|
|
|
|
نورۇز تەنتەنىسى
كەلدى نورۇز ، كۈلدى ئالەم ، سازەندىلەر چالدى ساز ،
دەل - دەرەخلەر كۆكەردى ھەم كۆلچەكلەردە ئۈزەر غاز .
گۈزەل قىزلار ياش نوتىدا چاچ ياسىشىپ قىرىق تال ،
شوخ يىگىتلەر ئات چاپتۇرۇپ يايلاقلاردا چەۋەنداز .
توڭ ئېرىدى ، ئەگىز ئاقتى ، سۈزۈك سۇلار شىرىلداپ ،
قۇرىت - قوڭغۇز تىرىلدى ھەم چىكەتكىلەر چىرىلداپ .
ناخشىچى قۇش سايرىدى شوخ ، چاڭ كەلتۈرۈپ باغلارنى ،
گۈللەر ئارا ھەرىلەرمۇ ئۇچۇپ يۈرەر غۇيۇلداپ .
يەتتە ياشتىن يەتمىشكىچە جەم بولدى كەڭ سەيناغا ،
ناغرا - سۇناي ، نەي ئاۋازى چىقتى بۈگۈن ساماغا .
قىززىپ كەتتى ناخشا - ئۇسۇل ، مەشرەپ ، مۇقام ناۋاسى ،
چەۋەندازلار ئات چاپتۇرار چاڭ كۆتۈرۈپ ھاۋاغا .
بېدە كۆكى پۇرايدۇ ھەممە ئەتراپ خۇشپۇراق ،
قۇتلۇق نورۇزدا ئەتراپ ئەلەم - قايغۇدىن يىراق .
باش باھارداھەممە ئۆيدە كۆك چۆچۈرىسى ئىچىپ ،
خۇشاللىقتا بارچىنى قاپلىدى كۇلكە - چاقچاق .
مەنبە : ئۆز ئىجادىيىتىم
|
|
|
|
|
|