ئۇيغۇر پۇتبۇلچىلىرىغا تەخىرسىز مۇھىم تەكل

uygurboy

	بۇ تىمىنى پۇتبول مۇنبىرگە يوللىغانتىم،تازا دىگەندەك ياخشى پىكىرلەر بولمىدى،ئەمدى مۇنبەرلىرىمىزنىڭ ئالدى بولغان  مۇنبىرىرىمىزگە يوللاپ كەڭ دوسلارنىڭ پىكىرىنى ئاڭلاپ باققىم كەلدى.      ھەممىمىزگە مەلۇم بۇيىل كىرگەندىن بۇيان،بولۇپمۇ نورۇز ئىيى كىرگەندىن بۇيان ئۇيغۇر پۇتبولچىلىغى خۇددى يامغۇردىن كىيىنكى بامبوك نوتىسىدەك كوكلەپ، تارىختىكى ئەڭ يۇقۇرى پەللىگە چىقتى دىسەكمۇ ھەرگىز ئارتۇق كەتمەيدۇ(بۇ ئىشلارنىڭ تەپسىلاتىنى دىمىسەكمۇ ھەممەيلەنگە ئايان،بارى،مىرئەخمەت،ئوتكۈر قاتارلىقلار).       خوش،ئەمدى ئۆز گىپىمگە كەلسەم،بىر ئىش مىنىڭ يۇرۇگۇمنى تاتىلاپ مىنى بىئارام قىلغىلى خىلى ئۇزۇن بولدى،ئۇ بولسىمۇ ئوغلانلىرىمىزنىڭ ئىسىملىرىنىڭ ئاتىلىشى،يەنىمۇ تەپسىلىيرەك ئىيتقاندا پۇتبول كىيىمىنىڭ ئارقىسىغا بىسىلغان ئىسىملىرى. مەن ھازىرغىچە پەقەت تىگىگە يىتەلمىدىم، ئىنىقراق ئىيتقاندا ئەزىمەتلىرىمىز نىمىشقا ئاتىسى ئەزان توۋلاپ قويغان ئۆز ئىسمىغىمۇ ئىگە بولالمايدىغاندۇ؟بەلكىم بۇ گەپ سەل چىكىدىن ئىشىپ كەتكەندۇ،لىكىن ئۆزىنى ئۇيغۇر دەپ سانايدىغان ھەرقانداق بىر ئەركەك يۇرۇگىنى سىلاپ بىقىپ ئويلاپ باقسا ھەرگىزمۇ ئىشىپ كەتكەن گەپ ئەمەس بۇ.       ماڭا ھەرگىز ئوغلانلىرىمىزمۇ دولىتىمىز پۇقراسى بولغاندىن كىيىن،كىملىك گۇۋانامىسىدىكى خەنزۇچە ئىسىمنىڭ پىنيېىنچە ھەرپىنى ئىشلەتكەن دىمەڭ.مىرئەخمەتجانىنىڭ كىملىك گۇۋانامىسىدا ھەرگىزمۇ 买提江دەپ يىزىقلىق ئەمەستۇ.بارىنىڭ مايكىسىنىڭ كەينىدە balدەپ يىزىقلىق تۇرىدۇ،بۇنى كۆرۇپ چىۋىن يەۋالغاندەك بولۇپ قالدىم.مىرئەخمەتنىڭ كىيىمىدە نىمە دەپ يىزىقلىق بۇنى ئىنىق بىلمەيدىكەنمەن،لىكىن ھەرگىزمۇmirehmetياكىmirahmatدەپ يازمىغانلىغى ئىنىق.      بەلكىم نىمانداق تۇخۇمدىن تۈك ئۈندۇرگەندەك يوق يەردىن ئىش چىقىرسەن؟ دەپ قالغان بولۇشۇڭلار مۇمكىن،ئەمما بۇ ئىشقا ئەستايىدىل قارىمىساق قەتئى بولمايدۇ قىرىنداشلىرىم.مىرئەخمەت،بارى،ئوتكۈرلەر بۇرۇن ئاتا-ئانىسىنىڭ بالىسى ھەم ئۆزىگە ۋە ئاتا-ئانىسىغا تەۋە بولغان بولسا،ھازىردىن باشلاپ ئاتا-ئانىسىغا ۋە ئۆزگىلا ئەمەس پۇتۇن ئۇيغۇر خەلقىگە تەۋە بولدى دىگەن گەپ.بەلكىم مەن بۇلارنى بەك بۇيۇكلۇككە كوتۇرۋەتكەندىمەن ياكى ئارتۇق ئويلاپ كەتكەندىمەن،شۇنداق بولسىمۇ بۇ ھەرگىزمۇ كىچىك مەسىلە ئەمەس دەپ ئويلايمەن.     ھازىر دولىتىمىز دىيارىمىز پۇتبولچىلىغىغا ئالاھىدە نەزەر بىلەن قاراشقا باشلىدى،بۇندىن كىيىن دىيارىمىزدىن نۇرغۇن ئەزىمەتلىرىمىزنىڭ يىتىشىپ چىقىپ مىرئەخمەت،بارىلارنىڭ ئىزىنى بىسشى مۇقۇملۇشۇپ قالدى،بىز بۇ ئىسىم مەسىلىسىنى ئۆيلاشمىساق قەتئى بولمايدۇ.بۇلار ھازىر دولەت كوماندىسىغا كىردى،بۇندىن كىيىن دولەت كوماندىسىغا نۇرغۇن ئۇيغۇر ئوغلانلىرىمىز كىرىدىغانلىغىمۇ ئىنىق،يەنە تىخى چەتئەللەردىكى زەردار كۇلۇبلاردىمۇ توپ تىپىشى تامامەن مۇمكىن.ئوغلانلىرىمىز دولەت كوماندىسدا ياكى دۇنيادىكى داڭلىق كۇلۇبلاردىمۇ مايكىسىنىڭ ئارقىسىغا bal   maitijiangدىگەندەك ئىسىملار بىلەن توپ ئوينىسا سىز قانداق ھىسياتتا بولارسىز؟دۇنيانىڭ باشقا جايلىرىدىكى قىرىنداشلىرىمىز،قەۋملىرىمىز بۇنى كۆرۇپ قانداق ئويلاپ قالار؟        يا دولىتىمىزدە ئىسىم بەك ئۇزۇن بولۇپ كەتسە بولمايدۇ دەيدىغان قانۇن بارمۇ؟خەنلەرنىڭغۇ ئىسمى بەك قىسقا،لىكىن بىزنىڭكىنى ئۇلارغا ماسلاشتۇرسەن دىيىش توغرا ئەمەسدە.ئىسىمنىڭ ئۇزۇن-قىسقىلىغى ھىچنەرسىگە پۇتلاشمايدۇغۇ.ئىسىمدە قىلىشچە مىلاندا بىر بىك بارغۇ گىرىتسىيەلىك ئىسمى Papastathopoulos،بىزنىڭ ئىسمىمىز بۇنىڭكىدىن ئۇزۇن چىقماس،ئاۋۇ گىرىتسىيەلىكنىڭ فامىلىسىنى قوشسا 24مۇ 25مۇ ئىشقىلىپ ئاشۇنچىلىك ئۇزۇن ئىنگىلسچە ھەرپ چىقىدۇ،لىكىن مىرئەخمەتجان مۇزەپپەر دىسە ئاران 18ئىنگىلىسچە ھەرپ بولىدىكەن،مىرئەخمەتجان دىسە 11ھەرپقۇ؟بۇ شۇنچە ئۇزۇنمۇ؟        شۇڭا ئەزىز پۇتبول سويەر قىرىنداشلىرىمنىڭ بۇ مەسلىگە ئالاھىدە كۆڭۇل بولۇشۇڭلارنى،ئەگەر ئۇلارنى تونۇساڭلار بۇ ئىشلارنى ئۇلارنىڭ سەمىگە سىلىپ قويۇشۇڭلارنى ياكى تېلفون قىلىپ بۇ مۇنبەرگە كىرىپ بۇ ماقالىنى ئوقۇپ بىقىشنى ئىيتىپ قويۇشۇڭلارنى سورايمەن.ئاخىرىدا ،دىيارمىزدىن يىتىشىپ چىقىۋاتقان پۇتبولچى ئەزىمەتلىرىمىزمۇ تۇنجى قەدەمنى توغرا بىسىپ،قىتىقىنىپ،جاپاغا چىداپ مەشىق قىلىپ دىيارىمىزدىكى پۇتبول سويەر ئوغلانلىرىمىزنىڭ سىلەردىن كۇتكەن ئۇمىدىنى يەردە قويماسلىغىڭلارنى چىن دىلىمدىن ئۇمىد قىلىمەن.شۇنداقلا ئۇلارنىڭ مايكىسىغا بىسىلغان ئىسىملارنىڭ bal ،maitijiangئەمەسmirehmetjan bariدىگەندەك ئۇيغۇرچە يىزىلىشىنى تولىمۇ ئارزۇ قىلىمەن.    بۇ ماقالىنى مەنبەسىنى ئەسكەرتىپ،ھەر قانداق مۇنبەر،بلوگلارغا چاپلاشقا رۇخسەت قىلىنىدۇ.مىنىڭچە بۇنى قانچە كوپ ئادەم بىلسە شۇنچە ياخشى دەپ قارايمەن مەنبە: ئەلكۈيى مۇنبىرى

guzal_atux

	ياخشى،،،،ئىنچىكە ئويلاپسىز ،،،،،،،،،،،،،،

tarimkizi@

	توغرا ئېيتىپسىز قېرىندىشىم ، مەنممۇ سىزنىڭ پىكىرىڭىزنى قوللايمەن .

kapTalis

	ۋاسكىتبول كاماندىسدىكىلەرمۇ شۇنداق يازغان بولسا .

saldat

	سىلەر بەك ئارتۇقچە ئويلاپ كىتىپسىلەر........نەق شۇ لارغا كەپ  ئىسىم يازىدىغان ۋاقتىدا.شۇيەرىگە پۇل يەتمەپتۇ؟؟؟؟

eagle

	توغرا ئويلاپسىز، بىزمۇ چەت ئەلدە ئۆزىمىزنىڭ ئەرەبچە ئىسمىنى ،پاسپورتتا ئوخشىمايدىغان يىزىلغىنى سەۋەبلىك ئەرەبلەرگە قايتا چۈشەنچە بىرىشكە توغرا كىلىۋاتىدۇ،لىكىن بۇ ئۇلارنىڭ ئىلىكىدىكى ئىش ئەمەس، مەن ھەممە دوستلارنىڭ بۇ ئىش ئۈچۈن قولىدىن كىلىشىچە بىر كىشلىك ھەسسە قوشىشىنى ئۈمۈد قىلىمەن.

axkar

	ئۆزىمىز بوش ،  ئانكىت تولدىرىدىغان چاغدا  كاتەكچىگە پاتمايدۇ دىگەننى باھانە قىلىپ ئۆزىمىزنىڭ ئىسمىنىلا يازىمىز .  ئەرافاتقا ئوخشاش كىچىك نام چىقارغانلارنىڭ ئىسمىنى خالىغانچە ئاتىسا ھە شۇنداق دەپ تەڭ كۈلۈپ بىرىمىز . ئاتا-ئانا بولغان ئادەم  ،- ياق ، بالامنىڭ ئىسمى ئارفا ئەمەس ، ئارافات دىمەيمىز . بۇنداق مىساللارنى ئالساق نۇرغۇن  .  باشقىلاردىن ئاغىرنىشنىڭ ھاجىتى يوق ، ئاغىرنىش كەلسە ئۆزىمىزدىن ئاغىرنايلى .

ablikim0903

	ئارتۇقچە  ئويلاپ قاپسىلەر  .     ھەممە  ئادەمنىڭ  تىلى  ئوخشاش ئەمەس  .    سىز   چاۋدەن  ،  جوردەن  ،جوردان    دىگەندە   ئىنگىلىزلار  ئىراققا ھۇجۇم قىلغاندەك  ھۇجۇم قىلمىغان بولغىدى  .  يوقىلاڭ  ئىشلارغا  پىسەنت قىلمىغاچقا  تەرەققى قىلغان  .   سىز  بىل گايتىس ،بىل گەيتىس  دىگەندە  خەقلەر  يەنىلا  ئۆزىنىڭ  ئىشىنى قىلىۋېرگەن  بۇنداق  ئىشلار بىلەن ئېتىشمىغان  .   تىلى  كەلمىسە  قانداق قىلىسىز ،  بىزلەرمۇ  ئۇ خەقنىڭ  نۇرغۇن تىلىنى  ئۇيغۇرچىلاشتۇرۋالىمىزغۇ  ،  ئىنگىلىسچىنىمۇ  ئۇيغۇرچىلاشتۇرۋالىمىزغۇ  .  بۇنىڭ غا گەپ يوق  .    سىز   چولپانلىرىمىزنىڭ  شۇ گەپنى قىلىپ  ئۇلاربىلەن  زاكۇنلاشقۇدەك  ، ئۇلارنىڭ ئورنىنى  شۇنچىلىك مۇقىم  دەپ ئويلامسىز  .  دۆت ئىكەنسىز  .   دۇنيا  غا تۇنۇلسا  بۇ ئىشلار تەبئى  بولىدىغان ئىشلار  .

ablikim0903

	ئاشكار   سىزمۇ سەل  ئارتۇق سۆزلىۋەتتىڭىزمۇ  قانداق  ؟   ئادەم خىلى بىلەن دىگەن گەپ بار .      سىز ئۆزىڭىزنىڭ خىلىدىكىلەرنىڭ  چۈشەندۈرىشىنى ئاڭلىيالايسىز .            ئۆزىڭىزدىن تۆۋەنلەرنىڭ  چۈشەندۇرىشىنىمۇ  ئاڭلارسىز  .          لىكىن  ئۆزىڭىزدىن يۇقىردىكىلەرنىڭ چۈشەندۇرىشىنى ئاڭلىيالمايسىز . ئۇلار ئاتا -ئانىڭىز بولمىسىلا   .         ئەمدى جاۋاپ بىرىپ  بېقىڭلار  :  !!!!   دىلنار ئابدۇللا  . ئەرفات .  چولپانلار . باشلىقلار   سىلەرنىڭ  خىلىڭلارمىكەن؟   خىلىڭلار بولمىسا    سىلەردىن  يۇقىرمىكەن  ياكى  تۆۋەنمىكەن  ؟    سىز ئويلىغاننى  نەچچە  كىۋادىراتقا  كۆتۇرۇپ  ئويلايدۇ  ئۇلار   .   شۇڭا  بىر يېرىم  مىلىيارد  ئادەمنى ھەيران قالدۇرىۋاتىدۇ  .     شۇلارنىڭ  بىرەسىنى  تورغا  ئېلىپ چىقىپ گەپقىلدۇرالامسىز  ياكى  ؟     مۇنبەرنىڭ   ساپاسىنى  ياخشىلاڭلار  !!!!!!!          ئالىي  ئەزاكەن   تېخى    ،   يۇقىرغا  چىقىپ  قالغاندىكىن  گەپنى ئويلاپ  قىلاتتىڭىز  ئەسلى  .

yalkunyasin

	بۇ تېما راست ئويلىنىشقا ئەرزىگىدەك تېمىكەن !!!

This.is.It

	دوستۇم ئويلىغىنىڭز توغرا   ...ئەمما سىز جۇڭگۇدا تۇرۇپ ئىسمىڭىز مۇھەممەد  بولسا ھەرگىز سىز 默罕穆德    چەتكە چىقسىڭىز  پاسپورت ۋە باشقا نەرسىڭىز گە   muhammad  دەپ ئېلىنمايدۇ   ئېنىقكى خەنزۇچىدە مەيمەيتى  دەپ ئېلىنغاندىن كىيىن پاسپورت ۋە باشقا ماتىريالىڭىزدىكى ئىسمىڭىز maimaiti  دەپ ئېلنىدۇ ....   دىمەك باشقا مۇسابىقە كىيمىگە ئىسىم يېزىش  توغرا كەلسىمۇ مىنىڭچە شۇنداق بۇلىشى مۇمكىن ...ئەگەر ئۇلارنىڭ ئىسىمى سىز دىگەندەك يېزىلدى دىگەندىمۇ مۇنداق يېزىلدۇ .........murehemaitijiang  muzhapaer       bali maimaitili  مىنىڭچە مۇشۇنداق يېزىلدۇ   ئۆزىمىزدىمۇ يوق ئەمەس    مۇھەممەد  دىگەن ئىسىمنى  مەمەت   مەت  دەپ تۇرۋالغادىن كىيىن ئىسمىڭ نىمە دىسە مۇھەممەد   穆罕默德     默罕穆德 ئەمەس مەيمەيتى   مەمەت  دەپ نۇپۇسقا ئالغۇزغاندىن كىيىن شۇ .............  ئىنسانلارنىڭ ئىسمىنىڭ ئارىسىدا ئەڭ ئىسىل ئەڭ ئۇلۇغ  ئىسىم بىزنىڭ ئاغزىمىزغا چىقىپلا ئۇرغۇسنى  مەنىسىنى  گۈزەللىكىنى يوقاتقاندا ئەمدى بىزقايسى يۈزىمىز بىلەن كىمگە نىمە   دەيمىز ...؟؟؟   بىزنىڭ ئارىمىزدا  مۇھەممەد پەيغەمبىرىمىزنى   مەمەت پەيغەمبەر دەيدىغان ئادەملەر ساماندەك ..... توغرا ئاتايلى مۇھەممەد   ، ئەھمەد     ...     تېخى   مەمىتىم    مەمىشىم   مەتقۇۋان    ...مۇشۇمۇ گەپمۇ   ئويلاپ بېقىڭلا  قايسى بىر مىللەت مۇھەممەد دىگەن ئىسىمنى شۇنداق چاقىردۇ      خەنزۇلار چېغىدا  ئاغزى كەلمىسمۇ   默罕穆德      خىرىستىئانلار چېغىدا  muhammad دەپ ئاتايدۇ    بىز نىمىشقا سۈيۈملۈك پەيغەمبىرىمىزنىڭ ئىسمىنى مەمەت دەۋالىمىز ................

پارلاق

	تازا ئويلىنىشقا تېگىشلىك تېمىكەن بۇ. دېمىسىمۇ بىزنىڭ ئىسمىمىز بىزگە ۋەكىللىك قىلىدۇ،بۇرۇن ئىشلىتىپ كېلىۋاتقان ئىسىملار نى نام چىقارغاندىن كېيىن قىسقارتىشىنىڭ زۆرۈرىيىتى يوققۇ؟ مەركىزى تېلىۋېزىيە ئىستانسىدىكى نېغمەت ھەقىقەتەن بىزنىڭ يۈزىمىزنى يورۇق قىلغان،لېكىن يېڭى چىققاندا نېغمەتتى ئىسمى،كېيىن قارىسام،شاۋ نى بوپ قاپتۇ.سەۋەبىنى بىلمەي بىر نەرسە دېيىشكىغۇ چىشىم پاتمايدۇ،لېكىن بۇنى توغرا دەپ ئويلىمىدىم. بىزنىڭ مەكتەپتىكىلەرمۇ سىلەرنىڭ ئسمىڭلار بەك ئۇزۇنكەن،قىسقارتىپ دەيلى،دېگەندە،بەزىلەر ئىسمىنىڭ يېرىمنى دەپ بەردى،مەن قىسقارتىۋەتسەڭلار ئىسمىمنىڭ ھېچقانداق مەنىسى قالمايدۇ ،تولۇق چاقىرىڭلار دەپ تۇرۇۋالدىم،تەسكەن دېگەنلەرمۇ ئىسمىمنى بىر ئوبدان چاقىرىپ كېلىۋاتىدۇ. مانا!گەپ بىزدە شۇ. چولپانلارنىڭ مەسئۇلىيىتى ھەقىقەتەن ئېغىر،ياشلىرىمىزدا ئۇلارنى دوراش خاھىشى كۈچلۈكرەك كېلىدۇ،مۇشۇنداق بولىۋەرسە،ئادەتتىكى كىشىلەرنىڭ ئىسمىمۇ ئۆزگىرىپ بىر يەرگە بېرىپ بولىشى تۇرغانلا گەپ. بەك جىق سۆزلىۋەتتىم،گېپىمنى يىغسام: تېما يازغۇچىنىڭ گېپىنى قوللايمەن.

1.2.3

	بولسىغۇ كېيمىنىڭ ئارقىسىغا ئۇيغۇرچە يىزىپلا بەرگەن بولسا ياخشى بولاتتى... لىكىن ئاشۇ ئالقانچىلىك كېيىمنىڭ ئارقىسىغا ئىسمىنى تولۇق يازىمەن دەپ ھەممە يەرنى خەت بىلەن بوياپ يۈرسە تازا قاملاشماس... ئۇلارنىڭ ئىسمىنىغۇ قىسقارتىپ يىزىپتۇ...لىكىن ماۋۇ مۇنبەر سىستىمىسىدىكى ئىملا خاتالىقلىرىغا بىكەت باشلىقلىرىمۇ تولۇق يازساق پاتمايدىكەن..شۇڭا ئىملا خاتالىقىغا يول قويىۋاتىمىز دەپ يۈرسە.... توپچىلىرىمىزغا نېمە ئامال ئەمدى...

OZTURK02

	مەنچە بولغاندا چۇقۇم ئۆزىمىزنىڭ ئسىمىنى توغرا ئاتىلىشى كىرەك . ئىنگلىزچە يازغاندىمۇ بىزنىڭ ئىسىمىزنى ئاساسەن يېزىقتا  توغرا  ئىپادىلىگىلى بولىدۇ ، بىزنىڭ پۇتبولچىلىرىمىز تىخى ئەمدى تۇنۇلۋاتىدۇ ، ئۇلارنى چەتئەلىنىڭ داڭلىق توپچىلىرىغا ئوخشىتىپ ئۇلارنىمۇ شۇنداق ئاتايدۇ ئانداق قىلىدۇ بۇنداق قىلىدۇ دەپ بەزى بىر قىسىملىرىڭ تولا سەكرەپ كىتىشمە ، ئاتا-ئانىمىز بىزگە ئىسىمىنى ئەزان چاقىرىپ قويۇپ بالامىنىڭ ئىسىمى پالانچى پالانى مەندە دەپ ئاتايەن ئەلگە جاكارلايدۇ . ئەمدى بىز قوپۇپ خەقىنىڭ كەلسە -كەلمەس ئاتىشغا سۈكۈت قىلىپ بىچارلەرچە خۇش سىلە نېمە دىسەڭلار شۇ دىسەك بولامدۇ ؟ئەڭ ياخشىسى  باشقىلارنىڭ بىزنىڭ ئىسىمىزنى توغرا ئاتاشقا كۆندۇرشىمىز لازىم ، نەدىكى ئاقماس باناھ سەۋەب كۆرسەتمەيلى مەن تېما ئىگسىنىڭ پىكىرىنى قوللايمەن .

gherip

	ئاپتور جاۋابىنى بويلاپ 8قەۋەت  ablikim0903 كە 2011-03-19 08:40 AMئەۋەتىلدى  : ئاشكار   سىزمۇ سەل  ئارتۇق سۆزلىۋەتتىڭىزمۇ  قانداق  ؟   ئادەم خىلى بىلەن دىگەن گەپ بار .      سىز ئۆزىڭىزنىڭ خىلىدىكىلەرنىڭ  چۈشەندۈرىشىنى ئاڭلىيالايسىز .            ئۆزىڭىزدىن تۆۋەنلەرنىڭ  چۈشەندۇرىشىنىمۇ  ئاڭلارسىز  .          لىكىن  ئۆزىڭىزدىن يۇقىردىكىلەرنىڭ چۈشەندۇرىشىنى ئاڭلىيالمايسىز . ئۇلار ئاتا -ئانىڭىز بولمىسىلا   .     ....... ھەي ساراڭمۇسەن ، ئۇ گەپلەرنىڭ نەرى خاتاكەن .