بۇ پۇلنى تۆلىگىنىم سىزنىڭچە توغرىمۇ؟

duttarqi

	بۇ پۇلنى تۆلىگىنىم سىزنىڭچە توغرىمۇ؟     [align=justify]  مەن  يېققىندا بىنادىن ئۆي سېتىۋالدىم. ئەمما مېنىڭ كللامدىن ھىچ ئۆتمەيدىغان بىر ئىش يۈز بەردى. ئۇ بولسىمۇ  {ئولتارمىغان ئۆيگە پار پۇلى تۆلەش}. ئەسلى ئىشنىڭ جەريانى مۇنداق: مەن ئۆتكەن يىلى ئۆي باھاسىنىڭ ئۆسۈپ كېتىۋاتقانلىغىنى نەزەردە تۇتۇپ، قومۇلنىڭ شەھەر  ئەتىراپىدىكى  مەلۇم مەھەلىدە  بىنادىن  بىر يۈرۈش ئۆي سېتىۋالدىم. 2011-يىلى9-ئاينىڭ 15 كۈنى ئالدىن تۆلەيدىغان 30% پۇلنى  تۆلىۋەتتىم. ئۆينىڭ بانكىدىن بېجىرىدىغان باشقا 20يىللىق قەرز پۇل رەسمىيەتلىرىنى 2011-يىلى 3-ئاينىڭ 7-كۈنى  بېجىرىپ تۈگەتتىم ۋە  شۇ كۈنى ئاچقۇچنى قولۇمغا ئېلىپ ،ئۆينى ئۆز ئىلكىمگە ئۆتكۈزۋالدىم.ئەمما ئاچقۇچنى قولۇمغا ئېلىشتىن بۇرۇن ئۆي سېتىش خوجۇلۇق بۆلۈمى  {2010-يىلى10-ئايدىن2011-يىلى4-ئايغىچە بولغان بىر يىللىق قىشلىق پار پۇلىنى تۆلىمىسەڭ  ئاچقۇچنى بەرمەيمىز. پۇ پۇلنى چوقۇم تۆلىشىڭ شەرت، ئەگەر  بۇ پۇلنى بۇ يىل تۆلىمىسەڭ، كېلەر يىلىنىكىنىمۇ قوشۇپ  بەرىبىر تۆلەيسەن، بۇ ئۆي سېنىڭ، ئاللىبۇرۇن ساڭا ئۆتۈپ بولغان،ئەگەر پار پۇلىنى تۆلىمىسەڭ ئۆينى قايتۇرۋەت!!!} دىگەندەك تەھدىت گەپلەر بىلەن  ئاچقۇچنى بەرگىلى ئۇنمىدى. مەن ئامالسىز شۇ ئۆيدە ئولتارمىغان بىر يىللىق پار پۇلىنى مەجبۇرلاش ۋاستىسى ئارقىلىق تۆلەپ، ئاندىن ئۆيۈمنىڭ  ئاچقۇچىنى قولۇمغا ئالدىم. مەن بۇنى {يىمىگەن مانتىنىڭ پۇلىنى تۆلەش} دەپ چۈشەندىم. ئاڭلىسام  بۇ ئولتۇراق رايوندا بۇنداق{ يىمىگەن مانتىنىڭ پۇلىنى تۆلىگەنلەر مەنلا ئەمەس} ئىكەنمەن. بەلكى خېلى بار ئىكەن. سىزنىڭچە  ئۆي سېتىش بۆلۈمىنىڭ مەن  ئاچقۇچنى قولۇمغا ئالىمىغان ۋاقىتتىكى پار پۇلىنى تۆلىتىشى توغرىمۇ؟ بۇ ھەقتىكى قانۇن -نىزاملار قانداق؟  بۇ ھەقتە بىلىدىغانلارنىڭ  قانۇن  ۋە كۆز قاراشلىرىنى  بەكمۇ ئاڭلاپ باققۇم بار!!!

duttarqi

	مەن ئەسلىدە ئۆي پۇلىنىڭ ئالدىن تۆلەيدىغان 30%پۇلىنى تۆلەيدىغان چاغدىلا ئۆي سېتىش بۆلىمىگە ھازىرچە ئۆيدە ئولتامايدىغانلىقىمنى ئېنىق ئېيتقان .

تىغ

	قاملاشمىغان ! ئاشۇ { يىمىگەن مانتىنىڭ پۇلىنى تۆلىگەنلەر } بىلەن مەسلىھەتلىشىپ ، ھەممىڭلار تۇرۇشلۇق جايدىكى ئەرزىيەت ئىدارىسىگە بېرىپ پۇلنى قايتۇرۇشنى تەلەپ قىلىڭلار ! نەدە بۇنداق ئىش بولسۇن ؟

gherip

	بۇ ئىش خاتا ، ئۆينى ھەقىچان خەنزۇلاردىن ئالدىڭىز ، ئۇلار ياخشى ياماننى بىلمىگەندىكىن ، مۇشۇنداق بولىدۇ .

adiba

	2011-يىلى9-ئاينىڭ 15 كۈنى ئالدىن ........2010نى 2011دەپ يېزىپ قويۇپسىز.

0997xatut

	ۋاي بوپتۇ ......... ئەسلى بوپتۇ دەپ ئۆتكۈزۋېتىشىنىڭمۇ ئورنى يوق ... ھەمممىز ئۆزىمىزنىڭ مەنپەئەتىنى قانۇن يولى ئارقىلىق قوغدىساق بولىدۇ ... بىراق ئۇلارنىڭمۇ پار پۇلنى تۆلەڭ دىيشىدە مەلۇم سەۋەپ باردۇ ، بولمىسا ئۇنداقمۇ قىلماس .... ئۆزىڭىز ئويلىنىپ بىر ئىش قىلارسىز ..........

Uyghun

	ئاچقۇچنى ئېلىۋالغاندىنكىن ئەمدى ئادۋۇكاتتىن بىرنى تېپىپ سوتقا ئەرز سۇنۇپ پۇلنى قايتۇرۋېلىڭ بولمىسا بۇ خەخ ئادەمنى مۇشۇنداخ بوزەك قىلىپ ئۆگۇنۇپ قالدۇ. راس ئاچقۇچنى قاچان ئالغانلىق ئىسپاتى بارمۇ؟

arman1222

	ئەگەر ئۇلار ئاچقۇچ تارقىتىشنى 2010 - يىلى 10 - ئايدىن باشلىغان بولسا سىزگە ئۇقتۇرۇش قىلىپ رەسمىيەتلەرنى ئۆتەپ ئاچقۇچنى ئېلىۋېلىشنى ئېيىتقان بولسا ياكى گېزىتى ئارقىلىق ئۇقتۇرۇش قىلغان بولسا سىز ئۆيدە ھازىرچە ئولتۇرمايمەن دەپ ئاچقۇچنى كىيىن ئالسىڭىز ئوخشاشلا پار پۇلىنى تۆلەيسىز، ئەگەر ئۇلار ئاچقۇچ تارقىتىشنى دەل سىز ئاچقۇچ ئالغان كۈندىن باشلىغان بولسا سىز پەقەت شۇ كۈندىن كىيىنكى قالغان پار پۇلىنى تۆلەيسىز بۇرۇنقىسىنى تۆلىمەيسىز.

OZTURK02

	سىز توختام تۈزگەن چاغدا بىر يىللىق پار پۇلى تىخى تۆلەنمىگەن ، شۇ تۆلەنمىگەن پار پۇلىنىمۇ ئۆز ئىچىگە ئالىدۇ دىگەن مەزمۇنلار يوقمىكەن . ئەگەر بۇ مەزمۇنلار بولمىسا سىز بەلىكىم ئوشۇقچە پۇل تۆلىگەن بولغان بولىسىز.

.tuz.

	سىز دەپ بىقىڭە قىنى ؟ سىزچە توغرىمۇ ؟ ! چوقۇم توغرا ئەمەس دەيسىز ، شۇنداققۇ ؟ ھەجىبا توغرا ئەمەس ئىشنى توغرىمۇ دەپ سۇئال تاشلىغانلىقىڭىز توغرىما ؟ ! شۇنداق ھازىر جەمىيتىمىزدە يىمىگەن مانىتىنىڭ پۇلنى تۆلىتىدىغان ئىنساپسىز ئورۇنلار ئاۋۇپ كەتتى ! تۈنۈگۈن بىر چونە ماشننىڭ شوپۇرۇرى تۆمۈر بازىرغا تۆمۈر باسقىلى كىرىپتۇ . ئامبارچى ،ئامباردا تۆمۈر قالمىغانلىقىنى ئىيتىپ شوپۇرنى قايتىپ كىتىشكە بۇيرۇپتۇ ،شوپۇر قۇرۇق ماشىننى ھەيدەپ چىقىۋاتسا ، دەرۋازىۋەن 50 يۈئەن پۇل تۆلەيسەن دەپ ماشىننى چىققىلى قويماپتۇ . شوپۇر تومۇر باسالمىغانلىقىنى ئىيتىپ شۇنچە تاقاس قىلسىمۇ زادى ئۇنىماي 50 يۈئەن پۇلنى تۆلەپ دەرۋازىدىن چىقىپتۇ . بۇنداق يىمىگەن  نەرسىنىڭ پۇلىنى تۆلەيدىغان ئىش بەك جىق !! بەك جىق !!