سۆيگۈ ئارخىپى

umak88

	سۆيگۈ ئارخىپى                                                       1                                                ساڭا كۈيۈپ قالغاندىن بۇيان ،                                        بۇلۇپ قالدى جاھان ئاجايىپ .                                        ئۆزۈم ئەمەس،ئۆزۈمنىڭ پەقەت ،                                        تىنىقلىرىم سىرلىق غارايىپ .                                        پىچىرلايمەن ئىسمىڭنى دائىم ،                                        بىر ساماۋى بۈيۈك قىياستا .                                        تېۋىنىمەن سەن تامان بېقىپ ،                                        باش ئۇرىمەن ساڭا ئىخلاستا .                                         ئىزىڭ چۈشكەن يەردىن توپىنى ،                                         چىمدىپ ئېلىپ پۇرايمەن ئۇزاق .                                         يۈرۈگۈمنى سالار لەرزىگە .                                         ۋۇجۇدۇڭدىن تارىغان پۇراق .                                         بۇ ئالەمدە مىنىڭ ئېڭىمدا ،                                         پەقەت سەن بىرلا گۈزەل بار .                                         تۇمۇردىكى جۇشقۇن قېنىمدا ،                                         ساڭا مەنسۇپ ئوتلۇق غەزەل بار .                                         ساڭا كۈيۈپ قالغاندىن بۇيان ،                                        ئەسىر بولدۇم شىرىن ئازاپقا .                                        باغرىڭ ئېرىپ كىلەرمۇ رەھىمىڭ .                                        مەن بىچارە باغرى كاۋاپقا .                                                       2                                       مىنى كۆرسەڭ پىنھان دالدىغا ،                                      مۆكۈپ ئالدىڭ دىلىمنىڭ ماھى .                                      ماڭا ئۇنچە قىلما بېخىللىق .                                      ساڭا ئايان پېقىرنىڭ ئاھى .                                     مەن غېرىپقا قويساڭ كۆرۈنۈپ  ،                                     گۈلۈم ، خوراپ كىتەمدىغانسەن ؟                                     تەشنالىقتا لەۋ چاكىلداتسام ،                                     مۇرادىڭغا يىتەمدىغانسەن ؟                                    مەن سارغايسام سىنىڭ يۇلۇڭدا -                                   رەڭدار گۈللەر ئۈنەمدىغاندۇ ؟                                   بۇقۇلدىسام نەمگە تۆش يېقىپ ،                                   سىنىڭ دىلىڭ كۈلەمدىغاندۇ ؟                                  ياكى مىنى سوكولداتساڭ بەك ،                                 خۇمارىڭدىن چىقامدىغانسەن ؟                                 ياكى مېنى جېنى چىقسۇن دەپ ،                                 يۈرىكىمنى سىقامدىغانسەن ؟                                 بىلەلمىدىم پەيلىڭنى ئەجەپ ،                                ئەي قەلبىمنىڭ سۇلتانى ، شاھى .                                سېزىك بولغان بولساڭ يېشىمغا ،                                ئېقىۋەرسۇن پېقىرنىڭ زارى .                                                       3                                 جىلۋە قىلدىڭ ئاخىرى گۈلۈم ،                                 ساڭا ئاشىق غېرىب جۇنۇنغا .                                ئىلتىپاتىڭ شەپقىتىڭ بىلەن ،                                دىلىم چىقتى ئىگىز ئۇرۇنغا .                               مىھرىڭ بىلەن ھىس قىلدىم تۇلۇق ،                              بۇ ھاياتنىڭ گۈزەللىكىنى .                             سېخىيلارچە ئىنئام ئەيلىدىڭ ،                             ماڭا نۇسرەت ، بەخىت تېڭىنى .                            ساڭا نىگار بولغاندىن كىيىن ،                            رازى بولدۇم تۆرەلگىنىمگە .                            كىتەي دېدى يۈرەك پارتىلاپ ،                            پاتماي قالدىم جېنىم تىنىمگە.                            مۇھەببىتىڭ شاش قىلدى مىنى ،                            غۇرۇردا چىڭ تاش قىلدى مىنى .                           ماڭا سۇنغان ئوتلۇق ئەقىدەڭ ،                           ۋاپادارغا باش قىلدى  مىنى  .                           سېنى سۆيۈپ كەلدىم لەرزىگە ،                          سېنى سۆيۈپ كۈلدۈم قاقاھلاپ .                          سېنى سۆيۈپ چۆمۈلدۈم نۇرغا ،                          سېنى سۆيۈپ ياندىم چاراقلاپ .                                         4                        دەيمەن شۇڭا سېنى ئەبەدكە ،                        دىل بېغىمنىڭ بۈيۈك پەردىسى .                        ھىچنېمەم يوق جاھاندا مېنىڭ ،                        سەن پېقىرنىڭ ھەممە نەرسىسى . 5 بىرگە يۈرسەك رەستىلەر ئارا ، باقتى بىزگە سانسىزلاپ كۆزلەر . بىز قالدۇرغان ھەر-بىر ئىزلارغا ، ياغدى نۇرغۇن قۇرۇق گەپ-سۆزلەر . بىرى بىزگە جىلۋە يولىدى ، بەك ھەمىمىي ئىزگۈ تىلەكتە . بىرى بىزگە غۇچۇرلاتتى چىش ، قاباھەتلىك رەزىل نىيەتتە . بىرى بىزدىن زوقلاندى - كۈلدى ، سۆيگۈمىزگە تىلىدى ئۆمۈر . بىرى بىزگە ئاتتى تاش ، چالما ، بۇلۇپ دىلى گۇياكى كۆمۈر . بىرى بىزگە گۈل دەستە تۇتتى ، ئۈستىمىزگە چاچتى نۇر- زىيا . بىرى بىزگە خەنجەر تەڭلىدى ، يولىمىزغا كولىدى ئورا . ماختالساقمۇ ، ئۇچۇقدالساقمۇ ، سەن قۇلۇمنى چىڭ سىقتىڭ دىلدار . مەن قەددىمنى تىك تۇتۇپ يۈردۈم ، سىنىڭ بىلەن ھەممە يەردە يار . 6 مەن يوق يەردە باقما ئۆزگىگە ، ئامراق گۈلۈم ، ئامراق ئاپپىقىم . باشقىلارغا كۆز تىكسەڭ ئەگەر ، كىلىپ كېتەر مىنىڭ ئاچچىقىم . قىزغىنارمەن سىنى شامالدىن ، كۆرسەم سىنى ئۆزۈملا دەيمەن . جانان دىلى كېتەرمۇ ئاينىپ ، دەپ كۆڭلۈمدە دائىم غەم يەيمەن . تەشۋىشلەردىن ئەمەسمەن خالى ، مېنى جاندىن سۆيۈپ تۇرساڭمۇ . بۇلالمايمەن ئىشقىڭدىن رازى ، ئوتۇمدا بەك كۈيۈپ تۇرساڭمۇ . رەشىك ئوتى ھەم ئىشىق ئوتى ، ئىكەن ئەسلى بىر جۈپ قوشكېزەك . چۈشەن گۈلۈم مىنىڭ قەلبىمنى ، ساڭا مەنسۇپ مەندىكى يۈرەك . ساڭا بىركىم قاراپ قالمىسۇن ، تالا - تۈزگە چىقما ئامرىقىم . سېنىڭ ئۈچۈن بىنا قىلدىم باغ ، بولبېغىمدا ئۇماق پاقلىنىم . بوران چىققان شۇ جۇتلۇق كۈندە ، سەن يېنىمدا بولمىدىڭ دىلدار . ئىستىكىمنى يالمىدى تۇمان ، قەلبىم يىغلاپ تىنمىدى زىنھار . بوران چىققان شۇ جۇتلۇق كۈندە ، ماڭا قۇچاق ئاچمىدىڭ جېنىم . گۆر - لەھەتكە ئايلاندى جاھان ، زەھەر بولدى تۇمۇردا قېنىم . بوران چىققان شۇ جۇتلۇق كۈندە ، مېنى ئەسلەپ قويمىدىڭ يايرىم . يۈرىكىمنى چاقسىمۇ چايان ، يېلىنجىدى سېنى دەپ باغرىم . بوران چىققان شۇ جۇتلۇق كۈندە ، سېنى ئەجەپ سېغىندىم گۈلۈم . ھاسىل ئەيلەپ كۆزۈمدىن قىيان ، بۇ ھىجىرانغا تىلىدىم ئۆمۈر . بوران چىققان شۇ جۇتلۇق كۈندە ، شېغىل ياغدى دېلىمغا قات-قات . بولساڭ ئەگەر يېنىمد جانان ، دوزاختىمۇ يۈرەلەيتىم شاد . 7 سەن يوق يۇلتۇز يۇمدى كۆزىنى ، سەن يوق چولپان چچاچمىدى ناھار . سەن چىقمىساڭ چىقمىدى قۇياش ، سەن كەلمىسەڭ كەلمىدى باھار . سەنسىز قۇشلار ئېيىتمىدى ناخشا ، سەنسىز دەريا ئاقمىدى دەۋرەپ . سەنسىز گۈللەر ئېچىلمىدى ئۇز ، سەنسىز باغلار قالدى چۆلدەرەپ . سەن يىغلىساڭ ئاسمان يىغلىدى ، سەن كۈلمىسەڭ كۈلمىدى جاھان . قاپاق تۈرسەڭ  ئەگەر دەقىقە ، كائىناتقا يامرىدى قىيان . سەن بولمىساڭ پۈتكۈل ئالەمنى ، جۇت-شىۋىرغان جۇدۇن قاپلىدى . سەن بولمىساڭ سۈزۈك ئاسمانغا ، شىددەت بىلەن سىياھ چاچرىدى . سىنى كۆرۈپ تۇرمىسام گۈلۈم ، قاچماق بولدى تىنىمدىن جېنىم . ھىدلىرىڭنى تۇرمىسام ھىدلاپ ، تۇمۇرۇمدا مۈگدىدى قېنىم . 8 سەن بىمار بوپ ياتقاندىن بېرى ، تۈتەك باستى جاھاننى گۈلۈم . ئوخشاپ قالدى ياپراققا يۈرەك ، چۈشۈپ كەتتى ئىچىمگە ئۈنۈم . سەن بىمار بوپ ياتقاندىن بېرى ، ھىچكىم ماڭا باقمىدى كۈلۈپ . كېپەنلەندى بارچە شادلىقلار ، يۈردۈم ئېغىر تاغلارنى يۈدۈپ . سەن بىمار بوپ ياتقاندىن بېرى ، ھەر تەرەپكە قالدىم تەلمۈرۈپ . گاڭگىراتتى مېنى كاج قىسمەت . پۇچىلاندىم تەشۋىشتە يۈرۈپ . سەن بىمار بوپ ياتقاندىن بېرى ، تالقان قىلدىم تاشلارنى چايناپ . قۇملۇقلاردىن بۇلاق ئىزدىدىم ، كەلگۈلۈككە كەتمىدىم قايناپ . سەن بىمار بو ياتقاندىن بېرى ، ئىرادەمنى تاۋلىدى ھەسرەت . ئادەمگە قۇت ، ئامەت يار ئىكەن . بولسا دىلدا ئۆلمەس مۇھەببەت . 9 كەل يېنىمغا يۈلەنگىن ماڭا ، قوي بېشىڭنى مۆرەمگە بىدەم . ئەسلىۋالغان گۈزەل چاغلارنى ، مىنى ئاشىق قىلغان ئەي سەنەم . باققىن ماڭا ئۇماق جىلمىيىپ ، ھاياجانلىق ھىسلىرىڭ بىلەن . ئالقىنىمغا ئالقىنىڭنى قوي ، چۈمۈپ كەتكىن شادلىققا لەۋەن . ئۇنۇت ھەممە غەلدە-غەشلەرنى ، تاراپ كەتسۇن دىلىڭدىن مانان . ئالەمدىكى پۈتكۈل گۈزەللىك ، بولسۇن كۆزۈڭ ئالدىد ئايان . جان-جېنىڭدىن پەخىرلەن تازا ، پاك مېھىردە سۈيۈلگىنىڭگە . كۈلۈپ ئالغىن قاقاھلاپ راسا ، چىن ۋاپاغا كۈمۈلگىنىڭگە . يۈلەن ماڭا ، يۈلەنگىن گۈلۈم ، ھوزۇر ئالغىن سۆيگۈ مېھرىدىن ، ھەمدەملىكتە ئۆتسەم سەن بىلەن ، بەخىت نۇرى ئۆچمەس چېھرىمدىن . 10 قەلبىم ساڭا لاۋدۇر ، لاۋا ، ساڭا جاندىن كۆيگىنىم كۆيگەن . مېرىڭ ماڭا ھاۋادۇر ھاۋا ، سېنى جاندىن سۆيگىنىم ، سۆيگەن . چېڭىپ باردى يۈرەكنىڭ رىشتى ، سىنىڭ بىلەن ياشىغانسېرى . ئاۋۇپ كەتتى ئاشىقلىق ئوتى ، يىل ئۆمۈرنى قاسىغانسېرى . ئايلاندۇردى بىزنى كەچمىشلەر ، يىلتىزى بىر مەزمۇت چىنارغا . ياش چوڭايدى سۆيگۈ ياشاردى ، ئۆزگەرمىدۇق قەلبى بىمارغا . گۈلۈم سىنىڭ مەۋجۇتلۇقۇڭدىن ، مەۋجۇت دۇنيا ، مەۋجۇت كائىنات . سەن بولغاچقا مۇشۇ جاھاندا ، مىنىڭ ئۈچۈن گۈزەلدۇر ھايات . قانداق بۇلۇپ كىتەتتۇقكىن تاڭ ، كۈيۈشمىگەن بولساق ئەگەردە . سۈرەلمەيتۇق بەخىت پەيزىنى ، سۈيۈشمىگەن بولساق ئەگەردە . رەھمەت سىنىڭ تۆرەلگىنىڭگە ، تۇغۇلۇپسەن پەقەت مەن ئۈچۈن . مەن يۈرىمەن ئىككى ئالەمدە ، پىدا ئەيلەپ جاننى سەن ئۈچۈن . ئاپتۇرى -- مۇساجان يۇنۇس . مەنبەسى - مۇساجان يۇنۇسنىڭ _ئەي ئادەملەر _ دىگەن كىتابىدىن ئېلىدى .

tarim315

	قىزچاق سىز ئادەتتە نىمە ئىش قىلىسىز .   شېئرمۇ يېزىپ قويامسىز نىمە .

muxtak

	سۆيگۈ ئارخىپى ؟         قەدەملىرىمنى ئاستىلىتىپ ، كەينىمگە قارىدىم ، ئۇ يەنىلا پەرۋاسىز ئۇزاپ كېتىۋاتقاندەك ...  بەلكىم ، كەينىگە بۇرۇلغۇسى باردۇر ، لىكىن ....     ئۇنى بۇرۇلۇپ قالسا ، باشقىچە ئويلاپ قالمىسۇن دەپ ، تاكى قارىسى يۈتكىچە قاراپ تۇردۇم ... ئەپسۇس، ئۇنىڭ دوقمۇشقا يەم بولۇشى ، غايىلىرىمنى ھەسرەتكە قۇل  قىلدى

卍Ｌife

	مۇساجان يۇنۇسىنىڭ (ھەي ئادەملەر) ناملىق شېئىر كىتابى ياخشى چىققان جۇمۇ . تىما يوللغۇچىغا تەشەككۈر.

umak88

	نىمە ئىش قىلدىغان ئادەمگە ئوخشاۋاتىمەن ، سىزنىڭچە ؟

turpan0995

	بېشىنى ئوقۇپ مېنى داۋاتامدىكىن دەپ قاپتىمەن تېخى ئەسلى بىر ئەر كىشى يازغان شئېىر كەنغۇبۇ  [s:150]  [s:150]  [s:160]  [s:160]  [s:160]  [s:160]  [s:173]  [s:173]  [s:173]  [s:173]

umak88

	ھا.....ھا....كىلەر قېتىم سىزگە ئاتاپ بىرنى ئۆزۈم يازاي جۇمۇ ! چۇقۇم .....

musilina

	تۇرغۇن يىلتىزنىڭ ‹‹سۆيگۈ ئارخىپى›› ناملىق داستان،باللادا ،شېئىرىي چۆچەك توپلىمى نار ئىدى،مەن تېخى شۇ توپلامدىن ئېلىنغانمىىكن دەپتىمەن.... ئادەمنىڭ دىلىغا ھوزۇر بېغىشلايدىغان ئېسل شېئىركەن...مۇشۇنداق تېمىلارنى كۆپرەك يوللاپ تۇرارسىز..

turpan0995

	ماقۇل.! چوقۇم ھە ! ماڭا ئاتىغان تېمىڭىزنى ساقلايمەن.  [s:166]  [s:173]  [s:154]  [s:154]  [s:160]  [s:160]

umak88

	ماقۇل بۇلىدۇ ، ئەمما ئىلھامىم كەلگۈچە بەك ساقلاپ كىتەرسىزمۇ ھە !

bikara520

	پاھ! بۇ شىئىر ھەقىقەتەن ياخشى يېىزىلىپتۇ دىسە ، مىنىڭ كوڭلۈمدىكى گەپلەرنى قانداق بىلىۋالغاندۇ ھە! خى خى .....رەھمەت سىزلەرگە ، داۋاملىق گۈل قوللۇرۇڭلاردىن ياخشى لىرىكىلارنى ياغدۇرغايسىزلەر.