تەڭرىمۇ سوۋغا تەلەپ قىلىدىكەن

erkoghlan

	تەڭرىمۇ سوۋغا تەلەپ قىلدىكەن  ئاپتورى: ئەرك ئوغلان غولام ھايات ھېچقاچان ھاياتلىق كېمىسىگە ئولتۇرغانلارنى تاشلاپ ئىلگىرلەپ كەتكەن ئەمەس.مەيلى ئۇ بېلەتلىك بۇ ھاياتلىق كېمىسىگە چىققانلار بولسۇن،ياكى بېلەتسىز چىققانلار بولسۇن.مەيلى ئۇ ھايات مەنزىلىنى كۆزلەپ چىققانلار بولسۇن ۋەياكى كىشىلەر توپىغا قىززىقسىنىن چىققانلار بولسۇن.يەنە شۇنداقكى ھاياتلىقتىن مەنە تاپقانلار بولسۇن ياكى تاپمىغانلار بولسۇن، ئۇ ھىچقايسىسنى تاشلاپ ئۇززاقلىغان ئەمەس.دىمىسىمۇ ھاياتلىق تۈمەنمىڭ مەۋجۇداتتىن ئۆرنەك تاپقان!     دەسلەپ كەلگەندە ھەممىمىز بۇ ھاياتلىققا دەسمايىسىز كېلىمىز،يالىڭاچ كېلىمىز.ئەمما قايتاشىمىزدا بولسا قۇرۇققول يلىڭاچ قالساقمۇ، بىھېسساپ دەسمايىنى ئېلىپ كېتىمىز. بەزىلىلەر پەيدەك يەڭگىل ئەمما ۋەزنى تاغدەك ئېغىر دەسمايىللىرنى  كۆتۈرۈپ كېپىنەكتەك يەڭگىل قايتىدۇ. يەنە بەزىلەر بولسا تاغدىن ئېغىر ئەمما قىممىتى پەيدىن يەڭگىل دەسمايىللىرنى كۆتىرەلمىگىنىدىن سۆرەشكەنلىرچە ھاسىراپ، ھۆمىدەپ قايتىدۇ.   _ ھېي بەندەم،قېنى ئالغىن،ھاياتلىقتىن ماڭا ئالغاچ كەلگەن سوۋغاتلىرىڭنى كۆرسەت!تەلەپ قىلىدۇ تەڭرى ئاخىرەت كۈنى. _ ئالغاچ كەلگەن سوغاتلىرىڭلار ئېسىل بولسا جەننەتتىن ئورۇن بېرىمەن.ئېسىل نازۇ-نىممەتلەردىن ھوزۇر ئېلىپ راھەت كۆرسەن.ئالغاچ كەلگەن سوۋغاتلىرىڭ يامان بولسا...ئۇچاغ سېنى جەھەننەمگە بۇيرۇيمەن. ئوت ئىچىدە زۇلۇم كۆرۈسەن!   _ سەن ھاياتلىققتا تاپقان-تەرگىنىڭنىڭ ئىچىدىكى ئەڭ ئېسىلىنى ئويلايسەن ۋە مال-مۈلكۈڭنىڭ قىممىتىنى ھېسسابلاشقا ئالدىرايسەن.ھاياتلىقتا يوشۇرۇن ۋو ئاشكارە سوۋغا سالام بېرىپ كۆنۈپ كەتكەنلەر بولسا، مال-دۇنيالىرنى قەبىرلىرگە ھەم ئاخىرەتلەرگىچە بىللە ئېلىۋالمىغىنىغا پۇشمان قىلىپ ئۈلگۈرشىدۇ. ھاياتلىقنى مۇسۇلمان سەللىسىگە ئورىۋالغانلار بولسا بۇنىڭدىن ھەيرانۇ-ھەس بولغىنچە بىر-بىرى بىلەن كۇسۇرلىشىدۇ.قورقۇش ۋە ھەيرانلىقتا تەئەججۈپلىنىپ تەڭرىگە يۈزلىندۇ.باشلىرى ساڭگىلغان ھالەتتە دۇدۇقلاپ:   _ ئى...تەڭرىم، سىلى بىزگە ئەۋەتكەن پەيخەمبەرلەر ئېيىتقانكى<<ئاللاھ بارچە كائىنات ۋە مەجۇداتنىڭ ياراتقۇچىسى.ئۇ پۇتكۈل ئالەم ۋو غەزىنىلەرنىڭ ھەقىقى خوجايىنى.ئۇ خالىسا سىلەرگە تاغلارنى ئالتۇندىن،تاشلارنى قىممەت باھالىق ئۈنچە-مەرۋايىت،گۆھەر-ياقۇتتىن قىلىپ بېرەلەيدۇ.ھەم سىلەرنىڭ تاپقىنىڭلار ئاللاھ تەرپىدىن سىلەرگە ئىنايەت قىلىنغان مۇكاپاتتۇر. ئاللاھ ھېچنەرسىگە مۇھتاج بولمايدۇ.كىيىم-كېچەك،يىمەك-ئىچمەك،مال-دۇنياغا،يەنى سىلەرنىڭ نەپىسىڭلارنى قىستاپ، ئۆز ئاياغلىرى ئاستىدا خارئەيلىگەن ئاشۇ مال-دۇنيالىرىڭلارغا، ئەمەل-ئەمەل مەنسەپلىرىڭلارغا مۇھتاج ئەمەستۇر. ئۇ يەككە-يىگانە، ھېچبىر تەڭدىشى بولمىغان قۇدىرەت ئىگىسىدۇر >> _ ئەمما بۈگۈن سىلى بىزدىن سوۋغا تەلەپ قىلۋاتىدىلا.بىزنى سىلى ئۇ دۇنياغا يالىڭاچ ھالدا ئاپىرىدە ئەتتىلە. تىرىشتۇق،ئەجىرمىزگە بەرگەنلىرنى ھاياتلىق ئۈچۈن خىراجەت ئەتتۇق.بەزىللىرمىز باي، بەزىللىرمىز نورمال،يەنە بەزىللىرمىز بولساق،يوقسۇزلۇق، مۇھتاجلىقتا ئۆتتۇق.شۇندىمۇ ئىلتىپات ئەتكەنلىرگە شۇكرى ئېيتقانلارمۇ،بىرنى ئىككى،ئىككىنى تۆت قىلىشقا ئارمان بىلەن بېخىل ئۆتكەنلەرمۇ بولدۇق. ھاياتلىقتا دۆۋە-دۆۋە،پاتمان-پاتمان مال-دۇنيالىق بولغانلارمۇ، ۋە ئول مال-دۇنيالىرنى ياراتقۇچىمىز بولغان ئۆزلىرنىڭ يولدا خەيرى-ساخاۋەت ئەتكەنلەرمۇ، ھەم مۇھتاجلىق قىياپىتىگە كىرۋىلىپ، ئۇشبۇ يولدىن نان تېپىپ جانباققانلارمۇ بولدۇق. دۇنيا تېپىپ،ئۇلارنى ئۇدۇنيالىقتىكى ھوقۇق-مەنسەپ،ئەمەل-ئابرويىمىز ئۈچۈن شوتا قىلغانلارمۇ،ۋە بۇ ئورۇن ئەمەللەرگە تاينىپ،ئاجىز-بىچچارىلەردىن ھەسىلەپ تۆلتىپ ئالغانلارمۇ بولدۇق.تاپقانلىرنى توپلاپ، بېخىللىقتا ئىبادەت بىلەن ئۆتكەنلەرمۇ، ئاز تاپسىمۇ ،ئائىلىسى ۋو قېرىنداشلىرغا، قەۋمى ۋە مۇھتاجلارغا سەدىقە بېرىپ ئۇلارغا ئورتاقداش بولغانلارمۇ بولدۇق. دۇنيا تېپىش ئۈچۈن ئۆزقېرىنداشلىرمىزنى،قەۋمىمىزنى ساتقانلارمۇ،ئىمان-ئىتقادىمىزدىن ۋازكەچكەنلەرمۇ، شۇنداقلا ئاشۇ دۇنيا ئۈچۈن لالما ئىتتەك سەرگاردان بولغانلارمۇ، قۇيرۇق شىپاڭئىشتىپ خوشامەتگويلىقتا دۇنيادارلارنىڭ ۋە مەنسەپ دارلارنىڭ پۇتلىرغا سۈركىشىپ ئۆتكەنلەرمۇ بولدۇق. يەنە شۇنداقلارمۇ ئۆتتۇقكى، دۇنيالىقتا خوتۇن-قىزلىرمىزنى، ئاچا-سىڭىللىرمىزنى <<سولاپ>>ساتقانلارمۇ، ئۆزلىرى خالىشىپ ئاشۇ ئىپلاسلىقلارنى دۇنيا تېپىشنىڭ يولى ئەتكەنلەرمۇ بولدۇق. دۇنيا تېپىپ ،يەپ-ئىچىپ، ئەيشى-ئىشرەت،نەغمە-ناۋا،بۇزۇقچىلىق بىلەن <<راھەت>> ئۆتكەزگەنلەرمۇ بولدۇق.ئىگەم بولغان ئۆزلىرنىڭ نامى،يەككە ۋە شىرىكسىزلىكى بىلەن قەسەمكى، مۇشۇ تاپتا مەيدىسىنى كىرىپ، باشلىرنى ئېگىز كۆتۇرۇپ، چىرايلىردىن كۈلكە نۇرلىرنى ياغدۇرۇپ تۇرغانلار،ھاياتلىقتا ئاللاھ ئۈچۈن بېشى ئىگىلگەن،قەددى پۈكۈلگەن، ئىزا-ئاھانات تارتقانلاردۇر. تاپقان دۇنيالىرنى سىلنىڭ يوللىردا خەيرى-ساخاۋەت ئەتكەنلەر،سىلىگە شۈكرى-ھەمدۇسانا ئېيتىپ،تائەت-ئىبادەت بىلەن مەشخۇل بولغانلار. مال-دۇنيانى ئۆزلىرگە دوس تۇتمىغانلاردۇر. سىلىگە شىرىكسىز ئىشىنىپ،سىلى ئەۋەتكەن پەيخەمبەرلەرگە ئەگىشىپ ھەق يولدا ئازماي ماڭغانلاردۇر. ئەكىسچە بولغاندا، باشلىرى ساڭگىلاپ،قەددىللىرى پۈكۈلگەن،پۇشماندىن نۇمۇس ئوتلىرى يۈزلىرنى ئانار ئەتكەنلەر بولسا، ھاياتلىقتا كىبىرلىكى بىلەن غادىيىپ ئۆتكەنلەردۇر. پەيخەمبەرلەرگە ئەگەشمىگەن،ئۇلارنى ھاقارەتلەپ كەمسىتكەن،ھەق يولنى قۇبۇل ئەتمىگەن ۋە ئەق يولنى قۇبۇل ئېتىپ تۇرۇن نەپسى بالانىڭ كەينىگە كىرىپ ،ئازغۇنلۇققا كارۋان بولغانلاردۇر. دىمەككى، بىز قايتاشىمىزدا ھەم قۇرۇققول،يالىڭاچ ياندۇق. بىزدە نەدىمۇ سىلىگە بەرگىدەك سوۋغا بولسۇن؟!   _ ئى پەيخەمبەرلىرىم،سىلەر راستىنلا ئۇلار دىگەندەك سۆزلىدىڭلارمۇ؟ سورايدۇ تەڭرى ئۇلارغا خىتاب قىلىپ.   _ بەرھەق پەرۋەردىگارىم،ئۇلار دۇرۇس ئېيتىدۇ.سىلى بىزگە شۇنى يەتكۈزۈشنى بۇيرىغان ئىدىلە ،بىز ئۇنى ئەينەن يەتكۈزدۇق!   _ جەننىتىڭلار باياشات قىلىنغان!ئېيتىدۇ تەڭرى ئۇلارغا مەنمۇمىيەت بىلدۈرۈپ. _ سىلەر مەن بۇيرىغان ئامانەتنى ئىگىلىرىگە ھەق يەتكۈزدىڭلار. سىلەر جەننەتلىكدۇرسىلەر.بېرىڭلار، تارتقان مۇشاقىتىڭلارنىڭ ئىنايىتىنى جەننەتتىن كۆرۈڭلار!      ھەممە ئۇلارنىڭ كەينىدىن قارشىپ قالىدۇ. تۈرلۈك-تۈمەن ئويلارنى كاللىلىردىن ئۆتكۈزۈپ ئۈلگۈردۇ.ئاللاھ ھەممىنى بىلىپ تۇرغۇچىدۇر.ئاللاھقا ھېچبىر قەلىپ،ھېچبىر ئىش ۋە ھېچبىر مەۋجۇدات سىر ئەمەستۇر.تۈن قاراڭغۇسىدا نىمىلەرنى قىلدىڭ،كىشى كۆرمەستە نىمىلەرنى قىلدىڭ، يەنە مۇشۇ تاپتا نىمىلەرنى ئويلاۋاتىسەن، بۇلارنىڭ ھېچقايسىسى ئاللاھقا غۇۋا ئەمەس.   _ مۇشۇ تاپتا سىلەر،ھەممە سۈرۋاتقان خىياللىردىن سىلكىنىپ ھوش يىغىدۇ. _ تالاي نەسىھەت-بىشارەتلىرگە كۆنمىگەن ئىسلامسىزلا ئويلاۋاتىسىلەركى<<ھاياتلىقتا ئۇلارنىڭ ئېلىپ كەلگەن دىنىنى قۇبۇل ئەتكە، ئۇلارغا ئەگىشىپ  ئىمان ئېيتقان بولساق ئەسلى. ئۆزىمىز مەسخىرە ئەتكەن ئاشۇ پەيخەمبەرلەرنىڭ بەدىندىكى بىرەر تال موي ياكى ئەۋرىتىگە تۇتۇلغان داڭگال،ۋەياكى ئىستىجاسىغا يەتكۈدەك سۇ قىلىپ ياراتقان بولسا ئاللاھ>> _ لىكىن ئۇ دۇنيالىقتا ئۇلارنى ۋە ئۇلار دەۋەت ئەتكەن ھەق يولنى تەرىك ئەتتىڭلار. يەنە شۇنداق گۇناھكارلارمۇ باركى،مەن ئەۋەتكەن پەيخەمبەرلەرنى ماڭا شىرىك چاتقانلار.<<ئاللاھ تۇغۇلغانمۇ ئەمەس،تۇققانمۇ ئەمەس. بالا تاپقانمۇ ئەمەس،خوتۇن ئالغانمۇ ئەمەس.ئاللاھ يەككە-يىگانىدۇر. ئۇ ھېچبىراۋغا مۇھتاج ئەمەستۇر.ئۇ پۈتكۈل كائىناتنىڭ، پۈتكۈل مەۋجۇداتنىڭ يىگانە ئىگىسىدۇر>> دەپ پەيخەمبەرلىرىم يەتكۈمىدىمۇ؟!      ھەممە باشلىرنى ساڭگىلاتقىنچە ، بەدەنلىرگە تىتىرە يامرىتىشقان ھالەتتە، پۇشايمان بىلەن ئىچقارنىنىڭ ئۆرىلۋاتقانلىقىنى چىرايلىرغا نۇمۇس قىلىپ يۈگۈرتىشكىنچە، ئۆزلىرى ئاران ئاڭلىغۇدەك قىلىپ<< ھەئە،بىز شۇنداق قىلغان ئىدۇق>>دەپ جاۋاپ بېرشىدۇ.   _ دۇنيالىقتا مۇسۇلمان بولغان،پەيخەمبەرلەرگە ئەگىشىپ ئىمان ئېيىتقانلار بولسا،ئىمانىڭلاردا كامىل تۇرالماي ،نەپسى-خاھىشىڭلارغا ئۆزۈڭلارنى قۇل قىلىپ كىشەنلەپ بەرگىنىڭلارغا ،پۇشايمان ۋە نۇمۇس شورپىسى بولۇپ ئېقىشنى مومكىن ئەتسەم ئىدى ئاقماقنى ئويلاۋاتىسىلەر.دۇنيالىقتا ئۇلار دەسسىگەن ياكى نىجاسەت قىلغان يەردىكى بىر ئۇچۇم تۇپراق بولۇپ،ياكى ئۇلار ئىبادەتلىردە كىيىمىلىرگە قونغان تۇزان يارتىلىپ ،كىچىككىنە بولسىمۇ ساۋاپ تاپالمىغىنىڭلارغا گۇۋاھلىق بېرۋاتىسلەر.مەن سىلەرگە ھاياتلىق بەردىم.ھەم بۇ ھاياتلىق تىزگىنىنى سىلەرگە تۇتقۇزمىدىممۇ؟   _ بەرھەق،تۇتقۇزدىلا. لىكىن بىز ئازغۇنلۇق يولدا ماڭدۇق.   _ ئازغان ۋە ياراتقۇچى تەڭرىنى ئۇنۇتقان ئىدىڭلار،پەيخەمبەرلەرنى ئەۋەتىپ يول كۆرسەتمىدىممۇ؟   _ كۆرسەتتىلە ، لىكىن بىز ئازغۇنلۇقنى تاللىدۇق.   _ مۇقەددەس كىتابلارنى سامادىن چۈشۈرۈپ سىلەرگە مىزان قىلىشنى بۇيرىمىدىممۇ؟   _ بەرھەق،سىلى شۇنداق قىلدىلا. لىكىن ئۇ مۇقەددەس كىتابلار بىزنىڭ قولىمىزدا خارلىق تاتتى.سىلى ياراتقان،لىكىن ئاڭ-ئۇقۇمىمىزدىكى ئاشۇ  قەدىرسىز چاڭ-تۇزانلار قونۇپ سۆيۈشكە نائىل بولدىيۇ، بىز  ئۆزىمىزنى ئۇ ساۋاپلاردىن مۇستەسنا ئەتتۇق!   _ سىلەر راستىنلا ھېچبىر سوۋغا ئېلىپ كەلمىدىڭلارمۇ؟!      بارچە تەئەججۈپ سۈكۈتتە...   _ ئېيتىڭلارچۇ قېنى، سىلەردە ماڭا سۇنغىدەك ھېچبىر سوۋغا يوقمۇ؟      ... ... ...      تەئەججۈپچىلەر سۆز تاپالماي تۇرغىنىدا ئۇلارنىڭ بىر ئۆمۇر توپلىغان دۇنيالىقلىرى ئۆز ئىگىللىرنى چاقىرشىدۇ.ئۇلار ئالاقەزادىلك بىلەن ئەتراپقا قارشىدۇ. ئاغىزلىردىن زەھەر ئېقىپ تۇرغان يىلانلارنىڭ تىللىرنى ساڭگىلاتقانچە تۇرغىنىنى كۆرشىدۇ دە، قورقۇپ ئارقىغا داجىشىدۇ.يىلانلار ئېغىزلىرنى ئېچىشىدۇ. ئۇلارنىڭ توپلىغان دۇنيالىقلىرى يىلاننىڭ قارنىدا ئەينەن كۆرنىدۇ ۋە ئۇلارغا<<كەل مېنى ئال،ئاپىرىپ ئۇنى سوۋغاتلىققا بەر.ئاشۇ ھاياتلىقتا توپلىغان دۇنيالىقلىرىڭ مانا مەنشۇ>>دىيىشىدۇ. ھاياتلىقتا مال-دۇنياغا ئېشەك بولغانلار، بېخىل-ئاچكۆزلەر، دۇنيا بىلەن ھاكاۋۇرلانغانلار، پارا ئېلىپ پارا بېرىپ خوشامەتگۇيلۇققا ئىگىلىپ كۆنۈپ كەتكەنلەر بولسا ئالدىراشقانچە بېرىپ چاڭگال سالىدۇ. يىلان ئۇلارنىڭ قوللىرنى قاتتىق چاينايدۇ. شۇچاغ ئاللاھ ئۇلارغا:   _ ئى بەندىللىرىم، مەن ئالەمنى ئالتە كۈندە ئاپىرىدە ئەتتىم. خالىسام ئىدى، كۆزۈڭلارنى يۇمۇپ ئاچقۇچىلىكمۇ بولمىغان ۋاقىتتا ئاپىرىدە قىلىپ بولغان ۋە تۈمەن مىڭنى پەيدا قىلىپ بولغان بولاتتىم.مەن ئۇنىڭغا قادىر! مەن ئۇنى سىلەرگە ئويلانماققا ، خاتالاشماسلىقىڭلارغا ئىبىرەت ئۈچۈن ئالتە كۈندە ئاپىرىدە قىلدىم.لىكىن سىلەر ئىبرەت ئالماي ئازغۇنلىققا يول تۇتتىڭلار.ئازغۇنلىققا پاتتىڭلار. بىرچاغ پەرىشتىلەر مەندىن سوراپ قالدى. << _ ئى پەرۋەردىگارىم، سىلى ئەڭ كۈچلۈك نەرسە ياراتتىلىمۇ؟   _ ھەئە،ياراتتىم. ئالەمنى ياراتقاندا تەۋرەپ تۇرمىۋىدى تاغلارنى ياراتتىم.   _ تاغدىنمۇ كۈچلۈك نەرسىنى ياراتتىلىمۇ؟   _ ھەئە،تۆمۈرنى ياراتتىم.   _ تۆمۈردىنمۇ كۈچلۈك نەرسىنى ياراتتىلىمۇ؟   _ ھەئە، ئوتنى ياراتتىم.   _ ئوتتىنمۇ كۈچلۈك نەرسىنى ياراتتىلىمۇ؟   _ ھەئە، سۇنى ياراتتىم.   _ سۇدىنمۇ كۈچلۈك نەرسىنى ياراتتىلىمۇ؟   _ ھەئە، شامالنى ياراتتىم؟   _ ئۇنىڭدىنمۇ كۈچلۈك بولغانچۇ؟   _ ئادەمنى ياراتتىم.ھەممىدىن كۈچلۈك،ھەممىدىن ئەزىز قىلىپ ئادەمنى ياراتتىم .>> دىگەن ئىدىم. ھەم بۇسۆزلىرىمنى سىلەرگە يەتكۈزگەن ئىدىم. لىكىن سىلەر ئازغۇنلار ئۇ نەرسىلەرگە ئۆزۈڭلارنى قۇل قىلىپ بەردىڭلار. سىلەرنىڭ پايدىلنىشىڭلار ئۈچۈن خزمەت قىلدىغان ئۇ نەرسىلەر ئۈچۈن خىزمەت قىلدىڭلار. ھاياتلىقتىكى مۆتىۋەرلىكىڭلارنىڭ تىزگىنىنى ئاچكۆز نەپسىڭلارغا تۇتقۇزۇپ پەس،ناچار بولدۇڭلار. مەن ئادەمنى ياراتقاندا، ئۇلۇغ، ئەزىز ياراتقانلىقىم ئۈچۈن بارلىق پەرىشتىلەرنى سەجدە قىلىشقا بۇيرىغان ئىدىم.(بۇ يەردىكى سەجدە ،ئاللاھقا قىلىندىغان سەجدىدىن پەرىقلقتى ئەلۋەتتە)شەيتان-ئىبلىس پەرمانىمغا خىلاپ چىقپ ئادەمگەسەجدە قىلىشتىن باش تارتىۋىدى، جەننەتتىن قوغلاپ چىقاردىم.ۋە ئۇنى دوزاققا ھۆكۈم ئەتتىم.لىكىن سىلەر ئاشۇ ئىبلىسقا ئەگىشىپ گۇناھقا شىرىك بولدۇڭلار. مەن قەسەم قىلغانكى، شەيتانغا ئەگەشكۈچىلەر دوزاققا مەھكۈم بولىدۇ.       ئاللاھنىڭ ئۇلارنى نەقەدەر ئۇلۇغ،مۆتىۋەر ياراتقانلىقىنى،غۇبارسىز ھاياتلىققا ئىز سېلىپ ئۆتكەن ئازغۇنلىقتىكى پەسكەشلىكلىرى ئۈچۈن،بۈگۈنكى ئېچىنىشلىق ھالغا چۈشۈپ قالغانلىقلىرنى پۇشايمان بىلەن ئۆرتەنگەن ھالدا ھېسقىلشىدۇ. بۇچاغ  تەۋبىگە كېچىككەن چاغدۇر...   _ مەن سىلەرگە گۈزەل تاغۇ_باغلارنى،كەڭ كەتكەن گۈزەل يايلاقلارنى،تىلسىماتلارغا تولغان قۇملۇقلارنى،تۈمەنمىڭ ھاياتلىقنى قوينىغا سىغدۇرغان دېڭىز ئوكيانلارنى،ئېسىل نازۇ_نىمەتلەرنى، زەمزەم-بۇلاقلارنى،شەبنەم-چەشمىلەرنى، ئەرلەرگە گۈزەل ئاياللارنى،ئاياللارغا باھادىر ئەركەكلەرنى، ئۇچار-قانات،جان-جانىۋارلارنى ھالاللىق بىلەن ھاجىتىڭلارغا راۋا ئېتىش ئۇچۇن يارتىپ بەرمىدىممۇ؟ لىكىن سىلەر ئازغۇنلار،بۇلبۇل بولۇپ گۈلگە سايرىدىڭلار،ئاشىق بولۇپ قىزغا. سىلەر ئىلھام ئېلىپ شئېر-لىرىكىلارنى پۈتكەن تەبىئەتنىڭ،مېنىڭ سىلەرگە ئاتا ئەتكەن ھىممىتىم ئىكەنلىكىنى ئەسكە ئالدىڭلارمۇ؟ شۈكرى ئېيىتتىڭلارمۇ؟ ئالتۇن-كۈمۈش،ئۈنچە-مەرۋايىتلارنى بويۇن-قۇلاقلىرىڭلارغا ئاسقان چېغىڭلاردا، قاشتېشى-ياقۇتلارنى تەكچىلەرگە تىزغىنىڭلاردا،ئېسىللىقتا شۆھرەت تاپقىنىڭلاردا، ئۇشبۇ ئېسىللارنىڭ مېنىڭ سىلەرگە ئەتكەن ئىنايىتىم ئىكەنلىكىنى ئويلىغانمىدىڭلار؟ شۈكرى ئېيتقانمىدىڭلار؟   _ ئى پەرۋەردىگارە، زارلىندۇ دىنسىزلا. _ ئۇچاغ بىزسىلىنى تونماپتۇن. پەيخەمبەرلەر بۇ ھەق يولنى كۆرسەتسە ھەم رەت قىپتۇق.ئۇلارغا تۆھمەت-ھاقارەتلەرنى قىلىپ مەسخىرە قىپتۇق. قەلبىمىزنى جاھالەتتە رەڭلەپتۇق.ئۇ نىممەتلەرنى سىزنىڭ ئاتا قىلغىنىڭزنى ئىنكار قىپتۇق.   _ ئى پەرۋەردىگارىم،بىز سىلنىڭ يەككە-يىگانە،شىرىكسىزلىكىڭىزگە ئىشەنگەن بىز.ئاخىرەت كۈنىگە ھەم ئىشەنگەن بىز. ئېرىشكىنىمىزنىڭ لەزىتىگە مەستخۇش بولۇپ، سىلىگە شۈكرى-ھەمدۇسانا ئېيتىشنى ئۇنۇتقان ئازغۇنلاردىندۇر بىز.دىيشىدۇ ئازغۇن مۇسۇلمانلار زارلانغىچە.   _ بەرھەق، سىلەرنى ئۇ دۇنياغا يالىڭاچ قۇرۇققول كۆز ئاچقۇزدۇم. لىكىن ھېچقاچقن سىلەرنى رىسىقسىز ياراتمىدىم. مەن سىلەرگە بىر كۈنلۈك ئۆمۈر بەرسەم بىر كۈنلۈك رىسقىڭلارنى قوشۇپ بەردىم. مەيلى مەن بولغان ياراتقۇچىسىنى تونىغانلار بوسۇن، مەيلى تونىمىغان دىنسىزلار بولسۇن ھېچقايسىڭلارنىڭ رىسقىنى كەم قىلىپ قويمۇدۇم.دۇنيادىكى بىھېسساب بايلىقلارنى ھاجىتىڭلارغا راۋا ئەتتىم. ئاراڭلاردا يەنە شۇنداق ئازغۇنلارمۇ باركى<<تەڭرىدىن بىسوراغ قىل تەرىمەس>> دىيشىپ، ئۆزلىرى قىلىشقان گۇناھلارغا ، شەرمەندىلىكلەرگە مېنى شىرىك ئەتكەن. بەرھەق، مەندىن بىسوراغ قىلتەرىمەيدۇ. تەقدىرىڭلار پۈتۈلگەن بولدۇ. مەن خالىسام ئىدى ئاراڭلارغا پەيخەمبەرلەرنى ئەۋەتمەي تۇرۇپلا ، بارچىڭلارنىڭ دىلىغا ھەقدىننى سالغان ۋە ھەق يلدا ئازدۇرماي ماڭغۇزغان، مۇشۇ تاپتىكى بارچىڭلارنى جەننەت ئەھلى قىلغان بولاتتىم. تەقدىرىڭلارنى بىكىتتىميۇ تىزگىنىنى ئۆز قولۇڭلارغا بەردىم. يەنى<<يارتىشنى مەن ياراتتىم يارلىشىڭ ئۆزۇڭدە>>  ئىمان-ئىتقادىڭلارنى سىناش ئۈچۈن، بىر-بىرىڭلار بىلەن مۇناسىۋەتلىشىپ ئۆتۈشۈڭلار ئۈچۈن، بىر-بىرىڭلارغا يار يۆلەك،ياردەمدە بولۇپ، ئاخىرەتلىكىڭلار ئۈچۈن دەسمايە،يەنى بۈگۈن مەن تەلەپ قىلغان<<سوۋغىنى>> توپلىشىڭلار ئۈچۈن سىلەرنى ھەرخىل مېجەز، ھەرخىل ئېقىمدا ئاپىرىدە قىلدىم. تەقدىرىڭلارنىڭ تىزگىنىنى قولۇڭلارغا تۇتقازغان بولغاچا ، شەيتانلارنىڭ سىلەرنىڭ ئىمان-ئىتقاد،نىيەت-ئىقبالىڭلارنى سىناپ تۇرشىغا يولبەردىم.   _ پەرۋەردىگارىم، سىلى ئېيتاق ئۇ سوۋغا...؟   _ مەن ئېيىتقان ئۇ <<سوۋغا>> سىلەرنىڭ ئلتە كۈنلۈك ئالەمدىكى ھايات تارىخىڭلاردۇر. ئەگەر ھاياتلىقتا ياخشى ئەمەللەرنى قىلغان بولساڭلار،يەنى، مەن ئەۋەتكەن پەيخەمبەرلەرگە ئەگەشكەن، ئۇلار سىلەرگە يەتكۈزگەن ھەق دىنغا ئىشەنگەن، ماڭا ئىمان ئېيتىپ، يەككە-يىگانا، ھېچبىر ئوخشىشىم يوقلىقىغا گۇۋاھلىق بېرىپ، ئىمان-ئىتقادىڭلاردا چىڭ تۇرالىغان،شەيتانلارغا ئازماي، بالاتەككۈر نەپىسىڭلارنى يىغىپ،پەيخەمبەرلەر دەۋەت قىلغان ھەق يولدا سەدىقە-ساخاۋەت قىلغان، قۇربانلىقلارنى ئەتكەن،قەرىز-پەرىزلەرنى تولۇق ۋاقتىدا ئادا قىلىپ، مەن بەرگەن مۇكاپاتلارغا شۈكىرى ھەمدۇسانا ئېيىتقان بولساڭلار. بۇ سىلەرنىڭ ئاخىرەتلىكىڭلار ئۈچۈن سالغان يەڭگىل ئەمما قىممەتلىك ياخشى دەسمايە، مەن ئۈچۈن ئېلىپ كېلىنگەن ئەڭ ئېسىل سوۋغىدۇر.   _ ئەكىسچە بولغاندا، ئەگەردە كىمدەكىم مەن ئەۋەتكەن ساماۋى كىتابلارغا ھۆرمەت قىلماي،ئەمەل قىلماي، ئۆز تەقدىرىنىڭ تىزگىنىنى ئاچكۆز نەپەپسىگە، شەيتانغا تۇتقۇزۇپ، نەپسى بالاغا سوڭدىشىپ زىنا-ھاراملاردىن، ئاچكۆز-بېخىللىقتىن يىراق بولمىغان بولساڭلار،پەيخەمبەرلەر ھەق يولدىن چەتنىگەن، ماڭمىغان بولساڭلار. خەلىققە زۇلۇم سالغان بولسالار،پاراخورلۇق،خىيانەتخورلۇق بىلەن ھايات ئەتكەن بولساڭلار.ئىتپاقسىزلىق ئۇرقىنى سېلىپ ،ئاساھىشلىق تۇرمۇشنى بۇزغان بولساڭلار. پەرىز-قەرىزلەرنى ۋاقتىدا ئادا ئەتمىگەن،ئاخىرەتلىكىڭلار ئۈچۈن غېرىپ-مىسكىنلەرگە،ئاچ-پېقىرلەرگە خەيرى-ساخاۋەت كۆرسەتمىگەن بولساڭلار. شۇنداقلا ياخشى ئەمەللەرنى كۆپ قىلىپ ياراتقۇچىڭلارنى تونىمىغان بولساڭلار...بۇسىلەرنىڭ ھاياتلىقتا ئۆزۈڭلارغا سالغان، ئېغىر ئەمما قەدرى قىممىتى بولمىغان دەسمايە، مەڭا ئېلىپ كېلىنگەن ھاقارەتلىك سوۋغىدۇر.قېنى ئەمدى سوۋغاڭلارنى كۆتۈرۈپ كېلىڭلار. ھاياتلىقىڭلارنى ياخشى ئەمەل، ئىبادەت-ئىخلاس بىلەن ئۆتكۈزگەنلەر جەننەتكە كىرىپ شۇ ياخشى ئەمەللىرىڭلارنىڭ مۇكاپىتىنى كۆرۈڭلار.ئازغۇنلۇق ۋە ئۇ دۇنيالىقىنى گۇناھلار بىلەن <<راھەت>> ئۆتكۈزگەنلەر بولسا دوزاققا مەھكۇم سىلەر. شۇ ئازغۇنلىقىڭلارنىڭ جازاسىنى تارتىسىلەر...     ئاچ بېخىللارنىڭ، پاراخور- زالىملارنىڭ دۇنيالىقتا توپلىغان ماللىرى زەھەرلىك يىلانلارغا ئايلىنىپ<< ھەي مەن سېنىڭ دۇنيالىقتا توپلىغان ماللىرىڭ،مېنى ئېلۋال>> دىگىنچە ئارقىللىردىن قوغلايدۇ، ئۇلار قاچىدۇ. ئۇلار ھېچبىر قېچىپ قۇتلالمىغاندا ئارقىسىغا بۇرلۇپ قارىسا، توپلىغان دۇنيالىرى يىلاننىڭ قارنىدا شۇپېتى كۆرنىدۇ. ئۇلار ئامالسىز قوللىرنى سېلشىدۇ. يىلان ئۇلارنىڭ قوللىرنى قاتتىق چىشلەيدۇ...ئوغرى-خىيانەتكارلارنىڭ ماللىرى بولسا، كۆيۈۋاتقان دوزاق ئوتلىرى ئىچىدە شۇ پېتى كۆرنىدۇ.<<مەن سېنىڭ ھاياتلىقتا ئوغۇرلىغان ياكى خىيانەت قىلغان ماللىرىڭ شۇ. كەل، مېنى ئەپچىقىپ ئىگىللىرىگە قايتۇرۇپ بەر  >>دەيدۇ. ئۇلار ئامالسىز دوزاققا سەكرەيدۇ ۋە مىڭبىر مۇشەققەتتە مۈرۈللىردە كۆتۈرۈپ دوزاق لېۋىگە يەتكەندە  يەنە چۈشۈپ كېتىدۇ. ئۇلار  ئامالسىز يەنە سەكرەيدۇ. مۈرىسدە كۆتۈرۈپ دوزاق لېۋىگە يەتكەندە يەنە چۈشۈپ كېتىدۇ. شۇنداق داۋاملىشىپ كېتىۋېردۇ...ئىشرەت بەزمىخانلىرى ۋە زىنا ئۆتەڭلىردە ئىشتانلىرنى يۈتۈرۈپ قويغانلار بولسا، ئەۋرەتلىرنى قوللىرى بىلەن ياپالماي يۈزلىرى چوغ بولۇپ نەپىسى قىسلىدۇ. زىنا قىلغان ئانىلار،ئاتىلار باللىردىن،قىز-يىگىتلەر ئاتا-ئانا، قان-قېرىنداش، ئاچا-سىڭىللىرنىڭ ئالدىدا ئەۋرەتلىرنى ياپالمەي مۇشەققەت، نۇمۇس چېكىدۇ.   _ ھەي بىچچارە ئازغۇنلار، ئۇدۇنيادا مۇشۇنچىلىك نۇمۇسنى بىلگەن بولساڭ ئىدىڭ، بۈگۈن نۇمۇسقا قالمىغان بولار ئىدىڭ . دەيدۇ تەڭرى ئۇلارغا خىتاب قىلىپ.       دىمەك قېرىندىشىم، ھاياتلىق تىزگىنى ئۆز قولىمىزدا. ئۇنداقتا بىز تەڭرىگە نىمە<< سوۋغا>> تەييارلىماق بولۋاتىمىز؟           2011-يىلى 3-ئاينىڭ29-كۈنى    مەنبە: قەلىمىم

ehsan717

	تولىمۇ كۈچلۇك قەلەم بىلەن يېزىلغان ئەسەركەن بۇ .

lazzat

	مۇھىم ئوقۇشلۇقكەن،مەن ساقلىۋالدىم.رەخمەت.

ubul0998

	ئۇھ، بىر نەچچە رەت ئۇقۇپ قويغىدەك تىمىكەن ، ساقلاپ قۇياي.

قاراتال

	ياخشى يېزىلىپتۇ. ئوقۇپ قۇيۇشقا تىگىشلىك. رەھمەت!

bodie

	ياخشى  يېزىلغان  ئەسەركەن  ! ئاداش  تېخىمۇ  نادىر  ئەسەر  يوللاپ  تۇرۇڭلار! [s:160]

koknur909

	ساقلىۋېلىپ تەپسىلى بىر ئۇقۇپ چىقايچۇ.......

kamran

	ساقلاپ قۇيۇپ ئالدىرماي ھەزىم قىلاي .

muxtak

	ھەممە نەرسىنىڭ سورىقى بار ...