مەن كېتىمەن ئەلۋىدا يارىم

xugkar520

	مەن كىتىمەن ئەلۋىدا يارىم ، شاماللارغا ھالىمنى سۆزلەپ . ھىجران چۆلىدە ئۈنەرمەن قايتا ، يۈرمە مەندىن بەختىڭنى ئىزلەپ  .             مەن كىتىمەن ئەلۋىدا يارىم ، پاك سۆيگۈمنى قەلبىمگە  تىرەپ . مەن نىمانچە بىتەلەي ئىنسان ، بەخت ماڭا باقمىدى ئەجەپ.            مەن كىتىمەن ئەلۋىدا يارىم ، كۆز يىشىمدا يۇرەكنى سۆرەپ . ئېلىپ كىتەي بارچە ئازاپنى ، ساڭا مەڭگۈ چىن بەخت تىلەپ..                                            سەن رىشتىڭنى ئۈزگەندىن بىرى          سەن رىشتىڭنى ئۈزگەندىن بىرى، كۆپلەپ چەكتىم ،دەردۇ-مالامەت . چىنار ئىدىم يىڭى بىخ سۈرگەن ، يەرگە يەتتى سەرۋىدەك  قامەت  .          سەن رىشتىڭنى ئۈزگەندىن بىرى ، ئاجىز تەندە قالمىدى تاقەت . ئازاپلارغا كەتتىم كۆمۈلۈپ ، ۋىسال قۇچاق ئاچمىدى پەقەت .           سەن رىشتىڭنى ئۈزگەندىن بىرى، كۈلەلمىدىم ئېچىلىپ بىر رەت . قىيناپ مىنى بەرمىدى ئارام ، قارچۇغۇمدا تارتىلغان سۈرەت .                                     مەن كېتىمەن ئازاپ قوينىغا          مەن كىتىمەن ئازاپ قوينىغا، پاك سۆيگۈمنى قوقاسقا كۆمۈپ . تەسەللىمۇ بەرمەس شوخ شامال ، مىھىربىلەن مەڭزىمگە سۆيۈپ  .       مەن كىتىمەن ئازاپ قوينىغا، ھەسرەت بىلەن ھىجرانغا كۆنۈپ . ۋىسالىڭغا تەلمۈرگىنىم راسىت، سەنسىز چۆلدە قايتىدىن ئۈنۈپ  .          مەن كىتىمەن ئازاپ قوينىغا ، ئاخىرغىچە بىرسىنى كۈتۈپ . سالارسەنمۇ بىر نەزەر ماڭا ، مىڭىپ قالساڭ يىنىمدىن ئۆتۈپ .                                 ئەقىدە    سۆيگۈ تىلەپ تۇرسام تەلمۈرۈپ ، شىرىن ئازاپ قىلدىڭ سەدىقە . ھىجرانلاردا كۆيۈپ كۈل بولۇپ ، ساقلاپ كەلدىم ساڭا ئەقىدە.         خالىمىدى يۈرىكىم سەندىن، باشقىسىغا كۆڭۈل بىرىشكە . كەلمىدى يا تىلىممۇ بىر رەت ، ئۆزگىلەرنى يارىم دىيىشكە .        ئۇنۇت دىدىڭ ماڭا نەچچە رەت ، كۆزلىرىمگە قارىماي تۇرۇپ . قارچۇغۇمدا قاتتى  سۈرىتىڭ ، ئۇنۇت دىسەڭ ئىلىۋەت يۇلۇپ .                                           قىزىل گۈلگە ئوخشايدۇ يارىم             يىغا كەلدى كۆزۈمگە بىردىن ، قىزىل گۈلنىڭ بەرگىنى كۆرۇپ. ئالداپ يۈردۈم ئۆزۈمنى نەچچە ، گۈل شىخىنى يارىم دەپ سۆيۈپ .              ئوخشايدىكەن گۈلنىڭ خۇش ھىدى ، نازىڭ بىلەن سۆيۈشلىرىڭگە. شىۋىرلىشى غۇنچە گۈللەرنىڭ ، قىيا بىقىپ كۈلۈشلىرىڭگە.            گۈل تۈۋىنى ئەگىپ ھەر كۈنى ، ھىدلىرىڭنى پۇرايمەن قانماي . كىپىنەكتىن قىزغىنىپ گۈلنى ، ئاۋارىمەن ئىلىپ قاچالماي.                   مەنبە:        رۇزىمۇھەممەت غۇجى ئەھمەد

arif

	بىر_بىرىدىن ئېسىل يېزىلىپتۇ ،،كىيىنكى ئىجادىيەتلىرىڭىزگە ئۇتۇق تىلەيمەن ....

akida918

	ئەلۋىدا دېگەن شئىرىڭىزغا ناخشىدىن بىرنى يوللىۋىتەي دىىسەم ئاستىدا يەنە بەك جىق ياخشى شئىرلار باكەن ....

jawlan

	ياخشى يېزىلغان شېئىرلاركەن ،  يەنە بامۇ بولسا بىزدىن ئايماڭ ھە [s:181]

musilina

	بىر -بىرىدىن تىلى يېقىملىق،ئېسىل چىققان ،كۆڭۈلگە يېقىشلىق شېئىرلاركەن.....مۇشۇنداق لېرىك شېئىرلاردىن يەنە  بولسا ئايىمىغايسىز.....

yalpuz0997

	مەن كېتىمەن ئەلۋىدا يارىم، يۈرىكىمنى ئامانەت قۇيۇپ. ساداقەتنىڭ  نازۇك گۈللىرى، تەشۋىشلەردە قالمىسۇن قۇرۇپ.

xugkar520

	رەھمەت سىلەرگە مەن تىخىمۇ ياخشى يىزىشقا تىرىشىمەن،

xugkar520

	ئاپتور جاۋابىنى بويلاپ 2قەۋەت akida918 كە 2011-04-03 02:04 PMئەۋەتىلدى : ئەلۋىدا دېگەن شئىرىڭىزغا ناخشىدىن بىرنى يوللىۋىتەي دىىسەم ئاستىدا يەنە بەك جىق ياخشى شئىرلار باكەن .... شۇنداق بولسىمۇ يوللاپ قويۇڭ بولسا

xugkar520

	ئاپتور جاۋابىنى بويلاپ 6قەۋەت yalpuz0997 كە 2011-04-03 02:39 PMئەۋەتىلدى : مەن كېتىمەن ئەلۋىدا يارىم، يۈرىكىمنى ئامانەت قۇيۇپ. ساداقەتنىڭ  نازۇك گۈللىرى، تەشۋىشلەردە قالمىسۇن قۇرۇپ.