مىسرانىم مۇنبىرى

كۆرۈش: 1594|ئىنكاس: 21

ئۇيغۇرچە يىل، ئاي، كۈن ناملىرى [ئۇلانما كۆچۈرۈش]

ئوماق قوزام....!!! T

دائىملىق ئــەزا

ئەزا ئۇچۇرى
تىزىم نۇمۇرى: No. 16072
يازما سانى: 1206
نادىر تېمىسى: 0
مۇنبەر پۇلى : 16421
تۆھپە نۇمۇرى: 575
توردا: 5462 سائەت
تىزىم: 2010-11-3
ئاخىرقى: 2013-7-16
يوللىغان ۋاقتى 2011-4-4 09:34:38 PM |ھەممە قەۋەتنى كۆرۈش |

ئۇيغۇرچە يىل، ئاي، كۈن ناملىرى



 
 

ۋاقىت ئۆلچەم بىرلىكلىرى

● ئەسىر [esir] — كالىندار ھېسابىدىكى 100 يىلنى بىر بىرلىك قىلغان ۋاقىت بىرلىكى، بىر ئەسىر 100 يىلغا تەڭ. قەدىمكى ئوتتۇرا ئاسىيادا بىر ئەسىر 30 يىلنى كۆرسىتەتتى. چاغاتاي دەۋرىدىكى تۈركىي خەلقلەر 32 يىلنى بىر ئەسىر ھېسابلايتتى. 

    ● قەرنە  [qerne]— مىلادىيە ھېسابىدا مەلۇم بىر پەسىلنىڭ مەلۇم بىر مەزگىلى، ھىجىرىيە ھېسابىدا مەلۇم بىر ئايغا توغرا كېلىپ، ئارىدىن بىرنەچچە 10 يىل ئۆتكەندىن كېيىن يەنە ھىجىرىيىنىڭ شۇ ئېيى مىلادى يىلىنىڭ شۇ پەسلىنىڭ شۇ مەزگىلىگە ئاساسەن توغرا كەلسە بۇ چاغدا بىر «قەرنە» ۋاقىت ئۆتكەن بولىدۇ. يەنى مىلادىيىنىڭ 33- يىلى ھىجىرىيىنىڭ 34- يىلى بىر قەرنە ھېسابلىنىدۇ.
    مۆچەل يىل ھېسابىدا 12 مۆچەلنىڭ ئۈچ قېتىم تەكرارلىنىشى، يەنى 36 يىل بىر قەرنە بولىدۇ.
    دېھقانلار كالىندارى ھېسابىدا دەۋرىيلىك مۆچەلنىڭ بەش قېتىم تەكرارلىنىشىدىن ھاسىل بولغان 60 يىل بىر قەرنە بولىدۇ.

    ● قەرن  [qern]— قەدىمكى ئوتتۇرا ئاسىيا مىللەتلىرى ئارىسىدا قوللىنىلغان ۋاقىت بىرلىكى بولۇپ، 1 قەرن قەدىمكى 1 ئەسىر ۋاقىتنى بىلدۈرگەن. قەدىمكى ئىراننىڭ 1 ئەسىرى 30 يىل، چاغاتاي دەۋرىدىكى تۈركى خەلقلەرنىڭ 1 ئەسىرى 32 يىل ھېسابلىناتتى.

    ● قىران  [qiran]— ئەسلى مەنىسى جۈپلىشىش، قوشۇلۇش دېگەن سۆز ھازىرقى ئىستېمالدا قىران چۈشەنچىسى ئىككى خىل، بىر خىلى بويىچە قىران 25 يىلغا تەڭ. يەنى بىر ئەسىرنىڭ تۆتتىن بىرىگە تەڭ. ئادەتتە كىشىلەرنى «قىرانىغا يەتتى» دېگەنلىك 25 ياشقا تولدى، جۈپلىشىش-نىكاھلىنىش مۇددىتىگە يەتتى دېگەن مەنىنى بىلدۈرىدۇ. يەنە بىر خىل چۈشەنچە بويىچە قىران — تەخمىنەن 30 يىلغا تەڭ بولىدۇ، بىر ئەسىرنىڭ ئۈچتىن بىرى نەزەردە تۇتۇلىدۇ.

    ● يىل  [yil]— كالىندار ھېسابىدا يەر شارىنىڭ قۇياشنى بىر قېتىم ئايلىنىپ چىقىشىغا كېتىدىغان ۋاقىت. بىر يىل 365 كۈن 5 سائەت 48 مىنۇت 46 سېكۇنت. 1 يىل تۆت پەسىل، 12 ئاي بولىدۇ.

    ● ئون ئىككى ئارقۇن (مۆچەل)[arqun] : ئارقۇن — كېلىدىغان يىل نامى.
    1. چاشقان يىلى [çaşqan yili]
    2. ئۇي يىلى [uy yili]
    3. يولۋاس يىلى [yolvas yili]
    4. توشقان يىلى [toşqan yili]
    5. بېلىق يىلى [béliq yili]
    6. يىلان يىلى [yilan yili]
    7. ئات يىلى [at yili]
    8. قوي يىلى [qoy yili]
    9. مايمۇن يىلى [maymun yili]
    10. توخۇ يىلى [toxu yili]
    11. ئىت يىلى [it yili]
    12. توڭگۇز يىلى [toñguz yili]

    ● ئۇن ئىككى بۇرج:
    1. ئارسلان [arslan] (ئەسەد بۇرجى)
    2. چايان [çayan] (ئەقرەب بۇرجى)
    3. ئوغلاق [oğlaq] (جەدى بۇرجى)
    4. قوشكېزەك [qoşkézek] (جەۋزا بۇرجى)
    5. سوغا [soğa] (دەلۋە بۇرجى)
    6. قىسقۇچپاقا [qisquçpaqa] (سەرەتان بۇرجى)
    7. ئۇي [uy] (سەۋر بۇرجى)
    8. كىز [kiz] (سۇنبۇلە بۇرجى)
    9. ياچاق [yaçaq] (قەۋس بۇرجى)
    10. تارازا [taraza] (مىزان بۇرجى)
    11. قوزا [qoza] (ھەمەل بۇرجى)
    12. بېلىق [béliq] (ھوت بۇرجى)

    ● تۆت پەسىل، يىگىرمە تۆت مەۋسۇم — قەدىمكى ئەجدادلار بىر يىل ئىچىدىكى كىلىماتنىڭ ئۆزگىرىش ئەھۋالىغا ئاساسەن، بىر يىلنى ئەرتەياز (ئەتىياز، باھار)، ياز، كۈز، قىشتىن ئىبارەت تۆت پەسىلگە بۆلگەن. بىر پەسىل ئۈچ ئاي بولۇپ، ئادەتتە 11-، 12- 1- ئايلار قىش پەسلىگە؛ 2-، 3-، 4- ئايلار ئەتىياز پەسلىگە؛ 5-، 6-، 7- ئايلار ياز پەسلىگە؛ 8-، 9-، 10- ئايلار كۈز پەسلىگە تەۋە بولىدۇ.
    دېھقانلار كالىندارى بويىچە بىر يىل 24 مەۋسۈم بولىدۇ.
    ئەتىياز پەسلى:
        باش باھار (2- ئاينىڭ 4- ياكى 5- كۈنى)
        ئەگىز سۈيى (2- ئاينىڭ 19- ياكى 20- كۈنى)
        جانىۋارلارنىڭ ئويغىنىشى (3- ئاينىڭ 5- ياكى 6- كۈنى)
        ئەتىيازلىق كۈن-تۈن تەڭلىكى (3- ئاينىڭ 5- ياكى 6- كۈنى)
        چوكانتال (4- ئاينىڭ 5- ياكى 6- كۈنى)
        قىزىلكوس (4- ئاينىڭ 20- ياكى 21- كۈنى)
    ياز پەسلى:
        باش ياز (5- ئاينىڭ 5- ياكى 6- كۈنى)
        دان تۇتۇش (5- ئاينىڭ 21- ياكى 22- كۈنى)
        ئورما ۋاقتى (6- ئاينىڭ 6- ياكى 7- كۈنى)
        يازلىق كۈن-تۈن توختىشى (6- ئاينىڭ 22- ياكى 21- كۈنى)
        باش تومۇز (7- ئاينىڭ 7- ياكى 8- كۈنى)
        تومۇز (7- ئاينىڭ 23- ياكى 24- كۈنى)
    كۈز پەسلى:
        باش كۈز (8- ئاينىڭ 7- ياكى 8- كۈنى)
        كۈزگى تېرىم (8- ئاينىڭ 23- ياكى 24- كۈنى)
        ئاق شەبنەم (9- ئاينىڭ 7- ياكى 8- كۈنى)
        كۈزلۈك كۈن-تۈن تەڭلىكى (9- ئاينىڭ 23- ياكى 24- كۈنى)
        سوغۇق شەبنەم (10- ئاينىڭ 8- ياكى 9- كۈنى)
        قىروۋ چۈشۈكى (10- ئاينىڭ 23- ياكى 24- كۈنى)
    قىش پەسلى:
        باش قىش (11- ئاينىڭ 8- ياكى 7- كۈنى)
        سېرىق قار (11- ئاينىڭ 23- ياكى ياكى 22- كۈنى)
        ئاق قار (12- ئاينىڭ 7- ياكى 8- كۈنى)
        قىشلىق كۈن-تۈن توختىشى (12- ئاينىڭ 22- ياكى 23- كۈنى)
        قارا سوغۇق (1- ئاينىڭ 5- ياكى 6- كۈنى)
        قاپاقياردى (1- ئاينىڭ 20- ياكى 21- كۈنى)


    ● ئاي [ay] — شەمسىيە كالىندارىدا يىلنىڭ ئون ئىككىدىن بىرى. بىر ئاي ئادەتتە پەسىلنىڭ ئۆزگىرىشىگە ئەگىشىپ 29، 30، 31 كۈن بولىدۇ. قەدىمكى ئەجدارلار ئۆزلىرىنىڭ ئىشلەپچىقىرىش، تۇرمۇش ئېھتىياجىغا ئاساسەن، ئاينىڭ بەزىدە يۇمىلاق، بەزىدە كەمتۈك كۆرۈنۈشتەك ئۆزگىرىش ئادىتىگە قاراپ ۋاقىت ھېسابلىغان. ئۇزاق مۇددەتلىك كۆزىتىش ئارقىلىق بۇنداق ئەھۋالنىڭ بىر قېتىم دەۋرىيلىشىشى ئۈچۈن 29 ياكى 30 كۈن ئۆتىدىغانلىقىنى ھېسابلاپ چىققان. شۇنىڭ بىلەن «ئاي» ھېسابى مۇقىملىشىپ، ئۇنى ۋاقىت بىرلىكى قىلىپ قوللانغان.


ئۇيغۇرچە ئاي ناملىرى (مىلادىيە، ھىجىرىيە، شەمشىيە بويىچە ئاي ناملىرى)

    1- ئاي — ئوچاق [oçaq] (مىلادىيە: يانۋار، ھىجىرىيە: مۇھەررەم، شەمشىيە: ھەمەل)؛ بۇ ئاي يەنە «ئارام ئاي» دەپمۇ ئاتالغان. ئوچاق سۆزىنىڭ كېلىپ چىقىشىدا، ئەجدادلىرىمىز ئولتۇراق تۇرمۇشقا كۆچكەندىن كېيىن، يىللىق تېرىمدىن كېيىنكى قىشلىق ئارام ۋاقتىغا ئىگە بولىدۇ، بۇ ۋاقىتتا كىشىلەر چوڭ ئوچاقلار سېلىپ، ئوت قالاپ، ئوچاقلارنىڭ ئىسسىقىدا ھەر خىل كۆڭۈل ئېچىش پائالىيەتلىرىنى ئۆتكۈزگەن، بۇ خىل چوڭ تىپتىكى ئوچاقلار شەھەرلەردىكى ئوردا سارايلاردا توققۇز ياكى ئۇنىڭدىن كۆپ ساندا چۈيۈندىن ياسىلاتتى، قاغانلار ۋە بەگلەر شۇ ئوچاقلار ئارقىلىق چوڭ چېدىر ياكى ئوردوگاھلاردا مۇراسىم ئۆتكۈزەتتى. شەھەردىن يېزا-قىشلاقلارغىچە، ئوي-ئودالارغىچە ئوچاق سېلىناتتى، شۇڭا بۇ ئاي ئوچاق دەپ ئاتىلىپ قالغان؛ بۇ ئاينىڭ 6- كۈنىدىن باشلاپ «قارا سوغۇق» مەۋسۈمى كىرىدۇ.
    2- ئاي — ئۇي [uy] (مىلادىيە: فېۋرال، ھىجىرىيە: سەپەر، شەمشىيە: سەۋر)؛ ئۇي — بۇ سۆزنىڭ قەدىمكىرەك شەكلى ئۇد بولۇپ، كېيىن «د» تاۋۇشى «ي» غا ئاجىزلاشقان، كالا دېگەن مەنىدە، بۇ سۆزنى يەنە «ھۇت» تەلەپپۇز قىلىش ئەھۋاللىرىمۇ مەۋجۇد، شۇڭا بۇ شەمشىيە كالىندارى بويىچە مىلادىيە 12- ئاينى كۆرسىتىدىغان ھوت ئېيى بىلەن ئارىلاشتۇرۇپ قويۇشتەك ئەھۋالمۇ كۆرۈلگەن؛ بۇ ئايدا دېھقانلار يىل بېشىدىكى تېرىم ئىشلىرىغا تەييارلىق قىلىشىدۇ، ھەم يەرلەرنى ئۇيلار ئارقىلىق ئاغدۇرۇشىدۇ، بۇ ۋاقىتتا شەھەر، يېزا-قىشلاقلاردا توپ-توپ دېھقانلارنىڭ ئۇيلار بىلەن يەر ھەيدەپ تېرىقچىلىققا تەييارلىق قىلىشتەك چوڭ مەنزىرە شەكىللىنىدۇ، بارلىق كىشىلەر يېڭى يىلنىڭ تىرىكچىلىك ئىشلىرىغا تۇتۇنىدۇ. 2- ئاينىڭ 4-، 5- كۈنلىرىدىن باشلاپ «باش باھار» مەۋسۇمى باشلىنىدۇ.
    3- ئاي — قوزا [qoza] (مىلادىيە: مارت، ھىجىرىيە: رەبىيەلئەۋۋەل، شەمشىيە: جەۋزا)؛ قوزا يۇلتۇزى — ھەمەل يۇلتۇزى، يەنى 3- ئايدىن باشلاپ كۆرۈنىدىغان يۇلتۇز؛ بۇ ئايدا قوزا يۇلتۇزى كۆك بۇرۇچىدا كۆرۈنىدۇ، كىشىلەر قوي-قوزىلارنى سويۇپ نەۋرۇز ئېشى تەييارلاپ باھار پەسلىنىڭ يېتىپ كەلگەنلىكى مۇناسىۋىتى بىلەن شەھەر-قىشلاقلاردا توپ-توپ بايرام قىلىشىدۇ. 3- ئاينىڭ 5-، 6- كۈنلىرىدىن باشلاپ جانىۋارلارنىڭ ئويغىنىشى بىلەن باھار مەۋسۇمى باشلىنىدۇ.
    4- ئاي — ئۇمۇت [umut] (مىلادىيە: ئاپرېل، ھىجىرىيە: رەبىيەلئاخىر، شەمشىيە: سەرەتان)؛ ئۇمۇت — قەدىمكى بىر خىل جەڭ قۇرالىنىڭ نامى؛ بۇ ئايدا قاغانلار-بەگلەر ئۆز قوشۇنىنى تولۇقلايدۇ، دېھقانچىلىقتىن يېڭى بوشانغان ياش يېگىتلەر توپ-توپى بىلەن ئەسكەرلىككە قاتنىشىدۇ، تۆمۈرچىلەر جەڭ قۇراللىرىنى ياسىشىدۇ، يېڭى بىر يىللىق يۇرتنى قوغداش ۋە يىراقلارغا يۈرۈش قىلىش باشلىنىدۇ. 4- ئاينىڭ 5-، 6- كۈنىدىن باشلاپ «چوكانتان» مەۋسۇمى باشلىنىدۇ.
    5- ئاي — ئارسلان [arslan] (مىلادىيە: ماي، ھىجىرىيە: جامادىيەلئەۋۋەل، شەمشىيە: ئەسەد)؛ 5- ئاينىڭ 5-، 6- كۈنىدىن باشلاپ «باش ياز» مەۋسۇمى باشلىنىدۇ.
    6- ئاي — باشاق [başaq] (مىلادىيە: ئىيۇن، ھىجىرىيە: جامادىيەلئاخىر، شەمشىيە: سۇنبۇلە)؛ بۇ ئاي يەنە بۇغدايبېشى ئېيى دەپمۇ ئاتىلىدۇ. بۇ ئايدا ئاشلىق-دانلار، مىۋە-چېۋىلەر، زىرائەتلەر پىشىدۇ، بۇ ئاي ئورما ۋاقتىغا توغرا كېلىدۇ.
    7- ئاي — ئەرەن [eren] (مىلادىيە: ئىيۇل، ھىجىرىيە: رەجەپ، شەمشىيە: مىزان)؛ بۇ ئاينىڭ «ئەرەن» دەپ ئاتالغانلىقى تۈركىي تىللار دىۋانىدا قەيت قىلىنىدۇ. دىۋاندا، «تارازا (مىزان) يۇلتۇزىنىڭ نامى؛ ئاي مەنزىللىرىدىن بىرىنىڭ نامى» دەپ كۆرسىتىلگەن. بۇ ئايدا ئەرەنلەر توپ-توپى بىلەن ئېتىزلاردا، باغلاردا ئەمگەك قىلىدۇ، شۇ مۇناسىۋەتتىنمۇ بۇ ئايغا «ئەر» سۆزىنىڭ كۆپلۈك شەكلى «ئەرەن» نامى بېرىلگەن. 7- ئاينىڭ 7- ياكى 8- كۈنىدىن باش تومۇز باشلىنىپ 7- ئاينىڭ 23- ياكى 24- كۈنى تومۇز باشلىنىدۇ، ھەمدە 8- ئاينىڭ بېشى ئاخىرلىشىدۇ، شۇڭا 7- ئاي مەزگىلى «تومۇز» ئېيى دەپمۇ ئاتىلىدۇ.
    8- ئاي — چايان [çayan] (مىلادىيە: ئاۋغۇست، ھىجىرىيە: شەبان، شەمشىيە: ئەقرەب)؛ بۇ ئايدا چايان يۇلتۇزى كۆك بۇرۇچىدا كۆرۈنىدۇ. 8- ئاينىڭ 7-، 8- كۈنىدىن باشلاپ «باش كۈز» مەۋسۈمى باشلىنىدۇ.
    9- ئاي — ياچاق (مىلادىيە: سېنتەبىر، ھىجىرىيە: رامىزان، شەمشىيە: قەۋس)؛ بۇ ئايدا ياچاق (ياي) يۇلتۇزى كۆك بۇرۇچىدا كۆرۈنىدۇ. 9- ئاينىڭ 7-، 8- كۈنىدىن باشلاپ «ئاق شەبنەم» مەۋسۈمى باشلىنىدۇ.
    10- ئاي — ئوغۇز [oğuz] (مىلادىيە: ئۆكتەبىر، ھىجىرىيە: شەۋۋال، شەمشىيە: جەدىي)؛ بۇ ئاينىڭ ئىككى خىل مەنىسى بار دەپ قارىلىدۇ. بىرىنچى مەنىسى، ئۇيغۇرلارنىڭ قەدىمكى قاغان بوۋىسى ئوغۇز قاغاننىڭ نامىنى يادلاش ئۈچۈن قويۇلغان. ئىككىنچى مەنىسى، بۇ ئايدىن باشلاپ پۈتۈن ئەل بويىچە قىشلىق تەييارلىق باشلىنىدۇ. يىگىتلەر قوشۇندىن ئائىلىسىگە قايتىپ ئەل جامائەت جەم بولۇشىدۇ. ئەرلەر ئۆي سېلىشىدۇ، قىشلىق يەم-بوغۇز تەييارلايدۇ، ماللارنى سويۇپ تەييارلايدۇ. خوتۇن-قىزلار سېيىرلاردىن سۈت (تۇنجى تامغان سۈت ئوغۇز سۈتى دېيىلىدۇ) ئېلىشىدۇ، بۇنىڭدىن قۇرۇت ۋە ئېرىمچىكلەرنى تەييارلايدۇ، بارلىق كىشىلەر بۇ ئايدىن باشلاپ قىشنى ئۆتكۈزۈش ئۈچۈن ھەرىكەتكە كېلىشىدۇ. 10- ئاينىڭ 8-، 9- كۈنىدىن باشلاپ «سوغۇق شەبنەم» مەۋسۈمى باشلىنىدۇ.
    11- ئاي — ئوغلاق [oğlaq] (مىلادىيە: نويابىر، ھىجىرىيە: زۇلقەدە، شەمشىيە: دەلۋە)؛ بۇ ئايدا ئوغلاق يۇلتۇزى كۆك بۇرۇچىدا كۆرۈنىدۇ. 11- ئاينىڭ 8- كۈنىدىن باشلاپ «باش قىش» مەۋسۈمى باشلىنىدۇ.
    12- ئاي — كۆنەك [könek] (مىلادىيە: دېكابىر، ھىجىرىيە: زۇلھەججە، شەمشىيە: ھوت)؛ كۆنەك — ① ياغاچ چېلەك (سوغا) ② سۇ قاچىسى؛ بۇ ئاي يەنە ئارا ئاي دەپمۇ ئاتالغان، بۇ سۆزنىڭ مەنىسى كونا يىل بىلەن يېڭى يىلنىڭ ئارىلىقىدىكى ئاي دېگەن مەنىدە كېلىدۇ؛ بۇ ئاي يەنە «بېلىق» ئېيى دەپمۇ ئاتىلىدۇ؛ 12- ئاينىڭ 7-، 8- كۈنىدىن باشلاپ «ئاق قار» مەۋسۈمى باشلىنىدۇ.

    ● چىللە [çille] (چىللە ئەرەبچىدىن كىرگەن سۆز بولۇپ، چىللە ئاتالغۇسى خەنزۇچىدىكى جۇ بىلەن باراۋەر) — «يازغى چىللە» ۋە «قىشلىق چىللە» دەپ ئايرىلىدۇ. خەنزۇلاردىكى «جۇ» قىشلىق چىللىنى كۆرسىتىدۇ. ئۇيغۇرلار ئارىسىدا ب ئىككى خىل ئاتىلىشى تەڭ قوللىنىلىدۇ. بىر چىللە 9 كۈن بولۇپ، دېھقانلار كالىندارى ھېسابىدا قىشلىق كۈن-تۈن تەڭلەشكەن كۈن (22- دېكابىر) دىن باشلاپ ئەتىيازلىق كۈن تۈن تەڭلەشكەن كۈن (3- ئاينىڭ 21- كۈنى) گىچە بولغان 81 كۈن 9 چىللىگە بۆلىنىدۇ.

    ● كەنجئاي [kencay] (ھەپتە) — كالىندار ھېسابىدا دۈشەنبە، سەيشەنبە، چارشەنبە، پەيشەنبە، جۈمە، شەنبە، يەكشەنبىدىن ئىبارەت يەتتە كۈننى ئۆز ئىچىگە ئالغان ۋە مۇشۇ تەرتىپ بويىچە تەكرارلىنىدىغان ۋاقىت بىرلىكىنىڭ نامى، بىر ھەپتە يەتتە كۈن بولىدۇ.
    ئەجدادلىرىمىز يەتتە كۈننى بىر ھەپتە قىلىپ، ھەر بىر كۈنگە بىردىن يۇلتۇزنىڭ نامىنى قويۇپ ۋاقىت خاتىرىلىگەن. مەسىلەن:
    1. ساقان [saqan] — دۈشەنبە (زۇھەل، ساتۇرىن يۇلتۇزى)؛ سەكەنتۇر، سەكەنتىر دەپمۇ ئاتىلىدۇ.
    2. ئوڭاي [oñay] — سەيشەنبە (ئوڭاي يۇلتۇزى يەنە ئۇيغۇرچىدا ئەرەنتىر، قاراقۇش دېگەن ناملار بىلەنمۇ ئاتالغان؛ مۇشتەرى، يۇپىتىر يۇلتۇزى).
    3. قۇرت [qurt] — چارشەنبە (مېرىخ، مارس يۇلتۇزى)؛ قۇرت — بۆرىنىڭ ئەركىلەتمە ئىسمى، قەدىمكىلەر بۆرىنى ئۇلۇغلىغاچقا ۋە ئۇنىڭدىن قورققاچقا، ئۇنىڭ نامىنى بىۋاستە ئاتىماستىن، ئۇنى قۇرت دەيتتى، بۆرە ئۆلتۈرسە، قۇرۇت ئۆلتۈردۈم دەيتتى؛ قۇرۇت، كۇرۇت، كۇرۇد دېگەندەك تەلەپپۇزلىرى بار.
    4. قۇياش [quyaş] — پەيشەنبە (قۇياش؛ كۈن).
    5. سەۋىت [sevit] — جۈمە (زۆھرە، چولپان، ۋېنېرا يۇلتۇزى).
    6. ئاتارۇت [atarut] — شەنبە (ئارزۇ، مېركورى يۇلتۇزى).
    7. يالچىق [yalçiq] — يەكشەنبە (ئاي، ئاي شارى).

    ئىدىقۇت ئۇيغۇرلىرى بىر ھەپتىنى يەتتە كۈنگە بۆلۈپ، ئۇلارنى، باش كۈن (دۈشەنبە)، بوش كۈن (سەيشەنبە)، سوڭ كۈن (چارشەنبە)، كىچاتنا كۈن (پەيشەنبە)، ئاتنا كۈن (ئازنا-جۈمە)، ئاتناراس (شەنبە)، پازار كۈن (يەكشەنبە) دەپ ئاتىغان.

    ● كۈن [kün] — كالىندار ھېسابىدا تاڭ ئېتىپ قۇياش كۆتۈرۈلگەندىن باشلاپ، قۇياش ئولتۇرغانغا قەدەر بولغان ۋاقىت بىر كۈن بولىدۇ. بىر كېچە كۈندۈزنى ئۆز ئىچىگە ئالغان ۋاقىت بىرلىكى بولۇپ، بىر كۈن 24 سائەت بولىدۇ، كېچە سائەت 1 دىن 12 گىچە چۈشتىن بۇرۇن (چ ب) ھېسابلىنىدۇ. چۈش ۋاقىت سائەت 12 دىن كەچ سائەت 0 گىچە چۈشتىن كېيىن (چ ك) دەپ ھېسابلىنىدۇ.

    ● كۈندۈز [kündüz] — كالىندار ھېسابىدا قۇياش كۆتۈرۈلۈپ تاڭ ئېتىپ قوياش ئولتۇرغانغا قەدەر بولغان ۋاقىت. بىر كۈندۈز 12 سائەت بولىدۇ. ئەنئەنىۋى ۋاقىت ھېسابلاش ئۇسۇلىدا بىر كۈندۈز تاڭ (سەھەر ۋاقتى سائەت 5 تىن 8 گىچە بولغان ۋاقىت)، چۈشتىن بۇرۇن (سائەت 8 دىن 11 گىچە بولغان ۋاقىت)، چۈش (سائەت 11 دىن 1 گىچە بولغان ۋاقىت)، چۈشتىن كېيىن (سائەت 1 دىن 5 كىچە بولغان ۋاقىت).

    ● كېچە [kéçe] — كالىندار ھېسابىدا قۇياش ئولتۇرغاندىن باشلاپ تاڭ ئېتىپ قۇياش كۆتۈرۈلگەنگە قەدەر بولغان ۋاقىت. بىر كېچە 12 سائەت بولىدۇ. ئەنئەنىۋى ۋاقىت ھېسابلاش ئۇسۇلىدا بىر كېچە زاۋال (چۈشتىن كېيىن سائەت 5 تىن 9 غىچە بولغان ۋاقىت)، ئەلياتقۇ (كېچە سائەت 9 دىن 11 گىچە بولغان ۋاقىت)، تۈن نىسبى (كېچە سائەت 11 دىن 1 گىچە بولغان ۋاقىت)، باش توخۇ (سائەت 1 دىن 3 كىچە بولغان ۋاقىت)، سۈبھى (كېچىنىڭ ئاخىرقى بۆلىكى بولۇپ، سائەت 3 تىن 5 كىچە بولغان ۋاقىت) دەپ بەش بۆلەككە بۆلۈنىدۇ.

    ● كۈزەد [küzet] — بۇرۇنقى زامانلاردا بىر كېچىنى بەشكە بۆلۈپ بەش قېتىم جاڭ ئۇرۇدىكەن. ھەر بىر جاڭ ئۇرۇشنىڭ ئارىلىقى تەخمىنەن ئىككى سائەت بولىدىكەن.

    ● سوتكا [sotka] — بىر كېچە-كۈندۈز ۋاقىتنى بىلدۈرىدىغان ۋاقىت ئۆلچەم بىرلىكى، 1 سوتكا 24 سائەت بولىدۇ.

    ● پاس [pas] — قەدىمكى ئوتتۇرا ئاسىيادا قوللىنىلغان ۋاقىت بىرلىكى. بىر پاس ئادەتتە بىر كېچە-كۈندۈرنىڭ 1/8 ىگە توغرا كېلىدۇ.

    ● چارەك [çarek] — كالىندار ھېسابىدا بىر پۈتۈن ۋاقىت بىرلىكىنىڭ تۆتتىن بىرى. چارەك ئەسىر — 25 يىلنى؛ چارەك سوتكا — 6 سائەتنى؛ چارەك سائەت — 15 مىنۇتنى بىلدۈرىدۇ.

    ● سائەت [saet] — سوتكىنىڭ 12/1 ىگە تەڭ بولغان ۋاقىت بىرلىكى، 1 سائەت 60 مىنۇت، 3600 سېكۇنتقا تەڭ. قەدىمكى بابىللىقلار بىر كېچە-كۈندۈزنى 24 ۋاقىتقا بۆلۈپ ۋاقىت ھېسابلىغان. ئۇنىڭ توغرىلىق دەرىجىسى ۋە قوللىنىلىشچانلىقى ياخشى بولغاچقا، باشقا ئەللەرگىمۇ تارقىلىپ كەڭ قوللىنىلغان.

    ● بىر ئاش پىشىم [bir aş pişim] — بىر ۋاق ئاش (تاماق) نىڭ پىشىشى ئۈچۈن كەتكەن ۋاقىت؛ بىر ئاش پىشقۇچىلىك ۋاقىت.

    ● مىنۇت [minut] — ۋاقىت ھېسابىدا بىر سائەتنىڭ 60 تىن 1 بۆلىكى، 1 مىنۇت 60 سېكۇنتقا تەڭ.

    ● سېكۇنت [sékunt] — ھازىرقى ئەڭ كىچىك ۋاقىت بىرلىكىنىڭ نامى، 60 سېكۇنت 1 مىنۇتقا تەڭ، 1 سېكۇنت 60 دەقىقىگە تەڭ.

    ● دەقىقە [deqiqe] — ۋاقىت ھېسابىدا سېكۇنتنىڭ 60 تىن 1 بۆلىكىگە تەڭ بولغان ئەڭ كىچىك ۋاقىت بىرلىكى.
    قەدىمكى زاماندا ئوتتۇرا ئاسىيادا سائەتتىن كىچىك ۋاقىت بىرلىكى دەقىقە بولغان. بىر كېچە-كۈندۈز 1440 دەقىقىگە بۆلۈنگەن. دەقىقىنىڭ ئۇزۇنلۇقى توغرىسىدا «بابۇرنامە» دە «سۈرە فاتىھەنى بىسمىللا بىلەن قوشۇپ ئالتە قېتىم ئوقۇغانچە بولىدۇ» دېيىلگەن.

    ئون ئىككى ئارقۇن (مۆچەل)، ئون ئىككى بۇرج، ئون ئىككى ئاي، تۆت پەسىل، يىگىرمە تۆت مەۋسۈم، يەتتە كۈن (كەنجئاي) ۋە كۈنلەرنىڭ ناملىرىنى تۈركىي تىللار دىۋانى، ئۇيغۇر تىلىنىڭ ئىزاھلىق لۇغىتى، ئۇيغۇر تىلىنىڭ ئىملا لۇغىتى، ئۆلچەم بىرلىكلىرى ئىزاھلىق لۇغىتىدىكى ئىشەنچلىك ماتېرىياللاردىن توپلاپ رەتلەپ يوللاپ قويدۇم، يۇقىرىدىكى ماتېرىياللاردىن پايدىلىنىشىڭلارنى ئۈمىد قىلىمەن. ھازىر ئون ئىككى مۆچەل، ئون ئىككى بۇرج ۋە ئون ئىككى ئاينىڭ ناملىرىنى، ئۇيغۇرچە ناملىرى بىلەن ئەرەبچە ناملىرىنى ئۆزئارا ئالماشتۇرۇپ قويىدىغان ئەھۋاللار كۆپرەك.


مەنبە: ئۇيغۇر كومپىيۇتىر ئىلمىي جەمئىيىتى

ھازىرغىچە 2 ئادەم باھالىدىياخشى باھا مۇنبەر پۇلى يىغىش سەۋەبى
iltebir + 10 ماختاشقا تېگىشلىك
hokumran + 100 پايدىلىق بىلىملەر باركەن .

ھەممە باھا نومۇرى : ياخشى باھا + 100  مۇنبەر پۇلى + 10   باھا خاتىرىسى

تەمەيىم يوق ساخاۋەتتىن، ۋەتەن پەخرىم غورۇرىمدۇر، ئۇنىڭ قوينى ماڭا جەننەت، مۇقەددەس ۋەتەنگاھىمدۇر. zalimin zulumu varsa, sevennin allahi var! ! http://www.1000do.info/?227122.htm

ئەزا ئۇچۇرى
تىزىم نۇمۇرى: No. 22705
يازما سانى: 4496
نادىر تېمىسى: 0
مۇنبەر پۇلى : 4264
تۆھپە نۇمۇرى: 742
توردا: 8424 سائەت
تىزىم: 2010-12-17
ئاخىرقى: 2015-4-9
يوللىغان ۋاقتى 2011-4-4 10:00:45 PM |ھەممە قەۋەتنى كۆرۈش |
تېمىغا مۇناسىۋەتسىز بولسىمۇ بىر نەرسىنى سوراي، ماۋۇ مۇنبەردە كالىندار تۈزۈشنى ئۇقىدىغانلار بارمۇ، بولسا ماڭا ھىجرىيە كالىندارىنى تۈزۈپ بەرگەن بولساڭلار، ئۇيغۇرچە قىلىپ. مىلادىيە كالىندارىنىڭمۇ 100 نەچچە يىللىق كالىندار كۈنى تۈزۈلدى، ماۋۇ ھىجرىيە كالىندارىنىمۇ مۇشۇنداق قىلىپ قويغان بولساق، كۈندە ئىشلىتىپ تۇرمىغاندىن كېيىن ئاسان ئۇنتۇلۇپ قالىدىكەن بۇ كالىندارنى.
تېمىغا مۇناسىۋەتسىز گەپ قىلىپ قويدۇم ھەقاچان، كەچۈرۈڭلار.

ئەمەللەر نىيەتكە باغلىق .

ھەممە ئىشنىڭ ۋاق

ئادەتتىكى ئەزا

ئەزا ئۇچۇرى
تىزىم نۇمۇرى: No. 34588
يازما سانى: 282
نادىر تېمىسى: 0
مۇنبەر پۇلى : 7581
تۆھپە نۇمۇرى: 112
توردا: 248 سائەت
تىزىم: 2011-3-20
ئاخىرقى: 2011-6-14
يوللىغان ۋاقتى 2011-4-4 10:07:40 PM |ھەممە قەۋەتنى كۆرۈش |
مىنڭ تۇغۇلغان ئېيىم ئوچاق ئېيى ئىكەن .

ھەممە ئىشنىڭ ۋاقتى بار ، ياشاش، ئۆلۈش، سۆيۈشنىڭ . . .

شاكىرە شەبنەم

دائىملىق ئــەزا

ئەزا ئۇچۇرى
تىزىم نۇمۇرى: No. 2820
يازما سانى: 1351
نادىر تېمىسى: 0
مۇنبەر پۇلى : 24053
تۆھپە نۇمۇرى: 434
توردا: 3965 سائەت
تىزىم: 2010-6-16
ئاخىرقى: 2012-10-28
يوللىغان ۋاقتى 2011-4-4 10:10:33 PM |ھەممە قەۋەتنى كۆرۈش |
ئىنكاس ئارقىلىق ساقلىۋالاي.
تولىمۇ ئەھمىيەتلىك تېما بوپتۇ.ئەجرىڭىزگە رەھمەت.

قېرىنداشلىرىم،ئۆز تىلىمىز ۋە يېزىقىمىزنى پىششىق ئۆگىنەيلى!

ئەزا ئۇچۇرى
تىزىم نۇمۇرى: No. 29304
يازما سانى: 524
نادىر تېمىسى: 0
مۇنبەر پۇلى : 8212
تۆھپە نۇمۇرى: 595
توردا: 4974 سائەت
تىزىم: 2011-2-6
ئاخىرقى: 2013-9-10
يوللىغان ۋاقتى 2011-4-4 10:11:14 PM |ھەممە قەۋەتنى كۆرۈش |
بەك ئەھمىيەتلىك تىما يوللاپسىز `مەن مۇشۇ تىمىنى ئىزدەپ تۇرغانتىم `` سىزگە كۆپ رەخمەت  ، ئەجىرىڭىزگە تەسەككۈر `` قولىڭىزغا دەرد بەرمىسۇن ` `ساقلىۋالدىم `

ئەزا ئۇچۇرى
تىزىم نۇمۇرى: No. 24585
يازما سانى: 7
نادىر تېمىسى: 0
مۇنبەر پۇلى : 6024
تۆھپە نۇمۇرى: 300
توردا: 121 سائەت
تىزىم: 2010-12-31
ئاخىرقى: 2011-5-29
يوللىغان ۋاقتى 2011-4-4 10:12:07 PM |ھەممە قەۋەتنى كۆرۈش |
بەك ياخشى بولدى،ماڭا كېرەك ئىدى ،ساقلىۋالدىم..رەھمەت سىزگە ھىلال..

ئىمىنجان ھىدايە

تىرىشچان ئەزا

ئەزا ئۇچۇرى
تىزىم نۇمۇرى: No. 15099
يازما سانى: 586
نادىر تېمىسى: 0
مۇنبەر پۇلى : 13703
تۆھپە نۇمۇرى: 2034
توردا: 1650 سائەت
تىزىم: 2010-10-24
ئاخىرقى: 2015-5-12
يوللىغان ۋاقتى 2011-4-4 10:14:15 PM |ھەممە قەۋەتنى كۆرۈش |
ئەسسىلامۇ ئەلەيكۇم ھۆرمەتلىك قىرىندىشىم ! ھىلال ئاي ئەھمىيەتلىك بىلىۋىلىشقا تىگىشلىك تىما يوللاپسىز ؟ رەھمەت     سىز بارمۇ  ؟ ياپۇنيەدىكى ئوقۇشلىرىڭىز قانداقراق ، تىنىڭىز سالامەت تۇردىمۇ ؟ شىنجاڭنىڭ جەنۇبىدىكى زىمىندىن سىز گە سالام ! ئۆزىڭىزنى ئاسراڭ
  مۇمكىن بولسا سىز بىلەن سىردىشىش ئىستىكىم بار ئىدى  ئەگەر خالىسىڭىز  بۇ مىنىڭ چ چ 1395898567  نۇمۇرۇم ئالاقىلىشىپ تۇرغان بولساق    ئاللاھ گە ئامانەت  [s:122]
  ھەرارس يەنە بىر گەپنى ئۇنتۇپ قاپتىمەن  
  مۇشۇ تىمىدىكى  شەمسىيە كالىندارى قانداق كالىندار ، قەمەرىيە چۇ ؟ مىلادىيە چۇ ؟ مەن تازا ئىنىق بىلمىدىم

ئىمىنجان ھىدايەت

ئەزا ئۇچۇرى
تىزىم نۇمۇرى: No. 34310
يازما سانى: 22
نادىر تېمىسى: 0
مۇنبەر پۇلى : 4416
تۆھپە نۇمۇرى: 199
توردا: 348 سائەت
تىزىم: 2011-3-18
ئاخىرقى: 2011-11-4
يوللىغان ۋاقتى 2011-4-4 10:20:34 PM |ھەممە قەۋەتنى كۆرۈش |
بەك ياخشى بولدى!!!!!! مەن ئۇمۇت ئېيىدا تۇغۇلۇپتىكەنمەندە!!!!!! ئۇنداقتا ئۇمۇتلۇك بولاي!!!!!!!!غەيرەت قىل!!!!!

مىنى مەلىكەدىسەڭلار خىجىل بۇلۇپ كىتىدىكەنمەن!!!

ئەزا ئۇچۇرى
تىزىم نۇمۇرى: No. 35298
يازما سانى: 27
نادىر تېمىسى: 0
مۇنبەر پۇلى : 3188
تۆھپە نۇمۇرى: 90
توردا: 31 سائەت
تىزىم: 2011-3-26
ئاخىرقى: 2013-7-5
يوللىغان ۋاقتى 2011-4-4 10:34:49 PM |ھەممە قەۋەتنى كۆرۈش |
ئەگەردە ھازىرقى دۈشەنبە ،سەيشەنبە ،بىرىنجى ئاي ،ئىككىجى ئاي دىگەن، ئاتالغۇلارنى تاشلاپ ،مۇشۇ قەدىمى ئۇيغۇرچە ئاتالغۇلارنى ئىشلەتسەڭ نىمە دىگەن ياخشى بولاتتى ھە ........

ھاياتىم گۈزەل

ئەزا ئۇچۇرى
تىزىم نۇمۇرى: No. 30177
يازما سانى: 765
نادىر تېمىسى: 0
مۇنبەر پۇلى : 8259
تۆھپە نۇمۇرى: 560
توردا: 4412 سائەت
تىزىم: 2011-2-12
ئاخىرقى: 2013-5-16
يوللىغان ۋاقتى 2011-4-4 10:36:54 PM |ھەممە قەۋەتنى كۆرۈش |
تولىمۇ ئەھمىيەتلىك تېما يوللاپسىز سىڭلىم!!ئاللاھ ئەڭ كۆپ رەھمەتلەرنى سىزگىلا ئاتا قىلسۇن!!ياپۇنيەدىكى ھەممە ئىشلىرىڭىزغا مۇۋەپپىقىيەت تىلەيمەن!!

كىتابخانا -ئۆزىڭىزنى ئىزدەپ بارىدىغان جاي!!
كىرگەندىن كىيىن ئىنكاس يازالايسىز كىرىش | تىزىملىتىش

مۇنبەر باش بېتىگە قايتىش|يانفۇن|مىسرانىم مۇنبىرى
  
Powered by Discuz! X2(NurQut Team)© 2001-2011 Comsenz Inc. For misranim.com ( 苏ICP备:11007730号 )
چوققىغا قايتىش