باشقۇرغۇچىلار سىلەرگە زىيان قىلدىمۇ؟

zanjiwil

	ئۇيغۇرaaa ئەپەندىنىڭ تىما يىزىشىمغا سەۋەپ بولغان<بىر قىسىم باشقۇرغۇچىلار زادى قانچىلىك؟> دىگەن تىمىسى ۋە ئېنكاسلارنى ئوقۇپ ئېچىم ئاچچىققا تولدى. ئەتراپىمىزدىلا يۈز بىرىۋاتقان ئاچچىق تىراگىدىيىلەر،ھەل قىلىشقا كاللا قىتىۋاتقان بىزلەردىكى ئىتتىپاقسىزلىق ،نامراتلىق،ئېشسىزلىق،ساددىلىق،ھورۇنلۇق،ئېرادىسىزلىك شۇنداقلا مەنىۋىيىتىمىزدىكى چۈشكۈنلۈك قاتارلىق ئىللەتلەر ساماندەك تۇرسىمۇ ئۆزىنى ئەقىلدارلاردىن ساناۋاتقان مەدەنىيەت ساپاسى جەھەتتە ئوتتۇرا قاتلامدىن يۇقۇرى سانىلىۋاتقان مۇنبەر ئەھلى بولمىش بىزلەرنىڭ مۇنبەر باشقۇرغۇچىلىرى تۇغرۇلۇق ئۇنى-بۇنى دەپ تارىخىمىزنىڭ ئاچچىق يالدامىسى بولمىش پىكىر ئىختىلاپلىرىنى قايتا پەيدا قىلىشى دەل داۋاملىشىۋاتقان تىراگىدىيەنىڭ قان-قىنىمىزدا يەنە بىر قىتىم ئەكىس ئىتىۋاتقانلىقىنىڭ يارقىن ئىپادىسىدۇر. ئەلۋەتتە: ياراتقۇچى ھەر كاللىنى ئايرىم تەپەككۇر قىلىشقا ياراتقان. ھەر بىر ئېنسان ئۆز نۆۋىتىدە ئاللاھ نىسىپ قىلغان ئەقىل-ئېدراكىنى ئۆزىنىڭ بىلىم قۇرۇلمىسى،ياشاش-شارائىتى،ئوبىكتىپ ئىھتىياجىنىڭ تارازىسىدا دەڭسەپ يولۇققان مەسىلىلەرنى تەھلىل قىلىدۇ ۋە پىكىر بايان قىلىدۇ.بۇ ئۇلارنىڭ ئەقەللى ئادىمىيلىك ھوقوقى. لىكىن مىنىڭ بۇ يەردە دىمەكچى بولغىنىم: ھازىرقى تور دۇنياسىدا ئۇيغۇر مۇنبەرلىرىنىڭ ئىچىدە مەزكۇر مۇنبىرىمىزنىڭ مىنى ئۆز ئىچىگە ئالغان نۇرغۇن ئىخلاسمەن،سادىق قوللىغۇچىلىرىنىڭ بولۇشى دەل مۇشۇ مۇنبەرنىڭ ئەزالارنى مەپتۇنلۇق ئىلكىدە ھوزۇرلاندۇرۇپ تۇرمۇشىنىڭ كەم بولسا بولمايدىغان بىر قىسمىغا ئايلاندۇرىۋالغان سىھرى كۈچىنىڭ بولغانلىقىدا. خوش! ئۇنداقتا بۇ نەتىجىلەر ئۆزلۈكىدىن كىلىپ قالغانمۇ؟ بۇنى سۈرۈشتۈرسەك ئەلۋەتتە يۇقۇرىدىن بىكەت باشلىقىدىن تارتىپ يىڭى ئەزا ھەتتا ئەزا بولۇشنى ئويلىشىۋاتقانلارغىچە ھەممىسىنىڭ ئۆزىگە تۇشلۇق تۆھپىسى بار. بولۇپمۇ مۇنبەر باشقۇرغۇچىلىرىنىڭ تۆھپىسى تىخىمۇ ئالاھىدىرەك دەپ قارايمەن. باشقا گەپنى قويۇپ نەخ گەپنى قىلساق ھازىرقى جەمىيىتىمىزدە باشقىلارنىڭ قىلغان خىزمەت-ئەمگىكى ياراتقان ئېقتىسادى قىممىتى بىلەن ئۆلچىنىۋاتقان بۈگۈنكى كۈندە ئۇلار(مۇنبەر باشقۇرغۇچى)نىڭ ئۈن-تىنسىز ھالدا خەلقىمىزنىڭ ئېشىپ بىرىۋاتقان مەنىۋى ئېھتىياجى ئۈچۈن <نەچچە پۇل تاپقىلى بولىدۇ؟>دەپ ئويلىماي قىممەتلىك ۋاختىنى،زىھنىنى سەرىپ قىلىپ مۇنبەر تەرەققىياتى ئۈچۈن ھەسسە قوشۇشى ئۆز قەۋمىنىڭ ئېچىرقىغان روھى تەشنالىقىنى قاندۇرۇش ئۈچۈن ئەۋەتىلگەن يازمىلارنى قەلب ئەلگىكىدىن ئۆتكۈزۈپ قان- تەرى بەدىلىگە مەنىۋىيىتىمىزنى سۇغىرىۋاتقانلىقى شەخسەن مىنىڭ قايىللىقىمنى ھۆرمىتىمنى قوزغايدۇ. توغرا؛ باشقۇرغۇچىلار توغرۇلۇق بىر نەرسە ياز ئەمەس ياز! لىكىن يازغىنىڭ قايسى مەخسەتكە يىتىپ نىمىنى ھەل قىلىدۇ؟ مۇنبەردىكىلەرنى زادى نىمىگە ئېرىشتۈرىدۇ؟ بۇنى بەكرەك ئويلاپ تەھلىل قىلىپ ئاندىن ياز!!! بەلكىم ئۇلارنىڭ ئارىسىدا ئاز بىر قىسىم ئۆز خىزمىتىنىڭ ھۆددىسىدىن تولۇق چىقالمايۋاتقانلار بولۇشى مۇمكىن. لىكىن بۇ باشقۇرغۇچىلار قوشۇنىنى پالان-پوكۇن دىيىشىمىزگە سەۋەپ بولالمايدۇ. گەپنىڭ قىسقىسى:سۇ ئىچكەندە قۇدۇق قازغۇچىنى ئۇنۇتمايلى! ئىختىلاپ پەيدا قىلىپ قەلب جاراھىتى پەيدا قىلىشمايلى! قىممەتلىك ۋاختىمىزنى ئەھمىيەتلىك ئىشلار بىلەن ئۆتكۈزۈشكە تىرىشايلى! ئىتتىپاقسىزلىق پەيدا قىلغۇچلارغا لەنەت ئوقۇيلى! تامام. 4-ئاينىڭ 4-كۈنى قەشقەر

zanjiwil

	مىسرانىمنى سۆيەيلى ئۆيىمىزدەك بىلەيلى قولنى قولغا تۇتۇشۇپ بەخت-ئامەت تىلەيلى https://uyghur-archive.com/misranim/viewthread.php?tid=35146&u=9196  مىسرانىم مۇنبىرىگە ئوچۇق خەت (مۇۋەششەھ)

qartekin

	سىزگە بەك تىگىپ كېتىپتىغۇ ھەممەيلەن مۇنبىرنىڭ ياخشى بولىشىنى ئويلايدۇ باشقۇرغۇچىلار ساپاسى ئۆسسە مۇنبىرنىڭ ساپاسى ئۆسىدۇ .ئازساندىكى باشقۇرغۇچىلار نىڭ ساپاسى ھەقىقەتەن تۈۋەن بۇنىڭغا كۆز يۇمۇۋالسا بولمايدۇ قاداقنى ۋاختىدا كېسىۋەتكەن ياخشى بۇنى قۇبۇل قىلالمىسا باشقۇرغۇچىلىق قىلىپ نىمە قىلىدۇ .

yawayi-0998

	شۇنداق مەنمۇ  بىر مەزگىل باشقۇرغۇچى بولۇپ باققان بۇ خىل ھىسياتنى  چۇشىنىمەن ... ھەقسىز  ئىشلەشتىن باشقا  يانا  ئەزالارنىڭ  ئاچچىقىنى كەلتۇرسا  باكا  ئاچچاق يەيدىغان گەپ ... ئىشقىلىپ  باشقۇرغۇچىلىق  تەس ئىش .... باشقۇرغۇچىلارغا  مەدەت بىرىش كىرەك ...لىكىن  باشقۇرغۇچى بولغان ئادەممۇ  چىدىشى كىرەك ... بولمىسا  بىر كىم باشقۇرغۇچى بول دەپ  زولىمىغاندىكىن  ئاستا  ئالىي ئەزالىققا چۇشىشى كىرەك ... مەنمۇ  شۇنداق قىلىپ  باشقۇرغۇچىلىقتىن ئىستىپا بەرگەن .

alafasy

	توغرا چۈشۈنۈشكە بولىدۇ. سىلەرگە يەنىلا ماۋۇ ناخشىنى سوۋغا قىلاي، باياتىنقى تېمىغا ئىنكاس يازاي دىسەم قۇلۇبلىنىپ بوپتىكەن، مانىڭغمۇ بولسىمۇ يوللاپ قويدۇم.

kilyang

	ئەھمىيتى بار تىما يوللاپسىز ! لىكىن بىز ئۇيغۇر تور مەدەنىيتىنى گۈلەندۈرىمىز دەيدىكەنمىز چوقۇم ئۆزىمىزنىڭ ئۇيغۇرتىل گىرامماتىكىسىنى ئۇنتۇمىغان ھالدا ئۆز يىزىقىمىزنى چاكىنلاشتۇرمىغان ھالدا ! مۇنازىرە قىلىشىمىز  شۇنداقلا مۇنبەر دىكى ھەر قايسى سەھىپىلەرنى باشقۇرۇپ ۋاقتىنى چىقىرىپ كىلىۋاتقان سەھىپە باشقۇرغۇچىللىرىمىز تەھرىرلىگەن ۋاقىتتا ئۇيغۇرتىل نىڭ سۆز جۈمىللىرىنىڭ راۋان ياكى راۋان ئەمەسلىكىنى ، جەمئىيەتتىكى ھەرخىل ئىنسانلارغا يەنى ئادەملەرگە مەنىۋى ئوزۇق بىرشى بەرمەسلىكى ئەھمىيتى بار يوقلۇقىغا قاراپ تېما تەستىقلىشىنى خالىغان تىمىلارنى ئەھمىيەتسىز شېئىرلارنى ئازراق ئويلىنىپ تەستىقلىشىنى شۇنداقلا ئەھمىيتى بار تىمىنىڭ بىر كۈندىن ئىككى كۈنگىچە باش بەتتە تۇرىشنى ھەرگىزمۇ يوللىغانلىكى نەرسىنى مۇنبەرگە چىقىرىپ قويۇپ مۇنبەر پاخاللىقى كەلتۈرۈپ چىقارمايلى ئەلكۈيى مۇنبىرىگە 10 كۈن بۇرۇن يازغان تېما ھازىرغىچە تۇرىدۇ كۆرۈش قىتىم سانىمۇ 10000 دىن ئاشىدۇ   ئۇندىن باشقا يازغان تىمىلارنى تۈزۈتىشكە تىگىشلىك جاي بولسا تۈزىتىپ ئەستايىدىلراق ئويلىنىپ ئاندىن مۇنبەرگە چىقىرىشنى شۇنداقلا ياخشى مۇئامىلدە بولۇپ بىر كىشىلىك تۆھپىسنى ئايىماسلىقىنى ئۈمۈت قىلىمىز نەسىھەت ئاچچىق  مېۋىسى تاتلىق ئەمەسمۇ ؟ ئۇلارنىڭ تىنىنىڭ سالامەت ئىشلىرىنىڭ ئوڭۇشلۇق بولۇشنى ئۇلۇغ مەرھەمەتلىك ، كەرەملىك ئاللاھ دىن تىلەيمىز    خوتەن ۋىلايىتى گۇما ناھىيە كىلياڭ يىزا يۇلغۇنجاي كەنتىدىن                  ئىمىنجان ھىدايەت چ چ 1395898567

MIGBIRKIQA

	سىز دىگەن ئۇ تىمىدا ھېچكىم باشقۇرغۇچى يولداشلارنى بىر نىمە دىگەن ئىش يوققۇ! سىز بۇ تىمىنى ئۇيغۇر ااا غا ئەمەس شۇ تىمىدىكى ئىنكاسلارغا قاراپ يېزىپسىز. سىز تىمىڭىزنىڭ ئاخرىدا دىگەندەك، ئۇيغۇر ااا قېرىنىدىشىمىز ئېيتقان باشقۇرغۇچىلار ئاز بىر قىسمى خالاس! سىزنىڭ بۇنچە كايىپ كەتكىنىڭىزدىن قارىغاندا،،،،،،،،،،،،،،،،،،،،،،،سىز ئاخشام مىدال چۈشەپ قاپسىز [s:122]

تارىم

	باشقۇرغۇچى بولۇپ باققانلار باشقۇرغۇچى بولۇشنىڭ قانداق بولىدىغانلىقىنى،باشقۇرغۇچىلارنىڭ ھس-تۇيغۇسىنى چۈشىنەلەيدۇ...

ياۋا غاز

	سىزنى شۇنچە خاپا قىلغۇدەك نىمە دەپ يېزىلغان  بولغىيتى ئۇ تىمىدا .