ئانىلىق كۈيى

نالەن

	مىسرانىم مۇنبىرىدىكى ھىلال خانىم ھەمدە كىچىك جانىكەمگە ھەدىيىلەر بولسۇن  كۈندىكىدەك دېرىزە ئالدىدا ئولتۇراتتىم...يىراق يىراقلاردىن قۇلۇقۇمغا ھاياتلىقنىڭ شادىيانە ئاۋازى ئاڭلاندى! _ ئىڭڭە...ئىڭڭە...ئىڭڭە...  گۈللەر ،كېپىنەكلەر،ئاسمانلار...قاناتلىرىنى ئاچقان كەبى،قوياش بىر غولاچ ئېگىزلەپ قالغان كەبى،دېڭىز سۈيى كۆكۈچ ھەمدە نۇرلۇق بىر جۈپ كۆز كەبى! _ بالام!،دېدى بىر ئانا،-قوزام ،دېدى،جان پارەم، يالغۇزۇم ،بىر دانەم...دېدى! مۇھەببەت دىگەن زادى نىمە؟مۇھەببەت شۇ ئانىنىڭ كۆزىدىكى نەرسە شۇغۇ؟! مەن مۇھەببەت ئۆچۈن ناخشا ئېيتماقتىمەن... ئانىلىق كۈيى   (مىستىرالنىڭ  ئىزىدىن)   سىزىكلىك   ئەزىزىم ،تىنىڭنىڭ جىلغىدەك چوڭقۇرلىرىدا يىتىلىۋاتقان ئۇجان نىمە قىلماقچى؟ ئۇ  ﻫاياتتا  ئەسلىدىنلابار  بولغان تەملەردىن  غۇرۇڭغۇپ  سىنىڭ ئۆزى  ئۈچۈن  يىڭى بىر تەم يارىتىشىڭنى  كۈتەمدىغاندۇ؟ تاكى  سەن شۇ تەمنى ياراتقانغا  قەدەر  (خۇددى  ئۇنىڭ ئۆزىنى  ئاپرىدە  قىلغىنىڭغا  ئوخشاش) تۇنۇش  تەملەردىن  بىر كاپام يۇتۇشۇڭغا  ئىجازەت بەرمەمدىغاندۇ؟! بىشارەت ئېيتە  ،كەيپىڭنى  تۈۋەنلىتىۋاتقىنى، ئارامىڭنى  بۇزىۋاتقىنى زادى  نىمە؟ نىمىشقا  ئېغىر  كېسەلگە گىرىپتار  بولغان  ئادەمنىڭ  يۈرەك  رىتىمىدەك تۇراقسىزلىنىسەن؟   ئەجەبا  سىنىڭ جىسمىڭدا  تۇرۇپ  يىنىك قىمىرلاشلىرى  بىلەنمۇ بارلىقىڭغا  تەسىر كۆرسىتىۋاتقان  قوزاڭ ،تۇغۇلغىنىدىنكىيىنكى  ﻫەربىر كۈلكىسى  ﻫەم يىغىسىنىڭ  سەن ئۈچۈن نىمىدىن  دېرەك  بېرىدىغىنىنى  بىلدۈرمەكچىمىدۇ؟! پەرەز قارا  سىنى! <ئانا> لىرى  ئەركىلىتىۋاتقان  بوۋاقتەك  سەۋەپسىزلا  كۈلۈپ كىتىپسەن! كۆزلىرىڭگە  غۇچچىدە  چىچەكلەپ كەتكەن  رەيﻬان  گۈللىرى  كۆرىنىۋاتامدۇ؟ ياكى ۋۇجۇدۇڭ...ياق،روﻫىڭ  تەختىدە  ئولتۇرغان  ئوماق مېﻬمىنىڭنى  بىردە قىز،بىردە  ئوغۇل قىلىپ پەرەزلەۋاتامسەن؟ ئاتا  قىلىشنىڭ  باشلانمىسى ﻫەر كۈنى  يوقسۇل كېلىننىڭ بوپىسىدەك  پومپايمىغان قوسىقىڭنى  سىلاپ نىمىلەرنى  ئويلايدىغانسەن؟ قويغىنا  ئەزىزىم! گۈلگۈن  شاراپتەكخۇشبۇي  ﻫىدلار  گۈپۈلدەپ تۇرغان  نەزمىلىرىڭنى  ئوقۇ! ئۇ ئۇلاردىن  گۈزەللىك خۇرۇچلىرىنى سەزسۇن، پەقەت  قوزاڭ  ئۈچۈنلا  شېرلارنى  يازغىن،  ئۇ  بۇ  ﻫايا  تىدا  ئېرىشمەكچى  بولغان  نەرسىلىرىنىڭ مۇقەددىمىسىنى  سەندىكى  سۆيگۈدىن  بىلسۇن!    ئارمان  «قۇرسىقىمنى سىلاپقىنا ئولتۇردۇم.      قوزام تىپىۋاتىدۇ! ئۇنىڭ تىنىمسىز قۇتۇرلاشلىرىدىن قورۇنۇپ قالدىم.  ئاﻫ، قوزامنىڭ جىسمىمدا تۇرۇپ غۇنچىدەك تۈگۈلۈپ قالماي ، نىلۇپەردەك بىمالال لەيلەپ تۇرىشى ئۈچۈن باغرىمنىڭ كۆللەردەك كەڭرى بولىشىنى تىلەيمەن!»     بەدەل « شىرە ئالدىدا ئۇزۇنراق ئولتۇرالماس بوپ قالدىم.     قوزامنىڭ قاتلىنىپ قىلىپ بىئارام بولىشىدىن ئەنسىرەيمەن.  پەقەت ئۇ مىنىڭ تېنىمدە تۇرۇپ ﻫالسىراپ قالمايدىغانلا بولسا ،مەن فېۋرال ئايلىرىدىمۇ  ئۇنىڭ ئۈچۈن پاقىراق چىكىلىرىمدىن چىپ -چىپ تەرلەرنى ئاققۇزىمەن.ئۇنى دەپ باﻫار  ﻫىدلىرى گۈپۈلدەپتۇرغان تېرەكلىكيوللارنى تىنماي ئايلىنىپ چىقىمەن . شۇ سەۋەبلىك كۆبجىگەن  بىر جۈپ پۇتلىرىم  ئاياقلىرىمنى يىرتىۋەتسىمۇ مەيلى! » سالماقلىق  «توختا ئامرىقىم ! ئىلگىرىكىدەك تېز - تېز قەدەم ئېلىپ ماڭالماس بوپ قالدىم. بۇ تۈپەيلى قوزامنىڭ شېرىن ئۇيقۇسى بۇزۇلمىسۇن دەپ!  ئۇنىڭ جىسمىمىدىكى سالمىقىنى كۆرمىدىڭمۇ؟! مەنمۇ ئۇنىڭ ئۈچۈنكى ﻫەربىر قەدىمىمنى خۇددىشۇنداق سالماقلىقبىلەن ئالىمەن. »   ئانىلىق كۈيلىرى (   1   )  ئاھ، بالام! تۇغۇلغىنىڭدىن بۇرۇن پەقەت ماڭىلا ، تۇغۇلغىنىڭدىن كېيىن پۈتۈن دۇنياغا مەنسۇپ بولىشىڭنى تىلەيمەن!   (   2   )   بالام ،سېنىڭ يېقىلىپ چۈشۈپ يۇمران تىزلىرىڭنى قاناتقىنىڭنى ھېچكىم كۆرمەيدۇ ؛ئوماق چىرايىڭنى ئۈمچەيتكەن پېتى < كىم مېنى زاڭلىق قىلىۋاتىدىكىن ؟> دەپ قاراۋاتامسەن؟ياق بالام، سېنىڭ < ئۇياتقا > قالغىنىڭنى ھېچكىم كۆرمىدى ،كۆزۈم تەشتەكتىكى گۈللەردىن بىر دەقىقىمۇ ئۈزۈلگىنى يوق ، قەلبىم سەن  بىلەن  تەڭ يىقىلىپ چېقىلغىنى يوق . تۇرۇپ كەت بالام! ھېچنىمە بولمىغاندەك يۈگۈرگەن پېتى ئۆز ئۇيۇنۇڭنى ئويناۋەرگىن ...   (  3  )   ساڭا كەينىمنى قىلىپ تۇرىۋالدىم، بىلىشىڭ كېرەك ، ئاپاڭنىڭ كەينىدىمۇ كۆزى يوقلىقىنى بىلىشىڭ كېرەك بالام. ئوماق بارماقلىرىڭ ئاراچلىرىدىن كىم كېلىپ مېنى بەزلەيدىكىن دەپ تەلمۈرىۋاتامسەن؟ياق بالام ، مەن يىغىدىن ئىسىلىپ ئاناررەڭ بوپ كەتكەن چىرايىڭنى كۆرمىدىم بالام ، ئاۋازىڭنىمۇ ئاڭلىمىدىم...لەۋلىرىمنى قاتتىق ئىچ ئاغرىقى بىلەن قاناتمىدىم ، ئۈمتىلىۋاتقان قەدەملىرىمنى تورمۇزلاپ ئېتەكلىرىمنى تىت- تىتلىق ئىلكىدە غىجىملىغىنىممۇ يوق... بىلىسەن قوزام ، دۇنيادا ھېچبىر مەۋجۇداتنىڭ كەينىدىمۇ كۆزى يوقلىقىنى بىلىسەن... بەس! يىغاڭنى توختات بالام! كۆزۈڭدىن ياشلارنى ئۆزۈڭ سۈرتكىن!   (  4  )   بۇيۇنلىرىمغا يىلاندەك چىرمىشىپ مېنى تىن ئالغىلىمۇ قويمايسەن بالام،مېنى ئۇيان - بۇ يانغا ئۆرۈلگىلىمۇ قويمايسەن...ساڭابۇ نەدىن كەلگەن سەگەكلىك؟! ساڭا بۇ نەدىن كەلگەن تۇيغۇنلۇق؟ يىنىڭدىن قەدەم ئايرىلىپ بولغۇچە سېنى چوڭقۇر ئۇيقۇ قۇچىقىدىن قىچقىرىپ ئەكىلىۋالغان زادى نىمە نەرسە؟ جان پارەم!مەن ساڭا مەڭگۈ مانا مۇشۇنداق مەھپۇس بولۇشقا ھازىر!پەقەت سەن شۇنى خالايدىغانلا بولساڭ پۈتۈن ئىختىيارىم سېنىڭكى بالام ، پۈتۈن ھاياتىم ھەم سېنىڭكى...   (  5  )   بالام ، ئالدى بىلەن تەڭرى ، ئاندىن قالسا مانا مەن سېنى ياراتتىم بالام! سەن پۈتۈن ھاياتىمدا يازغان ئەڭ ئېسىل بىر پارچە شېئرىمسەن . بالام ، ئەگەر مەن شېئىر يازىدىغان بولسام ،ھەرگىز پەقەت ئۆزۈمنىڭ ھۇزۇرى ئۈچۈنلا بولمايدۇ.ئۇلارنى سۇلارنىڭ ئاۋازىغا ، تاغلارنىڭ يۈرىكىگە ، دەرەخلەرنىڭ يىلتىزىغا ، كىشىلەرنىڭ كۆزىگە قويۇپ قۇيۇش مىنىڭ ئۈمۈرلۈك مەقسىدىم بالام...   (  6  )   بالام ، ھەممە بوشلۇقلىرىم سەن بىلەن تىنىپ كەتتى! پەقەت مەنلا سەۋرچانلىق بىلەن ئاڭلايدىغان بولسام ، سېنىڭ دەيدىغان سۆزلىرىڭ مەڭگۈ ئاخىرلاشمايدىغانغا ئوخشايدۇ! سەن سورايدىغان سوئاللىرىڭنىڭ ئەسلىدىنلا جاۋابى يوق تۇرسا ، مەن ئۇنى ساڭا تېپىپ بېرىشىم كېرەكقۇ ئاخىر، كىچىك بالاخور!؟ خەپ، ئەمدى كۈندە كەچ ئېيتىپ بېرىدىغان چۆچەكلىرىمنى بەلگىلەپ بەرگىنىڭگە ئوخشاش، مەنمۇ كۈندە سورايدىغان سوئاللىرىڭنىڭ سانىغا چەك قويمىسام بولمىدى! ئەمدى ئۇخلىساڭچۇ بالام؟ ئىلكىڭدىكى ۋاقتىمدىن ماڭا ئازغىنا ئىلتىپات قىلساڭچۇ شاھىم؟جىمجىت ئولتۇرۇپ بۈگۈنكى سۈرىتىڭنى خاتىرىۋىلىشىمغا رۇخسەت قىلساڭچۇ؟!   (  7  )   بالام! « ئاپا ...ئاپا..» دەپ ئىتەكلىرىمگە يۆگىشىپ ، باغرىمدىن ئايرىلمايدىغان چاغلىرىڭنى مەڭگۈ چىڭ تۇتىۋىلىشنى ئىستىمەيمەن. يېقىلىپ - قوپۇپ ماڭىسەن ،يۈگىرەيسەن ،ئاندىن ئۇچۇرما قاناتلىرىڭ چىقىدۇ ... سېنى ئاسمانلار، دىڭىزلار ، كەڭلىكلىرىڭ مەندىن تالىشىدۇ... ياق ،بالام ، قارچۇقۇمدىكى چۈشتەك شېرىن چاغلىرىڭنى مەڭگۈ چىڭ تۇتىۋىلىشنى تىلىمەيمەن، بىلىمەن بالام ، سەن مەڭگۈدىن مەڭگۈ بىر پەقەت ماڭىلا مەنسۇب بولمايسەن... مەنبە : نالەن

AynaK

	مەن ياقتۇردۇم。 ئىلھاملىرىڭىز ئۈزۈلۈپ قالمىسۇن دوستۇم。

ھىلال

	ئەسىرىڭىزنى ئەمدى كۆرۈپتىمەن جېنىم. ماڭا ئاتاپ يازغانلىقىڭىزنى كۆرۈپ بەك خوشال بولدۇم، ئوقۇپ شۇنچىلىك ھاياجانلاندىم، كۆزلىرىمگە ئىسسىق ياش كەلدى، مەندىكى ھەربىر ھېسىياتنى ئۆز ئەينى ئىپادىلەپ بېرىپسىز، كۈنلەپ-كۈنلەپ ماڭا بىردىنبىر ھەمراھ بولىۋاتقان ۋۇجۇدۇمدىكى بۇ جاننىڭ، ئەزىزىمنىڭ ماڭا قانچىلىك خوشاللىقلارنى، ھاياجانلارنى ئېلىپ كېلىۋاتقانلىقىنى، يالغۇزلىقتىن، زېرىكىشلەردىن خالىي قىلىپ، چەكسىز خوشاللىق ۋە بەخىت ھېس قىلدۇرۋاتقانلىقىنى مەندىن باشقا ھېچكىم بىلمىسە كېرەك دەپ ئويلايتتىم، سىزگە كۆپ رەھمەت. ئوماق قۇزاممۇ ھازىر تىپىرلىغىنىچە مەندىكى ھېسىياتنى چۈشەنگەندەك سىزگە بىرلىكتە رەھمىتىنى بىلدۈرۋاتىدۇ. ئۇلۇغ ئاللاھ ساق-سالامەت بۇ دۇنياغا كۆز ئېچىشىغا نېسىپ قىلسۇن!

نالەن

	كۆزۈڭدىكى نىمە ئۇ؟ ئەي كىچىككىنە بارماقلىرىنى ئۇۋىلاپ، يىنىك لىكىن توختاۋسىز سىلكىنىۋاتقان قوزام ، دىگىنە كۆزلىرىڭدىكى نىمە؟قولۇڭدىكى پىيالىدە چايقىلىپ لىققىدە شاراپ تۇرۇپتۇ،بەلكىم ئۇنىڭدا يوق تەم تەڭرىنىڭ تەم خالتىسىدا ھەم يوق! ماڭا ئېيتە ئەركەم؟ كىم ئۇ سىنى يۇتۇشقا مەجبۇرلىغان؟بىلىمەن ، سەن گويا ئاچچىق دورىنى يۇتالماي غىقىلداپ قېلىۋاتقان مىنىڭ سەبى چىغىمغا شۇ قەدەر ئوخشايسەن... قولۇڭدىكىنى تاشلىۋەتمە جان پارەم ، ئۇنى ساڭا تەڭشەپ بەرگۈچى قەستەن سېنىڭ كۆزلىرىڭدىكى نىمىلىكىنى بىلگىلى بولمايدىغان نەرسىنى كۆرمەكچى!ئۇ نەقەدەر رەھىمسىز ھەم رەزىل؟!بىلىمەن ئۇ سەن سەۋەبلىك مىنىڭ باغرىمنى خۇن قىلماقچى... ئىچىۋەت بالام، كۆزلىرىڭدىكى ھېلىقىنىڭ مەسخىرىسىنى يوقات! مەن پۈتۈن ئۆمرۈم بىلەن سېنىڭ چوڭ بولۇپ قولۇڭدىكى پىيالىگە مەغرۇر باققىنىڭنى كۆرۈشنى تىلەيمەن...

kapsizparixta

	بالام، مەن قانداقمۇ ئەنسىرىمەي تۇرالاي بالام، سەن قورسىقىمدا ئاپىرىدە بولغاندى تارتىپلا مەن ئەنسىرەشكە باشلىغان. بىلىمەن، بۇ ئەنسىرەش ھەر قانداق بىر ئانىغا ئۆمۈرلۈك ھەمراھ. سىنىڭ بىرەر يەرلىرىڭ كەمتۈك تۇغۇلۇپ قالامىكىن، دەپ ئەنسىرىدىم بالام. قۇلاق، بۇرۇن ياكى قول-پۇتلىرىڭ كەمتۈك بۇلۇپ قالسا.... ئەلۋەتتە سىنىڭ بىرەر يەرلىرىڭ ئارتۇق تۇغۇلۇپ قالسىمۇ كۆڭلۈم ئۇنقمايدۇ، ب تىپلىق ئولترا نۇرلۇق ئاپىراتتا تەكشۈرۈتتۈم، لېكىن كۆڭلۈم يەنىلا ئەنسىرەشتىن خالىي بولمىدى. چۈنكى، غەيرىي تۇغۇلۇپ قالغان بۇۋاقلار توغرىسىدىكى خەۋەرلەر ھە دىگەندىلا ئۇچراپ تۇرىدۇ. سەن ئىڭڭەلەپ چۈشكەندىلا، ئاندىن كۆڭلۈم ئارام تاپتى. ئەسلىدە سەن ھەممىدىن چىرايلىق، ساغلام ئىكەنسەن. يۇمران تەنلىرىڭ كېسەلنىڭ ھۇجۇملىرىغا بەرداشلىق بىرەلەرمۇ ؟ بۇنىڭدىن ئەنسىرەشكە باشلىدىم. شۇنچە كۆپ كېسەللىكلەر پۇرسەت تېپىپ سۇقۇنۇپ كىرىشكە ئارانلا تۇرىدۇ. بۇنىڭغا مىنىڭمۇ ئالاھىدە بىر ئامالىم يوق، قۇلىمىزدىن كېلىدىغىنى شۇ ھەر ۋاقىت ھۇشيارلىقنى ئۆستۈرۈش ۋە كۆپرەك چېنىقىش. ئىشتىھا بىلەن ئېمىۋاتقىنىڭنى كۆرگىنىمدىلا كۆڭلۈم سەل ئارام تاپقاندەك بولدى. بىراق، ھېچ تىلىڭ چىقمايدىغۇ ؟ گاچا بولۇپ قالمىغايسەن ئىلاھىم.... ھەر كۈنى سىنى ئەركىلەتتىم، ساڭا ئېرىنمەي گەپ قىلدىم، ھېكايە-ناخشىلارنى ئېيتىپ بەردىم. " ئاپا " دەپ تىلىڭ چىققاندىلا ئاندىن كۆڭلۈم ئېچىلدى. بىراق، سەن راۋۇرۇس ئەقىللىق بالا بۇلارسەنمۇ ؟ بۇنىڭغا ئامال قىلىشىم كېرەك؛ مانا كۇبىك، رەسىم... دىگەندەك ئەقىلنى ئاچىدىغان ئۇيۇنچۇقلارنى دۆۋىلىۋەتتىم، ھەر خىل ئويۇنلارنى ئويناتتىم. ئاتا-ئانا بولغۇچى ئۆز پەرزەنتىنىڭ ئەڭ ياخشى بولۇشىنى ئۈمىت قىلماي تۇرالامدۇ ؟ بالام، مەن يەنە ئەنسىرەشكە بەشلىدىم. ھېچ ئايىغىڭ چىقاي دىمەيدىغۇ ؟ يول دىگەننى ھامان ئۆزۈڭ مېڭىشىڭ كېرەكقۇ. مەن سېنى بىر ئۆمۈر قۇچىقىمدىن چۈشۈرمەي ئۆتەلمەيمەن-دە! تايتاڭلاپ ماڭغىنىڭنى، مەست بولۇپ قالغاندەك ھەممىلا يەردە يۈگۈرۈشلىرىڭنى كۆرگىنىمدە، بىر يەرلەرگە ئۈسىۋېلىشىڭدىن ئەنسىرىدىم، كۆزلىرىنى زەخمىلەندۈرىۋالارمۇ ؟ يۈزىنى جاراھەتلەندۈرىۋالارمۇ ؟ ئۇ يەر-بۇ يەرلەرگە يامىشىپ يۈرۈپ پۇتلىرىنى يارىلاندۇرىۋالارمۇ ؟ بۇ ئەنسىرەشلەر مەندىن نېرى كەتمىدى. چۈنكى، سېنىڭ ھەر قانداق بىر يېرىڭ يارىلىنىپ قالسا چىدىمايمەن بالام. سىنى ئەركىلەتسەم يولسىز، ئۆكتەم چوڭ بۇلۇپ قالامدىكىن دەپ ئەنسىرەيمەن. ئەركىلەتمەي دىسەم، خەقنىڭ بالىلىرىنى ئەركىلىتىۋاتقانلىقىنى كۆرگىنىمدە، ساڭا بەك قاتتىق قول بولۇپ كەتتىممىكىن دەپ ئويلاپ قالىمەن. جىمجىتلىق ئىچىدە يالغۇز تۇرغانلىقىڭنى كۆرگىنىمدە، كىشىگە ئارىلاشماس ئادەم بولۇپ قالامدىكىن دەپ ئەنسىرەيمەن؛ ئۆزۈڭنى ئۇنتىغان ھالدا دوستلىرىڭ بىلەن ئويۇنغا چۈشۈپ كەتسەڭ، ئۆگۈنىشى قېلىپ قالارمۇ، ئويۇنچى بولۇپ كېتەرمۇ، دەپ ئەنسىرەيمەن؛ كىتاپ ئوقۇمىساڭ، كارغا كەلمەس ئادەم بولۇپ قالارمۇ، دەپ ئەنسىرەيمەن، ئەمما دەم ئېلىشنىمۇ ئۇنتۇپ كىتاپقا كىرىپلا كەتسەڭ، كۆزىنى، سالامەتلىكىنى كاردىن چىقىرىۋالامدىكىن، دەپ ئەنسىرەيمەن. چۈنكى، سەن ھرلىتىنلا يىراقنى كۆرەلمەس بولۇپ قالدىڭ-دە! بالام، تۇلا كوتۇلداپ ئىچىڭنى پۇشۇرۇپ قۇيارمەنمۇ، دەپ ئەنسىرەيمەن. چۈنكى، ئەجداد بىلەن ئەۋلاد ئارىسىدىكى ئارىلىقنىڭ بارغانسىرى يۇغىناۋاتقانلىقى مانا كۆز ئالدىمدىلا تۇرۇپتۇ. بەزى مودا گەپلىرىڭنى چۈشىنەلمەي تېڭىرقاپ قالىمەن، ماڭا ياقمايدىغان ناخشىچىلار سېنىڭ مەبۇدەڭگە ئايلانغان، ئۇلارنى دوراپ كېتىشلىرىڭ تېخىمۇ كۆزۈمگە سىغماس بولۇپ قالدى. كۈنلەرنىڭ بىرىدە ئۆزۈڭ چوڭ بولغان مۇشۇ ئۆيدىنمۇ بىزار بولۇپ قالارسەنمۇ ؟ مۇشۇنىڭدىنمۇ بەك ئەنسىرەيمەن بالام. دۇنيا شۇنچىلىك مۇرەككەپ ۋە قورقۇنۇچلۇق. كەلكۈن، يەر تەۋرەش، دېڭىز تاشقىنى، سارىس، زەھەر، ئۇرۇش... مۇشۇلارنىڭ ئىچىدىكى ھەرقانداق بىرى سانسىزلىغان بەخىتلىك ئائىلىلەرنى ۋەيران قىلىۋەتەلەيدۇ. سەن ھامان بىر كۈنى ئۆزۈڭ يالغۇز جاھاندارچىلىق قىلىسەن، ئەنسىرىمەي تۇرالايمەنمۇ بالام تىزراق چوڭ بولۇپ " قورۇقماڭ ئاپا، مەن بار " دېسەڭ، قانچىلىك خۇشال بولۇپ كېتەرمەن-ھە ؟ مەن شۇ كۈنگە تەشنا بالام.  تەرمىلەردىن

kapsizparixta

	ئانىنىڭ ئاجىزلىقى * ساڭا ئاق - قارىنى ئايرىشنى ئۆگىتىمەن ، ئەمما ، ھەر بىر ئىشتا سەن ئۈچۈن ھۈكۈم چىقىرالمايمەن . * ساڭا چىرايلىق كۆينەكلەرنى ئېلىپ بېرەلەيمەن ، ئەمما ، گۈزەل ۋە پاك قەلبىڭگە كاپالەتلىك قىلالمايمەن . * سېنى نۇرغۇن ئىشلار ھەققىدە ئاگاھلاندۇرالايمەن ، ئەمما ، ئۇنىڭغا قۇلاق سېلىش سالماسلىقىڭغا مەن بىر نېمە دىيەلمەيمەن . * ئانىلىق قەلبىمدە سېنى سۆيىمەن ، لىكىن ، مېنى ئانا ئورنىدا كۆرۈپ ھۆرمەتلىتىشكە ئامالسىزمەن . * جامائەت بىلەن بارنى تەڭ كۆرۈشكە دەۋەت قىلىمەن،لىكىىن ،سېخى ھاتەملەردىن بۇلۇشقا مەجبۇرلىيالمايمەن. * باشقىلارنى ھۆرمەتلەشنى ئۆگىتىمەن،ئەمما،قانداق دوسىت تاللاش ئۆزۈڭدىن. *شەھۋەتتىن ،يامان ئادەملەردىن سېنى يىراق تۇرۇشقا ئۈندەيمەن،ئەمما شەرم -ھايانى ساڭا ‹‹چاپلاپ››قويالمايمەن. * ساڭا ئەخلاق ھەققىدە تەلىم بېرىمەن، لېكىن ئەخلاقلىق بۇلۇش ئۆزۈڭدىن. *ساڭا تاماكا ۋە ھاراقتىن ھەزەر ئەيلەشنى ئۆگىتىمەن،لىكىن،ساڭا ۋاكالىتەن ئۇ نەرسلەرگە ‹‹ياق ››دىيەلمەيمەن. *‹‹زەھەر››گەيىقىن يولىماسلىقىنى ئاگاھلاندۇرىمەن،ئەمما ۋاقىتى كەلگەندە ئۇنى سەندىن ئايرىشقا قۇربىم يەتمەيدۇ. *ساڭا ئۇلۇغۋار غايىنىڭ نېملىكىنى كۆرسىتىپ بېرىمەن،ئەمما ،ئۇى ئەمەلگە ئاشۇرۇشقا قۇربىم يەتمەيدۇ. *باشقلارغا سەممىيى ئاق كۆڭۈللۈك بىلەن مۇئامىلە قىلشىڭنى ئۈمىد قىلمەن ،ئەمما ھەممىگىلا ‹‹ئىللىق چىراي ›› ئېچشقا زورلىيالمايمەن . *سېنى ئارتۇقچلىىقى كەمچىكلىكىدىن كۆپ ئادەم بۇلسۇن دەيمەنۇ،‹‹مۇكەممەل ئادەم›› قىلشىقا ئاجىزمەن. *سېنى سۆيىمەن بالام ،ئەمما ،‹‹جەننەت›› نى ئەھدى قىلالمايمەن. *سەن ئۈچۈن ئىبادەت قىلىمەن ، ئەمما ، دۇئالىرىمىنىڭ ئىجابەت بۇلۇشقا كاپالەتلىك قىلالمايمەن. *ساڭا ھايات ھەققىدە سۆزلەپ بىرەلەيمەن،ئەمما ھاياتىنىڭ ‹‹شەجەرىسى›› نى مەن يازالمايمەن. *سىنى سۆيىمەن،ئەبەدىل ئەبەت .... دېگىنىم ھەق ھەقىقەت قوزام! مەنبە:شىنجاڭ مەدەنىيىتى

ay-turk

	ھەقىقى بىرئانابولۇش بەكمۇ قىيىن .......ھىلال!..ئاللاھ ئىشلىرىڭىزنى ئاسان قىلسۇن.بەخىت-ئامەت، خۇشاللىق  سىزگەياربولسۇن!!!

ھىلال

	رەھمەت سىزگە . لاياقەتلىك بىر ئانا بولۇشقا تىرىشىمەن...... [s:174]