ئانا ، قەبرەڭگە يۈكۈندۈم بۈگۈن

axkar

	ھەر يىلنىڭ مۇشۇ كۈنىدە ، ئانامغا سالامنىڭ چوڭنى قىلاتتىم، بۈگۈن ئانام يوق ، يۇم -يۇم يىغلىدىم . قولۇمدا گۈل ، قەلبىمدىمۇ گۈل ، كوچا -كويلاردا لەيلىمەكتە گۈل. مونالىزادەك يىنىككىنە كۈلۈمسىرەيدۇ، خانىم -قىزلارغا تەئەللۇق بۇ كۈن . قەبرىزارلىققا يول ئالدىم ئاستا ، قىلماق ئۈچۈن ئانام دۇئاسىنى قۇبۇل... ئالدىنقى ئەسىرگە قايتقىم كىلىدۇ ، ئانام شۇ ئەسىردە كۆمۈلگەن بولغاچ. ئانامنىڭ ھىدى پۇراپ تۇردىغان ياغلىق ، شۇ ئەسىردە ئانام بېشىغا چىگىلگەن بولغاچ . ھەي ،ھەسەل تىتاتتى ، ئانام تونۇردىن قۇمۇرغان توقاچ ..... ئانام ئوخشۇتۇپ ئەتكەن سۈتلۈك چاي ، ھىلىمۇ لىۋىمنى نەمدەپ ئۆتىدۇ ، گۆشسىز لەغمەن شۇنچە يىيىشلىك ، ئانا تامىقىغا نىمە يىتىدۇ ؟ بالا ئۈچۈن پەقەت ۋە پەقەت ، ئوخشىغان تاماقنى ئانىلا ئېتىدۇ . كوچىلاردا لەيلىمەكتە گۈل ، ئانا ، قەبرەڭگە يۈكۈندۈم بۈگۈن...... شۇ ئانىلار كىرىۋالدىكەن ، خام كىسەكتە ياساپ قەپەزلەر . ئىھ ، ئۇيقۇغا كەتكەن گۈمبەزلەر... قولۇمدا گۈل ، قەلبىمدىمۇ گۈل ، قەبرىگاھتا ياتار مىليۇن گۈل . بىر ئوت ئىدى مىھرى ئۇلارنىڭ ، كۆيدى ، ئۆچتى ،بولدى ئىسسېق كۈل. بالا ئۈچۈن ئاق كىرىپ باشقا ، تۇرمۇش تاپىنىدا چەيلەندى ئۆمۈر.... ئانا !، بىر تامچە ياش ئاتتى ئۆزىنى ، ئانام تۇپرىقىنى نەمدىمەك بولۇپ . بوغۇزۇمغا لىق تولدى قايغۇ ، قايغۇ يەنە بىر قايغۇنى تۇغۇپ . ئاستا قويدۇم ئالغان گۈلۈمنى ، قەبرىگاھلىقتا قايتا تۇغۇلۇپ . ئۇزۇن - ئۇزۇن دۇئادىن كىيىن ، ھاياتلار ئارسىغا قايتماق بولدوم . قەدەملەر يەنىلا شۇنچىلىك ئېغىر ، يۈرەك ياش تۆكەر يەنىلا يۇم-يۇم . باشقىلار گۈل بىلەن سۆيسە ئانىنى ، مەن ئانامنىڭ قەبرىسىگە سۆيدۈم . كوچىلاردا لەيلىمەكتە گۈل ، ئانا ، قەبرەڭگە يۈكۈندۈم بۈگۈن . ئۆز نۆۋىتىدە پارلايدۇ قوياش ، قوياش قوغلاپ ئوينايدۇ بالا . بالا ئۈچۈن جاينامازدا يۈكۈنەر ئانا.... ۋاقىت ئەركە ، شامال ئوخشاش ئۇچۇپ ئۆتىدۇ . ئىنسان ئاجىز ، بىر -بىرىدىن سۆيگۈ كۈتىدۇ . ھىچبىر كىشى ئىگە ئەمەس ھاياتلىقىغا ، مەيلى ئۇ گۈل ، مەيلى غۇنچە ،چوقۇم يۈتىدۇ. پەرىشتىگە سۈپەت كىرەك بولسا ئەگەردە ، پەقەت ئانا پەرىشتىدەك مىھىر تۆكىدۇ . ئىھ بالىلىق ، ئىھ ئانىغا قانمىغان ھايات، ئاشكار قولى گۈل تۇتاملاپ ، ياشلار تۆكىدۇ. كوچىلاردا لەيلىمەكتە گۈل ، ئانا ، قەبرەڭگە يۈكۈندۈم بۈگۈن... ئاشكار   ئا

پەيزى

	بەك ياخشى شىئېركەن !  ئادەمنى ئانىلار توغرىسىدا  قايتا بىر قېتىم ئويلاندۇرىدىكەن! [s:160]  [s:160]  [s:160]  [s:166]  [s:166]

lazzat

	شۇ تاپ مەڭگۈلۈك كۆز يۇمۇپ شېرىن ئۇيقۇدا ياتقان ،باقى ئالەمدىمۇ پەرزەنلىرىنىڭ بەختى ئۈچۈن دوۋا قىلىۋاتقان مىھرىبا ئانىلار كۆز ئالدىمغا كىلىۋاتىدۇ.... ئىسىل شېرىڭىزگە رەخمەت.

HANJAR

	پىغانلىق قەلىبتىن تۆكۈلگەن ھەسرەت ساداسى

zumrettash

	ئاپام ئەتكەن قايماق چاينى ھەجەپ سېغىندىم.....  شۇ تاپتا ئۆزۈممۇ بۇ شېئىر بىلەن تەڭ ئاپامنىڭ قەبرە بېشىغا بېرىپ قالغاندك بولدۇم.........شۇ ئانىلىرىمىز ياتقان جايىدا خاتىرجەم ياتقاي.............ئامال يوقكەن ئۈلۈمگە!سەۋرى قىلىلى!بەك تەسىرلىك چىقىپتۇ..... [s:166]  [s:166]

باياۋان

	چىن ھېسسىيات بىلەن يۇغۇرۇلغان پەرزەنىت ئىشقى ...ئاللا ئانىلىرىمىزنى سالامەت قىلسۇن ، ئۇ ئالەمدە خاتىرجەم قىلسۇن ~

tulunay

	قەلبتىن چىققان مۇڭلۇق ئەكىس سادا

gherip

	ئاپتور جاۋابىنى بويلاپ 2قەۋەت  lazzat كە 2011-03-09 10:33 AMئەۋەتىلدى  : شۇ تاپ مەڭگۈلۈك كۆز يۇمۇپ شېرىن ئۇيقۇدا ياتقان ،باقى ئالەمدىمۇ پەرزەنلىرىنىڭ بەختى ئۈچۈن دوۋا قىلىۋاتقان مىھرىبا ئانىلار كۆز ئالدىمغا كىلىۋاتىدۇ.... ئىسىل شېرىڭىزگە رەخمەت. باقى ئالەمدىكى ئادەملەر ، بۇ دۇنيادىكى ئادەملەرگە دۇئا قىلالمايدۇ .

gulmira56

	شېئىرىڭىز  بەك   تەسىرلىك   ئىكەن.

larzan

	قەلىپتىكى خوشاللىق، سېغىنىش ،ھەسرەت-نادامەتنىڭ ئىپادىسى كوزياش.