ئايال- نەسىر

lazzat

	مېنىڭ كۈلۈمدىكى سىنىڭ بىلىقىڭدۇر،مىنىڭ بەرگىمدىكى سىنىڭ  ھېدىڭدۇر،سەھەرلىرىمدە ئۈمۈدتەك چاقناپ تۇرغىنى سېنىڭ چولپان يۇلتۇزۇڭدۇر؛مىنىڭ  قەلبىمدە نۇر چاچقىنى سېنىڭ قۇياشىڭدۇر؛مىنى مەنزىلگە يەتكۈزگىنى سېنىڭ يوللۇرۇڭدۇر،ئەي ئايال  ! تاڭ نۇرىدەك سۈزۈك لېچىكىڭنى شاخلىرىمغا ئىلىپ قۇيۇپ،دەريالىرىمدا خاتىرجەم يۇيۇنغىن،مېنىڭ بۇلاقلىرىمدىن سۇ ئالماقچى بولساڭ خاتىرجەم كىلىۋارگىن،چىغىر يوللىرىم بويىدىكى قىياقلارغا ئىسمىڭنى ئېيتىپ بەرگەنمەن.ئۇلار ساڭا نىشاننى كۆرسۈتۈپ قويىدۇ.يۇپۇرماقلىرىم مەرۋايىتتەك چاراقلاپ تۇرغان شەبنەملىرى بىلەن قەدەملىرىڭنى سۆيىدۇ.ئەي ئايال ! بېغىمنىڭ چىتلاقلىرى سېنى كۆرسىلا شادلىقىدىن ئېچىلىپ كىتىدۇ،كەپەمدىكى ئىشتلارمۇ سەن قەدەم باسساڭ مەرھابا ناخشىسىنى ئوقۇيدۇ،خورازلىرىم ھەر تاڭدا ئىسمىڭنى قىچقىرىدۇ،ئەي ئايال  ! تائاملىرىمدا سېنىڭ تەمىڭ،تۇپراقلىرىمدا سېنىڭ بېخىڭ بار.سۈكۈتلىرىمدە ئارام ئال.ئىپاردەك خۇش بۇي شاتلىقلىرىمدا يۇيۇنىۋال،چوقانلىرىم ئەۋجىدە قانغۇچە كۈلىۋال،ئەي ئايال ! تۇنۇردا چۈچۈلە بولغان كۆسەي،قازانلاردا تەلقىنى بىلەن ۋاراقشىپ قايناپ تۇرغان ئۇماچ-يارمىلىرىمدا ۋۇجۇدى ئاتەشكە ئايلانغان چۈمۈچ،ياغاچ تاۋاقلىرىمدىن رىزقىمنى مۇلايىملىق بىلەن ئىشتىھايىمغا سۇنۇپ تۇرغان قۇشۇق سېنىڭ ئىسمىڭدۇر،سەن ھاياتنىڭ ئىنئامى،تۇرمۇشنىڭ تۇزى،مىنىڭ باھاسىز نېسىۋەمسەن،ئەي ئايال ! ئەي ئايال سەن چۈش دەرياسىنىڭ كۈمۈش قىرغىقىدىكى ماياك،ھەمىشە قۇياشنى كۆرسۈتۈپ تۇرۇدىغان كومپاس.سۈيى ئۆكسىمەيدىغان بۇلاق،نېھمەتلىرى تۈگۈمەيدىغان داستىرخان،ئادرىسى مەڭگۈ ئۆزگەرمەيدىغان مەنزىلسەن . سەن تارقالمىغان گۈزەل رىۋايەت،ئېرىقلىرىدا مېھرى-مۇھەببەت بىلەن گۈزەللىك ئاقىدىغان چەكسىز بىر دالا،ئەي ئايال ! 8-مارت خانىم-قىزلار بايرىمىغا ئاتاپ  يېزىپ باقتىم،قاملاشمىغان بولسا مەسخىرە قىلمىغايسىزلەر.                                                        مەنبە:ئۈزەم

arif

	نىمدىگەن لەززەتلىك نەسىرلەر بۇ ....

yalpuz0997

	تىلى يېقىملىق ،شۇنچىلىك تەبىي چىقىپتۇ .ئەگەر دىلنار ئابدۇللانىڭ <<ئايال >>دىگەن ناخشىسىنى قېتىپ قويغان بولسىڭىز تېخىمۇ جەلىپكار بۇلاركەن.شۇنداقتىمۇ تەشەكۈر سىزگە.

lazzat

	ئاپتور جاۋابىنى بويلاپ 2قەۋەت  yalpuz0997 كە 2011-03-03 09:36 PMئەۋەتىلدى  : تىلى يېقىملىق ،شۇنچىلىك تەبىي چىقىپتۇ .ئەگەر دىلنار ئابدۇللانىڭ <<ئايال >>دىگەن ناخشىسىنى قېتىپ قويغان بولسىڭىز تېخىمۇ جەلىپكار بۇلاركەن.شۇنداقتىمۇ تەشەكۈر سىزگە. xunچە تىرىشساممۇ ئۇ ناىشىمى چىقىرالمىدىم

azizgul

	يالقۇنلۇق قۇرلىرىڭىزدىن ئاياللىق نازاكىتىڭىزنىڭ جۇلاسى كۆز چاقنىتىپتۇ ، ئىلھامىڭىزغا كۆپ تەشەككۈر !

arkixah

	ناھايتى ياخشى يېزىپسىز.

zanjiwil

	قەلبىمدە ئايال توغرۇلۇق ئېزگۈ-تىلەكلەر تىپچەكلىدى.خەپ بىر شئېر يازمىسام؟

zapar

	ئايال بىر نەسىر، ئۇنى ھىسياتقا تويۇنۇپ ئۇقۇش كېرەك [s:180]

musilina

	تىلى شۇنداق يېنىك، يېقىملىق چىقىپتۇ... تېتىتمىلىق لېرىكىڭىزغا تەشەككۈر...

lazzat

	ئاياللارنىڭ دېلى ئاغرىغاندا زىمىن تىترەيدۇ.

zulayha

zulayha

	لەززەتلىك تېمىڭىزدىن شۇنچە سۆيۈندۈم . بەخت ، خۇشاللىق سىزگە يار بولسۇن!

lazzat

	رەخمەت زۇلەيخا،بۇ ناخشىنى مەن چىقىرالمىغانتىم سىزگە كۆپ رەخمەت.