز ئىشتىراكچىلىرى:
مەن مۇنبەردىكى 22705 نۇمۇرلۇق ئەزا ئەلەفەسى، ئىسمىم ياقۇپ. مەن مۇنبەرگە ئەزا بۇلۇشتىن بۇرۇن مۇستەقىل ھالدا بىرەر يازما يېزىپ، ياكى بولمىسا بىرەر مۇنبەرگە كىرىپ باققان ئەمەس، مۇشۇ مۇنبەرگە كىرگەندىن بۇيان نۇرغۇن نەرسىلەرنى ئۆگەندىم. ۋە نۇرغۇن تېمىلارنى يوللىدىم، شۇنداقلا مىسرانىم ئەزالىرىنىڭ قوللاپ بېرىشى ئاستىدا سەمەت دۇگايلىنىڭ ئۈچىنچى ئۆتكەل دېگەن پوۋسىتىنى تولۇق يېزىپ مۇنبەرداشلار ھوزۇرىغا سۇندۇم، يەنە "مىسرانىم ئەزالىرى رول ئالغان" دېگەن ھېكايىنى كىنو ۋەقەلىكىگە ئاساسەن كىرىشتۈرۈپ يازدىم. ھازىر مۇشۇ ئاساستا مىسرانىم مۇنبىرى توغرىلۇق يېڭى بىر كۈلكىلىك ئەسەر يېزىش ئالدىدا تۇرماقتىمەن. تۆت بەت يېزىلىپ بولدى، بىراق بۇ ئەسەرنىڭ تېخىمۇ كۈلكىلىك چىقىشى ئۈچۈن ئەزالارنىڭ ئىسمىنى كىرگۈزۈشنى لايىق تاپتىم.
مەسىلەن: كىيىنكى ئەسەردىن قىسقىچە ئارىيە:
مىسرانىم مۇنبىرىدىكى ئىچكى ئىشلار (مىسرانىم ئەزالىرى رول ئالغان)
مىسرانىم مۇنبەر ئوردا ئىچى. بارلىق ۋەزىرلەر، باش سانغۇنلار ئوردا ئىچىگە يىغىلدى:
ــ ئەسسالامۇ ئەلەيكۇم، مىسرانىم ئالىيلىرى.
پادىشاھ مىسرانىم:
ــ ھەممىڭلارغا ۋەئەلەيكۇم ئەسسالام. ھەممىڭلار كەپسىلەر. مۇنداق بىر ئىش بار. ھازىر مۇنبىرىمىز باشقا مۇنبەرلەر بىلەن بىللە ياخشى تەرەققى قىلىۋاتىدۇ، مۇنبىرىمىزمۇ ئاز بولمىغان نەتىجىلەرگە ئىرىشتى. ئۇدۇن ئوغلى قاتارلىق نۇرغۇن كونا يېڭى ئەزالىرىمىز مۇنبەر ئۈچۈن تۆھپىسىنى قوشۇپ كەلدى. ھازىر ئۇدۇن ئوغلى، ئۇيغۇرۇم 007 قاتارلىقلار نۇرغۇن ئەزالىرىمىز يوق. (ئىزاھات: مىسرانىم ئەزالىرى رول ئالغان دىگەن ھەر بىر تېمىنى ئوقۇپ بولغان بولسىڭىز چۈشىنىسىز.)
بىراق مەن قايسى ئەزانى ئېلىپ قايسى ئەزانى ئالماسلىقنى ئۇقالمىدىم، چۈنكى قايسى بىر ئەزا خاپا بۇلۇپ قالار دەپ ئەنسىرىدىم، شۇڭا چاقچاق كۆتۈرەلەيدىغان، قانداق رول بولسا ئىسمى چىقىشنى خالايدىغان مۇنبەرداشلارنىڭ قىزىقارلىق ئىنكاس شەكلىدە ئەزا نامىنى ئۇيغۇرچە قالدۇرۇپ قۇيۇشىنى ئۈمىد قىلىمەن. مىسرانىم ئەزالىرى رول ئالغان دىگەن تېمىنى پۈتۈنلەي چۈشىنىپ ئوقۇپ چىققان بىر ئەزانىڭ ئىسمى لازىم ئىدى. ئەگەر ئەزالار ئىسمىنىڭ چىقىشىنى خالىمىسا بۇ ئەسەر جايىدا توختاپ قېلىنىدۇ ياكى ئۆزگەرتىلىدۇ.
(ئىزاھات: بۇ بىر قىزىقىش. بەلكىم نۇرغۇن ئەزالار بۇنى ئوقۇپ، مىنى بىكاچى ئوخشايدۇ دەپ ئويلاپ قېلىشى مۇمكىن، مەنمۇ ئۆزلىكىمدىن ئۆگىنىپ ئوقۇش پۈتتۈرگەن، ھازىر گەرچە ۋاقىتلىق ئىشلەۋاتقان بولساممۇ، بىر تەرەپتىن ئىشلەپ، بىر تەرەپتىن ئىمتھانغا تەييارلىق قىلىپ تۇرۋاتىمەن. ۋاقتىم چىقسىلا مۇنبەرگە كىرىپ تۇرىمەن، شۇڭا مېنى چۈشەنمەي تۇرۇپ، قالايمىقان سۆزلمەسلىكىڭلارنى ئۈمىد قىلىمەن.)
مەنبە: ھاياجانلىق ئىلىكدە ئويلىغانلىرىم.