ۋېن جىياباۋنىڭ رىياسەتچىلىكىدە گوۋۇيۈەنن

karluq02

	يىغىندا ‹‹ چىڭخەي – شىزاڭ ئېگىزلىكىنىڭ رايون ئېكولوگىيە قۇرۇلۇشى ۋە مۇھىتىنى قوغداش يىرىك پىلانى ( 2011–2030 ) ›› مۇزاكىرە قىلىندى ۋە ماقۇللاندى شىنخۇا ئاگېنتلىقى، بېيجىڭ، 30 – مارت تېلېگراممىسى. گوۋۇيۈەن زۇڭلىسى ۋېن جياباۋنىڭ رىياسەتچىلىكىدە 30 – مارت گوۋۇيۈەننىڭ دائىمىي يىغىنى ئېچىلىپ، ‹‹چىڭخەي – شىزاڭ ئېگىزلىكىنىڭ رايون ئېكولوگىيە قۇرۇلۇشى ۋە مۇھىتىنى قوغداش يىرىك پىلانى(2011 – 2030)›› مۇزاكىرە قىلىندى ۋە ماقۇللاندى. يىغىندا مۇنداق كۆرسىتىلدى: شىزاڭ، چىڭخەي، سىچۈەن، يۈننەن، گەنسۇ، شىنجاڭ قاتارلىق ئالتە ئۆلكە(ئاپتونوم رايون)نىڭ 27 ۋىلايەت، 179 ناھىيەسىنى ئۆز ئىچىگە ئالغان چىڭخەي – شىزاڭ ئېگىزلىكىنىڭ جۇغراپىيەلىك ئورنى ئۆزگىچە، تەبىئىي بايلىقى مول بولۇپ، دۆلىتىمىزنىڭ مۇھىم ئېكولوگىيە بىخەتەرلىك توسىقى ھىسابلىنىدۇ. چىڭخەي – شىزاڭ ئېگىزلىكىنىڭ ئېكولوگىيەلىك قۇرۇلۇشى ۋە مۇھىتىنى قوغداش دۆلەتنىڭ ئېكولوگىيە بىخەتەرلىكىنى قوغداش، چېگرا رايونلارنىڭ مۇقىملىقى ۋە مىللەتلەر ئىتتىپاقلىقىنى ئىلگىرى سۈرۈش، ئومۇميۈزلۈك ھاللىق جەمئىيەت بەرپا قىلىشتا مۇھىم ئەھمىيەتكە ئىگە. پارتىيە مەركىزىي كومىتېتى، گوۋۇيۈەن بۇنىڭغا يۈكسەك ئەھمىيەت بېرىپ، بىر قاتار سىياسەت –تەدبىرلەرنى ئوتتۇرىغا قويدى، بۇنىڭ بىلەن چىڭخەي – شىزاڭ ئېگىزلىكىنىڭ ئېكولوگىيەلىك مۇھىتىنى قوغداشتا پائال ئىلگىرىلەشلەر قولغا كەلدى. 2001 – يىلىدىن بۇيان، يايلىتىشنى توختىتىپ، ئوت – چۆپ ئۆستۈرۈش كۆلىمى 160 مىڭ كىۋادرات كىلومېتىرغا، تېرىلغۇدىن ئورمانغا قايتۇرۇش كۆلىمى 4200 كىۋادرات كىلومېتىرغا، سۇ – تۇپراقنىڭ ئېقىپ كېتىشىنى تۈزەش كۆلىمى تەخمىنەن 9000 كىۋادرات كىلومېتىرغا يېتىپ، ئورمان بىلەن قاپلىنىش نىسبىتى 0.8 پىرسەنت پوئېنت ئۆستى، ئاساسلىق دەريا – ئېقىن، كۆللەرنىڭ سۇ سۈپىتى ياخشىلىنىپ، كۆپ ساندىكى شەھەر – بازارلاردا ئاتموسفېرانىڭ مۇھىت سۈپىتى دۆلەتنىڭ 1 – دەرىجىلىك ئۆلچىمىدىن يۇقىرى بولدى. لېكىن تەبىئىي مۇھىت مۇرەككەپ، ئۆزگىرىشچان، رايون كەسىپ قۇرۇلمىسى دېگەندەك مۇۋاپىق بولمىغاچقا، چىڭخەي – شىزاڭ ئېگىزلىكىنىڭ ئېكولوگىيە بىخەتەرلىكى كەسكىن خىرىسقا دۇچ كەلمەكتە، ئېكولوگىيە قۇرۇلۇشى ۋە مۇھىتنى قوغداشتا ۋەزىپە يەنىلا مۈشكۈل. يىغىندا مۇنداق تەكىتلەندى: 2030 – يىلىغا بارغاندا چىڭخەي – شىزاڭ ئېگىزلىكىنىڭ تەبىئىي ئېكولوگىيە سىستېمىسى ياخشىلىنىشقا يۈزلىنىپ، شەھەر – يېزىلارنىڭ مۇھىتى پاكىز ھەم گۈزەل بولۇپ، ئىنسانلار بىلەن تەبىئەت ئىناق ياشايدۇ. بۇنىڭ ئۈچۈن بىرىنچى، ئاساسلىق ئىقتىدار رايونىنى ئايرىش كېرەك. ئوخشىمىغان رايونلارنىڭ جۇغراپىيەلىك ئالاھىدىلىكى، تەبىئىي شارائىتى ۋە بايلىق مۇھىتىغا ئىگە بولۇش ئىقتىدارىغا ئاساسەن، چىڭخەي – شىزاڭ ئېگىزلىكىنى ئېكولوگىيە بىخەتەرلىكىنى قوغداش رايونى، شەھەر – بازارلارنىڭ مۇھىت بىخەتەرلىكىنى قوغداش رايونى، دېھقانچىلىق – چارۋىچىلىقنىڭ مۇھىت بىخەتەرلىكىنى قوغداش رايونى، بايلىق رايونى ۋە ئۆرنەك رايون قاتارلىق رايونلارغا ئايرىش ھەم مۇناسىپ باشقۇرۇش تەدبىرلىرىنى بېكىتىپ يولغا قويۇش كېرەك. ئىككىنچى، ئېكولوگىيەلىك مۇھىت قۇرۇلۇشى ۋە ئېكولوگىيەلىك مۇھىتنى قوغداشنى كۈچەيتىش كېرەك. ئۈچ دەريا مەنبەسى، چىليەنشەن تېغى قاتارلىق ئون نۇقتىلىق ئېكولوگىيە ئىقتىدار رايونىنى مۇھىم نۇقتا قىلىپ ئوتلاق، نەم يەر، ئورمان ۋە جانلىقلارنىڭ كۆپ خىللىقىنى قوغداش، قۇملاشقان يەر ۋە سۇ – تۇپراقنىڭ ئېقىپ كېتىشىنى تۈزەشنى ئىلگىرى سۈرۈش، يەرنى تۈزەش ۋە گېئولوگىيەلىك ئاپەتلەرنىڭ ئالدىنى ئېلىشنى كۈچەيتىش، تەبىئىيلىكى قوغدىلىدىغان رايونلارنى قوغداش سەۋىيەسىنى ئۆستۈرۈش كېرەك. ئۈچىنچى، مۇھىت بۇلغىنىشىنىڭ ئالدىنى ئېلىش – تۈزەشنى كۈچەيتىش كېرەك. تۆتىنچى، ئېكولوگىيەلىك مۇھىتنى نازارەت قىلىش، باشقۇرۇش ۋە پەن تەتقىقات ئىقتىدارىنى ئۆستۈرۈش كېرەك. بەشىنچى، مۇھىت سۆيەر تىپىدىكى كەسىپلەرنى راۋاجلاندۇرۇش كېرەك. ئەنئەنىۋى دېھقانچىلىق، چارۋىچىلىقنى ئېكولوگىيە تىپىغا ئۆزگەرتىشنى تېزلىتىش، قېزىلما بايلىقلار ۋە سۇ ئېنېرگىيەسى بايلىقىنى ئىلمىي، مۇۋاپىق، تەرتىپلىك ئېچىپ، ئېكولوگىيە ساياھىتىنىڭ ساغلام راۋاجلىنىشىنى ئىلگىرى سۈرۈش كېرەك.     يىغىندا ‹‹يەككە سودا – سانائەتچىلەر نىزامى(لايىھەسى)›› قاراپ چىقىلدى ۋە ماقۇللاندى. نىزام لايىھەسىدە يەككە سودا – سانائەتچىلەرنىڭ كەسىپ بىلەن شوغۇللىنىش سانى، قۇرغۇچى سالاھىيىتىنى ئىلتىماس قىلىش چەكلىمىسى ئەمەلدىن قالدۇرۇلۇپ، تىجارەت دائىرىسى كېڭەيتىلدى، يەككە سودا – سانائەتچىلەرنى يۆلەش، ئۇلار ئۈچۈن مۇلازىمەت قىلىش تەدبىرى ۋە يەككە سودا – سانائەتچىلەرنىڭ تىجارەت ئاساسىي ھەرىكەت ئۆلچىمى قاتارلىقلار بەلگىلەندى. مەنبە: شىنجاڭ گېزىتى 2011- يىل 4- ئاينىڭ 1- كۈنىدىكى سانى.

kalibdaxbiz

	شىنجاڭنىڭ قېزىلما بايلىقىنىڭ موللىقى توغرىسىدا بىرە قېتىم  ماختاپ قويمىغاندىمۇ ؟ ھەممىسى شىزاڭنىڭ گىپىكەنغۇ...

karakax12

	بۇ خەۋەرنىڭ تۈرتكىسىدە پايچېكى بازىرىدىكى شىزاڭنىڭ پايلىرى ئۆسۈپ كىتىدىغان بولدىدە ئەمدى .....