ئەر ۋە ئايال

HANJAR

	ئەر ۋە ئايال   ئاياللار ئەسكى ئەرلەرنى ياخشى كۆرىدۇ. باشقىچە قىلىپ ئېيتقاندا ئەرلەر ئەخمەق ئاياللارنى ياخشى كۆرىدۇ. نىمىشقىكىن تاڭ ئەرلەر ئەخمەق ئاياللارنى ياخشى كۆرىدىكەن.سەۋەبىنى تەتقىق قىلىشلارغا قارىغاندا، ئەسكى ئەرلەر ئاياللارنى مايىل قىلالايدىكەن، ئەكىسىچە ئەخمەق ئاياللارمۇ ئەرلەرنىڭ ئەرلەر ئۈستۈن تۇرىدىغان پىسخىكىلىق ئېھتىياجىنى قاندۇرالايدىكەن، شۇنىڭ ئۈچۈن ئەسكى ئەرلەر بىلەن ئەخمەق ئاياللار بىر-بىرىگە ماس كەلگەن ھەمراھلارغا ئايلىنالايدىكەن. ئەمەلىيەتتە ئەسكى ئەر دىگىنىمىز راستىنلا ئەسكىلەردىن بولماستىن بەلكى ئاياللارنى ھەقىقى چۈشىنەلەيدىغانلارنى كۆرسىتىدۇ، شۇڭلاشقا ئۇلار نۇرغۇن ساھىبجاماللارغا ئېرىشەلەيدىكەن، شۇنداقلا ئۇلار تېزلا ئاياللارنىڭ مۇھەببەت-نەپرىتىنى قوزغىيالايدۇ.ئەخمەق ئاياللارمۇ ئەمەلىيەتتە راستىنلا ئەخمەق دۆتلەردىن ئەمەس، بەلكى ئۇلار ھەددىدىن زىيادە ئاقكۆڭۇل ھەم ھاياتقا تۇلۇپ تاشقان ئىشەنچ بىلەن قارىيالايدۇ، شۇنىڭ ئۈچۈن ئەزەلدىن بىر نەرسىلەرگە گۇمان بىلەن قارىمايدۇ، شۇنداق بولغاچقا ئۇلار ئەرلەردە ئازادىلىك ۋە ئىشەنچ ھىس قىلدۇرالايدۇ. مەلۇم بىر ژورنالدىن مۇنداق بىر قىزىقارلىق قىسقا خەۋەرنى كۆرگىنىم ھىلىمۇ ئېسىمدە.ئۇنىڭدا مۇنداق دىيىلگەن «ئەقىللىق ئەرلەر بىلەن ئەقىللىق ئاياللار بىرىكسە ئۇرۇشتىن دىرەك بىرىدۇ، ئەخمەق ئەرلەر بىلەن ئەقىللىق ئاياللار بىرىكسە مەنىسىزلىكتىن دىرەك بىرىدۇ، ئەقىللىق ئەرلەر بىلەن ئەخمەق ئاياللار بىرىكسە نىكاھتىن دىرەك بىرىدۇ، ئەكىسىچە ئەخمەق ئەرلەر بىلەن ئەخمەق ئاياللار بىرىكسە نىمە بولىدىغانلىقىنى كىم بىلىدۇ ؟»قارايدىغان بولساق پەقەت ئەخمەق ئاياللارلا نىكاھنى تاللايدۇ، شۇنىڭ ئۈچۈن دۇنيادىكى ئاياللار ئاساسەن دىگۈدەك ئەخمەقلەردۇر.نىكاھ سۆزىدىكى «婚»سۆزىگە قارايدىغان بولساق، ئەسلىدىكى ئايال«女» خېتىنىڭ ئاخىرىغا ھۇشىدىن كېتىش«昏» خېتىنى قوشۇپ نىكاھ سۆزىدىكى «婚» خېتىنى ھاسىل قىلغان، شۇنىڭ ئۈچۈن ئاياللار بېشى قېيىپ قالغاندىلا نىكاھنى يەنى توي قىلىشنى تاللايدۇ، بۇ ئاياللارغا نىسبەتەن ئېيتقاندا نىكاھنىڭ ھەممىدىن مۇھىملىقىنى بىلدۈرىدۇ. شۇڭلاشقا ئەخمەق ئاياللارلا نىكاھنى قەدىرلەيدۇ. ئەمەلىيەتتە ئاياللار نىمىشقا ئەخمەق بولۇپ قالىدۇ؟ پەقەت مۇھەببەت ئۈچۈن خالاس. مۇھەببەتنىڭ ئالدىدا ئاياللار بىر-بىرلەپ ئەخمەققە ئايلىنىپ قالىدۇ، ھەر قانچە چۇڭقۇر مۇھەببەتمۇ يىللارنىڭ تاجاۋۇزىنى تۇسۇپ قالالمايدىغانلىقىنى بىلىپ تۇرسىمۇ يەنىلا خۇددى پەرۋانە ئۆزىنى ئوتقا ئۇرغاندەك مۇھەببەتكە ئۆزىنى بېغىشلاپ تۇرىدۇ.چۈنكى ئۇلار مۇھەببەتنىڭ نىكاھقا ئايلىنىدىغانلىقىغا چۇڭقۇر ئىشىنىدۇ، ھىسياتنىڭ ئورنىنى مۇھەببەت ئالغاندا، مۇھەببەتنى قەلبىنىڭ چۇڭقۇر قاتلاملىرىغا يۇشۇرىدۇ، ئىككى ئادەم قېرىپ ھىچ يەرگە بارالمىغاندا تەۋرەنمە ئورۇندۇقتا ئولتۇرۇپ ئاستا-ئاستا پاراڭلىشىدۇ. ئەخمەق ئاياللار تالاش-تارتىش قىلمايدۇ، ئۆزى ياخشى كۆرگەن ئەر ئۈچۈن ئۆزىنىڭ بارلىقىنى ئاتاشقا رازى، ئەخمەق ئاياللارلا مۇھەببەتنىڭ ھامان مەڭگۈلۈك ئىكەنلىكىگە، بارلىقى بىلەن سۆيگەن ئەرنىڭ ئۆزى ئۈچۈن مەڭگۈ ياخشى ئىكەنلىكىگە، ئۆزىنىڭلا قارشى تەرەپكە ئەڭ مۇۋاپىق كىلىدىغان ئايال ئىكەنلىكىگە چۇڭقۇر ئىشىنىدۇ، چۈنكى ئۆزىدىن باشقا ھەرقانداق ئايال ئۇنۇڭغا ئۆزىدەك ياخشى بولالمايدۇ. ئەخمەق ئايال ھەرگىزمۇ ئەرلەرنىڭ يان تېلفۇنىنى ئاختۇرۇپ ئەرلىرنىڭ ئۆزىگە ساداقەتسىز تەرەپلىرىنى تېپىشنى خالىمايدۇ، ئەخمەق ئاياللار ھەرگىزمۇ ئەرلەرنىڭ كۈندىلىك خاتىرىسىنى كۆرۈپ ئەرلىرىنىڭ ئۆزىگە بولغان كۆڭلىنىڭ ئۆزگىرىپ كەتكەنلىكىنى تېپىشنى ئۈمۈد قىلمايدۇ، ئەخمەق ئاياللار ھەرگىزمۇ ئەرلەرنىڭ كەينىدىن پايلاپ ئەرلىرىنىڭ باشقا ئايال خىزمەتداشلىرى بىلەن بىللە تاماق يىيىش ۋە ئۇچرىششىدىن گۇمان قىلىپ يۈرمەيدۇ.ھەي ئاياللار ئەسلىدە ئەخمەق ئەمەس، بۇ پەقەت ئۇلارنىڭ ئۆزىگە قاتتىق ئىشەنگەنلىكىدىن ئىبارەت خالاس، ئۇ پەقەت جىمجىت ھالدا ئۆزى قىلىشقا تىگىشلىك ئىشلارنى قىلىپ، ئەرلەرگە ئىللىق ئائىلە قۇرۇپ، ئۆزىگە بىر بوشلۇق قالدۇرىدۇ، ئەمەلىيەتتە تەمتىرەپ قالىدىغىنى ئەرلەر، بۇنداق ياخشى ئايالىنى ياخشى ئاسرىمىسا باشقىلارنىڭ تارتىپ كىتىشىدىن ئەندىشە قىلىدۇ. ئەخمەق ئاياللار ئەرلىرىنىڭ يۈزىنى ئايايدۇ، باشقىلارنىڭ ئالدىدا ئۇ مەڭگۇ بىر قۇشتەك، چۈنكى ئۇ بۇئەرنىڭ مەڭگۈ ئۆزىنى قوغدايدىغانلىقىغا ئىشىنىدۇ، ئۇ ئۆزىنىڭ بارلىقىنى ئاتىغان ئەرنىڭ مەڭگۈ ياخشى ئەر بولىشىنى خالايدۇ.ئەخمەق ئاياللار كەلگۈسىگە تۇلۇپ تاشقان ئۈمۈتۋارلىق بىلەن باقىدۇ، چۈنكى قەلبى مۇھەببەت بىلەن تولغان، ئۇ ئۆزىنىڭ خۇشاللىقىنى باشقىلار بىلەن ئورتاق بەھرىمان بولىدۇ، چۈنكى بەلكىم بىر ئەر ئۇنى قولىدىكى قىممەتلىك گۆھەر دەپ بىلىدۇ. ئەخمەق ئاياللار ھامان بەخىتنىڭ ناھايىتى ئاددى بولىدىغانلىقىغا ئىشىنىدۇ، پەقەت ئۆزى چىن قەلبى بىلەن قارىسىلا ئۇنى قولغا كەلتۈرەلەيدۇ، شۇڭلاشقا ئەخمەق ئاياللار شۇنداق ئەستايىدىللىق بىلەن ياشايدۇ. ئەخمەق ئاياللار يالغان ئېيتمايدۇ، چۈنكى ئۇلار يالغان ئېيتىشنى ئەخلاقسىزلىق دەپ قارايدۇ، ئەخمەق ئاياللار ھەممىلا يەردە باشقىلارنىلا ئويلىشىدۇ، ئۇلار دىققەت قىلماي باشقىلارنىڭ كۆڭلىنى رەنجىتىپ قويۇشتىن ئەنسىرەيدۇ، شۇنىڭ ئۈچۈن ئەخمەق ئاياللار ئۆزىنىڭ ئۇۋاللىققا ئۇچىرىششى ئارقىلىق باشقىلارغا ھەمدەمدە بولىدۇ.لىكىن ئەخمەق ئاياللار دۆت ئاياللار ئەمەس، ئۇنىڭ تۆلىگەن بەدەللىرى، كۆرسەتكەن  تىرىشچانلىقلىرىنىڭ ھەممىسى پەقەت ئۆز ئائىلىسىنى ئەڭ گۈزەل قىلىپ قۇرۇپ چىقىش، ئەگەر بەختكە قارشى قەدىرلەشنى بىلمەيدىغان ئەرگە ئۇچراپ قالسا، ئەخمەق ئاياللار پەقەت يىغلايدۇ، ئەگەر يۈز ئۆرۇشكە ئۇچرىسىمۇ ئۆز يولىدىن قايتمايدۇ، چۈنكى مۇھەببەتنىڭ خائىنلىققا بەرداشلىق بىرەلمەيدىغانلىقىنى بىلىدۇ، مۇھەببەت ئۆز ماھىيتىنى ئۆزگەرتكەندە، ئۇنىڭدىن ۋاز كىچىشنى ئۈگىنىۋېلىش كىرەك، ئاياللار دەرت ئەلەمنى ئۆزى ئېلىپ قېلىش ئارقىلىق باشقىلارغا ھەمدەمدە بولۇشقا رازىكى ئۆزىنى مۇھەببەتنىڭ قورچىقىغا ئايلىنىپ قېلىشنى خالىمايدۇ. ئەرلەر، ئەگەر سىزنىڭ يېنىڭىزدا ئەخمەق ئايالدىن بىرسى بولسا ئۇنداقتا سىز بەخىتلىك بولىسىز، پەقەت سىز بۇ ئايالنى قەلبىڭىزدىن سۆيسىڭىزلا، ئۇ مەڭگۈ سىز بىلەن بىرگە بولىدۇ. بۇنداق ئەخمەق ئاياللار باشقىلارنىڭ ھەشەمەتلىك ماشىنىسىغا ۋە باشقىلارنىڭ بەختىگە ھەۋەس قىلمايدۇ، چۈنكى ئۇنۇڭغا نىسبەتەن ئېيتقاندا، پەقەت مۇھەببەتكە ئىرىشسىلا قانائەت قىلىدۇ. ئەخمەق ئاياللار تۇرمۇشنى سېلىشتۇرغىلى بولمايدىغانلىقىنى بىلىدۇ، لىكىن قانائەت قىلىشنى ئۈگىنىۋېلىش كىرەك، ئاياللار ئىنتىلىشچان كىلىدۇ، لىكىن سالماق ياشاش كىرەك، پەقەت ئۆزىنىڭ تىرىشچانىلىقى ۋە كۆرىشى ئارقىلىق تېخىمۇ كۆپ مۇھەببەت ۋە ھىسياتنى قولغا كەلتۈرگىلى بولىدۇ، ھاياتى پارلاق بولمىغان تەقدىردىمۇ، ھاياتىنى بىكارغا ئۆتكۈزۋىتىشكە بولمايدۇ. ئومۇمەن قىلىپ ئېيتقاندا، ئەرلەرنىڭ قارىشىچە ئەخمەق ئاياللارنىڭ ئەخمەقلىقى ئۇلارنىڭ مۇھەببىتىنى قوزغايدۇ. ئەرلەرنىڭ ھىسياتىنى ئەخمەق ئاياللارنىڭ تەڭشەپ تۇرشىنى خالايدىكى، ھەرگىزمۇ ئەقىللىق ئاياللارنىڭ تىگىشىگە يول قويمايدۇ. گەرچە ئەرلەردە يىتەرلىك تاقابىل تۇرۇش قابىلىيتى بولسىمۇ، ئەرلەر ئەخمەق ئاياللار بىلەن ئىللىق، باياشات ئائىلە قۇرۇشنى خالايدۇ. چۈنكى ئۇنداق ئاياللار يۇمشاق قاتتىق ۋاستىلەر بىلەن ئەرلەرنى ئۇنداق-مۇنداق قىينىمايدۇ ياكى تەھدىت سالمايدۇ، ئەرلەر ئۇلارنىڭ ھىسياتىنى شۇنچىكى تەبىئى ھىس قىلىدۇ، شۇڭلاشقا ئەرلەر ئەخمەق ئاياللار بىلەن ئۆز بەختىنى تاپىدۇ. ئەخمەق ئاياللار ئۇنىڭ ئۈستىگە ئاسانلا ئۆزىنى بەختلىك ھىس قىلىدۇ، ئۇلارنىڭ بەخت بىلەن بولغان ئارلىقى ئىنتايىن يېقىن بولغاچقا ئاسانلا قولغا كەلتۈرەلەيدۇ. چۈنكى ئەخمەق ئاياللارنىڭ ھەممىسىدە ئاددى بىر يۈرەك بار! بۇنى بىلدىڭىزمۇ؟ مەن سىزنىڭ ئاشۇ كىچىككىنە ئەخمەقلىكىڭىزنى ياخشى كۆرىمەن. ھەقىقەتەن سىزنى ياخشى كۆرىمەن! ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن ھەتتا ئاتا-ئانىسىدىن ۋە ئۆزىنى ياخشى كۆرىدىغان شۇنداق ياخشى نۇرغۇن ئەرلەردىن ۋاز كىچەلەيدۇ؛ بىراق ئەرلەر ئۇنداق قىلالمايدۇ.ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن، قورساق كۆتۈرۈپ ئىرى ئۈچۈن ئەۋلات قالدۇرۇپ بېرىدۇ، تۇغۇپ بولغاندىن كىيىن ھەتتا بەدەن شەكلىنىڭ ئۆزگىرىپ كىتىشىگىمۇ رازى، بىراق ئەرلەر ئۇنداق قىلالمايدۇ.   ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن نۇرغۇن ئۆزىنى ياخشى كۆردىغان شۇنداق ياخشى ئەرلەردىن ۋاز كىچەلەيدۇ، ئەرلەر ئۈچۈن گۈزەل ياشلىق باھارىنىمۇ كۆمىۋىتىدۇ؛ بىراق ئەرلەر ياشلىقىنى زايا كەتكۈزمەي، ئەكىسىچە قېرىغانسىرى ئۆزىنى تېخىمۇ قىممەتلىك دەپ ھېس قىلىدۇ. ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن ھەتتا 20 نەچچە يىل باققان ئاتا-ئانىسىدىن ۋاز كىچەلەيدۇ، بەلكى ئىرىنىڭ فامىلىسىنى قوللىنىپ، يەنە« خانىم» غا ئايلىنىدۇ؛ لىكىن ئەرلەر ئۆزگەرمەيدۇ. ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن، كۈندۈزى خىزمەت قىلىپ، كەچتە تاماق ئىتىپ، يەنە بالىغا قارايدۇ، خىزمەت ۋە ئائىلىنىڭ بېسىمىنى تەڭ كۆتىرىدۇ، بىراق ئەرلەر ئانچە پەرقلىنىپ كەتمەيدۇ، بەلكى پۇل تاپىدىغان ھەق تەلەپ قىلمايدىغان مالايغا ئىرىشىدۇ. ئاياللار بەزىدە راستىنلا بەك ئەخمەق، بىر ئەرنى ياخشى كۆرۈش ئۈچۈن، تۈپتىن ئوخشاش بولمىغان ئائىلە ۋە ئىرىنىڭ ئۇرۇق-تۇققان دوست بۇرادەرلىرىنىڭ تەنقىدىگە يۈزلىنىدۇ، ئاياللار زىرەكلىكىنى ئىپادىلەشتە ئەرلەرنىڭ قوغدىشىغا ئىنتىلگەن ۋاقىتتا ئېرىشىدىغىنى بولسا .....ئەرلەر ئۆز ئايالىنى قوغدىماقتا يوق ئەكسىچە ئۆلمەكنىڭ ئۈستىگە تەپمەك بولىدۇدە ئايال يالغۇز يىتىمسىراپ قالىدۇ. ئەرلەرگە كەلسەك، ئەگەر يېنىڭىزدا مۇشۇنداق ئەخمەق ئايال بولسا سىز ئۇنىڭ دۆت ئېرى بولۇۋېلىڭ، ئۇنى ياخشى قەدىرلەپ، ياخشى كۆيۈنۈڭ.شۇنى ئۇنتۇپ قالماڭكى، ئۇ سىلەرنىڭ ئۆيۈڭلاردىكى چوڭ كىچىك ئىشلارغا قاراش ئۈچۈنلا تۇغۇلغان ئەمەس. ئاياللار ناھايىتى ساددا ھەم ناھايىتى زىرەك. ئەگەر ئۇ زەربىگە ئۇچرىسا ئۇنىڭ بىلەن سىردىشىپ، ئۇنى قوللاپ، ئۇنى قوغداڭ، ئۇنىڭ ئۈچۈن ياش تۆكسىڭىز ئۇ مەڭگۈ تەسىرلىنىدۇ.شۇنى تېخىمۇ ئۇنتۇپ قالماڭكى ئەرلەر ياشانغاندا ياكى كېسەل بولۇپ قالغاندا سىز ئۈچۈن ھاجىتىڭىزنى راۋا قىلىدىغىنى ھەرگىزمۇ ياشىنىپ قالغان، شۇنداقلا سىز كۆيۈنۈشكە تېگىشلىك ئاتا ئانىڭىز بولماستىن بەلكى ياشلىقىدىن تارتىپ ياشانغىچە باشتىن ئاخىر سىزنىڭ يېنىڭىزدا تۇرغان ئايالدۇر.  مەنبە : سۈزۈك بۇلاق سىنا بىلوگى  تەرجىمان : خەنجەر

kapsizparixta

	تېمىنىڭ ئاخىرقى يېرىم قىسىمى بىر چاغلاردا تەرمىلەرمۇ ئىشقىلىپ قايسى بىر ژۇرنالدا چىققان << بىز ئاياللار راستىنلا ئەخمەقمۇ >> دىگەن ئەسەر شۇكەن ، شۇ چاغدا كۆرۈپمۇ ياقتۇرغان ئىدىم ، ھەممىسىلا رېئاللىقتا مەۋجۈت ئىشلار بولغاچقا  [s:132]

kapTalis

	بەك ئورۇنلۇق سۆز قىلىپسىز ...... ئەسلىدىكى ئايال«女» خېتىنىڭ ئاخىرىغا ھۇشىدىن كېتىش«昏» خېتىنى قوشۇپ نىكاھ سۆزىدىكى «婚» خېتىنى ھاسىل قىلغان، شۇنىڭ ئۈچۈن ئاياللار بېشى قېيىپ قالغاندىلا نىكاھنى يەنى توي قىلىشنى تاللايدۇ. يۇقارقى سۆز   توپتوغرا  ! مىنىڭ مۇھەببىتىممۇ ئۇنىڭ بۇنىڭ گىپىنى ئاڭلاپ بېشى قېيىپ ئۆزىدىن چوڭ بىرسى بىلەن توي قىلدى ئەمەسمۇ . لىكىن تىمىڭىزنىڭ ئەڭ ئاخىردىكى ئىككى قۇر سۆزىڭىز ماڭا ياقمىدى . تىمىڭىزغا رەخمەت !

XERHAN

	بىر قارىسا كۈلكىلىك بىر قارىسا مەزمۇنلۇق گەپلەركەن،  [s:159]  [s:159] ئاخىرقى ھىساپتا يەنىلا تەبىيۋى ئەھمىيتى بار `````

nawkeran

	《《نىكاھ سۆزىدىكى «婚»سۆزىگە قارايدىغان بولساق، ئەسلىدىكى ئايال«女» خېتىنىڭ ئاخىرىغا ھۇشىدىن كېتىش«昏» خېتىنى قوشۇپ نىكاھ سۆزىدىكى «婚» خېتىنى ھاسىل قىلغان، شۇنىڭ ئۈچۈن ئاياللار بېشى قېيىپ قالغاندىلا نىكاھنى يەنى توي قىلىشنى تاللايدۇ، 》》  بۇ جۇملە ئالامەت كەپتۇ ، ئادەمنى ئويغا سالغۇدەك ماقالە ئىكەن

orkixi

	مەن دۇنيادىكى بارلىق ئاياللارنىڭ موشۇ تىمىدا دىيىلگەندەك ‹‹ئەخمەق›› بولۇشىنى چىن كۆڭلۈمدىم ئۈمىد قىلىمەن . بەخىتلىك نىكا ھەممەيلەنگە نىسىپ بولغاي ...

gardan

	توي قىلىشقا تەرەددۇت قىلىۋاتقان بويتاق قىزچاقلار بۇ ماقالىنى كۆرسە، تويدىن قورقۇپ <نىكاھ>ئۈستىدە قىچىشتىن يانمايدۇدە. [s:134]

zilkalb325

	راست شۇنداق بولىدىكەن بۇ جاھاندا

mosajan0997

	ھەقىقەتەن مەنىسىمۇ ،تەنىسىمۇ باركەن... لىكىن بەش قول ئوخشاش ئەمەس...