ئۈرۈك بىلەن ئۈژمە

halpambag

	ئۈرۈك بىلەن ئۈژمە (مەسەل) ت. م. خەلپەمبەگ   بىر باغ قوروسىنىڭ ئىچىدە ئۈرۈك دەرىخى، سىرتىدا ئۈژمە دەرىخى بار ئىكەن. دېھقان ئۈرۈكنىڭ ئەتىراپىدىكى يەرلەرنى ئاغدۇرۇپ، ئوتاپ، سۇ قويۇپ پەرۋىش قىلىدىكەن، لىكىن ئۈژمە ئۈرۈك بار يەرگە سۇ قويغاندا يەرنىڭ قىرىنى بۇزۇپ چىققان سۇنى ئىچىدىكەن، دېھقان ئۈژمىگە ھىچقانداق پەرۋىش قىلمايدىكەن.  ياز كۈنلىرىنىڭ بىرىدە ئۈرۈك ئالا بولغىچە ئۈژمە مەي باغلاپ پىشىپ، ئىنسانلارنى ھەتتا ئۇچار- قۇشلارنى ئۆزىنىڭ تاتلىق مىۋىلىرى بىلەن لەززەتلەندۈرۈپتۇ. بۇ ئۈژمىنىڭ داڭقى پۈتۈن كەنتكە تاراپ كەتكەچكە بالىلار، چوڭلار ھەتتا ئۇچار- قۇشلارنىڭ ئايىقى ئۈزۈلمەي ئۈژمە تۈۋى بازار بولۇپ كېتىپتۇ.   - سەن شۇنچە تاتلىق ئۈژمە بولساڭمۇ، - دەپتۇ بۇ ئىشلاردىن ئىچى ئۆرتەنگەن ئۈرۈك تۇرالماي - ھىچكىم ھەتتا ئىگەڭمۇ قورىمايدۇ، باقمايدۇ، سەن شۇنچە ئەتىۋارسىز بولغاچقا ئۇششاق بالىلار شاخلىرىڭنى قايرىپ، سۇندۇرۇپ، ئۇچار-قۇشلار باشلىرىڭغا چىچىپ، قوي پادىلىرى، تۇخا توپلىرى يەرگە چۈشكەنلىرىنىڭ ساقلىرىنى يەپ، قالغانلىرىنى دەپسەپ ئىزىپ يەر بىلەن يەكسەن قىلىدۇ. ئەمما مېنى كۆرىدىغانسەن، مېنى ھەرقانداق بىر ئادەم ئەتىۋارلايدۇ، قوغدايدۇ، پەرۋىش قىلىدۇ، شۇ يىلى قورسىقىدىن ئاشسا گۈلە قىلىپ ساقلاپ قىشىنچە يەيدۇ، بۇنىڭدىن قاتتىق ئۆرتىندىغانسەن ھە!؟        ئۈژمە ئۈرۈكنىڭ سۆزىگە جاۋاپ قايتۇرماقچى بوپتۇ يۇ، جاۋابىنى ئىچىگە يۈتۈپ ئۈن- تىنسىز ياشاۋېرىپتۇ.   ئايلار ئۆتۈپتۇ، يىللار ئۆتۈپتۇ، دېھقان قېرىپ پۇت – قۇللىرىدا مادار قالماي ئېتىز- ئېرىق، باغ يەرلىرىگە ئىشلىيەلمەس بولۇپ قاپتۇ. بىر يىللاردا ئۈژمە بىلەن تەڭ تۇش ئۈرۈك ئۆز كۈچىگە تاينىشنى ئۈگۈنمەي تەييارغا ھەييار بولۇپ ياشىغاچقا، بەزىدە ئاچ، ئۇسسىز قېلىپ، روھى جەھەتتىن چۈشكىنلىشىپ قۇرۇق- قاقشال بولۇپ كېتىپتۇ، لىكىن ئۈژمە يىلدىن- يىلغا تاتلىق مىۋىلىرى، بۈك- باراقسان شاخ- شۇمبىلىرى بىلەن كىشىلەرنى، ئۇچار- قۇشلارنى لەززەتلەندۈرۈپ، تويغۇزۇپ، ئۇلارنىڭ تىلىدا داستان بولۇپ ياشاۋېرىپتۇ.                2009- يىل ئۆكتەبىر. غوروچۆل خاڭگۇڭ    مەنبە: ئۆز قەلىمىم

=ALBALSI=

	بۇ كەچلىك يۇمۇرلاركەندە  [s:181]  [s:181]

تارىم

	مەسەل تۈسىنى ئالغان ناھايىتى ياخشى ۋە مەنىلىك ئەسەر ئىكەن [s:166]  [s:173]

تارىم

	سىزگە يۇمۇر بىلىنىپتۇدە،ياكى يۇمۇردەپ ئوقۇدىڭىزمۇ بۇنى [s:181]

arkin.jan

	ياخشى پەرۈىش قىلىنغان ئۇرۇك بىلەن ئۇژمەكەن تالاشماي يىتىشىگە يەيلى [s:122]

kamran

	تورداش يۇرتىڭىزنى بەك چولتا يېزىپ قۇيۇپسىز ، بۇ شىنجاڭنىڭ ھەرقايسى جايلىرىدىكى تورداشلار كىرىغان مۇنبەر ، غوروچۆل ،خاڭگۇڭ دەپ يېزىپ قويسىڭىز تورداشلار چۈشىنەلمەيدۇ ، <بۇ ئاقسۇ شەھىرنىڭ بىر يېزىىسى >

bilijan

	مەنىلك  تەلىىم ئېلشقا ئەرزىگۇدەك [s:166]  [s:166]  [s:166]

halpambag

	كەچۈرۈڭ! مەن يېزىپلا بارماق دېسكىغا شۇنداق كىرگۈزۈپ قويۇپتىكەنمەن، ئاخشام شۇ پېتىم يوللىۋېتىپتىمەن. ئاۋات ناھىيە غوروچۆل بازىرى خاڭگۇڭ كەنتىدە يېزىلغان بولغاچقا شۇنداق يوللىنىپ كېتىپتۇ.

قـوزام

	تېما ئىسمىنى كۈرۈپلا ئېغىزىمغا سېرىق سۇ كەلدى دىسە...........يىگۈمنى كەلتۈرۈپ [s:130]

qartekin

	بىك ياخشى تەربىۋى قىممىتى يۇقۇرىكەن رەھمەت!