ئاكا! توردىشىم بىلەن توي قىلسام بولامدۇ؟

nur65

	ئاكا! توردىشىم بىلەن توي قىلسام بولامدۇ؟     مۇنبەردە بىز «باشقا مىللەت بىلەن توي  قىلسام بولامدۇ؟... ئۆزۈمدىن چوڭ قىزنى ئالسام بولامدۇ؟... چەتئەللىك بىلەن توي قىلسام بولامدۇ؟...» دېگەندەك ئۆمۈر ئىشىغا مۇناسىۋەتلىك مەسىلە ئۈستىدە تورداشلاردىن مەسلىھەت ئېلىش خاراكتېرىنى ئالغان ماقالىنى كۈرۈپ قالىدىغان بولۇپ قالدۇق. «ھەر كاللىدا ھەر خىيال تاز كاللىدا مىڭ خىيال»  دېگەندەك، بۇ خىلدىكى ماقالىغا بىرىلگەن نەسىھەت ھەرگىزمۇ بىر خىل بولمايدۇ. قىزىق يېرى شۇكى، بۇ خىلدىكى تېمىلارنىڭ زىيارەت سانى كۆپ بولۇپ چىقىدۇ. ئۇنداقتا، بۇ خىلدىكى تېمىنى يوللىغۇچى ھەقىقەتەن مۇشۇ خىلدىكى مەسىلىگە ئۇچرىدىمۇ ياكى باشقىلارنىڭ پىسخىكىسىنى بىلىپ بېقىش، جەمىيەتتىكى ئىجتىمائىي مۇناسىۋەت ۋە ياكى باشقا بىز بىلىپ بولمايدىغان مەخسەتتە يوللامدۇ؟!...   مەيلى قانداق بولمىسۇن، بۇ خىلدىكى تېمىنى يوللىغۇچى ھەقىقەتەن شۇنداق مەسىلىگە دۇچ كەلدى دېگەن قاراشتا تۇرۇپ، تېمىدا ئوتتۇرىغا قويۇلغان مەسىلىنى تەھلىل قىلىشتىن كۆرە، شۇ تېما ئىگىسىنىڭ تۇرمۇشقا، ھاياتقا، نىكاھ – ئائىلە ئىشىغا تۇتقان مەيدانى بىلەن، شۇ كىشىنىڭ ئىرادىسىنى، تۇرمۇشقا بولغان مۇستەقىللىق قارىشىنى قانچىلىك ئىكەنلىكىنى ھېس قىلىش تەس ئەمەس. ئەجىبا ئۇلار بىرەرسى بىلەن مۇھەببەتلەشكەن تۇرۇپ، يەنە نېمە ئۈچۈن باشقىلاردىن «توي قىلسام بولامدۇ؟ مەسلىھەت بەرسەڭلار» دېگەن گەپنى بۇ ئاممىۋىي سورۇندا ئوتتۇرىغا قويۇپ، باشقىلارنىڭ پىكرىنى ئالماقچى بولىدۇ. ئېىنقىكى: بۇ مەسىلە ئۈستىدە مەسلىھەت سورىغۇچىنىڭ مۇستەقىل ياشاش، مۇستەقىل ئىدىيە، كەسكىن قارارلىق ئىقتىدار يوق، ئۇلار ھەمىشە باشقىلارنىڭ مەسلىھەتى بويىچە ئىش قىلىپ، باشقىلارغا يۆلىنىۋېلىشتەك پاسسىپ، تەييارتاپ ئىدىيىدىكىلەر دىسە بولىدۇ.     دۆلىتىمىزدە، دۆلىتىمىز تېرىتورىيىسىدىكى دۆلەت گېرەژدانى 18 ياشقا تولغاندا قورامىغا يەتكەن (بۇ سۆزىنىڭ مەنىسىنى ئىزاھلاش ھاجەت ئەمەس) دەپ قارىلىدۇ. دېمەك توي قىلىش يېشىغا يەتكەنلەر كىچىك بالا ئەمەس. چوقۇم خۇسۇسىي تۇرمۇش مەسىلىنى ئۆزى بىر تەرەپ قىلالىشى كېرەك. ئەگەر مۇنداق قىلالمىسا، توي قىلىپ مۇستەقىل ياشايمەن دېمەي، ئاتا ئانىسىنىڭ ھىمايىسىدە ياشىغىنى ياخشى. بولمىسا تويدىن كېيىن قارشى تەرەپنىڭ كەمسىتىشىگە ئۇچراپ، تۇرمۇش خوشاللىق ئىچىدە ئۆتۈش ناتايىن. شۇڭا ئۆزىگە ئىشىنىش بولمىسا، توي قىلىمەن دەپ ئالدىرىماڭ.   مۇھىم مەسىلە: قارشى تەرەپنى چۈشىنىش، ئۆزىگە ئىشىنىش. دىققەت قىلىشقا تېگىشلىك مەسىلە،     نۆۋەتتىكى جەمىيەتتە، قىز يىگىتلەر مۇھەببەتلىشىپ مەلۇم ۋاقىت ئۆتكەندىن كېيىن، يىگىت، قىزنى تېخى قانۇنلۇق نىكاھىغا ئالماي تۇرۇپ ئۇرىدىغان، خورلايدىغان مەسىلە كۆپىيىپ قالدى، ئەگەر مۇشۇ خىلدىكى ئىشقا ئۇچرىغۇچىلار ئەڭ ياخشىسى تېزراق ئايرىلىپ كېتىشنى ئويلىشى كېرەك، ھازىر سىزنى ئۇرغان بولسا، تويدىن كېيىن سىزنى كۆتۈرۈۋالامۇ؟ ھازىر مۇشۇنداق زوراۋان بولسا، تويدىن كېيىن سىزنى قانداق قىلار؟... سىز ھازىر يىگىتىڭىزدىن كۆتكەن «تويدىن كېيىنكى بەخت» ئورنىغا ئەكسىچە سىزنىڭ كۆز يېشىڭىز بولماسمۇ؟ ... بىر قىسىم قىزلارمۇ يىگىتلەرمۇ مۇستەقىل تۇرمۇش قارىشى كەمچىل، ئالغا ئىلگىرلەش ئىدىيىسى، ئىرادىسى يوق. بۇ خىلدىكىلەر بىر قەدەر رومانتىك، خىيالپەرەس، سۆھرەتپەرەس بولۇپ، تويدىن بۇرۇن مۇھەببەتكە بەكلا قىزغىن بولىدۇ. بىراق، بۇ خىلدىكىلەرنىڭ ئىدىيىسىدىكى پاسسىپلىقنى بايقاش تەس ئەمەس، بۇ خىلدىكىلەر تويدىن كېيىن، تۇرمۇشتىكى تۈرلۈك قىيىنچىلىققا بەرداشلىق بىرىش، مۇستەقىل بىر تەرەپ قىلالماي، ياكى تۇرمۇشتىكى قىيىنچىلىققا بەرداشلىق بېرەلمەي ئاسانلا ئۆينى ۋايران قىلىدۇ.   قىسقىسى، نىكاھ ئىشىدا ھەر بىر ئادەم ئۆزىنىڭ ئىشىنى ئۆزى ھەل قىلىشى كېرەك. باشقىلاردىن مەسلىھەت سوراش ئاقىلانىلىق ئەمەس. شۇنداقلا، تويدىن كېيىن باشقىلار ئائىلە ئىشىغا ئارىلىشالمايدۇ. ئەگەر سىز تۇرمۇشىڭىزنى بەخت ئىچىدە ئۆتكۈزمەكچى بولسىڭىز ئەڭ مۇھىمى ئۆزىڭىز قارشى تەرەپنى تويدىن بۇرۇن كۆزىتىڭ، پىكىرلىشىڭ، سىردىشىڭ، ئەگەر مۇۋاپىق كەلمىسە ۋاختىدا بىر تەرەپ قىلىڭ. ھازىرقى ئىقتىسادىي تەرەقىيات، تۇرمۇش ئىستىمال سەۋىيىسىگە سەل قارىماڭ.    يېقىندا مېنىڭدىن بىر تورداش (يىگىت 24 ياشلاردا بار، شىركەت كەسپىي خادىمى ئىكەن، ئالىي تېخنىكوم مەلۇماتىغا ئىگە) «نۇر ئاكا مەن ئۆزەمدىن 2 ياش چوڭ قىز بىلەن توردا تونۇشۇپ مۇھەببەتلىشىپ يۈرگىلى 6 ئاي بولدى، مەن شۇ قىز بىلەن توي قىلسام بولامدۇ؟» دېگەن پىكىرنى سورىدى. بۇنىڭغا قانداق جاۋاب بەرسەك بولار؟...     مۇھەببەت ياش چەكلىمىسى، مىللەت، دۆلەت، ئېرق ئايرىمايدۇ، (بەزى بىر مىللەتلەرنىڭ مىللىي ئۆرىپ ئادىتى پەقەت ئېتىقاد تەرەپتىكى چەكلەش چەكلىمىسىگە ئۇچىرىشى تەبىي)  مۇھىمى بىر بىرىگە ئىشىنىش بىرى بىرىنى ھۆرمەت قىلىش. مۇستەقىل ئىرادىلىك بولغاندا، تۇرمۇشتىكى قىيىنچىلىقنى ئورتاق يېڭىپ، تۇرمۇشنى خوشال ئۆتكۈزگىلى، تۇرمۇشتىكى چوڭ - كىچىك زىدىيەتنى يولىدا ھەل قىلىپ، بىر بىرىنى ياخشى كۆرۈشسىلا تۇرمۇشى ئوخشاشلا بەختلىك دىگىلى بولىدۇ.    تورداشلارنىڭ ئىنكاس يوللىغاندا قىزىققان نۇقتىسىدا تۇرماي، رىياللىققا يۈزلەنگەن ئاساستا پىكىر تەكلىپ بولسا تولۇقلىما قىلىشىنى سورايمەن.

oychan

	بۇنداق مەسىلىلەردە باشقىلارغا مەسلىھەت سېلىش ئۆزىنىڭ مۇستەقىل دۇنيا قاراش ۋە قىممەت قارىشى بولمىغانلىقتىن بولىدۇ. ئەگەر سىز ئاشۇ مەسلىھەت سورىغان كىشىگە مەسلىھەت بەرسىڭىزمۇ، بەربىر ئۇ سىز بەرگەن مەسلىھەت بويىچە ئىش قىلماسلىقى مۇمكىن. چۈنكى ئۇنىڭ يەنە باشقا بىرىدىن مەسلىھەت سورىغۇسى كېلىدۇ. باشقىلار بەرگەن مەسلىھەت سىزنىڭكىگە ئوخشىمايدۇ-دە، مەسلىھەت سورىغان بۇ ئادەم يەنىلا بىر يەردە مۇقىملىشالماي،  لىڭگىلتاسما بولۇپ قالىدۇ. بۇ پەقەت توي ئىشىدىلا ئەمەس، شەخىسلەر ئۆزى بەلگىلىيەلەيدىغان ئىشلارنىڭ ھەممىسىدە شۇنداق بولىدۇ.   شۇڭا ئادەمدە مۇستەقىل دۇنيا قاراش بولمىقى زۆرۈر. دۇنيا قاراش دۇنيانى كۆزىتىش، پىكىر قىلىش ئارقىلىق مەيدانغا كېلىدۇ،  شۇڭا ھەر قاندىقىمىز ئاللاھ ئاتا قىلغان ئەقلىمىزنى ھەر ۋاقىت تەپەككۇرغا ئىشلىتىپ تۇرىشىمىز توىمۇ زۆرۈر.

كارامەت

	كۆڭلىڭىز تارتسا توي قىلىۋىرىڭ .مىنىڭچە ئۇيغۇر بولسىلا يېشىنىڭ چوڭ بۇلىشى چوڭ مەسىلە ئەمەس.ئارانلا ئىككى ياشكەنغۇ. چوڭ دىگەن ئۆي ئىشىغا پىششىق كېلىدۇ. ئاۋات تىمىنىڭ بېشىدىن ئۇرۇن ئېلىۋالاي. ھېلى ئۇرۇن قالماي خاپا سالىدۇ.

kilyang

	ئەسسىلامۇ ئەلەيكۇم  ؟                      نۇر ئەپەندىم سىزنىڭ تىمىللىرىڭىزنى ھەم ئىنكاسلىرىڭىزنى كۆورۇپ تۇرىمەن ، بۇ تىمىڭىزنىڭمۇ مەنىۋى ئەھمىيتى ، پايدىلىنىش قىممىتى بىلگۈچىلەر ئۈچۈن خىلى يۇقىرى ، رەھمەت سىزگە !  توي نىكاھ مەسىلىسىدە ئەڭ مۇھىمى دىننىي ئەخلاقىغا قاراش كىرەك ! توردا تونۇشقان قىز بىلەن قانداقمۇ نىكاھ ئوقۇغۇلى بولسۇن ! ئايال كىشى دىگەن تورخانلارغا خالىغانچە كىرمەسلىكى لازىم ! ھەم شەرىت ، بىزنىڭ مۇسۇلمانلىق ئەخلاقىمىزدا مۇسۇلمان ئايالنىڭ بىر تال ئىنچىكە چىچى ياغلىقىنىڭ سىرتىغا چىقىپ قالسا ھارام بولىدۇ ! بۇنداق دىگەن گەپ سىزنىڭ يۈزىڭىز ، قولىڭىز ، ھوشىقىڭىزنىڭ ئۈستى تەرەپلەر دادىڭىزدىن باشقا ئەركەك زاتى كۆرمىسۇن دىگەنلىك بولىدۇ ! يەنى ھەقىقى مۇسۇلمان دىننى چۈشەنگەن ئىمانلىق ئەخلاقلىق قىز - ئاياللار تورخانىغا ئەمەس ، بازارغىمۇ ، ھەتتا باشقا ئەركەك زاتى بار ئورۇنغا چىقماسلىقى لازىم ، بۇنداق تورخانلاردا  ئۇ يەردە  بۇ يەردە  يۈرگەن ئاياللارنى قانداقمۇ ھالال جۈپتۈم دەپ توي قىلىدۇ ! ........................... بىراق شۇ يىگىت مىللى غۇرۇرى كۈچلۈك ،بولسا ھەرقانچە ئالىي مەكتەپتى ئوقۇغان بولسىمۇ بىزنىڭ ئانا تىلىمىز بولغان ئەرەب تىلى يىزىقىنى بىلىشى قۇرئان ئوقۇشى ھەم بۇ ئارقىلىق شۇ ئالماقچى بولغان خاتوننى يەنى قىزنى ياكى چوكاننى تەربىيلەپ ، يولدىن چىقىپ كەتكەن بولسا يەنى يۇقاردا دىگەندەك تورخانىلاردا يۈرگەن بولسا ئۇنى توسۇپ ئىسلام يولىغا باشلىيالىشىغا ئىشەنچىسى بولسا نىكاھىغا ئالسا بولىدۇ !

~majnuntal~

	ئەسەرنى شۇنداق ياخشى يېزىپسىز .سىز دىگەندەك مۇشۇنداق مەسلىلەرنى سورىغانلار ئۆزنىڭ مۇستەقىل دۇنيا قارشى ۋە كىشىلىك تۇرۇمۇش قارىشى نىسبەتەن ئاجىز كىشىلەر بولىشى مۇمكىن .  مەنچىمۇ مۇھەبتلىشىشتىن ئاۋۋال مەيلى قىز بولسۇن ياكى ئوغۇل بولسۇن ياخشى ئويلاشقاندىن كىيىن ئادنىن قارشى تەرەپكە تەكلىپ قويۇپ ، تەكلىپىنى قوبۇل قىلىدۇ دەپ قارايمەن ، ھەرگىزمۇ ئۆزىگە ماس كەلمەيدىغان ،گەلگۈسىگە ماس كەلمەيدىغان كىشىنى تاللىمايدۇ ، مۇشۇ نۇختىدىن قارىغاندىمۇ يۈرۈپ بولۇپ توي قىلسام بولامدۇ دىگەن بىر بىمەنە سۇئال بولۇپ قالىدۇ ، بۇنداق دېسەم يۈرۈپ بولۇپ يېتەرسىزلىكى كۆپ بولسا توي قىلماسلىق كېرەك دەپ قارايدىغانلار بولىشۇ مۇمكىن ، توغرا مۇھەببەتلىشىشتىن ئاۋۋال ھەممە خۇي مىجەزنى بىلىپ بولغىلى بولمايدۇ ، بىراق دۇنيادا نۇقسانىسز ئادەم يوق خۇددى نۇقسانىسىز نەرسە بولمىغىنىدەك ، شۇڭا قارشى تەرپنىڭ يېتەرسىزلىكىنى بەكلا چىڭ تۇتىۋالماسلىق كېرەك ، بەلكىم قارشى تەرەپنى يېتەرسىزلىكى يەنە ئۆز نۆۋىتىدە ئارتۇقچىلىق بولىشى مۇمكىن . مېنىڭ ئويلايدىغنىم مۇھەببەتلىشىشتىن ئاۋۋال ياخشى ئويلىنىش كېرەك ، ئەگەر كەلگۈسىدە بىرگە بولۇشقا كۆزى يەتسە يۈرسە ھەم توي قىلىسا بولىدۇ  ، يۈرۈپ بولۇپ ياقمايدىغان يەرلىرىنى بايقاپلا توي قىلسام بولارمۇ قىلمىسام بولارمۇ دەپ ئولتۇرماسلىق  ، كەڭ قورساق بولۇش كېرەك  . چۈنكى باشقىلارنى ياخشى كۆرەگەن كىشى ھەرگىزمۇ باشقىلارنى ئۆزى ئۈچۈن ئۆزگەرتمەستىن بەلكى ئۆزى باشقىلار  ئۈچۈن ئۆزگىرەلىشى يەنى باشقىلارنى بارلىقى بىلەن قوبۇل قىلالىشى كېرەك !

huxruh

	مۇھەببەت---- ياش چەكلىمىسى .چىگرا سىزىقى  ،ئىرقىي ئايرىمىسى .....قاتارلىقلارنىڭ چەكلىمىسىگە پىسەنىت قىلمايدىغان نازۇك ئەمما ھەممىگە تونۇش ئاشكارە ھىسىياتقا ئايلانغان بۈگۈنكى كۈندە سىز يۇقىردا ئوتتۇرغا قويۇلغان مەسىلىلەر داۋاملىق بىزگە ئۇچراپ تۇرماقتا،شۇ سەۋەپ بىزنىڭ نازۇك قىزلىرىمىز ،نەۋقىران يىگىتلىرىمىزنىڭ كۆڭلىگە داغلار چۇشمەكتە، چاپچىپ تۇرىدىغان يۈرەكلەر چۈشكۈنلىشىشكە قاراپ يۇزلەنمەكتە، مەنمۇ مەكتەپتە نۇرغۇن مۇھەببەت ھىكايىلىرىنى ئاڭلاپ تۇرىمەن. شۇلار توغرىسىدا ئويلارغا پىتىپ قالىمەن .. مىنىڭچە ئازراق قىزىقىش ئۆمۈرلۈك تۇرمۇشنىڭ ئاساسى بولالمايدۇ،مەيلى مۇھەببەت .ئشى ياكى تۇرمۇش ئىشى بولسۇن رىياللىقنى ئاساس قىلىشى كىرەك . ئوغۇللار سوغۇق قانلىق بىلەن ئەڭ ئاۋال ،باشقا تەرەپنى قويۇپ تۇرۇپ ،قارشى تەرەپنىڭ ئۆز پەرزەنتىنىڭ ساپالىق ئانىسى بولالايدىغان بولالمايدىغانلىقىنى  ئويلىشى كىرەك. قىزلار قارشى تەرەپنىڭ مەسئۇلىيەت دائىرىسىنى ،يەنى پەرزەنتلىرىگە مەسئۇلىيەتچان ،كۆيۈمچان ،ئاتا بولالايدىغان بولالمايدىغانلىقىنى ئويلىشى كىرەك

kapTalis

	مىسرانىمدا مەسلىھەت چايلىرى خىلى ئاۋىپ قالدىيا . مىنىڭچە يەنىلا  ئۆزىڭىز مەسلىھەت بىرىڭ . سىزگىمۇ كۆپ ئىنكاسلارنىڭ چۇشىشىنى چىندىلىمدىن ئۈمۈد قىلىمەن.

alim0903

	قانداق قىلىشنى بىلمىگەن ئادەمگە توي قىلىشنى كىم قويۇپتۇ ، ئىتوت ئارىچىغا ئالتە تاياق يادىمىزدىن چىقمىسۇن  [s:164]

doppiqe

	بىر نىمە دىمەك تەس.................... [s:129]  [s:129]

sarsan1117

	توردا مۇشۇنداق ئۇنۇڭغا تەگسەم بولامدۇ ،بۇنى ئالسام بولامدۇ دەيدىغان ياشلارنىڭ مەسلەھەت بېرىدىغان ئاتا-ئانىسى،ئۇرۇق تۇغقانلىرى يوقمىدۇ دەيمەن، تېمىغا چۈشكەن ئىنكاسلارنىڭ كۆپلىكى تېخى !~~!